عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا او التسجيل ان لم تكن عضو وترغب في الانضمام الي اسرة المنتدي سنتشرف بتسجيلك شكرا ادارة المنتدي
منتدي علشانك يا قمر
عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا او التسجيل ان لم تكن عضو وترغب في الانضمام الي اسرة المنتدي سنتشرف بتسجيلك شكرا ادارة المنتدي
منتدي علشانك يا قمر
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
style>
سيتم اصدار العدد الاول من مجلة ((ع السلم )) قريبا علي من يريد الاشتراك بالمجلة ارسال كتاباته علي البريد الالكتروني الخاص بالمنتدي today_family@yahoo.com
رشح معانا احلي موضوع لهذا الاسبوع ابتدءا من الاسبوع القادم علي هذا الرابط https://todayfamily.all-up.com/montada-f48/topic-t2587.htm#25558
مطلوب مشرفين للعمل في جميع اقسام المنتدي رشح نفسك اذا كنت مستعد لبذل مجهود من اجل المنتدي
تعلن ادارة المنتدي عن فوز الكاتب (( الأسطـــــــــــي )) في مسابقة احلي موضوع بكتاباته الرائعة وهي ((الترنيمة الضائعة )) الف مبروك يا اسطي
موضوع: رد: حوووووووووار جامد مع فلورندا الثلاثاء 4 سبتمبر 2007 - 0:30
الجزء الاول:هههههههههههههههههههههه اهلا اهلا بكيلر المنتدى رغم انى مبحبش العنف ولا الدم يا كيلر اسئلتك هايلة وفى منتهى الجمال وهى دى فعلا الاسئلة اللى هتقول انا مين؟ وهترسم ملامحى فى خيالكم بس الاجابة عليها هتكون طوووووووووووويلة قوى فأستحملى رغيى لانى على قد ما اقدر هتكلم وهجاوب . بسم الله الرحمن الرحيم :نبدأ الاجابة :مفيش اختيارى فى الاول كله اجبارى ههههههههههههههههههههههههههه. اولا:بالنسبة لسؤالك عن القصة فأنا مش هجواب عليه لسبب القصة دى انا عرفتها وشفتها بطريقتى اللى انا حكيت بيها وشفتها زى ما انا عاوزة اشوفها ممكن مايكونش زى القصة الاصلية بس هى ثبتت فى دماغى كده عارفة زى انت وواحدة صحبتك تتكلموا عن موضوع فيلم او مسلسل وتقولك البطل مات ازاى تقوليها مش فاكرة بالظبط اصل الفيلم ده شفته من زمااااااااااااان قوى هتقولك طيب احكيلى القصة هتحكيلها اللى انت فاكره وزى ماانت شوفتيه وزى ما اترسم فى خيالك اهو ده اللى حصل معايا القصة دى انا اعرفها من زمان وحكتها زى ما شفتها انا وحستها ممكن يكون فى اختلاف بين القصة الاصلية واللى قولته بس انا شفتها كده واى كشف منى للاشخاص الحقيقين للقصة ممكن يضيع مصداقية القصة فحاولى تدورى انت اتعبى شوية ولو وصلتى انا هقولك اذا كانت هى ولا لا بس انا مش هقدر اكشف القصة الاصلية لانها فى الحقيقة مش قصة هى عبارة عن شخصية ومش هوضح اكتر من كده ثم دا سؤال فى الادب والحوار ده اتعمل علشان تسألى عنى مش فى الادب ههههههههههههههههه.وعلى فكرة ممكن يكون البطل الحقيقى ميكونش مات فى الحقيقة بس مرجعلهاش برده بس انا بالنسبة لى كان مات لانه انتهى من حياتها وكفاية كده وسيبى القصة على حالها احسن لك وكفاية انك بتحبى المأسويات عايزة اكتر من كده مأساويات . ندخل فى الجد شوية بصى يا كيلر فاقد الشىء فى نظرى احيانا يعطيه ولو سألتينى ازاى هقولك ممكن واحد عاش طول حياته محروم من الحنان وعنده طاقة من الحب رهيبة رغم انه فقد الحنان ده وكمان بما اننا ناس اصحاب رسالة يبقى لازم نعطى للناس حاجات كتير قوى معندناش منها زى التفاؤل والامل والحلم رغم اننا ممكن مش نكون كده وحياتنا مدمرة وده مثال عام مش خاص علشان مش تزنقينى فى سؤال هنا ما انا عارفاكى هههههههههههه لان الكلام ده بينطبق على معظم الناس حتى عارفة معظم نجوم الكوميدا الكبار بيمنحونا الابتسامة والضحك من قلوبنا رغم ان الابتسامة لا تعرف شفاهم الا نادرا وربما لا تراها من الاساس هما اعطونا شىء مفتقدين اليه وبرعوا فى اعطائه وهروح بعيد ليه انت مثلا لما ان شاء الله كده تكونى دكتورة حتى لو كنت تعيسة فى حياتك او شخصية مفتقدة الامل والحياة بعد الشر عليكى طبعا انت مجبرة على انك تقدميه للمرضى بكل حب وسعادة بس فاقد الشىء يعطيه مش قاعدة عامة انا قلت احيانا يعنى مش فى كل الحالات.
