الحلقة الثانية من حوار جامد جدا مع فلورندا

اشكرك بجد يا ضياء انت اكيد ملكة المنتدى وكفاية ذوقك ورقتك يا اجمل الملكات وانا سعيدة جداااااااااااااااا ان رئيس المنتدى بالطيبة والحكمة والاخلاق دى ربنا يخليكى لينا يا اجمل ملكة فى الدنيا .
اما بالنسبة لفارس فأنا اكيد مش زعلانة على تأخيرك فى الرد خالص والحمد لله انك رجعت بالسلامة وتكون ان شاء الله كل ظروفك تمام وبخير وماشاء الله على اجاباتك يا فارس هايلة رغم انى اول مرة احس انك دبلوماسى قوى فى الاجابات بس الصدق والاخلاص اللى فى كلامك طغى على حبتين الدبلوماسية اللى موجودة بجد هايل وانا سعيدة جدااااااااااا بحوارى معاك وفعلا كانت تجربة اقدر اقول عليها ناجحة بيك انت وكيلر وبمشاركة الاعضاء الجمال اللى ادونا رأيهم وشجعونا طول ما الحوار شغال احب اشكرهم جدا وشكل كيلر مش عاوزة تجاوب بسرعة علشان محدش يدخل ويسألها بس متخفيش يا كيلر كلنا معاكِ وانا معاكِ واوعى تخافى لان كلنا بنحبك وربنا يطمنا عليكِ يا قمر وان شاء الله تكونى بخير.
كل سنة وانتم طيبين .
احلى سلالالالالالالالالالالالالالام .
فلورنديتا.

اعزائى المشاهدين وصلتنا اخر الاخبار عن العضوة كيلر بانها تعانى من عدة ازمات وقد افاد الكومسيون الطبى بأن النت لديها يعانى من عدة امراض مزمنة يصعب علاجها الا وهى: scratch

1_تصلب فى شرايين الوصلة الخاصة بالنت . silent

2_التهاب حاد ومزمن فى مفاصل جهاز الكمبيوتر. pale

3_حالة عامة من التهييس والتهنيج والهذيان والحمى الشديدة . bounce

وعلى هذا نرجو من السادة الاعضاء الدعاء بالشفاء والرحمة للنت وان يتغمد الله الفقيد برحمته ولكِ يا كيلر خالص عزائنا وان شاء الله ربنا يعوض عليكِ يا دكتورة انتى اكيد بذلتى كل ما بوسعك لانقاذه بس دى ارادة ربنا . Sad

ولذلك سوف نفتح الباب لتقبل العزاء عفوا الاسئلة وان شاء الله كيلر لما تتجاوز هذه الصدمة هتدخل ترد على كل الاسئلة واه فارس يسد ويجاوب لحد ما كيلر ترجع بالسلامة ان شاء الله
ودعوتكم معانا .ونقدم لكم اغنية كان بدرى عليك عليك بدرى . Crying or Very sad

وان لله وانا اليه راجعون.

فلورندا.

هههههههههههههههههههههههههه

جميل اوووووى يا فلورمداا موضوع البرد السعال
وان شاء الله تتعالج كيلر منه

سلام

لالالالالالالالالالالالالا مش كيلر يا فارس دا الجهاز بتاعها بعد الشر عليها هى وفداها كل حاجة المهم انها ترجع بالسلامة وربنا معاها ويوفقها ان شاء الله.
وممكن نقفل الحوار على كده ويكون ان شاء الله فى بقية لما الظروف تتحسن معاكم والحمد لله انها جت على قد كده (ولعل الخير يكمن فى الشر).
احلى سلالالالالالالالالالالالالالالام .
فلورندا.

ان شاء الله خير يا فلورنداا وترجع بالف سلامه

السلام عليكم و رحمة الله و بركاته

أنا بتأسف لكم يا جماعة بس الظروف

النت كان وحش خالص و كمان كان فيه حاجات كتير لازم أعملها فاعذروني

و هرد إن شاء الله على كل الأسئلة بعد إذن فلورا عشان أنا ما أضمنش النت و لا الظروف تاني

بسم الله نبدأ

السؤال الأول :عاوزة من فارس وكيلر تقييم للحوار وهل كان الحوار بالنسبة لهم ممتع ولا شاق ولا إيه انطباعهم عنه بالظبط ........؟وياترى استفدتم منه إيه وهل ضاف لكم شيء جديد يعنى عرفتم حاجة جديدة عن نفسكم مكنتوش تعرفوها قبل كده؟

