انالله وانا اليه راجعون توفت الى رحمة الله اختكم آية the journalist ادعو لها بالرحمة

السلام عليكم ورحمة الله وبركاته
البقاء لله
the journalist توفت الى رحمة الله اختكم آية
وانا اخوها وكانت وصيتها انى ابلغكم باعتبار ان المنتدى هنا كان مكانها المفضل
وتوصيكم بتذكرها بالخير وان كانت اخطات فى حق احدكم فهى اليوم عند مليك مقتدر وتحتاج منكم ان تسامحوها جميعا ان كانت اقترفت خطا فى احدكم بقصد او دون قصد
وان تدعو لها بالرحمة
وانا لله وانا اليه راجعون

السلام عليكم ورحمة الله وبركاته

هذا ليس ادعاء او كذب بل هو خبر صحيح مائة بالمائة ولكنه فقط خبر مستقبلى اعتبر انك تقرأ صحيفة الغد
فهذا قلمى قرر ان يخط نعيى بنفسه قبل ان يٌرثى من الاخرين بغض النظر ان كانوا مكلومين حقا ام انهم مجرد عابرين
لعل القطار قرب على التوقف ولاحت المحطة من بعيد وحانت اللحظة
لا ادرى ان كانت مرتقبة ام منتظرة
لا ادرى ان كنت اكن لها شوقا ام اهابها لجسامتها
لعل مشكلتى الحقيقىة هى عدم ادراكى لكثير من الماديات والمحسوسات لانى لم اراها او المسها فانا اؤمن ايمانا تاما بانى فى ذات يوم لم اكن سوى عدم ولكنى لا استطيع معايشة تلك اللحظة باحساس حقيقى
بنفس الطريقة اؤمن بان الموت حق ولكنى لا افهمه ولا استوعبه فقط اقول لنفسى شخص موجود اصبح مفقود لعله سافر او لعلى الحق به قريبا
فقط
لا ادرى ان كان الامر بتلك البساطة ام ان عقلى المتواضع وهذا ما اظنه ذلك العقل المتواضع الذى لم يستوعب حتى الان ان العين بها ـ ـ عشرة آلاف مستقبل ضوئي فى المليمتر ، أما في شبكية العين في المليمتر مئة مليون مستقبل ضوئي وان العين تفرق بين 8 ملايين لون ، ولو درجت اللون الواحد إلى 800 ألف درجة لكشفت العين السليمة الفرق بين الدرجتين
ذلك العقل الذى لم يستوعب بعد الفضاء الفسيح رغم يقينه التام بوجوده
وهو نفسه العقل الحائر فى النفس البشرية ومكنوناتها وماتخفيه الانفس وهى تظهر نقيضه بمهارة واقتدار
ولعلى فى محاولتى تلك احاول عبثا ان اعين عقلى ع استيعاب الذهاب والاستعداد له ما استطعت وحتى اعلم نفسى انى فانية فانية فلا جدوى من الحياه ان لم تكن كما ينبغى لها ان تعاش
ولا جدوى من الدنيا ان لم تجعلها انت ارقى لك ولمن سيأتون بعدك
ولا جدوى من النظر للسماء ان لم تذكرك برحمة الله الفسيحة التى شملت الشقى قبل التقى
ولا جدوى من النظر للارض ان لم تعلم انك فى يوم ما قرب ام بعد ستكون مسجيا بين طياته ممدا بين تسبيحات من حولك تنير تسبيحاتهم نفسك
فلا جدوى من تحمل مشاق دنيوية دون ان تعمل ما استطعت لتجد نفسك بين تلك التسبيحات النورانية التى انبعثت منك وفاضت على من حولك
ولا جدوى من الموت ان لم ينقلك للخلود

مش عارفة ارد اقول اية

ولا اقول عليكي اية

حرام عليكي

كفاية كدة

السلام عليكم ورحمة الله وبركاته

ايه ياخوخة مش عارفة تقولى ايه ليه
قولى البقاء لله
وانا ارد عليكى اقولك ونعم بالله وسعيكم مشكور

وبعدين حرام عليا ؟
ربنا يسامحك

وبعدين لو

لو

لو

لو

كنتى اتخضيتى عليا ولا حاجة ما انا مقبلاكى بعدها يعنى خلى حد تانى يتخض
وبعدين هو انا عملت ايه ؟

تعرفى ايه اللى طلع الموضوع ده ف دماغى

انا اتعرضت له حقيقى
ف منتدى ما وكانت البنت اسمها ايه وحسيت وقتها انى مخضوضة جدا رغم انى عمرة ماشفت اسمها قبل كده وحسيت انى مخضوضة انى اكون مكانها
وبغض البصر من ان البنت كانت بتشتغل صحابها وسابت الموضوع كده ودخلت طلعت لسانها ليهم وقالت لهم ضحكت عليكم
لكن ده مش هدفى م الموضوع وانتى اكيد عارفة كده
انا بس لما دخلت منتدى تانى وواحد فيه توفاه الله وازاى الناس بتوع المنتدى عملوا معاه حركات جدعنه ختمات ودعا وكده حبيت الجو ده
انى هافضل مع صحابى حتى لو مت

وعملت الموضوع اساسا
عشان اكسر جوايا الحته دى حته انى مش متخيلة ان الموت هيخبط على بابى ف اى وقت
ولازم وقتها ابقى ع الاقل مهيأة نفسيا لده
الاعمال والجنة والنار والكلام ده ف ايد ربنا وحده برحمته يغفر لنا جميعا كل ذنوبنا مهما كبرت
بس انا متضايقة من ان دماغى مش واصلة للحقيقة كما هى لسه عايشة ف الوهم وشايفه الحقيقة خيالات وشايفه الوهم حقيقة فحبيت احط الحقيقة قدامى عشان ابقى ع الاقل فاكراها

وبجد انا اسفة جدا
لو كنت سببت لك اى ازعاج

تقبلى مرورى وفائق احترامى

سلام عليكم

» السلام عليكم و رحمة الله
» انظروا ماذا فعلت الساحرة بكتاب الله (استغفر الله العظيم)
» التوازن النفسي والسلوكي في شخصيةرسول الله صلى الله عليه وسلم
» التوازن النفسي والسلوكي في شخصيةرسول الله صلى الله عليه وسلم
» الصوره التي شل الله يد مصممها بعد 3 ثواني فقط .. وحسبي الله