الحلقة الثانية من حوار جامد جدا مع فلورندا

أهلا ومرحبا بكم في ثاني حلقات برنامجكم حوار جامد جدااااااااااااااااااا مع فلورندا وأسبوع تقدروا تقولوا عليه نااااااااااااااااااااااااااارى جدا والمفاجأة اللي أنا محضراها إن ضيف الأسبوع ده مش عضو واحد لا دول اتنين العضو الأول عضو مميز جدااااااااااااا ومحبوب جدا مغرق المنتدى بموضوعات هايلة ولأننا منتدى بنقدر أعضائنا فبكل حب اخترناه ليفوز بلقب أحسن عضو طبعا كلكم عرفتوا أنا اقصد مين معانا العضو المميز جدا / فارس الرومانسي .
ومعانا ضيفة أثارت الجدل حولها مشاغبة جدا أرائها نارية ناقدة رائعة وكاتبة قصة من الدرجة الأولى طبعا العضوة هي / كيلر
أحب أرحب بضيوفي أهلا يا فارس أهلا يا كيلر هنبدأ سوا الحوار بس برجاء إتباع التعليمات
ملحوظة هامة جدا:نستأذن السادة المشاهدين بان الحوار سيكون بين الضيفين ولن يتم استقبال اى سؤال إلا بعد فتح باب الأسئلة للمشاهدين أما بالنسبة لإبداء أرائكم في الحوار نفسه فسوف تسعدنا مشاركتكم جدا ولكن رجاء تأجيل الأسئلة للضيفين في ميعادها .
ونبدأ معاكم الحوار مستعدين.....................................؟
هطلب منك ِ يا كيلر تدخلي حالا تسألي فارس 3 أسئلة تقدري تحددى منها شخصية فارس برجاء يا فارس انك تلتزم الإجابة على أسئلة كيلر بإجابات كافية لان هطلب منها أنها تحدد شخصيتك من خلال أجابتك بعد إجابة فارس يا كيلر هطلب منك انك تحللي شخصية فارس تحليل مبدىء لانى في نهاية الحوار ككل عاوزة يكون واضح للجميع مين هو فارس؟ ومين هي كيلر؟
اتفضلى يا كيلر ابدىء أسئلتك .

السلام عليكم

**********

ازيك يا حاضره المزيعه فلورندا والله مفاجئه سعيده جدااااااااااااااااا

واشكرك يا فلورنداا على الكلام الجميل فى بدا الحلقه

وانا طبعا ليه الشرف لما اعضاء المنتدى يسئلونى وخصوصا الدكتوره كيلير

وان شاء الله انا تحت امركم فى اى سؤال وانا جاهز بالاجوبه

اوك

شكرااااااااااااا يا فلورندااااااااا على هذا اللقاء بس بجد انتى تنفعى مزيعه شاطره اوووى

سلام

ولا اله الا الله

محمد رسول الله

فــــــــــــــــــــــــــــــــــــــــــــــــارس

أولا :

السلام عليكم و رحمة الله و بركاته
و أنا أقول البت فلورا باعتالي لينك في أوف لاين ليه
أتاري و كمبيوتر بقى

ثانيا :
فين بس المشاغبة و إثارة الجدل دي
حررررام عليكي الظلم ده
و شكرا على كلامك الجميل في حقي يا أحلى فلورا

ثالثا :
ده أنا اللي ليا الشرف أسأل أحسن عضو في المنتدى يا أستاذ فارس

رابعا :
نبتدي بالأسئلة بقى :

تلات أسئلة عن الشخصية .....
و معلش لو طولت على حضرتك يا أستاذ فارس ..