الحوار كان ممتع جدا و أحيانا شاق وعالعموم هو ممتع و جميل جدا لينا قبل أي حد فيكم

أنا عن نفسي فيه أسئلة خلتني فعلا افكر في حاجات كتير زي سؤال أسعد المواقف و أسوأ المواقف اللي أستاذ فارس سالهولي

السؤال الثاني: يا ترى إيه اللي لسه مش نعرفه عنكم وتحبوا تقولوه لنا عن نفسكم ؟

لا ما فيش جديد

انا عادية خالص زي اي حد ممكن تقابلوه في أي وقت و في كل مكان

السؤال الثالث: لو قلنا لكم اختاروا عضو نفسكم تسألوه سؤال معين يا ترى مين العضو ده؟وسؤال إيه اللي نفسكم تسألوه لهذا العضو؟

هختار نور

و بعد إذنها أنا عاوزة أسأل

موقف أهلها من خطوبتها كان إزاي

خصوصا إنها سنها صغير

يعني ما قالوش بدري و بعدين رجعوا غيروا رأيهم و للا من الأول وافقوا و للا إيه بالظبط ؟؟

_مين العضو اللي بتستنا نقده من المنتدى؟ومين الشخص الموجود في حياتك اللي بتخاف من نقده ؟وياترى ليه؟ومين العضو اللي أنت مبتحبش تقرا تعليقه أو تسمع نقده؟

طبعا إنتي يا فلورا بستنى نقدك جدا جدا و نور كمان

الشخص اللي موجود في حياتي بخاف من نقده مش موجود لأني بحب أسمع النقد كله و بسمعه كمان بدون إبداء أي انفعالات مهما كانت

بس ممكن تقولي في ناس كده بتحاولي تعملي أحسن حاجة عندك عشان نفسك يعرفوا إن انتي طلعتي أحسن ما عندك

و دول طبعا أهلي و الناس اللي بحبهم قووووووووي

مفيش أي عضو أنا ما بحبش أقرا تعليقه

لأني عاوزة أعرف شخصيات الناس

و زمان قالوا

تكلم و دعني أسمعك .. أعرف من انت

و النقد أنا قلت رأيي فيه قبل كده

أنا صدري أرحب ما يكون لكل النقد البناء البعيد كل البعد عن التجريح

عشان التجريح مهواش نقد

_يا ترى في رأيكم الشخصي هناك تعارض بين الخوف والقوة عموما؟وبالنسبة لشخصياتكم انتم يا ترى علاقة الخوف والقوة جواكم شكلها إيه ومدى اتفاقها واختلافها ونسبة الخوف والقوة كلا على حده بتمثل كام في شخصيتكم ؟يعنى نسبة القوة أعلى من الخوف ولا الخوف أعلى من القوة؟

لا

مفيش تعارض أبدا بين الخوف و القوة

قريت في روايه ما لأحمد خالد توفيق كلام معناه ان اللي بيخاف حاجة من اتنين يا مجنون يا مش بشري

و أنا رأيي غنه لازم البني آدم يخاف

طب لولا خوفنا من نار ربنا – أينعم و رغبتنا في الجنة بس الخوف موجود – كنا صلينا و صمنا و اتبعنا الدين؟؟

علاقة الخوف بالقوة بسيطة جدا

الخوف بيؤدي للقوة لأن الإنسان بيحاول يبذل كل ما يستطيع عشان يهزم خوفه

أنا عن نفسي أعتقد

القوة أعلى من الخوف

أحط لكم دول عقبال ما أكمل عشان هنخرج دلوقت

معزومين عالفطار عقبالكم

أشوفكم على خير إن شاء الله

سلام

عدنا

نكمل بقى بقيت الإجابات و لو إني حاسة إن مفيش حد مهتم

رمضان بقى و الناس مصدعة خلقة

يللا

ما علينا

بسم الله الرحمن الرحيم

_إيه الوقت اللي حسيت انك زعلان بجد من الدنيا ساعتها؟وليه ؟

ياااااااااااااااااااااااااااااااااه

أوقات كتير قوي

غالبيتها قلتها في المواقف السيئة اللي مرت بيا

ربنا ما يعيدها يا رب

_يا ترى إيه الموقف اللي مريتم بيه أو شاهدتموه في الحياة عموما ورسم على وجوهكم اغرب تعبير ؟