موضوع: رد: حوووووووووار جامد مع فلورندا الثلاثاء 4 سبتمبر 2007 - 0:41
نروح لفاصل اعلانى ونرجع نكمل معاكم . الجزء الثانى:اللى خلانى يا ستى من هواة الشعر انه اكتر حاجة حبتها فى حياتى الشىء الوحيد اللى لقيت فيه نفسى وحكايتى مع الشعر طويلة حكاية اكتشاف وحب وصراع ثم العشق حتى اصبحت اسيره فى هواء الشعر انا بكتب وانا عندى عشر سنين ودى كانت المرحلة الاولى فى حياتى مرحلة الاكتشاف اول ماسكة قلم واول كتابة واول دمعة واول ابتسامة واول تشجيع كنت لما بكتشف الشعر عارفة لما الطفل الصغير لما بكتشف جسده ولاول مرة ويعرف ان له يدان وقدمان جميلان وله عينان ساحرتان حتى يبدا بحب جسده انا كنت هكذا اكتشفت الشعر وكأنى ابحث عن نفسى ووجدتها هناك بين ابياته حتى احببتها واحببته حتى صار الشعر طفلى وصرت اما وانا مازلت طفلة وانتقلت الى المرحلة الثانية هى حب الشعر مش بس الشعر خلانى احب نفسى لا دا كمان خلا الناس تحبنى هقولك ازاى بدأت اشترك فى مسابقات القاء الشعر وكنت اقف على المسرح وانا فى منتهى الخجل والحياء وعندما ابدا فى الالقاء اشعر وكانى صرت فرعونة او ملكة عظيمة تلقى على شعبها خطبة حب ويجب ان تؤثر فيهم حتى ينصاعوا لاوامرها سواء حب لها او خوف منها فكنت ارج ساحة الالقاء واسمع صوتى لادق الشعيرات الدموية الصغيرة فى اجسادهم وكأن كلامى والقائى صار عملية للقلب المفتوح ويجب ان اجرى عمليتى بنجاح لان فشلى سوف يتسبب بقتلى انا لا بقتل المريض وكنت دوما ما انجح الحمد لله ويا الله على طعم النجاح كنت اخرج من القاعة ليلتف الجميع حولى لاشعروكأنى نجمة والاف من الاسئلة وكلمات الاعجاب تنهار فوق رأسى وانا اقف اتأمل ما يحدث لى ايعقل هذا افعلا استطعت ان اؤثر فى هؤلاء استطعت ان اصل الى قلوبهم لاشعر بأنى فخورة بنفسى جدا وليس غرورا وانما مرحلة من الثقة بالنفس لم اصل اليها قبل الشعر ووحده استطاع ان يأخذ بيدى اليها فأحببته حبا شديدا لانه صنع لى كيان كنت اتمناه . المرحلة الثالثة :مرحلة الصراع بدأت اتعمق فى الشعر ولا اكتفى بأنها مجرد هواية واغرقت نفسى فى بحور الشعر دون ان التفت الى اننى لم اخذ معى طوق للنجاة ينجينى من الغرق او اخذ بوصلة صغيرة ترشدنى الى الطريق فتهت وضاع منى الطريق لاننى كنت اقرأ لكل الناس ومن سوء حظى اننى قرأت فى البداية لمن يهزنى ويجعلنى اتوه ايعقل ان يكتب شعراء كبار مثل تلك الزندقة والفسق ؟ايعقل ان يكون هذا شعرا انه الحاد وكفر بالله !! اذا الشعر حرام وليس حلال اذا انا افعل ما يُغضب الله منى بقرائتى للشعر فشتد الصراع بينى وبين الشعر عندما وجدت بعض الايات القرآنية تجرم الشعر يا ويلى ماذا افعل؟أأحب من سيدخلنى النار لا يجب ان اكرهه وابتعد عنه ولكنى لم استطيع فشلت اتعلمين عندما تسمعين عن احد جرائم القتل ويقولون ان الجانى فلان فتصرخين انت وتقولين مستحيل انا اعرف فلان مستحيل ان يفعل هذا مستحيل وتلتمسين له العذر وتبدأين بالبحث عن براءته بشتى السبل هكذا فعلت لم يهدأ لى بال حتى اثبت لنفسى ان الشعر ليس حراما وانما حرامه حرام وحلاله حلال فرسول الله صلى الله عليه وسلم كان لديه شاعره الخاص حسان ابن ثابت اذا فهناك خط ء فى التقدير واعدت حساباتى مرة اخرى ولكن بعد صراع طويل جدا وقاسى وكان اشد ما فى الصراع هو كيف اسيطر على قلمى فأن للشعر جموح ما ابئسه جموح جموح يذهب بك الى جهنم ولكنك لا تسطيعين السيطرة لانه هو الذى يسيطير عليك وعلى هذا هل امتنع عن كتابة الاشعار التى تخرج عن نطاق الدين واين اذهب بالطاقة التى بداخلى وهل من نفس لا تحمل بداخلها من نزوات وشهاوات فعقدت مع نفسى اتفاق اكتبى ما تشائين وقولى ما تشائين ولكن هذا سوف يخرج للنور والاخر سوف يظل فى ظلام دفاترى الى الابد لا يعلم احد شىء عنه سواى تخيلى معى لو كان نذار رحمه الله كان قد اكتفى بنشر الحسن من شعره والمعقول كم كان سيوفر من ضحايا الحب والقتلى الذين اقتنعوا بكلامه عن الشهوة والنزوات كان شاعرا عظيما ولكنه ظلم نفسه بوهم المتعة حتى مات وعلى فكرة انا حاولت اصور حالة الصراع بينى وبين نفسى فى قصيدة كلماتى هو ده السبب الرئيسى اللى خلانى اكتبها شوفيها وهتفهمى قصدى. المرحلة الاخيرة مرحلة العشق تلك المرحلة الاخيرة بين وبين قصتى مع الشعر نحن الان عاشقين فى الحلال وافضل صديقين محبين فى الله وهو بالنسبة لى صديق صالح يوصل رسالتى للناس ويبنى بينى وبينهم حاجز حب وامل وثقة. بالنسبة لانطباعى الاول ومن النظرة الاولى كل شىء فى الدنيا وترينه لاول مرة يجب ان يكون له انطباع فى داخلك يسمى الانطباع الاول ولكنى عمرى ماوثقت فى الانطباع الاول فالفراسة علم لم اتعلمه ولن ادعى اننى مكشوف عنى الحجاب حتى وان صدق انطباعى الاول لكنى لا اؤمن به ولا اثق فيه كيف سأحكم على ما بداخلك من لون عينيك او لون شعرك ده مستحيل طبعا لان مش انت اللى عملتى شكلك اللى ممكن يكون برىء ومخبى بلاوى او ممكن يكون قاسى وبداخله حنان عظيم مقدرش احكم على حد من غير ما اتكلم معاه ومش كده وبس علشان احكم صح لازم اشوف مواقف بعينى واحكم على هذا الاساس وعلى رأى المثل( عرفت فلان اه عرفته. عاشرته. لا. يبقى معرفتوش)انا بؤمن بالمثل ده وسيدنا عمر بن الخطاب اشار لنفس الموضوع وقال(عرفت فلانا فقال له الرجل نعم فقال له سيدنا عمر اتعاملت معه فى المال فقال الرجل لا فقال سيدنا عمر اتراك رأيته فى المسجد يصلى ويرفع يديه هكذا فقال الرجل نعم فقال سيدنا عمر اذا انت لا تعرفه) .