- ما هو مفهومك الشخصي عن الاعتزاز و الاعتداد بالنفس ؟؟ و هل ترى زيادة الصفة دي طريق يفضي إلى الغرور؟؟ و هل يمكن أن نعتبر كتابتك لاسمك في نهاية كل تعليق دليل على تمسكك بالاعتزاز ده و للا غرور ؟؟

- إيه رأي حضرتك في الشغل بجانب الدراسة سواء كان ده خلال العام الدراسي او في الأجازة ؟؟ و هل سبق أن توفرت لك فرصة إنك تشتغل سواء كان ده في الصيف ده أو في أي صيف قبله ؟؟ و لو كان ده حصل فعلا إيه اللي انت استفدته بجد - عاوزة رأي حضرتك إنت مش كلام الإنشاء اللي بيقولوه في التلفيزيونات - ..

- لو حد طلب من حضرتك توصف له شخصيتك من عدة نواحي ..
يا ترى
حضرتك هتحط صفات إيه في خانة القوة و صفات إيه في خانة الضعف و صفات إيه بتحبها في نفسك و صفات إيه بتكرهها في نفسك ؟؟

معلش طولت على حضرتك

سلام

وااااااااااااااااااااااااو ايه الاسئلة الجامدة دى.
ازيك يا ابو الفوارس ربنا معاك يا بطل ويارب تكون الفكرة عجبتك والمفاجأة كمان تكون عجبتك ربنا يسمع منك وشكرا على الكلمتين الحلوين دول بس بعد اذنك انا هروح اقف هناك وادعيلك انك تجاوب على الاسئلة وانت وشطارتك ربنا معاك.
بس قبل ما امشى لازم اقول لكيلر منورة الدنيا واسئلتك تحفة بجد ويارب الفكرة تكون عجبتك وعجبت اعضاء المنتدى ونقدر باذن الله اننا نفذها صح .
فى انتظار اجابة فارس ومتقلقش يا ابو الفوارس هيجى عليك الدور فى السؤال وتخلص حقك بس لما تجاوب الاول يارب تجاوب بسررررررررررررررررررعة.
علشان نكمل بقية الحوار. scratch

طبعا يا بنتي انا منورة

و طبعا الفكرة عجبتني
و الا ما كنتش شاركت من الأساس
و انا مستعده لأي سؤال

عجبتني جدا الفكرة

بجد فكرة رائعة وتقديمك لها اكثر من رائع

ممتاز يا فلورندا

وعلي فكرة ما تأمنيش لكيلررررررررررررررر

وفي معادلة صعبة جدا جدا هاتحقق دلوأت

كيلر + فلورندا=
خبطة جامده

الي الامام
بس ماتزوديش عن اتني بعد كده
اوووووووووووووك؟
علشان نعرفو نركزو

سلام
وانتظريني يا كيلررررررررر
وراكي وراكي

هههههههههههههههههههه ضياء رأيك عجبنى جدااااااااااا وكلامك هايل بس المعادلة ناقصة حتة صغيرة .فلورندا +كيلر =خبطة جامدة وربنا يستر هههههههههههههههههههههه
ادينا بنسلى نفسنا لحد ما توصلنا اجابة فارس .
الملكة ضياء:نورتى الدنيا ونورتى المنتدى ونورتى الحوار شكرا لانك قلتى رأيك وكيلر كده كده هتمسك وهنهريها اسئلة قريب جدااااااااااااااااا هي وفارس وانا بجد سعيدة ان الفكرة عجبتك الحمد لله والله انا كنت مرعوبة من رد الفعل للاعضاء بس الحمد لله انها عجبتك وان شاء الله لو فى اى فكرة جديدة هنزلها او متاكد منها رغم انه فى فعلا والفكرة خاصة بقسم الطب وبما انك دكتورتنا فأنا هقولك عليها ويارب تعجبك ان شاء الله فى اقرب فرصة.
احلى سلالالالالالالالالالالالالالالالالالالالام لاحلى ملكة.
فلورنديتا.

