تحيا جمهوريه ماسك العربيه

اكثر من 70 مليون ممثل تمتلىء بهم مصر التى تحولت الى ستوديو كبير
ويمارس فيه التمثيل live على الهواء مباشره , الجميع يحملون اقنعه (وماسكات) يتحركون بها ويبدلونها حسب الطلب,اصبح من الصعب ان تصدق (اى حد) اساسا

ينزل المواطن (من دول) الىالشارع,ايا كانت مهنته او شخصيته او وضعه المادى
وهو جاهز لاداء دوره فى اى مسرحيه تفرضها عليه الظروف,
وطبعا لازم يستخدم الماسك المناسب لدوره والذى يحقق هدفه الاوحد وهو ان تصدقه الجماهير وتتاثر به وتصفق له00
وطبعا انتو عارفين ان الجمهمور عندنا حساس جدا جدا وبيحترم اللى (يثبته) جدا جدا

وتتوالى المسرحيات بنجاح منقطع التاثير, والواحد بقى ماشى فى البلد مش عارف يصدق مين 00 اصل كلهم مقنعين بصراحه00

اصدق ايمن نور ونضاله ام اصدق الخمسين قضيه المرفوعين ضده

اصدق احمد الفيشاوى ام هند الحناوى

اصدق من يكتب يدافع عن تحيه كاريوكا وساميه جمال وفن الرقص الشرقى المحترم(قال يعنى بكل ما فيه من هز بطن00 ) ام اصدقه عندما يكتب يهاجم روبى لانها تفعل الشىء نفسه

اصدق صفوة المجتمع الذين يتحدثون عن الاخلاق والاصول والقيم ام اصدق فضائح بنات عائلات صفوة المجتمع بالصوت والصوره ورقم المحضر

اصدق مانشيتات الصحف القوميه ام اصدق مانشيتات اخبار النجوم

السياسيون يرتدون ماسك الوقار والجديه
المطربون يرتدون ماسك (التسبيل)(والطيبه)(وشعار الكمال )
المعارضون يرتدون ماسك الثوره
البنات يرتدين ماسك البراءة والتلقائيه
الاولاد ترتدى ماسك الحب من اول نظره
الصحفيون يرتدون ماسك ضباط الشرطه
ضباط الشرطه يرتدون ماسك(قوم اقف وانت بتكلمنى)

وطبعا كل واحد لايق عليه الماسك بتاعه والافضل هو اللذى يحتفظ فى حقيبته باكثر من ماسك واحد

ودعوه الى الجيل الجديد القادم(اللى انا منه) عندما يقف ويحيى العلم ان يهتف من كل قلبه ( تحيا جمهورية mask العربيه)

وادعو محمود العسيلى بتغيير اغنيته ( يبقى انت اكيد00 اكيد فى مصر) الى
(يبقى انت اكيد00 اكيد لابسلى ماسك)

سؤالى لك اى ماسك ترتديه انت ؟؟؟
(ده ان كنت من اصحاب الماسكااااااات)

ومتنسوش شعارنا
مقولتش حاجه
مكتبتش حاجه
ومسمعتش حاجه

السلام عليكم
ايه يافلور ده انتى مستغنيه عن نفسك يابنتى
بس الموضوع جميل .وشعارك اجمل
مقولتش حاجه
مكتبتش حاجه
ومسمعتش حاجه. ده الشعار الى يناسب الجمهوريه العربيه
وخلى بالك من نفسك مصر محتجالك يافلور

في واحد من الحكماء اللي انا مش فاكره اسمه ايه مرة قال

كل منا لديه أقنعة
يرتديها بمجرد خروجه من باب منزله
لكن داخل منازلنا
يسقط كل قناع

بلاش السلبيه دي
مش مصر وحدها يعني
ههههههههههههههههههههههه

موضوع جميل يا فلاور

كلام جميل فلور
اشبه بالحقيقه
بصراحه انا قربت اصدق

بس برجع واقول مش كل صوابعك زي بعضها
كام سؤال صوغير مش عارف انتي هتكوني صريحه ولا لا عشان محتاج صراحه :
س1: انتي مصريه ولا لا ؟
س2: من ال 70 مليون ولا لا ؟
س3: بتلبسي الماسك ولا لا؟

شكرا واتمني الاهتمام والرد بصراحه