موضوع: رد: حوووووووووار جامد مع فلورندا الثلاثاء 4 سبتمبر 2007 - 0:55
انتى اللى جبتيه لنفسك محدش قالك تسألى الاسئلة دى كلها استحملى بقى هعملك ايه عموما ممكن تخدى كل يوم سطرين قراءة اهه تخلصى على اول السنة الجديدة وابقى قبلينى ان خلصتى تستاهلى علشان تسئلى اسئلة كتيرة كده ههههههههههههههههههههههه ولازم تقولى حرمت خلاص مش هعملها تانى هههههههههههههههههههههههههه. الجزء التالت والاخير:
[color=#993300]مين قدوتى فى الحياة: اكيد رسول الله صلى الله عليه وسلم اما عن قدوتى المعاصرة يعنى حد معين من الناس فبصى يا ستى انا شايفه ان كلنا بشر وكلنا بنغلط طبعا علشان كده مفيش ليه قدوة ثابتة انا عاوزة اكون مؤسسة اكون صرح كبير اظل احتمى به حتى الموت فلا يكيفينى قدوة واحدة انا ابحث عن العظماء وارى احلى ما فيهم واحاول ان اتعلمه فممكن اخلى سؤالك مين الناس اللى اثروا فيكِ فى حياتك علشان اقدر اجاوبك صح: اولا :انا متأثرة جداااااااااااااااا بالشيخ الشعراوى من الناس اللى انا بعشقها واثروا فيا جامد جدا وبعدين عمر خالد وبرده يوسف السباعى بعشقه وهانز كريستيان اندرسون دول الناس اللى ممكن يكونوا اثروا فيا بجد واكيد لو سألتينى كمان سنة هتلاقى انضاف عليهم ناس تانية كتير. بالنسبة لجيل اليومين دول :تقصدى انهى جيل ما فى اتنين واحد اصلى وواحد مضروب ههههههههههههههههه الاول انا عايزة اقول لو اننا افترضنا جدلا انه جيل مستهتر او فاشل وده مش صحيح فده ميديش الحق للكبار انهم يتخلوا عننا لو كنا حلويين او فاشلين فده منهم لانهم هما اللى ربوا هما السبب فى وجودنا اذا نجحنا يعنى هم نجحوا فينا واذا فشلنا فده دليل على فشلهم فى تربينا الجيل ده اتظلم فى حياته كتير قوى اكتر مما اتنصف حتى الحلو فيه والكويس كان بيلاقى عدم تشجيع من الكبار فبدا الجيل بتاعنا يحس انه ملوش لازمة ومش مهم بالنسبة لاى حد حاسس انه وحيد ومظلوم طول النهارسواء كان بيعمل الصح او الغلط محصراه كلمة انت فاشل انت فاكر نفسك هتكون حاجة انت صايع ومفيش منك فايدة مش الكلام ده المشكلة المشكلة الحقيقة اننا بدأنا نصدق اننا فعلا فشلة عمرك شفتى تجربة بيتقال عليها فشلة من غير ماتتعمل هو احنا لسه ابتدينا الطريق علشان يتحكم علينا خلونا نبدأ وبعدين احكموا وحتى لو فشلنا فده مش عيب لازم نعرف معنى الفشل علشان نقدر ننجح ( فالخلود لا يكون خلودا الا اذا ذاق كل انواع الفناء) اسهل حاجة تتقال علينا اننا جيل متسيب ومستهتر وفاشل عارفة ليه لاننا زى ما قلت قبل كده بنصور بفشلنا وحياتنا صورة من هؤلاء الكبار فيتهموننا حتى يلقون المسؤلية من على عاتقهم ونتحملها نحن اذا كان جيلا متسيبا فأنت سبب ذلك اين انت يا من تقول جيل مستهتر لما لم تعلم ابنك الفضيلة لوكل واحد التزم بواجبه لكنا احسن جيل فكيف لطفل صغير ان يكون ناجحا او ملتزما لو لم يجد من يقول له الصح من الغلط ولكن حلقات اتهامنا بالتسيب يبدوا انها وراثة فاجدادنا كانوا بيقولوا لابنائنا انتم فشلة ومتسيبن ولكننا لسنا بحق جيلا فاشلا واذا كنا كذلك فصدقينى لم يفت الوقت على اصلاح ما انكسر ومن فشل منا فليبدا من جديد فمازلنا جيل الشباب. بالنسبة لشعرى مين اول حد اعرضه عليه وياترى اهلى بيشفوه وايه رأيهم :بالنسبة لموضوع شعرى ده فأنا زى ما سبق وذكرت مراحلى مع الشعر كل مرحلة كان ليها مستمعيها المرحلة الاولى اللى هى الاكتشاف كانت بجيب البيت كله واقولهم انا كتبت ايه وممكن لو لقيت حد معدى فى الشارع اقوله انا كتبت ايه هههههههههههههههههههههههه كان ممكن اى حد يقرأ شعرى وانا فى منتهى السعادة المرحلة الثانية مرحلة الحب :كانت امى دايما اول واحدة اعرض عليها كتاباتى وبعدين اخواتى وبعدين اصحابى بس امى كانت هى الاولى . المرحلة الثالثة :مرحلة الصراع نفسى اللى كانت بتقرأ شعرى لانى كنت عارفة اللى انا بكتبه ممكن يكون غلط او حرام فما حدش كان بيقرأ كتاباتى غير نفسى او للشديد القوى لما احس انى ابدعت ممكن اقولها لحد بس بعد التعديل الشديد جداااااااااااااا علشان ما اروحش فى داهية. المرحلة الاخيرة مرحلة العشق او بداية مرحلة النضج بقول القصيدة للى احس انه هيفهمها بس يعنى قصيدة غزل ممكن اختى قصيدة الم ممكن امى قصيدة تفاؤل اصحابى وهكذا بقيت ابحث عن الشخص المناسب للقصيدة .ورايهم دايما انى عندى موهبة وممكن اكون حاجة كويسة ومقتنعين بيا شوية يعنى اهه يجى منى على اخر الصيف زى ما بيقولوا هههههههههههههههههههههههه. بيتهيألى ان خلاص كده جاوبت على كل الاسئلة ومش قادرة افتح عينى اتمنى انى اكون جاوبت بصراحة وبصدق اجابات منطقية تعكس جزء من نفسى اليكم . دى كلها اسئلة يا كيلر حراااااااااااااااااااااااااااااااااااام عليكى بس ولا يهمك بجد اسئلة رائعة وجميلة وفى انتظار اسئلة اخرى منك لانى عارفة انك مش النوع اللى بكتفى بهذا القدر وعلى هذا انا تحت امرك ومستنية انك تجهزى لرحلتك بسفينة فضائية كويسة ومتنسيش البوصلة لانك ممكن تتوهى. انت فاهمة قصدى كويس ويارب عبقال ما انا كمان ابدا رحلتى الى فضاءك. احلى سلالالالالالالالالالالالالالالالالالالام لاحلى كيلر فى انتظار ترشيحاتكم للعضو المقبل . فلورنديتا.