ياسلام

ياتري ايه الفكرة الخاصة بطب

معقول هانعمل الحوار في المشرحة

ولا اللي هايغلط هايتشرح ؟؟؟؟؟؟؟؟؟؟؟؟؟؟؟

ههههههههههههه

انا في انتظار الفكرة الجديدة

انا وكل تلامذة طب اكيد

في انتظار حوااراتك يا فلورندا

سلام

ههههههههههههههههههه فى المشرحة لالالالالالالالالالالالالالالا انا مستحملش ابدا.
الفكرة هعرضها عليك الاول بينى وبينك ولو عجبتك هنزل موضوع بيها بس لما نتكلم ونتناقش فيها الاول وبلاش استعجال.وعلى فكرة هى ملهاش علاقة بالحوارات خالص.
احلى سلالالالالالالالالالالالالالالالالالام.
فلورنديتا.

ايه الحوارات الجامدة دى انتو مقضينها كلام ومش عارفين حاجة عن ابو الفوارس الهمام اللى ربنا معاه ..............بجد الفكرة جميلة ولذيذة بس لما تكون الفرجة من بعيد ويا رب ميجيش الدور علينا ونتزنق كده
فرووووووووووته

بسم الله الرحمن الرحيم

**************

ايه الاسئله دى يا كيلر طيب انا اجاوب على اى سؤال الاسئله جميله اوووووووووووى

يعنى عيزانى اجاوب على كل الاسئله يلا انا هبدا اجاوب

اولا

انا مفهومى الشخصى بالاعتزاز بالنفس ان الاعتزاز بالنفس من الصغات التي تميز الانسان وانا فعلا الحاجة اللي تميزني هي اعتزازي بنفسي وماحبش حد ابدا يهني حتي لو علي حساب اي حد تاني وبرضة الصفة دي بتجرحني اقولك ازاي يا كيلر

عارفه يا دكتوره كيلر هذه الصفه بتخلينى اضعف ققولك ازاااى يعنى مثلا اختى الصغيره

بتغلط فيه وداا طبعا عيب اووووووووى فى حقى ومن المفروض انى اضربها بس ابويه

وامى مانعينى انى اضربهاا عارفه انا بعمل ايه انا بقعد ابكى وطبعاا البكاء داا عيب فى حقى

وطبعاا البكاء مش من صفه الرجاله لا من صفه الضعفاء

ياريت تكونى عرفتى يا دكتوره كيلر صفه الاعتزاز بالنفس عندى

*********************************************

اما السؤال الثانى

انى بكتب اسمى فى كل تعليق والله يا دكتوره كيلر انا عندى اعتزاز بهذا الاسم

وليست غرور والله

تصدقى انا بكتب اسمى وايميلى على المدرج بتاع الكليه ياريت اكون وضحت هذه الفكره

***********************************************

اما السؤال الثالث

الشغل بجانب الدراسه والله الشغل بجانب الدراسه كتير فى مصر مش بيشتغلو اساسا ولا

فى الدراسه ولا فى الاجازه قاعدين يقطعو بصل وابوهم بيصرف عليهم فى الدراسه وفى

الاجازه بس

طبعا الشغل داا مهم جداا فى الدراسه منك انك تصرف على نفسك وتكون راجل وتتعلم

امور الحياه والتعب والكفاح حتى تستطيع انك تربى وتعلم ولادك احسن تربيه

انا عن نفسى الحمد لله بشتغل فى الدراسه وفى الاجازه انا بشتغل فى شركه كمبيوتر

اما انا استفدت ايه والله انا استفدت حاجات كتيره اولا ان النعمه لم تاتى بسهوله بل بكفاح

