قصيده استغفار

قصيدة استغفار

بصـدق شعــري لـو حتى يكـون كـداب

بخبــط شعـــر علـى الأبـواب

وأطبطــب شعــر علـى الأحباب

وف الوحدة يـونسني وف السكه يحمســني

ولما الدنيـا تقـرصــني يحـسسني بإني شباب

سنين الغـربة وخداني وعمره ما سابني وحـداني

وقولت بلادي وحشاني كتبت الشعر ألف جواب

وقالوا الدنيا حسداني عملت الشعر ألف حجاب

أنـا اللي الشعـر ألفني وجاني فيوم وحلفــني

ما شيء ف الليل يخوفني إذا ضل القمر أو غاب

ومن يومهــا بقيـت عايش بقلـبي جـريء

ومن يومهــا بقـالي الشعـر أغـلا صـديق

ولما الـدنيا بيّ تضيق بلاقي الشعر يسكني ويحضني

ويفتحلي فحضنه طريق يخـدني لأخـر المشـوار

وأكون غـدار لو أنكر إنه كان صاحب لمشواري

وكان داري وأجمل دار

ولما بقيت فيوم شاعر قالو لي الناس بقيت فشّـار

وقالـوا الكدب كـان أول طــريق النـار

ملاني الخوف وكَسّرت القلم وقطعـت كراسـي

وشيلت الذنب فوق راسي وكان الرعب سجانـي

وفاجئه لاقتني من تاني كتبت الشعر ع الأسوار

ولما عرفت يـوم إني لا يمـكن أبقى غـير شاعر

كتبت قصيده استغفار

السلام عليكم
بصى بقى ياحنان تسلم ايدك الاول على القصيده بس القصيده الاولى الاهداااااااء كانت احلى
اوعى تزعلى ياجميل
سلام

بالعكس

انا افرح لما اعرف رأيك بصراحة

بس الاولي اكيد لازم تكون احلي

كفاية اني كتبتها للمنتدي واعضائه الجمال

لازم ما يكنش في قصيده احلي منها ان جاز التعبير

وشكرا لمرورك الجميل

السلام عليكم ورحمه الله وبركاته

بجد بجد انا دى عجبتنى اكتر

وعموما دى مشاعرك

وانتى بتعبرى عن اللى جواكى

يبقى اكيد هيبقى احلى كلام

ربنا معاكى يا حنون

لا اله الا الله

ايه يا حنان الحاجات الحلوة دى انت روعة انتى مش معقولة بجد بجد تسلم ايدك يا حنون وانا اللى زعلانة جدا انى مشفتكيش قبل كده عرفت دلوقتى انى خسرت كتير وبجد نفسى اتعرف على الشاعرة الجميلة اللى زى العسل دى يا ولاد تسلم ايدك وقلمك اللى كتب الحاجات الحلوة دى ربنا ما يحرمناش من المنتدى الرائع ده اللى عرفنا بالناس الجمال جدا دول.
واحلى سلالالالالالالالالالالالالالالالالالالام على عيونك يا سكره.
فلورنديتا. geek

السلام عليكم

علي فكرة يا حنان

مافيش غلطة اوحده
والموسيقي في القصيدة دي رائعة

فيها نغمة حلوة اوووووووووووووي

تعرفي وانا باقراها
متوقعة انك في الاخر هاتكتبي منقول لحد من الشعراء الكبار

لأنها فعلا ما تجيش غر من نااااااااااااااس موهوبة محترفة في نفس الوقت

تسلمي حلوة جدا جدا جدا

الفكرة
وبدايتها في الكلام
والنهاية
وكلها كلها

سلام

صحيح

نسيت اقووووووووووووووووووووول

اني

اني

اني قد

اني قد اعتزلت الشعر

اروح انا فين وسسسسسسسسطيكم

قال باعرف اكتب قال

سلام
وكفاية بأه
لأني خلاااااااااااااص

اني اعاني
اني اموت
اني حطام

سلامتك يا دك دودو من المعاناة والحطام والموت

ردودك فعلا احرجتني من زيادة رقتها

لكنني لست بشاعرة

وانما دفعتني يداي محلقة

فهي اولي كتاباتي الخيرة

وان شاء الإله الاخرة

فلم تتحرك يداي الا من اجل منتداكم

ولن احركها بعد الان الا لسواكم

بجد لقد احمر وجهي خجلا من معاملتكم وترحيبكم بيه

وكيف نستمتع بالشعر ونحن لا نشعر به الا من خلالك

يا شاعرة

يا ساحرة

اخذتي طرقًِ مشرقة

فلا ترحلي وابقي هنا مَنورة

وجزيتم لاعجابكم بها

سلامي لاحلي اعضاء بالمنتدي

ياسلاااااااااااااااام

ايه دا بجد رائعة

ما شاء الله

طيب عايزاني ارد اقول ايه
غير

اللهم لاحسد

ما شاء الله عليكي
ودا شرف لينا كلنا انك تخرجي مواهبك وسطينا

في انتظارك دايما يا حنان

سلام

حناااااااااااااااان

انتي بجد

مغيش بعد كدة

المنافسين هيكتروا في المنتدي يا جماااااااااااعة

بس بجد

القصيدة دي روووووووووعة

عجبتني موووووووووووت

كلماتها كلها
احساسك فيها

بجد راااااااااااااائعة

الي الامام

سلام

ايه ده بقي

كل الاعلاميين فراودة كده

لا وايه البت حنان دي لميضة قوي

في الموضوع وفي الردود

والواحد يا اختي يشوفك في الدراسة يقول لا ليك في ... ولا في...

بس فعلا جميلة قوي

هي كلها طبعا عجباني

بس الجزء ده مشعشع في دماغي قوي

[color=black]

اقتباس :

[color:ec1f=deepskyblue:ec1f]وف الوحدة يـونسني وف السكه يحمســني
ولما الدنيـا تقـرصــني يحـسسني بإني شباب
سنين الغـربة وخداني وعمره ما سابني وحـداني

انتوا بتجبروني اكتب ردود طويلة

وخنقتوني كل شويية واحد يحط موضوع حلو

واضطر اكتب رد

بس مش تتعودوا علي كده

يلا بقي سلام

انتوا فيييييييييين

انا فعلا بشكر كل من..

نور.. حبيبة قلبي

وفلورندا.. شخصيتي المفضلة

ودك ضياء ..والاعلامية خوخة..

وبقول ليكوا انتوا وحشتونا جدا

و بقول للزميل الاعلامي المشاغب ميدو..

احب انبهك لشيء

اذا كنت انا لميضة قراط

فانت لميض 24 قراط

شكرا لمرورك وردك واهو كلة بثوابه

وانا فعلا مقدرة المجهود الجبار اللي انت عملته

دخلت الموضوع

وكمان قريته

لا وايه قررت تعلق عليه

ياااااااااااه شغلانه يا راجل

الله يكون في عونك

بجد بتتعب

سلامي لاحلي اعضاء بالمنتدي

» قصيده جمعت كل سور القران
» :: احلى قصيده شعر للبنت المصريه ::
» قصيده لاتكذبي للشاعر الكبير كامل الشناوى