موضوع: رد: حوووووووووار جامد مع فلورندا الثلاثاء 4 سبتمبر 2007 - 22:22
حوار اكتر من رائع قصة جميلة جدا يا فلورندا بصراحة انا كنت باتلخبط فى اسمك بس بعد القصة دى استحالة يحصل تانى اما سؤالى فهو سمعت من يقول ان الرومانسية لا تتماشى مع القوة والعكس ما رايك؟
موضوع: رد: حوووووووووار جامد مع فلورندا الأربعاء 5 سبتمبر 2007 - 8:19
اهلا بالجميلة سومة كل يوم اتأكد انك ارق واجمل مما اتوقع ولكن اشعر بأنك انسانة طيبة جداااااااااااااااا وفى منتهى الحنية علشان كده انا سعيدة بجد بوجودك معايا وشرفتينى جدا. بسم الله الرحمن الرحيم. 1_اكتر موقف صعب فى حياتى هو عندما ذهبت الى احدى الجرائد الكبرى لاتدرب فيها وصعقت عندما عرفت ان التدريب ليس لامثالنا مش بس بالواسطة لا ده بفلوس كمان ومفيش اى اعتراف بالجامعة اللى احنا جايين منها يعنى محدش بيعترف بيها فى الحقيقة انا اتصدمت بجد مش علشان الفلوس انا الحمد لله اقدر ادفع وتقدرى تقولى ان عندى واسطة بس فى الحقيقة اتكسفت قوى من نفسى بقى المجال اللى كنت هموت عليه وسبت مجموعى الكبير والتحاقى بكلية افضل بكتير من اللى انا فيها علشان ادخل مجال الكلمة الحرة فيه بتتباع بالفلوس كانت صدمة كبيرة قوى وكان من اصعب مواقف حياتى اما اتصرفت فيه ازاى فأنا قلت حسبى الله ونعم الوكيل وان شاء الله ردت فعلى هتعرفيها لو رب اذن لى وكنت ذات شأن فى يوم من الايام. 2_الواحد احيانا بيحس بالضعف علشان هو بنى ادم والقوة اللى كنت اقصدها مش هى اللى هتكون جدار بينك وبين الضعف لا القوة اللى قصدتها هى انك لما تصابى بالضعف تقدرى تتغلبى عليه وتحمى نفسك من خطره وخطر سيطرته عليكى ازاى هتعرفى نفسك قوية ولا لا من غير ما تمرى بلحظة ضعف تعصرك وتكاد تكون هتقضى عليك علشان تقدرى تحس بعد كده انك قوية وانك كسرتى ضعفك وقدرتى تتغلبى عليه ومش معنى انى انسانة قوية يبقى انا عمرى ما هصاب بالضعف لا بس اقدر اقولك ان بقى عندى مناعة من مرض الضعف اللى انا مريت بيه قبل كده وممكن اقابل ضعف من نوع جديد فى حياتى يهاجمنى وساعتها اما انا اقضى عليه واكون مناعة منه او هو يقضى عليا والقوة اللى عندى متنفعنيش . وهوضح لك كلامى اكتر يعنى انا دلوقتى عندى ام واب واخوات ربنا يخليهم هو سبب فى جزء كبير من قوتى لقدر الله ربنا يطولى فى عمرهم لو حصل لحد منهم حاجة هتكون نقطة ضعف فى حياتى يعنى زى ما هما دلوقتى نقطة قوة بالنسبة لى بكره ممكن يكونوا نقطة ضعف ليا وهكذا ان شاء الله لما اتجوز ويكون عندى اطفال لو ربتهم صح هيكونوا نقطة قوة ليا لو ربتهم غلط هيكونوا نقطة ضعف فى حياتى .فا اللى انا عاوزة اقوله انى مش محصنة ضد الضعف بس عندى مناعة منه على قد الخبرات والمواقف اللى مريت بها فى حياتى واى بكره فى حياتى لو مكنتش مستعدة له كويس وعارفة انا بعمل فيه ايه ممكن يكون بداية الانطلاق لنقطة ضعف كبيرة جدا فى حياتى. 3_اكتر حاجة بحبها فى حياتى هى التأمل اقعد ابص فى وشوش الناس واتأمل فيها اعرف منها حكايات كتير قوى وبحب جدا اطلع فوق السطح بتاعنا وانام على ظهرى واتأمل فى السماء وخلقها بحس بأحساس غير طبيعى ومهما قعدت القاعدة دى مملش ابدا ولا احس انى عاوزة اقوم ابدا . رغم انك مش محددة اكتر حاجة بحبها فى حياتى من ناحية ايه بس زى ما قلت لك ان التأمل متعة من اهم متع حياتى .وكمان اكل الايس كريم من اكتر الحاجات اللى بحبها ههههههههههههههههههه. اكتر شىء اكره فى حياتى هو الخيانة ومقدرش اقولك بكرها قد ايه ولا عمرى هكره حاجة قدها فى حياتى ابدا . اسئلتك ممتعة جدااااااااااااااااااااا وخلصت بسرعة كنت حابها قوى واتمنى منك اسئلة كتيرة على قريب وليكى منى احلى سلالالالالالالالالالالالالالالالالالالالالام يا احلى سومة. فلورنديتا.