وعمل وتعب وبعدين انا بكون سعيد اوووووى وبحس براحه كمان

****************************************************

اما السؤال الرابع انى اوصف شخصيتى من حيث القوه ومن حيث الضعف

القوه انا الحمد لله الحمد لله انا بحب الناس اااوى ومش بحب انى ازعل حد

وانا واعوذ بالله من كلمه انا بحب التسامح اوووووووى ومن الممكن ان تكون هذه

الصفه ضعف عندى لانها بتخلينى ققع فى مشاكل كتيره اووووووووى

وبتخلينى اسامح كل الناس مهما لو يكونو خائنين وكمان صفه الضعف عندى العصبيه

انا بتمنى من ربنا انها تبعد عنى هذه الصفه لانى باعمل مشاكل كتيره اووووووووى

مع الناس

************************************************

ياريت تكونى يا دكتوره كيلر عرفتى حاجه عن شخصيتى ويا ريت اكون وفقت معاكى

فى الاجابات وياريت مش تكونى زهقتى من كلامى

سلام

ولا اله الا الله

محمد رسول الله

فـــــــــــــــــــــــــــــــــــــــــــــــــــــــــــارس

اشكرك جداااااااااا يا فارس على اجابتك .
كيلر ياريت لما تدخلى عاوزة منك تحليل اولى (مبدىء) لشخصية فارس واظن انها شخصية واضحة جداااااااااااااااااااا من حيث البداية وحاولى تقولى كل حاجة وبصراحة علشان تحليلك هيتقيم فياريت تكون صريحة وجريئة .
فارس ياريت تحضر من دلوقتى 3 اسئلة عن شخصية كيلر بشرط انها تكون غير الاسئلة اللى هى سألتها لك ولو فى سؤال هى سألته ونفسك تسأله لها ممكن تسأله بس بصيغة اخرى لان التكرار مرفوض اول ما كيلر تخلص التحليل الاولى لشخصيك ياريت يا فارس تدخل تسألها الاسئلة فورا.
وياريت يا جماعة تشدوا حيلكم شوية لانى حاسة ان ايقاع الحلقة بطىء فأرجو منكم المتابعة المستمرة وشكرا.
احلى سلالالالالالالالالالالالالالالالالالالالالام.
king

فلورنديتا.

السلام عليكم

*********

ازيك يا كيلر وفلورندا انا عارف انى اتاخرت بس اسف كان عندى ظروف بس دلواتى انا الحمد لله ممكن اسال

السؤال الاول

ما هو اكتر يوم كونتى فيه سعيده اوووووووووى وكان نفسك اليوم دا يجى تانى واصعب يوم مر عليكى فى حياتك

السؤال الثانى

المنتدى دا يمثلك ايه وايه رايك فى بعض الاعضاء من حيث القوه والضعف

وهل من الممكن تتعرفى على ولاد من المنتدى بسهوله ولا

السؤال الثالث

من الممكن تعرفينى بنفسك اكتر وعن شخصيتك والصفات القويه والصفات الضعيفه فيكى

ولا اله الا الله

محمد رسول الله

فــــــــــــــــــــــــــــــــــــــــــــــارس

بسم الله الرحمن الرحيم

أنا اللي آسفة جدا على التأخير
بس معلش الظروف بقى

الإجابات بقى :

أكتر يوم كنت حاسة فيه إن أنا سعيدة قوي مش يوم واحد بس
هما أكتر من يوم بصراحة
أول يوم أما عرفت نتيجة الثانوية العامة و عرفت إني طلعت من الخمسة الأوائل على المملكة
يومها كنت فرحانة جدا و حاسة إن أنا عملت حاجة في حياتي
تاني يوم أما عرفت إن انا دخلت طب
أنا مش كنت فرحانة عشاني
لا كنت فرحانة عشان أنا عارفة إن بابا كان نفسه إني أدخل طب و أبقى دكتورة على الرغم من إنه عمره ما قال كده و لا أجبرني عليه
تالت يوم كان السنة اللي فاتت أما اكتشفت حقيقة ناس كنت فاكراهم وحشين و طلعوا كويسين جدا و هما كمان كانوا تقريبا بيبادلوني نفس الشعور ده و هما دلوقت من أعز و أحسن الناس عندي
ههههههههههههههههههههههه

أصعب يوم مر عليا في حياتي

هو غالبا كان اليوم اللي بضطر أسيب فيه أهلي و أسافر بعد ما أكون قضيت معاهم جزء من أجازة الصيف في السعودية

و يوم تاني أما عرفت إن بابا كان عيان قوي و دخل المستشفى
طبعا كانوا هما هناك و انا هنا لوحدي
فمكنش سهل عليا ابدا أعرف انه عيان و انا مش قادره أشوفه و كانت كمان أيام امتحانات

