دقيقة من فضلك .... ولو ربع ساعة حتي ايه خشارة ؟؟؟!!

السلام عليكم

موضوع حلو اوووووووووي لسه شايفاه ونقلته هنا
ربنا يجعله في ميزان حسنات صاحبة الموضوع اللي عرفتني عليه

اتفضلوا

السلام عليكم و رحمة الله و بركاته

(( قل يا عبادى الذين أسرفوا على أنفسهم لا تقنطوا من رحمة الله إن الله يغفر الذنوب جميعا إنه هو الغفور الرحيم ))

بص

دقيقتين من وقتك بس

عينك اللى بتقرأ بيها الرسالة دى

آخر مرة بكيت بيها امتى

ما اقصدش البكاء لوالدك عشان يديك المصروف

ولا البكاء من أغنية مؤثرة

لالالالالالالا

اقصد امتى بكيت على ذنوبك التى لا تعد ولا تحصى

بس معلش هوا حضرتك فاكر ان عندك ذنوب من الأساس ؟؟

فيه مليون حاجة الواحد مننا بيعملها و هو مش عارف انها ذنب

بس انا متأكدة ان الواحد منننا لو قعد يعد ذنوبه دلوقت بما يرضى الله من ساعة ما بلغ لغاية دلوقت

و حسب لكل مائة ذنب ثانية بس فى النار

انا متأكدة انك حتلاقى و انا معاك كمان على الأقل من عشرين لتلاتين سنة موجودين فى رصيدك فى النار

يا ربىىىىىىىىىىى

النار اللى ربنا قال عنها

(( إذا ألقوا فيها سمعوا لها شهيقا و هى تفور ))

مش حتقدر تستحمل فيها ثانية واحدة

طيب جرب تحط ايدك على شمعة
شمعة بس و استحمل عشر ثوان و تبقى بطل

امال النار اللى ممكن تقعد فيها سنين و سنين على ذنوب ورا ذنوب وورا ذنوب اتجمعت عليك من زماااااااااااان

و انت مش عايز تنزلها من على كتافك

شتمت فلان و ضربت فلان و كذبت على فلان و سبت صلاة العصر فى اليوم الفلانى و فطرت فى رمضان العلانى

و وووووووو

عد بقى براحتك و احسب رصيدك بقى قد ايه فى النار و شوف انت حتستحمل قد ايه

بس نصيحة منى

حاول تصفى حسابك مع النار و ابعد عنها خالص لأنك مش حتقدر تستحمل ثانية فيها

(( و لئن مستهم نفحة من عذاب ربك ليقولن يا ويلنا إنا كنا ظالمين ))
نفحة بس تعمل فيك كده

سلم يا رب

بص

توب النهارده و اتوضى و صلى و استغفر ربنا

حتلاقى ربنا قريب منك

ربنا

بدمعة

بسجدة

بكلمة

بأنين تائب ممكن يسامحك على ذنوب عشرين سنة فاتوا فى لحظة واحد

بص الحديث ده

عن أنس قال: سمعت رسول الله صلي الله عليه وسلم يقول

{ قال الله تعالى: يا ابن آدم ! إنك ما دعـوتـني ورجوتـني غفرت لك على ما كان منك ولا أبالي، يا ابن آدم ! لو بلغـت ذنـوبك عـنان السماء، ثم استغـفـرتـني غـفـرت لك، يا ابن آدم ! إنك لو اتيتني بقراب الأرض خطايا ثم لقيتـني لا تـشـرك بي شيئاً لأتـيـتـك بقرابها مغـفـرة }.
[رواه الترمذي:3540، وقال: حديث حسن صحيح].

إن الله تعالى يبسط يده بالليل ليتوب مسيء النهار، ويبسط يده بالنهار ليتوب مسيء الليل حتى تطلع الشمس من مغربها‏.‏

شفت ربنا كريم ازاى

شفت بيحبك ازاى

شفت هوا بس مستنيلك حاجة كويسة تعملها عشان يضاعفهالك اضعاااااااااااااف

و الحاجة الوحشة اللى بتعملها بيداريها و يساعدك انك تتوب منها

يا رب انت كريم اوي يا رب

استحلفتك بالله يا اختى و يا اخى

توبوا النهارده مين عارف يمكن ده يكون آخر يوم فى حياتك تنام تصحى على صوت المغسل و الحانوتى و هما بيصلوا عليك

تصحى من على سريرك تلاقى سريرك بقى قبر

صدقنى حتزعل اوىىىىىىىى ساعتها

حتقول

(( يا ليتنى قدمت لحياتى ))

حتى إذا جاء أحدهم الموت قال رب ارجعون

بس ساعتها مش حتقدر ترجع

و أختم بالآية اللى بدأت بيها

((((((( قل يا عبادى الذين أسرفوا على أنفسهم لا تقنطوا من رحمة الله إن الله يغفر الذنوب جميعا ))))))))

سلام
وادعوووووووووووووووووولي

السلام عليكم ورحمة الله وبركاته

بارك الله فيك يا دكتورة ضياء وأنار الله وجهك بالقرآن وزادك اطمئنان ووهبك شفاعة الرحمن....اللهم آمين..

فعلا ماحدش عارف ايه اللي ممكن يحصل بعد ساعة...دقيقة....ثانية من دلوقتي...

أسأل الله التوبة النصوح والثبات بعد التوبة والصبر على العبادة <وما خلقت الجن والانس الا ليعبدون>

اللهم اني ظلمت نفسي ظلما كثيرا زلا يغفر الذنوب الا أنت فاغفر لي مغفرة من عندك وأرحمني انك أنت الغفور الرحيم

أحلى سلام

» في ساعة متأخرة من الذكرة