موضوع: رد: حوووووووووار جامد مع فلورندا الأربعاء 5 سبتمبر 2007 - 8:36
الى الجميلة فروته : اللى بتظهر فجأة وبتختفى فجأة اسعدنى جدااااااااااااااااااااااااا وجودك معايا يا جميل ويارب دايما تنورينى كده وتشرفينى. بسم الله الرحمن الرحيم. 1_التضحية يا عزيزتى من وجهة نظرى كأس لم اتذوق منه حتى الان فلم امر فى حياتى بأى موقف توجب على فيه التضحية حتى الان ولكنى ربما اتذوقه فى المستقبل وفى هذه الحالة استطيع ان اخبرك كيف ارى التضحية لان التضحية ليست مجرد كلمة سوف تحصلين على معناها من القاموس اللغوى او المعجم بل هى كلمة لا يخبرك عن معناها سوى من عاشها وجربها وتذوقها فهناك ملايين من الامثلة على التضحية ( فالسيدة التى ترفض الزواج بعد وفاة زوجها لتربى اولادها فهى مضحية_الاخ الاكبر الذى يرفض ان يكمل تعليمه ليربى اخواته الصغار فهو مضحى_الفتاة التى ترفض ان تتزوج من حبيبها لعلمها بأن لديها مرض خطير ويستحيل شفائها فهى مضحية ....................الخ) كل مثال من الامثلة السابقة سوف يجعلك تحتارين فى ايجاد معنى جامع مانع للتضحية فالتضحية ماهى الا كأس لا يحدثك عنه سوى من شرب منه وذاق طعمه . انا فى اعتقادى الشخصى ان كلمة التضحية ليس لها اى علاقة بالرومانسية فارومانسية كيان والتضحية كيان اخر وليس بالضرورة ان من يضحى يكون رومانسيا هذا ليس صحيح فالتضحية ليس لها اى علاقة بالرومانسية فالرومانسية شىء والتضحية شىء اخر تماما وليس لهما اى صلة ببعضهما البعض اتعتقدين ان الام التى تضحى من اجل اطفالها هى ام رومانسية .ايه علاقة الرومانسية بالموضوع فالرومانسية ابعد ما تكون عن موضوع التضحية. 2_يستطيع الحالم تغيير واقعه المرير اذا استطاع ان يحقق جزء مما يحلم به ولا يكتفى بمجرد الحلم فلو اعطى لنفسه فرصة لتنفيذ حلمه سيكون انسانا وان الله لا يضيع اجر من احسن عملا. فالحالم شخص ينقصه ان يعرف كيف يتكيف مع الواقع ليغير واقعه فكما قلت سابقا واظل اقول اننا من نصنع قدرنا وليس قدرنا من يصنعنا. شكرا على اسئلتك شرفتينى واتمنى منك المزيد. احلى سلالالالالالالالالالالالالالالالالالالالالالالام لاحلى فروته. فلورنديتا.
موضوع: رد: حوووووووووار جامد مع فلورندا الأربعاء 5 سبتمبر 2007 - 8:55
الى الجميلة سمية اتمنى ان اعرف منك قصة سلام المصرى . ولكن اريد ان اقول انا فى منتهى السعادة بأن القصة نالت اعجابك وجعلتكِ تحفظين اسمى فهذا شرف عظيم لى وسؤالك يا عزيزتى فى منتهى الروعة احب ان اشكرك جداااااااااااا عليه. بسم الله الرحمن الرحيم. الرومانسية يا عزيزتى نوعان من وجهة نظرى رومانسية تسلم للعقل ورمانسية تسلم للقلب(المشاعر والاحاسيس) والفرق بينها يا عزيزتى فرق شاسع كالفرق بين السماء والارض فارومانسية العقل رومانسية عاقلة تجعلكِ تتصرفين حسب ما يراه عقلك منطقيا وصحيحا ففى هذه الحالة نادرا ما تخطئين وتكونين انسانة قوية لانك صاحبة رومانسية عاقلة تعتمد على العقل كمركز قوتها وكالمتصرف الاول والاساسى فى كل قرارتها . اما الرومانسية التى تتعتمد على القلب اكثر من العقل فهى رومانسية تضعف من قوة صحابها لان القلب تتحكم فيه الاهواء والمشاعر فغالبا ما تكون قرارته ليست صحيحة فمثلا الام التى تبالغ فى حب اولادها مما يجعلها تتغاضى كثيرا عن اخطائهم فهذا حبا قلبيا يعتمد على القلب فقط ويضع العقل جانبا وهذا الحب سيؤدى بأطفالها الى الضياع والفشل. ومثال اخر :فرضا اذا احببت شخصا ورأيتى خيانة هذا الشخص امام عينك وطلب منك مسامحته رغم انك تعلمين انها ليست المرة الاولى وانه سيعود ليكرر الخيانة مرة ثانية فماذا تقولين ؟ عارفة ممكن تقولى ايه ساعتها.قلبى بيقول اسامحه لكن عقلى بيقولى لا . وهنا يظهر الفرق فانت فى الحالتين رومانسية وتحبين لكن الحالة الاولى رومانسية قلبية ضعيفة اما الحالة الثانية فهى رومانسية عقلية قوية . وانا فى سؤال اجبت عليه قبل ذلك لضياء اخبرتها فيه اننى صاحبة رومانسية عاقلة وهذا سبب من اسباب القوة فارومانسية العاقلة لا تلغى دور القلب وانما تعتمد اعتماد اكبر على العقل اما الرومانسية القلبية هى التى تلغى وجود العقل تماما وتترك امرها للقلب دون العقل. شكرا اتمنى ان الاجابة تكون عجبتك وتكونى فهمتى قصدى منها بجد شكرا لكل اللى سألونى وفى انتظار المزيد من الاسئلة وياريت متنسوش تبعتوا ترشيحاتكم لعضو الاسبوع المقبل ويارب اكون ضيفة خفيفة عليكم وهانت كلها يومين وتخلصوا منى . بحبكم جداااااااااااااااااااااا نورتونى وشرفتونى . احلى سلالالالالالالالالالالالالالالام للجميلة سومة والفاكهة فروته والرائعة سلام. فلورنديتا.