و برضه كان السنه دي أما تقريبا ناس أهانوني على الملأ بس الحمد لله ربنا وقف لي ناس أكتر من الاخوات كمان خدوا لي حقي و كمان ربنا خد لي حقي و كان جزاؤهم من نفس جنس العمل

غالبا اي حد عزيز عليا قوي اما بيزعل مني و اكون انا السبب ببقى متدايقة جدا و بيبقى يوم صعب و ده برضه حصل لي السنه دي

المنتدى ده
أنا من أكتر المناس اللي كنت مشجعة فكرته و يمكن خوخه و ضياء اللي يعرفوا احنا في بداياته تعبنا فيه قد إيه
كفاية اني لما ما الاقيش حد من البنات على المسنجر أفتح المنتدى و أطمن عليهم من ردودهم هناك
و كفاية انه وسيله عرفتني بناس حلوة بجد منهم فلورا

رأيي في الأعضاء من حيث القوة و الضعف

فلورا .. شخصية قوية و ده من خلال الكام مرة اللي كلمتهم فيها
حنان بقى أنا حاسة انها شخصية طيبة جدا على الرغم من اني معرفش عنها حاجة الا من ردودها
امجي برضه و نور انا بعتبرهم ضمن الشخصيات القوية
ضياء أما الموقف بيتطلب قوة و حزم بتبقى قوية و حازمة و يمكن ده شيء مش هقول جديد بس يعتبر من التطورات في شخصية كوين اللي كنت أعرفها
خوختي مالهاش في القوة خالص .. دي مش هقول ضعيفة لا لا لا دي رقيقة هي و غادة
شيماء الصباغ ... لو عايزة تكون قويه هتكون وقت ما هي عاوزة
يمكن أكون غلطانه في بعض الحاجات بس ما تآخذونيش لان معرفش غالبيتكم الا من الردود
عشان كده الناس الباقيين أنا ما كتبتش عنهم حاجة

هل ممكن أتعرف على الولاد من المنتدى بسهولة ... لا

أنا كيلر
فري كيلر زي بوند
جيمس بوند كده
من مواليد 12/4/1988
داخلة رابعة طب إن شاء الله ... دعواتكم

سؤال صفات القوة و الضعف ده هو مش أنا اللي كنت سألته و فلورا قالت مش عاوزة تكرار
بس برضه هجاوب حضرتك

هبتدي بصفات الضعف

أنا عصبية جدا جدا جدا لأبعد الحدود
و مشكلة من أعظم مشاكلي إني ما بقدرش أسيطر على نفسي وقت الغضب
و عشان كده دايما بدعي ربنا
اللهم اجعلني ممن يملكون أنفسهم عند الغضب

أنا غير صبورة على الاطلاق اللهم الا في بعض الأحيان

أنا مندفعة و متسرعة و غالبا بعمل الحاجات قبل ما أفكر فيها
و لما بفكر مش بوزن الأمور بدماغي صح
بس أهو الواحد بيتعلم من أخطاؤه

مش بنسى الإساءة بسهولة أينعم بسامح بس مش بنسى
لأني مرة سمعت حكمة فيما معناها
لا تكن غبيا فترفض أن تسامح لكن لا تكن مغفلا فتنسى الإساءة

صفات القوة

أنا طيبة جدا مع الناس الكويسين ووغير مسالمة مع أي حد يسيء ليا
أنا الحمد لله اجتماعية و أعرف أصرف أموري مع الناس كويس
إلى جد ما أعتبر نفسي مثقفة لأني بحب أقرا كتير
متواضعة جدا جدا و أكره الغرور
بحاول أصلح عيوبي و مبحبش انتقد حد بحاجة انا عارفه كويس انها فيا
نظرتي الأولى أو اللي بنسميه الانطباع الأول .. غالبا غالبا بيبقى صحيح
بس طبعا بيخطيء أحيانا
دي كلها أنا بعتبرها صفات قوة لأنها بتخليني أعرف ازاي أمشي أموري
كفايه كده عشان بيقولوا مادح نفسه كداب

