أنا نجحت السنة ديه !!!

طبعاً كانت ايدي بترتعش و أنا متوجه إلى ذلك الصرح الضخم الذي يخيم عليه الصمت كأنه مقبرة للعلم و العلماء و الذي يسمى ( كلية الطب ) .... كنت شاكك إن الشهادة اليوم ..

ذهبت بعد ان ارتديت حزام من النوع الغليظ لتخفيف الصدمات ,, و قررت ان اتخذ الباص العام وسيلة مواصلات حتى اتأخر قدر الإمكان في وسط زحمة الناس و دوشة الأتوبيسات ... بس للأسف وصلت بسرعة ..

توجهت إلى المكتب الراقي الذي يقبع فب ردهة الجامعة و الذي يدعى ب ( مكتب التسجيل ) كل اعضائي ترتجف و كل الطلاب تبدو على وجوهم نظرات الإحباط و اليأس .... توجهت و أنا متردد إلى مكتب التسجيل و سألت الأخ المحترم الأصلع اللي موجود في الشباك بتاع التذاكر هههههههه .. قصدي شباك المكتب ( عندك شهادات و لا ايه نظامك النهارده ؟؟ )

قال : لأ يا فندم فوت علينا يوم الأحد القادم ...

أنا طبعت كنت عايز اتحزم و ارقص عشرة بلدي في الجامعة بس كان فيه راجل بلحية طويلة واقف في الكافيتريا جعلني استحي ان افعلها .... فكرت و قلت لايمكن ان اعود بخفي حنين بعد كل البهدلة في الأوتوبيسات ديه .. و بالفعل قلت لازم اطلع للسكرتيرة تربطني بها علاقة طيبة و ممكن كلمتين كده و الأمور تمشي و تديني في السر المجموع علشان ماما حتقصفني بالصواريخ لو رجعت من غير الشهادة ..

ركبت الأسانسير او باللغة العربية ( اللفت ) و طلعت عند الأستاذة فلانة ( بلاش الإسم علشان العمل ده غير قانوني بالمرة ) و قلت ليها ممكن اعرف مجموعي يا استاذة فلانة .....

قالت : مين ده مش ممكن دكتور أحمد عسل بنفسه مش ممكن .. و اغمى عليها و جري الكل يفوق فيها و اللي يشممها نشادر و اللي يشممها رجله و في الأخر القيت نظرة سريعة و خطفت مجموعي و عرفت إني نجحت ...

نجحت .... نجحت .... نجحت ....... و طبعا الخبر عمل إنقلاب بكل المقاييس خاصة إن الإنقلاب العسكري في غزة كان شاغل معظم المصحيين و الدكاتره كانوا متنشنين على الأخر في التصحيح ...

المهم كل سنة و أنا طيب و ألف مبروك ليه و عقبال ما اتخرج كده و اكون دكتور كبير زي البشمهندس نجيب محفوظ ..

دلوقتي اترك ليكم باب المجاملة و التورته الجاتوه ....

السلام عليكم

الف مليون مبروك يا دكتور أحمد

وعقبال التخرج يااااااااااااااااااااااااااااااااااااارب

وعقبال كل اللي في طب في المنتدي دا

ماتزعليشش يا ضياء انتي وكيلر

وانا جبت لحضرتك التورتة اهو
يارب تعجب حضرتك

دي كمان واحدة اهو علشان خاطر الاستاذة اللي في مكتب التسجيل علشان مساعدها لحضرتك

أنا نجحت السنة ديه !!! 2bf73beb81

ودي باه لاستاذ جمال
مش كلها طبعا حتة صغيرة علشان باقي المنتدي ياخد

أنا نجحت السنة ديه !!! A45618ecec

بجد الف الف مليون مبرررررررررررررررررررررررررررررررررررررررررروك لحضرتك يا دكتور

سلام

السلام عليكم

الف الف مبروك يا فوهلر

وان شاء الله تكون سعيد وفرحان بهذه النتيجه

يلا سلام