فاكرة

[center]فاكرة
فاكرة اول يوم حبيبتي جيتي فيه
نظرتك
وبسمتك
هوة دة اللّي انا دوبت فيه
يوم ما شوفتك
وعرفتك
قلبي قال كل اللّي فيه
قال بحبك
ونفسي قلبك
ييجي ويقول اللي فيه
فاكرة اول كلمة يا حبيبتي قولتهالك
فاكرة اول صورة ليكي رسمتهالك
كل كلمة
كل صورة
كل نظرة في عينيكي طويلة
كانت بتقول بحبك
بحبك
صدقيني يا حبيبتي
صدقيني
ولو تعبتِك اعذريني
إعذري قلبي اللّي داب في عينيكي ياما
إعذري روحي
اللّي طارت في السما
زي الحمامة
أجمل الاوقات صدقيني كانت معاكي
أجمل اللحظات أعيشها
صدقيني يوم لقاكي
يوم أول طلعة ليكي
حلقت روحي في سماكي
فاكرة يوم ما اتجرحتي
يوم حبيبتي ما اتوجعتي
كانت كل روحي ونفسي معاكي
كنت مجروح
كان قلبي دامي
كنت شايفك
كنت سامعك
صورتك مرسومة أمامي
ودموعك
كانت دموعي
وجروحك
دي جروحي
وصدقيني يا حبيبتي
يوم رجوعك للحياة
كان يوم رجوعي
أجمل اللحظات بعيشها في ابتسامة
ابتسامة من شفايفك
صدقيني
دة مش كلامي
دة كلام قلبي اللّي شايفك
دة كلام قلبي اللّي سامعك
اللّي كان عايز يقولك
كلمة واحدة
في همسة واحدة
عارفة ايه هية حبيبتي؟
كلمة بحبك
بحبك.................[/center]

قصة حكيكية

ايه العظمه دي يا عم عموررر

بجد تجنن

الموسيقي فيها حلوة قوي

والايقاع بتاها جميل

طبعا كلها جميله

بس الجمله دي حلوه قوي

اقتباس :: ولو تعبتِك اعذريني

شكرا يا حنان

ربنا يخليكي

الكلام

لما بيبقي واقعي

بيخرج من القلب علي طول

بيبقي قوي اوي

ولما الواحد بيكتب

حاجة ما حصلتلوش

بيبقي الكلام مش محسوس اوي

السلام عليكم ,

جميله والله فعلا يا عمور .
كلماتها جميله اوى .
واحساسها جميل .
بجد عجبتنى كلها بدون استثناءز
وفعلا الموسيقى فيها حلوه اوى .
انا حسيت انى بسمع اغنيه .
مش مجرد قصيده .
بجد جميله جدا .
وانت فعلا ابدعت فيها .
واحساسها كان فعلا صادق اوى .

تسلم .
ومستنيين منك المزيد والمزيد .
من ابداعاتك الصادقه دى .

سلااااااااااااااااااااام ياعمووووووووووووووووور .

شكرا يا شيماء علي الكلام الجامد دة

ولو عايزة اغنيهالكوا

يبقي انتو اللي جانيتوا علي نفسكوا

ليه بس كده

غنيها بالمرة
واهو كله احساس بيخرج
وهانسمعها برده
بنفس الاحساس اللي قريناها بيه
ف هانحس

ان

ان

مطرب محترف بيغنيها

؟؟؟ايه دا

فينك من زماااااااااان

حلوة جدا
ووصفت فيها اوصاف
لذيذة

مؤثرة فعلاااااااا

وعلي رأي اللي قال قبل كده
يابختها

مش اوي يعني
( علشان بس ما تتكبرش علينا وما توريناش الحاجات دي )

بجد جميلة

تسلم الايادي يا دكتور

وحلوة رباعيات حضرتك
ربنا يوفقك وتكملها كلهاااااااااااااا علي خير

سلام

وحلوة رباعياتك
ربنا يوفقك وتكملها كلهاااااااااااااا علي خير

هههههههههههههههههههههههههههه

كويس انك متابعة أهو

وشكرا عالكلام الجميل دة

والله العظيم

كنت مفتقد الردود دي بالذات

من زمااااااااااااااااااااااااااااااااااااااااااااااااااااااااااااااااااااان

اكيد متابعين يا دكتور

مش اي حد بنتابعه

هي جت صدفة طبعا
بس كانت صدفة جميلة
لرباعيات حلوة جدا

ربنا يوفقك ونشوفك حد كبير اوووووووي
ذي عمنا جاهين
وذي شكسبير
والناس اللي بنسمع عنهم في التليفزيون بس دول

في انتظار ردودك وقصايدك الكتيررررررر
بس بعد امتحانك ان شاء الله

وياريت تصبيرة برد او اتينن كل يوم لغاية ما الامتحانات تخلص

سلام

السلام عليكم

كلماتها جميله ياعمووووور
واحساسها اجمل واجمل
لانك حاسس بكل كلمه فيها
تسلم ايدك ياعمووووووور
فى انتظار المزيد
احلى سلام من قمرايه المنتدى

جمييييييييلة يا دكتور
جميل اوووي احساسك الصادق فيها
وفعلا الموسيقي فيها رااائعة

وباقول لحضرتك غني ولا يهمك
واحنا مستمعيييييييين
يمكن نقدم لحضرتك في الاذاعة ولا حاجة
تبقي ملحن وموزع وكاتب ومغني
ماشاء الله

بجد رائع يا دككتور
ربنا يوفقك يارب

سلام