موضوع: رد: حوووووووووار جامد مع فلورندا الأربعاء 5 سبتمبر 2007 - 23:24
الى الاعلامى المشاغب جدااااااااااااااااا:الاستاذ احمد . برافو عليك انك قدرت انك توصل لهنا بسرعة رغم انك عضو جديد بس من الواضح انك عارف انت بتعمل ايه بالظبط ومن الواضح كمان انك تعرفنى كويس وشفتنى اكتر من مرة ودا طبعا واضح من طريقة كلامك معايا والحمد لله انى قدرت اعرف السبب فى انى مش حاسة انك عضو جديد والسبب انك بتكلمنى وكأنك تعرفنى كويس لكن للاسف انا معرفش حضرتك ومعتقدش اننا ممكن اعرف اى ولد فى الجامعة حتى لو كان عدد ولاد الدفعة ولد واحد لاننى فى الحقيقة مبكلمش ولاد فمن الطبيعى ان مش هعرفك عموما شرفتنى ونورتنى واسعدتنى مشاركتك. احلى سلالالالالالالالالالالالالالالالالالام. فلورندا.
موضوع: رد: حوووووووووار جامد مع فلورندا الأربعاء 5 سبتمبر 2007 - 23:37
ههههههههههههه الى حنون جميلة الجميلات انا استنيتك كتير قوى يا حنون وكنت زعلانة قوى انك اتأخرت عليا فى السؤال بس ولا يهمك انا ببقى سعيدة لما بتكلم مع الناس اللى بحبها جدا زيك كده وسؤالك فعلا بسيط لانى معنديش غير اجابة واحدة ليه (هى انى عمرى ما اتهاون فى الخيانة ابدا كله الا الخيانة مقدرش استحملها مهما كانت ومن اى نوع صديق او زوج او اى حد) مقدرش اتهاون فى موضوع الخيانة عارفة ممكن اتصرف ازاى بقدر جرحى هحاول ابعد وهقول الشخص ده مكنش يستاهلنى سواء زى ما قلت صديقة او زوج او اى حد . واتمنى من الله ان لو حصلت معايا موضوع الخيانة دى ميكنش من حد قريب منى او حد ميفرقش معايا يعنى حد على الهامش فى حياتى لانه ساعتها مش هيكون فى جرح من الاساس بس لو حد بحبه بجد ممكن اموت او يحصل لى حاجة . الخيانة بالنسبة لى شىء قاتل وصعب ربنا يحفظنا منه ويبعدنا عنه. يلا يا جماعة كلها يومين وهترتاحوا منى خالص علشان اروح واجيبلكم عضو جامد جدااااااااااااا كلكم بتحبوه.وعايزة يا جماعة فى اخر الحوار معايا تقييم لوجع القلب ده ونحلل الكتابة دى وعايزة اعرف رأيكم وقد ايه كنت تقيلة عليكم وقد ايه صدعتكم . احلى سلالالالالالالالالالالالالالالالام لاحلى حنون وسعيدة بجد انك معايا ولو فى اى سؤال مهما كان هتسعدنى جدا مشاركتك واسئلى ولا يهمك ابدا انا حد مبيخفش من اسئلة الناس اللى بيحبوه. فلورنديتا.
موضوع: رد: حوووووووووار جامد مع فلورندا الخميس 6 سبتمبر 2007 - 4:51
معرفش يا بت يا فلورا أنا منحوسة و للا انتي اللي منحوسة بصراحة
كل ما آجي أكتب رد هنا تحصل حاجة و ما يتكتبش ههههههههههههههههه عالعموم يا بنتي انتي إجاباتك على الأسئلة امتيييييييييييييييييييياز مع لحاف الشرف أي و الله و على فكرة يا ستي إنتي لا صدعتيني و لا حاجة و إيه كل يوم سطرين قراية دي انتي ما تعرفينيش على رأي د . نبيل فاروق أنا دودة قراءة هههههههههههههههههههههه بالنسبة للأسئلة أنا فعلا ما كنتش ناوية أكتفي بهذا القدر بس خلاص بقى - مش عشان حرمت و لا عشان انتي قلتي حرام عليا - هع لا إنما عشان أرحم المشاهدين و الجماهير بس مش أكتر و عموما أنا و انتي ممكن نبقى نرغي سوا براحتنا بعدين هههههههههههههههههههههههه و نطلق صواريخ و نبني أبراج زي ما انتي عاوزة
و على فكرة سوما طلعا لازم تكون أسئلتها حلوة مش قريبتي بقى و بنت خالتي و بعتبرها أختي الكبيرة أحلى سلاااااااااااااااااااااااااام ليكي يا سوما
سلام يا فلورا يا رب أكلمك قريب على خير يا رب لحسن إحنا مواعيدنا ما بتتظبطش مع بعض أبدا ههههههههههههههههههههه
موضوع: رد: حوووووووووار جامد مع فلورندا الخميس 6 سبتمبر 2007 - 17:07
هههههههههههههههههه الى طبيبة قلبى كيلر : ربنا يعلم انا مش مصبرنى على غياب خوخة غير انك موجودة معايا رغم اننا نعرف بعض من ايام قليلة الا ان حاجز الثقة بينا اتبنى بسرعة جداااااااااااا ودى اول مرة تحصل معايا. بالنسبة لسومة الجميلة انا حاسة انها انسانة فى منتهى الطيبة والروعة والهدوء تحسى انها مصرية بجد هادية ومسالمة مش زينا مستئذبين الى حد ما .ههههههههههههههههههههه شكرا على المرتبة الغالية جداااااااا وعبقال المخدة يارب واكمل بقية الاوضة. اما بالنسبة انك مش هتسئلى علشان خاطر ترحمى السادة المشاهدين هما فين السادة المشاهدين اصلا اسكتى يا كيلر مش تفكرينى اللى يشوف اعلامين المنتدى وهما هيهدوا الدنيا على الفكرة مش يشوفهم دلوقتى وهما مختفين بس ربنا يخللى حنون وقمر المنتدى وانت وضياء وانجى وشوشو والدكتور محمد وروح قلبى سومة وسلام المصرى وطبعا فروتتى واكيد ميدو وكل الناس اللى سألونى وشرفونى انا بشكرهم جدا جدا وبرده فى انتظار اى سؤال لان بكره اخر يوم ومستنية تقييم للحوار علشان جاية لكم يوم السبت بفكرة تجنن استنوها . احلى سلالالالالالالالالالالالالالالالام . فلورنديتا.