ههههههههههههههههه

مش هتصدقوا

فاكرين في كاس الأمم الافريقية لما كابتن حسن شحاتة كان بيغير ميدو بعمرو زكي ؟؟

ساعت ما ميدو قعد يشتم في حسن شحاته

ساعتها كان خليط غريب من الدهشة و الفرحة

دهشة من سلوك لاعب المفروض إنه محترف برا و عارف يعني إيه انصياع تام لأوامر المدرب

و فرحة عشان أنا كنت عارفه إنه مش هيتحفنا بلعبه تاني في البطولة دي

أصلي بيني و بينكم ما بحبهوش سواء على المستوى الشخصي أو الفني

_إيه اكتر أغنية بتحبوا تسمعوها جدا؟وبتفكركم بأية ؟

أغاني كتييييييييييييير

الأيام الحلوة لإيهاب توفيق مثلا .. بتفكرني بكل حزن عدا عليا في حياتي

لعبتك لمجد القاسم .. بتفكرني بكلمة اتقالت لي

انتي فاكرة الناس لعبة في إيدك و للا إيه تفرحي بيهم في الأول و لما تزهقي منهم ترميهم

هيرو لإنريكي إجليسياس هيا و تايتانيك لسيلين ديون بيفكروني بواحدة صاحبتي قوووووووووووي من زمان بس للأسف افترقنا هيا في بلد و انا في بلد أهو

بسلم عليك لمصطفى قمر .. بتفكرني دايما بماما و بابا لما بيكونوا مش هنا عشان كده هي رنة بابا

بسلم عليك علشان لاقيتك مرة واحدة وحشتني

بسلم عليك

ده انت اللي كان حضنك زمان بيضمني

صعب عليا أداري حنين

عاش جوايا بقاله سنين

نفسي أطمن بيك يا حبيبي و لو مش جنبي أجيلك فين

بكتب اسمك لفيروز

و أغنية تانية اسمها و أقول لِك إيه لمنشد غسمه مصطفى محمود بيغنيها لمراته

و فيه أغاني تانية كتير و كل واحدة منهم ليها حكاية بس هو ده اللي على بالي دلوقت

إيه اكتر آية قرآنية حسيتوا أنها غيرت شيء في حياتكم بجد ؟وإيه اكتر آية لو سمعتوها تبكوا أو تتأثروا بشكل غير طبيعي ؟وياترى استعديتم لرمضان ازاى؟

- أكتر آية غيرت شيء في حياتي ( و إدفع بالتي هي أحسن فإذا الذي بينك و بينه عداوة كأنه ولي حميم )

بس طبعا مع اللي تحس انهم يستاهلو و ممكن يتغيروا

غير كده ( لا يلدغ المؤمن من جحر مرتين )

- أكتر آية لو سمعتها أبكي ( يوم نقول لجهنم هل امتلأت و تقول هل من مزيد ) مش مكفيها اللي فيها

و آية ( و التفت الساق بالساق ، إلى ربك يومئذ المساق )

عموما أي آية عن النار و الموت و العذاب في اي حاجة منهم بتبكي

- استعدينا لرمضان إزاي .. بصراحة إن أنا قررت أحاول أختم القرآن على الأقل مرتين

و ربنا يعين

الدراسة ... شر لا بد منه بالنظام اللي إحنا بنتعرض له ده

الأهل ... الناس الوحيدة اللي ممكن تثق فيهم ثقة مطلقة عمياء و تحس معاهم بالأمان

الحياة ... محيرة و متعبة لأقصى الحدود

الحب ... أجمل حاجة في حياة الكل

الدموع ... ضعف

الصداقة ... أخوة غير مرهونة بالدم بس لو تم تقديسها

المنتدى ده ... ربنا يخليهولنا كلنا و يوفق الأدامن ( جمع أدمن ) بتوعه

ههههههههههههههه

حلم العمر ... زمان كان إني أبقى أول رائدة فضاء عربية مصرية تطأ سطح القمر

طبعا ده قمة في الجموح

دلوقت أبقى دكتورة شاطرة قوي و أشتغل في مجاهل أفريقيا

لو حد فيكم يعرف د . علاء عبد العظيم بطل سلسلة سافاري للمبدع د . أحمد خالد توفيق

هيفهم قصدي

أحلى سؤال إتسالته ... هو انتي مصرية ؟؟؟

مرة من ظابط الجوازات السعودي عشان كنت بكلمه سعودي بطلاقة

و مرة من واحده من صحباتي الماليز عشان كنت بكلمها انجليزي بطلاقة برضه

ههههههههههههههه

أصعب سؤال إتسالته .... أمممممممممم

ههههههههههههههه

لا بلاش ده

فلورندا ... نشيطة مبدعة خلاقة و روح المنتدى

فياريت اعرف رايك بصراحه يعنى تحليل للشخصيه بتاعتى بدون بكش ومجاملات
وبجد هاحترم رايك