بالنسبة لتحليلي لشخصية الأستاذ فارس
معلش يا فلورا
لو لاحظتي
حضرته أوجز جدا و أغفل نقاط كتير في الأسئلة
فالأحسن نأجلها بعد ما آخد فكرة بأسئلتي عم كل النواحي

مرة تانية

آسفة عالتأخير و الإطالة

سلاااام

هههههههههههههههههههههههههههههههه
اجاباتك هايلة يا كيلر وياريت يا فارس ممنوع الاختصار مرة تانية او التكرار الاسئلة .
دلوقتى هطلب من فارس انه يبدأ الجولة الثانية :
عايزاك يا فارس تدخل حالا وتسأل كيلر.
خمس اسئلة عاطفية جدا جدا جدا .
وانت المرة دى اللى هتبدأ الاسئلة وبعدين كيلر هتدخل تسئلك وياريت يا فارس تكون الاسئلة جامدة جداااااااااااااا علشان اقدر من خلالها انا والاعضاء نعرف بالظبط حياة كيلر العاطفية ماشية فى اى اتجاه.
اتفضل يا فارس بسرعة بالخمس اسئلة عن حياة كيلر العاطفية؟؟؟؟؟؟؟؟؟؟
احلى سلالالالالالالالالالالالالالالالالالام وربنا معاكم.
فلورنديتا.

السلام عليكم

***********

والله يا كيلر وفلورندا انا مش بختصر فى الكلام انا جاوبت على كل الاسئله الى سئلها كيلر

ثانيا ندخل على الاسئله

1- تكلمى على مراحل الحب فى حياتك يعنى بيمثلك ايه الحب وانتى فى كل مرحله

2- هل حصل وحبيتى اتنين فى وقت واحد وايه رايك فى البنات الى بيحبوا اتنين فى وقت واحد

3- هل حبيتى حب من طرف واحد يعنى انتى بتحبيه وهو مش بيحبك هل حصلك هذا الموقف

4- انتى بتحبى الرومانسيه واعطى تعريف عن الرومانسيه

5- هل حصل ولقيتى بنت بتحب على نفسهاا ولو قبلتى البنت داا تقوليلها ايه وتنصحيهاا بايه

*****************************************

يلا يا كيلر جاوبى على الاسئله

ولا اله الا الله محمد رسول الله

سلام

بسم الله الرحمن الرحيم

السلام عليكم و رحمة الله و بركاته

كل دي أسئلة يا أستاذ فارس
منك لله ياللي في بالي
خمسة بحالهم
إنتي خايفة من الحسد و للا إيه

أولا :
لو اتكلمنا عن الحب بالمعنى العام
فده طبعا موجود عند كل واحد فينا
من صغره لحد دلوقت
طبعا بحب بابا و ماما و بحب إخواتي حتى لو مكنش الحب ده بيبان
طبعا بحب قرايبي
و طبعا أصحابي و زمايلي الكويسين معايا
و كنت - كنت - بحب بلدي أما كنت بعيدة عنها
بس طبعا أما جيت صدمت بيها و بالواقع اللي فيها
يمكن ما بطلتش احبها
بس عالأقل مش الحب العمياني بتاع زمان
أصل مصر حلوة للأجازات إنما مش للحياة فيها
المهم
الحب بالمعنى اللي أظن حضرتك تقصده دلوقت
أنا كنت لحد فترة قريبة بعتبره حاجة غلط و عيب و بعيدة جدا عن قيمنا و عن ديننا
بس بعد كده إتوضح لي إنه في حد ذاته مش غلط و لا عيب
خصوصا بعد ما الواحد كبر و فهم الدنيا حبتين
لأن قلب الإنسان مش بإيده
إنما اللي احنا هنعمله بالحب ده و نتيجة ليه
هو اللي يحدد
هو غلط و للا لا
يعني أبسطها أكتر
مش معنى إن اتنين بيحبوا بعض إنهم يصيعوا بقى مع بعض و خروجات و سهرات و لمس و كلام فاضي
و بعدين ممكن يسيبوا بعض يبقى إيه اللي استفادوه هما الاتنين
ده دلع و مرقعة و كلام فاضي
فيه حديث للرسول صلى الله عليه و سلم فيما معناه إنه قال
لا أرى للمتحابيت خيرا من الزواج
فلو الحب ده اتحط في إطاره المفروض ووصل للغرض الشرعي المقصود
يبقى خلاص براااااااااااءة