موضوع: رد: حوووووووووار جامد مع فلورندا الجمعة 7 سبتمبر 2007 - 4:08
ههههههههههههههههه ايه ده يا جماعة ايه النشاط اللى بيجى على الاخر ده . اهلا بأستذنا الرومانسى جدااااااااااااااااا الله يكرم اصلك استاذة مرة واحدة اسكت دا انت طلعت اكبر منى فأنا اللى هقولك من هنا ورايح يا استاذ او ابيه اللى تحبه ههههههههههههههههههههههههه بجد منورنى جداااااااا يا فارس وسعيدة بمشاركتك وسؤالك غير متوقع خالص انت تنفع اعلامى هايل وسؤالك رائع بس اعذرنى انا هتكلم براحتى دا موضوعى واظن من حقى انى اتكلم بحرية. بسم الله الرحمن الرحيم. انا علاقتى بالموت لحد دلوقتى كويسة جداااااااااا وهتفهم يعنى ايه بعدين من كلامى برده. فكرتى عن الموت انه الجسر اللى هنعبره علشان نوصل للحياة الحقيقة الابدية اللى مفيش بعدها حاجة الحياة اللى كلنا بنتمناها (الجنة) او اللى خايفين منها وبنحاول نتنساها (النار) وكل واحد وعمله يعنى نجحت فى الاختبار يا سعدك .سقطت ربنا يتولاك برحمته. _ موضوع بتخيل اشياء عن الموت دا اكيد كل واحد مننا بيحاول دايما انه يوصل بفكره ليعرف المجهول وتخيلاتى مش اكتر من شوية ارهاسطات مش هتفيدك كتير اللى هيفدك بجد هو الكلام اللى هقوله دلوقتى: انا مبخفش من الموت نفسه الموت فى حد ذاته شىء مريح انا بخاف من مراحل الموت المراحل اللى كل واحد فينا هيعدى عليها علشان يوصل للجنة او النار زى الحساب والبرزخ (الحياة البرزخية اللى هتتلاقى فيها الارواح) لو تعرفها هى الحياة اللى هنعشها بين مرحلة الموت والبعث .عموما وبقية المراحل بقى خد عندك ضمة القبر يوم الحساب. كل دى حاجات بترعبنى مش بتخوفنى بس وعلى فكرة مينفعش محدش يخاف منها . _عارف يا فارس انا معرفتش معنى كلمة موت بحق ولا هزنى غير بعد وفاة واحدة صحبتى كنا اصحاب قوى فى المدرسة وكنا قرايب كمان ماتت فى حادثة هى والدتها وملهاش غير اخ واحد بس والدها ربنا يكرمه ويشفيه عارف يا فارس صحبتى دى كانت راحة فرح هى وعائلتها كلها كانت فرحانة جداااااااااااا وكانت بتتمنى اليوم ده من زمان وكانت عمالة ترتب وتفكر هتلبس ايه الفرح ده كان فى القاهرة كانوا ناس من اقربائها فى منتهى الغنى والترف هما من هنا من الزقازيق بس صمموا انه يعلموا الفرح فى افخم قاعات القاهرة وتكون ليلة يتحكى عنها لسنين قدام فعلا هى كانت كده الاوتبيس اتقلب بصحبتى ومامتها وماتوا هما الاتنين وكانت صدمة كبيرة ليا بس عارف ايه اللى زعلنى بجد مش موت صحبتى رغم حزنى عليها بس حسيت انها ارتاحت بجد انا اللى دمرنى حالة بابها واخوها الموضوع ده من اولى اعدادى يعنى من اكتر من سبع سنين عارف اخوها دلوقتى بقى انسان فى منتهى الفشل والضياع والانحراف وابوها اتجوز بعد فترة . مش ده قصدى من الحكاية انا قصدى ان دى كانت اول رسالة من الموت ليا الرسالة التانية كانت وفاة جدى كنت بحبه جدااااااااااا جدااااااااااااااا وكان غالى على قلبى قوى ولما مات زعلت قوى بس حسيت انه ارتاح كان مريض جدااااااااا وكان الموت اهون بالنسبة له.وطبعا ناس تانية كتير. بس انا حكيت الحالتين دول علشان اقولك انى مش زعلانة من الموت ولما خد منى اتنين غاليين على قلبى مزعلتش منه ولا كرهته بس اللى خايفة منه بجد انى ازعل منه لو لقدر الله خد حد عزيز على قلبى قوى خايفة لزعل منه لانى ساعتها هكون عارفة انى انا الغلطانة ومليش حق فى زعلى بس مش عارفة ممكن اعمل ايه غير ان دايما بدعى ان ربنا يجعل يومى قبل يوم اى حد انا بحبه لان ممكن ساعتها اموت رغم انى حية وعلى فكرة انا نفسى اموت صغيرة علشان السبب اللى فات ده وعلشان اموت خفيفة بس عمرى ماتمنيت الموت ولما بتعدى عليا لحظة يأس بقول(اللهم اجعل الحياة زيادة لى فى كل خير واجعل الموت راحة لى من كل شر) على فكرة لولا انا عارفة انك مبتحبش الكلام الكتير رغم انى والله اختصرت على قد ما اقدر انا سامعاك وانت بتقول ده كله واختصرتى حرام عليكِ يا شيخة ارحمى .ههههههههههههههههههههه كنت حكيتلك يوم مازرت القبر لاول ولاخر مرة حصل معايا ايه بس يلا مش مشكلة نورتنى يا ابو الفوارس وانا سعيدة جداااااااااااااااا بمشاركتك معلش صدعتك انا عارفة بس يلا. احلى سلالالالالالالالالالالالالالالالالالالالالالام لاحلى فارس. فلورنديتا.