طبعا هرد عليكي يا قمر

انتي تؤمريني

و انا طبعا ما أعرفكيش قوي لأني يا دوب بس بقرا ردودك و ما اتكلمتش معاكي كتيييييييييير و مش عاشرتك

المهم

أنا لاقيتك بتحبي تتعرفي عالناس و تعملي صداقات

و طيبة قوي

و بتخافي على مشاعرهم و بتحبي اصلاح ذات البين و توضيح وجهات النظر

فاهماني طبعا

لا علاقة لك بالتاريخ و لا الأدب و لا السياسة و لا القراءة بصفة عامة

ليه يا هانم ؟؟ ( هو ده تسييح ؟؟ لو تسييح قوليلي يا بت آخد بالي المرة الجاية )

دمك خفيف و بنت نكتة

ربنا يخليلك بنتك و لا يحرمك منها أبدا

نوووووووووووور حبيبة قلبي

ربنا يخليك و يخليلي إجاباتي اللي عجبتك قوي دي

عالعموم لو كان عالعصبية و نفسك تشوفيها

نوروهالك يا شااااااااااابة

مين اكتر حد بتستريحي معااااااااااه ؟؟؟؟؟؟؟؟

بجد بجد هما تلاتة

اللي بحس إني بتكلم مع ننفسي لما بكلمهم

و ببقى فرحانة قوي
الأولانية صاحبتي اللي قلتلكم عليها و افترقنا دي

و رقم اتنين تقريبا في سبيلنا للفراق

و رقم تلاته تقريبا افترقنا

مين اكتر شخصية في المنتدي دا انتي ماتعرفيهاش حقيقة وتتمني تعرفيها ؟؟؟؟؟؟؟؟؟؟؟؟

كتيييييييييييييييييييير

لو عديت مش هخلص

البنات اللي هنا أصلهم كلهم زي العسل

بس لما نتفق على مكان اللقاء بس

و أنا هعرفكم كلكم إن شاء الله

لو قابلك في يوم وانتي ماشية
بحر
وبعدن بسيطتي لقيتي طالعلك من البحر
سمكة
ووجئتي بعدها ان السمكة بتبرقلك وبتطلعلك حاجه من بؤها
الحاجه دي

خاتم سليمان

هاتعملي بيه ايه
؟؟؟؟؟؟؟؟؟؟؟؟؟؟؟

إيه اللفة دي كلها يا بنتي

فيها إيه لو كان السؤال

لو قابلك خاتم سليمان هتعملي بيه إيه

؟؟؟؟؟

و للا هو الإيجاز مغضوب عليه

و الإطناب إشطه عليه

و بعدين هو انا يعني كنت رحت بحر السنة دي

و لو السمكة برقت أنا هخاف و أجري

و لو فضلت واقفة و طلعت حاجة من بقها

هقرف و أمشي

فرضا بقى تغلبت على كل العقبات دي

ساعتها بقى

هطلب منه إنه لو كان هناك عدد معين من الأماني ينسى الموضوع ده خالص

و ينفذ لي كل اللي أنا عاوزاه بقى

هههههههههههههههههه

يللا بقى

أرجو أكون جاوبت إجابات عند حسن ظن حضراتكم

سلاموز يا شباب

أنا لاقيتك بتحبي تتعرفي عالناس و تعملي صداقات

و طيبة قوي

و بتخافي على مشاعرهم و بتحبي اصلاح ذات البين و توضيح وجهات النظر

فاهماني طبعا

لا علاقة لك بالتاريخ و لا الأدب و لا السياسة و لا القراءة بصفة عامة

ليه يا هانم ؟؟ ( هو ده تسييح ؟؟ لو تسييح قوليلي يا بت آخد بالي المرة الجاية )