فاصل و نعود

اوكى فاصل ونعود

بس بجد برافو عليكى فى الكلام الى انتى قولتيه

يلا عودة بقى وانتى عامله زى القناه الثالثه

السؤال التاني:

لا ما حصلش أبدا إني حبيت اتنين في نفس الوقت
هو القلب ده تاكسي من بتوع اليومين دول و للا إيه
زي الميكروباص بيركبوا الناس على بعض
حتى لو المشاوير بعيدة عن بعض و كل واحد في ناحية

و لو واحدة قالت إنها بتحب اتنين في نفس الوقت
تبقى ما بتحبش حد فيهم أصلا
لأنها لو بتحب حد
مش ممكن أبدا تبص لغيره
حتى لو اللي هي بتحبه كان غفير و التاني أمير
ممكن آه تقول
اتنين بيحبوها
انما تحب اتنين دي
ده كلام فارغ
بتهرج

السؤال التالت :

لا
محبتش من طرف واحد الحمد لله

ههههههههههههههههههههههههههههههه

والله الايام دى يا كيلر البنت بتحب فى نفسها الله العظيم
تلاقى ماشيه مع واحد شويه وتانى يوم بتمشى مع واحد تانى
والله دى قله ادب من البنت
يلا يا يارب يسترعلى البنات ويهديهم ويهدى الجميع ان شاء الله

ايه يا عم فارس ده مينفعش كده خالص قناة تالتة ايه بس هو انت مراسلنا فى كولامبور ولا ايه.
رأيك يا فارس تقوله لما كيلر تخلص اجابة انت كده بتشوشر عليها ومش مخليها تركز عموما دورك جااااااااااااااااااااى يا بطل فى الاسئلة وورينا شطرتك لان الاسئلة بجد هتكون صعبة واياك تختصر وممنوع المقاطعة تانى خلى كيلر تركز .
ثم بنات ايه دى اللى انت بتتكلم عنهم دول مش بنات دول عاهرات يا استاذ اللى يقبل على نفسه انه يرخص مرة بيفضل رخيص طووووووووووووول عمره واى واحدة تقبل على نفسها انها تعرف واحد قبل الجواز تبقى بنى ادمة فقدت اى معنى للاحترام هو هيحترمها ازاى وهى اصلا تحترم نفسها بعد كده ازاى.
نتكلم انا وانت بعد ما كيلر تخلص اجابتها ويلا ننسحب فورا قبل ما كيلر تخلص علينا .
وممنوع المقاطعة تانى مرة بجد دا قانون الحوار هنا اوك.
احلى سلالالالالالالالالالالالالالالالالالالالالالالالالالالالالالام.
فلورنديتا.

الرومانسية :

أولا و مبدئيا كده
مفيش حد مهما كان ما بيحبش الرومانسية
دي قاعدة
ممكن يكون ليها شواذ آه
بس السواد الأعظم لا يشذ عن هذه القاعدة
و لا أعتقد أني من الشواذ

زي برضه ما البنات اللي حضرتك بتقول عليهم في ردك على اجابتي التالته يا أستاذ فارس
ما هم شذوذ عن القاعدة
احنا عندنا دين و أخلاق زي ما قلت قبل كده
و البني آدم اللي يستاهل إن الواحدةتديله قلبها هو البني آدم الوحيد اللي يستاهلها و يشيل مسؤوليتها قدام ربنا و الناس
غلط اننا نعمم الغلط
لأن ساعتها نبقى احنا بندمر القيم و الأخلاق تحت أنقاض الغلط ده

نرجع للسؤال عن تعريف الرومانسية ..