موضوع: رد: حوووووووووار جامد مع فلورندا الجمعة 7 سبتمبر 2007 - 4:55
وعليكم السلام نور الدنيا ونور الحب ونور قلبى هنا انا مش مصدقة نفسى خالص انا اكييييييييييييييييييييييييييييييييييد بحلم حلم جميل. وحشتينى جدا اكيد طبعا النت قاصد الموضوع ده مش عاوز قصة حبنا تكمل ههههههههههههههههه بجد يانور منورة وحالا اجاوب على الاسئلة بتاعتك. بسم الله الرحمن الرحيم. 1_عمرى جرحت حد بحبه من غير ما اقصد:اه جرحت حد بحبه من غير ما اقصد صديق عزيز جدا على قلبى عن طريق ان كنت عاوزة مصلحته فحسب انى بتدخل فى امور حياته واكتشفت انى مش بساعده اكتشفت انى قتلته بس انا مش ندمانة لانى مقصدش اى جرح ولو رجع الزمن بيا تانى هعمل نفس اللى عملته لان حتى ولو كان كلامى جرح فهو حقيقة ولازم تتواجه بس والله ما كنت اقصد انى اجرحه خالص وفى مثل بيقول يا بخت من بكانى وبكا عليه ولا ضحكنى وضحك الناس عليا مينفعش اشوف وضع غلط واسكت خصوصا اذا كان الوضع يخص حد عزيز عليا. 2_هههههههههه احب حد واثق فيه من غير اشوفه صعب بس مش مستحيل لانى ممكن اثق فى حد واحبه من غير ما اتكلم معاه تصرفاته هى اللى هتعرفنى بيه فأحتمال كبير احب حد واثق فيه من غير ما اشوفه وعلى فكرة انا عمرى ما عرفت حد من غير ما اشوفه يعنى حتى هنا على المنتدى انا شفتكم كلكم حتى وان مكنتش شفتكم فى الحقيقة رسمت لكل واحد منكم صورة فى خيالى واياكِ تسألينى انا شيفاكِ ازاى انت او اى حد من بقية الاعضاء لان دى حاجة احب احتفظ بيها لنفسى. 3_ممكن اصاب بالغرور بس لو بطلت اقول(اللهم انى اعوذ بك من الهم والحزن واعوذ بك من العجز والكسل واعوذ بك من غلبة الدين وقهر الرجال اللهم انى اعوذ بك من الفقر الا اليك ومن الذل الا لك ومن الخوف الا منك واعوذ بك من اقول زورا او اغشى فجورا او اكون بك مغرورا واعوذ بك من شماتة الاعداء وعضال الداء وخيبة الرجاء اللهم انى اعوذ بك من شر الخلق وهم الرزق وسوء الخلق يا ارحم الراحمين ويارب العالمين )اللهم آمين. صدقينى يا نور طول ما انا عارفة ان سبب القوة اللى انا فيها دى هو ربنا سبحانه وتعالى عمرى ما هتغر وحتى لو حاولت اتغر هما شوية انفلونزا ولا مغص يعرفونى انا مين ويفوقونى ويقولوا قد ايه انت ضعيفة واطلبى القوة من الله انا يمكن قدامكم قوية لانى عمرى ما ذليت نفسى لحد غير لربنا ودى نعمة كبيرة قوى بشكر ربنا عليها الحمد لله. 4_اكتر حد وثقت فيه فى حياتها كلها هى نورا اختى ولو طلبت عمرى مش هتأخر عليها. 5_شايفة الحياة ازاى شيفاها مسجد كبير كلنا بنحاول نجتهد فيه فى طاعة الله على قد ما نقدر لحد ربنا ما يقبلنا ونكون من المقبولين ربنا يوعدنا ان شاء الله. شرفتينى جدااااااااااااااااااااا جدااااااااااااااااااااااااا انا سعيدة بيكِ وان شاء الله معايا يوم السبت مفاجأة جنان فكرة جديدة جدا يارب تعجبك وضيف جامد جدا مستنية اى سؤال خلال النهاردة لان اخر ميعاد للاجابة على اى سؤال هيكون الساعة 12 مساءا علشان نستقبل غدا ان شاء الله حلقة تجنن فى حوار جامد جدا مع فلورندا وعايزة اعرف تقيمكم للحوار ده قد ايه كنت صريحة ولا لا اجاباتى تاخد كام فى الميه وكدا يعنى اسعدتونى جدا وربنا يخليكم ليه. احلى سلالالالالالالالالالالالالالالالالام لاحلى نور ولاحلى منتدى. فلورنديتا.
موضوع: رد: حوووووووووار جامد مع فلورندا الجمعة 7 سبتمبر 2007 - 21:18
الله على كلامك يا سومة انا فى منتهى السعادة انى كنت معاكم معقولة يا سومة اسئلتكم تضايقنى والله انا كنت سعيدة بيها جداااااااااااا زى ما انا سعيدة بشرف تعرفى عليكِ يا جميل انا مهما قلت لك انا حبيتك قد ايه مش هتصدقى انت انسانة لذيذة جداااااااااااااااااا وطيبة ومحترمة وانا معجبة بيكِ بجد انا فى منتهى السعادة انك هتكونى اخر حد يكتب لى تعليق لان فاضل اقل من ساعة واضرب الجرس ومعتقدش ان فى حد تانى ممكن يدخل يقولى كلمتين حلوين قوى كده اتمنى من الله انكم تعتبرونى ضيفة خفيفة عليكم وعلى قد ما انا بحبكم كنت والله صريحة جداااااااااااا معاكم اللى على السطور هناك دى انا بجد والله من غير اى اقنعة ولا تزييف. وان شاء الله المفاجأة تعجبكم هتعرفوها خلال ساعات قليلة جدااااااااااااا من اعلان انتهاء الحوار معايا علشان نبدا حوار جامد جدااااااااااااااا مع عضو جامد قوووووووووووى هينورنا لمدة اسبوع.ولحد ما الجرس يضرب انا فى الخدمة وتحت امركم. احلى سلالالالالالالالالالالالالالالالالالام لاحلى سومة ولاحلى اعضاء شاركوا معايا. فلورنديتا.
موضوع: رد: حوووووووووار جامد مع فلورندا 
الثلاثاء 4 سبتمبر 2007 - 0:30