دمك خفيف و بنت نكتة

وانا احترم رايك ياكيلر

السلام عليكم ورحمه الله وبركاته

اهلا يا كيلر واهلا يا فارس

بجد برافو عليكم الحوار حلو قوى

وانا هرد على سؤال كيلر بالنسبه لخطوبتى

يا سيتى اهلى ما عارضوش ابدااااااااااااااا

لما خطيبى اتقدم لى

لانه اصلا ابن خاله ماما

وهم اللى اقنعونى انى اوافق

وانا بصراحه ما قولتش لا

لان خاله والدتى دى انا كنا بمووووووووووووت فيها

كنت بعتبرها امى بجد

وكمان لانهم كانوا شايفين ان هو ده الانسان اللى

بجد هيعرف يتعامل معايا وهيفهمنى

وانا كمان هقدر افهمه

اما بقى عن اننا ممكن نكون يعنى

استعجلنا او ان الموضوع جه بسرعه او بدرى

فده لان خالتى -خاله امى -كانت عايزه تفرح بيه بدرى

بس للاسف هى توفت قبل الخطوبه

ويمكن ده اللى خلانا عجلنا بيها بعد كده

ارضاء لرغباتها.

ربنا يرحمها ويرحم اموات المسلمين اجمعين

ياريت اكون قدرت اقولك اللى انتى عيزاه يا قمر

لا اله الا الله

اية دا كيلر
متالقة والله
اجاباتك بجد عسسسسسل
وفعلا الحوار معاكي ممتع جدا جدا جدا

وفلورندا
تالقتي والله يابنتي

وفارس كمان
رائغ

واحب اجاوب السؤال بتاع فارس
احنا عاملين المنتدي دا لييييييية
طبعا السؤال دا يقدر يجاوب عليه اي عضو من اعضاء المنتدي لاننا كلنا بجد واحد
وجوابي انا اننا نبقي كلنا اسرة مع بعض
وكون صداقة جامدة عالنت
يعني نقدر نفرح مع بعض نحزن مع بعض
وطبعا كلنا هنا اسرة مع بعتينااااااا علي راي كريم عبدالعزيز

اما من حيث الشهرة
فانا الحمد لله
ماحبهااااش دلواتي خالص عالاقل
كل شيء باوانه

وبجد شكرا لسؤالك اللي زي العسل دا يا فارس

سلام

انا شايفة ان الموضوع سخن نار وانا فى منتهى السعادة من المشاركات الرائعة دى وبصراحة انا مش عاوزة اقفل الحوار دا ابدا فى حد يسيب اعضاء زى السكر ومتفاعلين كده ويختم وعلشان دمكم اللى زى العسل ده انا النهاردة هاخدكم رحلة لعشر سنين قدام استعدواااااااااااااااااااااااا.
فى مبنى الاذاعة والتليفزيون سنة 20017 واول مكتب على ايدك الشمال ست بلدى جداااااااااااااااااااااااا بتسأل على مكتب مقدمة البرامج اللى اسمها فلورندا.
الست البلدى:هى فين هى فين اللى اسمها فرويدا دى يا مين يطولنى على زمارة رقبتها اكلها بسنانى .
فلورندا:خير يا ستى فى ايه يا ساتر يارب خناقة على الصبح .
الست البلدى:انتى يابت اللى اسمك فرويدا.
فلورندا:هههههههههههههههههه فرويدا انا يا ستى اسمى فلورندا ثم دى كلها وبت حرام عليكِ يا حجة .
الست البلدى: حجة دا ايه يا روح خالتك اسمعى يابت انا بقولك من دلوقتى اهه البرنامج بتاعك ده تبطليه خالص والا مش هيحصلك كويس انتِ قلبتيلى دماغ الراجل .
فلورندا:حتى انتِ كمان عاوزانى ابطل البرنامج طيب الكبار وعرفنا منهم السبب مش عاوزين يقوموا من على الكراسى وخايفين عليها قوللى بقى انا علاقتى ايه بجوز حضرتك هو سياسى ولا ورجل اعمال ولا تبع ايه بالظبط.
الست البلدى: لا يا حبيبتى انا جوزى وبلا فخر سباك قد الدنيا وتقدرى تقولى علينا محدودى الدخل ميسورين الحال.
فلورندا:هههههههههههههههه طيب وانا علاقتى كده بالموضوع انا مش فاهمة حاجة خالص ثم انا اول مرة اسمع (محدودى الدخل وميسورين الحال)هههههههههه طيب يا ستى لما انتى بسم الله ما شاء الله متجوزة سباك انا داخلى ايه بالموضوع ده دا انا بقدم برنامج للفكر ولبناء المجتمع وبحاول اعمل حالة من التمرد على الاوضاع الحالية بأستخدام الطاقات الشبابية المهدورة فى الضياع.
الست البلدى:ايه.... scratch

.....