ما أظننش ليها تعريف محدد
أي حاجة انت بتعملها عشان الطرف التاني يبقى سعيد و مبسوط تندمج تحت بند الرومانسية
لما واحد بينزل عشان يجيب لمراته طلبات البيت مش هقول هدية
دي تبقى رومانسية
المهم يكون الدافع إنه بيعمل كده عشانها
مش عشان مضطر
لما الأم بتتعب و تجهز الأكل عشان جوزها و أولادها
تبقى دي رومانسية
عشان هي بتعمل ده بحب مش تحس انها مجبرة
الرومانسية ممكن تكون بنظرة من واحد لمراته يحسها بيها انها كل الدنيا بالنسبه له
مش ضروري يقعد يبرهن على كده بأفعال و يبالغ
الرومانسية منتهى البساطة

انما حصر الرومانسيه في اتنين مخطوبين أو بيحبوا بعض
و بيجيبوا لبعض هدايا و كده
ده كلام مش مظبوط
يعني هما المتجوزين زي ما أنا شرحت فوق كده معندهمش رومانسية بقى؟؟
ده رأيي

أنا هرد على أساس ان معنى السؤال الأخراني

إنها بتحب أكتر من مرة
انما لو بتمشي كل يوم مع واحد دي تبقى تسلية مش حب
و ما تستاهلش نتكلم عنها أصلا

آه طبعا شفت ناس بالشكل ده
و غالبا ده بيكون راجع لنقطة ضعف خطيرة في شخصياتهم
و هي إنهم ما خدوش كفايتهم من الحب في صغرهم أو في مراحل حياتهم من أهلهم
ممكن يكونوا فقدوهم
أو فجأة افترقوا عنهم
فحبوا يعوضوا
فتثوم تحب أي حد
و بعدين تلاقيه مش مناسب
تقوم تحب غيره و هكذا
اللي هقوله هنا
إن ده وهم أكتر منه حب حقيقي
هي بتتوهم إنها بتحبه و بتقنع نفسها بكده عشان تعوض اللي هي حاسة بيه من جوا
و يمكن ما يكونش فيه سبب
بس هي حظها وحش
في كلتا الحالتين
أنا بقول
سبحان الله ابن الحلال اللي انتي هتحسي بالراحة ليه و هيكون فعلا نصيبك
ربنا بيجيبه لحد الواحد كده و هو مش في دماغه خالص
و ساعتها الواحده بتحبه و ربنا بيكرمهم
انما إن الواحده تقعد تفكر و تفكر
و تشغل نفسها بموضوع الحب ده
و تقعد تبص لزمايلها
و تقول اشمعنى دي بتحب و دي متحبش و الكلام ده
و شغل الدماغ عالفاضي مالهوش لازمة
الواحد نصيبه بيلاقيه مش هو اللي بيدور عالنصيب
و لو الكل عمل كده
كله هيرتاح

سلام بقى
أنا طولت عليكم جدا

الله على ردك يا كيلر نفس رأيى تمام وبجد كلامك عجبنى جداااااااااااااااااااااااااااااا
وانتِ مطولتيش ولا حاجة دا لازم يكون نمط الحوار بالطول ده ومينفعش نعبر عن نفسنا ولا عن وجهة نظرنا فى الحياة فى سطرين او تلاتة وخلاص لا احنا لازم نتكلم ونعرف بعض اكتر ونقول وجهة نظرنا بصراحة وبصدق دى احسن طريقة ممكن تعرفنا كلنا على بعض .
عموما شكرك على اجاباتك بجد هايلة وياريت تدخلى تسألى فارس خمس اسئلة عن حياته العاطفية وعايزين اسئلة صعبة جدااااااااااااااا علشان الحوار يولع.
احلى سلالالالالالالالالالالالالالالالالالالالام لاحلى كيلر وفارس ربنا معاكم ويوفقكم ونخلص الحوار على خييييييييييييير وسعادة. Very Happy

فلورنديتا.