....

.اه هو انا يعنى اكيد عارفة انك تقصدى ايه بس معلش لسه مشربتش الشاى بتاعى فتلاقينى مش مركزة بس عموما انتى لازم تبطلى البرنامج ده والا هطلق.
فلورندا:انا خلاص قربت اتجنن مش فاهمة حاجة ايه علاقة برنامج زى ده بيكِ انتى وجوزك بس الله ما شاء الله ولا انتم شباب ولا رأسمالين ولا لكم اى علاقة بالسياسة ممكن تتبعونى اه بس انا ادخل فى حياتكم لدرجة الطلاق اه ده اللى هيجننى ارجوك فهمينى.
الست البلدى:اصل مرة كنا قاعدين انا وسى الاستاذ بنتفرج على التليفزيون وامى زى العادة قعدت تعكنن على سيد جوزى وكل ما يجى يتكلم اقوله استحمل دى حماتك يعنى قدرك يا اخويا ومكتوبك ودى حكمة ربنا واحنا ملناش يد فيها فضلنا على الحال ده والراجل ربنا هاديه وساكت لحد يا اختى ما سمعك مرة فى برنامجك بتقولى قال ايه (احنا اللى بنصنع قدرنا مش قدرنا هو اللى بيصنعنا) لقيت الراجل قام شايط وطرد امى من البيت وحلف عليا يمين طلاق لو اتكلمت احصلها وانتى السبب يا مفتريه منك لله بقولك ايه هتبطلى البرنامج ده وتغيرى الكلمتين اللى اتنيلتى وقولتيهم ولا مش هيحصلك طيب .
فلورندا:ههههههههههههههههههههه ههههههههههههههههههههه هههههههههههههههههههههههههههههه
انتى يا ستى جاية تهزرى معايا عاوزانى ابطل اشكل وعى جيل بأكمله علشانك انتى وجوزك وامك دا مستقبل بلد مش لعب عيال علشان تيجى انتى وغيرك تقولولى اقول ايه ومقولش ايه واتفضلى مع السلامة والا هنده الامن والله جوزك ليه حق يخلص منك .
الست البلدى: Twisted Evil

بقى كده طب قبل ما يجى الامن بقى هكون انا عرفت شغلى معاكى بقى جوزى عنده حق يا بنت ال..................... طراخ طيخ طوخ. pirat

فلورندا:اى الحقوووووووووووووونى هتموتنى الحقووووووووووووووونى اى اى اى . Suspect

اتمنى انها تكون رحلة خفيفة شوية عليكم كانت معكم مراسلتكم من منتدى علشانك يا قمر من مستشفى القصر العينى عنبر الحالات الحرجة والى اللقاء فى حلقة اخرى ان شاء الله.

شكرا عالاجابة يا نور
و ربنا يرحمها يا رب و
إن شاء الله نفرح بيكم جميعا

خوخه
أسرة مع بعتينا

بلاش الكلمه اللي بعديها
ههههههههههههههههههههههه

[color=blue]

كنت سعيدة بيكم جدااااااااااااااا استمتعت معاكم على مدار اسبوعين او اكتر كانوا من احلى ايامى فى المنتدى قربنا كلنا من بعض اكتر وبعتبرها كانت تجربة ناجحة جدااااااااااا بيكم وان شاء الله نكمل بعد رمضان ويكون معانا ضيوف جدد من الاعضاء الجامدين جداااااااااااااا انا بشكر كل الاعضاء اللى شاركوا معايا وكنت فى منتهى السعادة وانا بعيد قراءة مشاركتكم بجد شكرا لكم جميعا ونلتقى بأذن الله على خير بعد رمضان .
اشوفكم بخير ورمضان كريم وللجميع منى .
احلى سلالالالالالالالالالالالالالالالالام.
فلورندا.

[color:7351=blue:7351]

» الحلقة الثانية (ملكة الجاسوسية)
» حوووووووووار جامد مع فلورندا
» امتحانات الفرقة الثانية اعلام
» عيد ميلاد hanan media
» الحلقة الاخيرة من (ملكة الجاسوسية)