عدناااااااا .. قصيدة جديدة .. " ألا تعلمين ؟ "

ألا تعلمين ..؟

بأنى وحيد على كل درب ..

و أنى غريب على كل سرب ..

و أنى إذا ما تلاقت جفونى .. فآلام عمر .. و أحزان قلب ..

عشقتك عمرا .. و فجرا .. و حلم

سراج ينور فى كل بهم ..

فإن أخلص الناس فى قنص شعرى ..

ففيك الحماية من كل سهم ..

رأيتك فى الأفق شمس النهار ..

لجين تناثر حول النضار ..

شعاع تعلقت فى طرفه ..

فأغشى عيونى .. بنور و نار ..

شموعى مشاع .. و عمرى خداع ..

و أملى على البعد و لى و ضاع ..

و لكن فى القلب أمل دفين ...

ينادى عليك بصوت حزين ..

ألا تسمعين ..؟؟

فؤادى طريح ..

و جفنى قريح ..

و حلمى كذر غبار بريح ..

فلا أستكين ... ولا أستريح ..

و لكن تعال ِ

أشد إليك رحال الليالى ..

و أبنى صروح الهوى فى خيالى ..

و أنثر شوقى على على أرض ..

فيشكو عذاب الهوى كل خال ِ ..

تعالى نداوى جراح الفراق ..

و ننفض عنا أسى الإشتياق ..

أعانق فيك هواى القديم ..

و بالرغم منى .. يطول العناق ..

أيا صورة من ضروب الخبال ..

تخاريف ظعن ... و محض لآل ..

إلى كم سأبقى بحلمى مريضا ..

و حتام يبقى الخيال خيال ..

---------------------------------

بهم : ظلام

لجين : فضة

نضار : ذهب

ظعن : سفر

لآل : سراب

رائع جداااااااا
تعجر الكلمات للثناء على هذا
موهبة جميلة

ويشرفنى انى رديت على الموضوع الجامد ده

تقبل مرورى

السلام عليكم ورحمة الله وبركاته

اولا مبروك انت كملت القصيدة دى بتهيالى دى كانت من ضمن المقاطع

ثانيا
اسمح لى انا مش هاقرا ليك حاجة تانى

بتغظينى يعنى

بجد انا كل ما ادخل ابقى مضايقة وانا شايفة كلام بجد ماينفعش يتعلق عليه اساسا

ف وسط انحطاط فكرى وثقافى وصاحبه مستخسره ف الناس

بجد كلامك ده خسارة انه ما يطلعش للنور

وف الاخر الحكم الحقيفى هو حكم الجمهور اللى بيقرا مش اللى بيكتب

ماعلينا سيبونى اعلق ع القصيدة براحتى

بس معلش يا اسطى انا دلوقت مش هاعرف اعلق براحتى عشان انا متغاظة وبجد القصيدة هايلة ومحتاجة رواقة

اكيد انت بتقول احسن انى ما رغتش وعلقت

بس ماتتحاولش هاعلق عليها برده

الى تعليق قريب جدا

تقبل مرورى وفائق احترامى

سلام عليكم

يا جماعة كلكم نورتونى و الله و بجد المنتدى كان واحشنى جدا جدااااااااااااااا و مستنى تعليقك ياست آيه بفارغ الصبر و صحيح فى غلطة فى سطر اللى هو
و أنثر شوقى على على أرض ..

مفروض تكون ..

و انثر شوقى على كل ارض

سامحونى بقى
و مرة تانية نورتونى جداااااااااا ..
تحياتى

حلوة بجد القصيدة دي

تسلم الايادي

منتظرين المزيد

ان شاء الله

حرام عليك يا اسطى خلصت المخزون اللى عندنا كل مرة نقول جميل ورائع وهايل وتحفة

مبقاش عندنا كلام نقوله وبعدين حتى لو انت قنعت بالكلمات البسيطة اللى بنكتبها لانك قنوع بطبعك احنا مش قانعين لاننا مش راضين عن التعليقات اللى بنقولها لانها دائما اقل مما تكتب انت .

والله انا مش بجاملك فعلا قصيدة جميلة بجد وتستحق الثناء والشكر .

بس يا اسطى انا بجد بجد فى حاجة مزعلانى وقلت لك عليها قبل كدا مش بيهون عليك بعد ما ترفعنا باحساسك للسما تسبنا طايرين نفسى مرة تسبنا فى السما من غير ما تنزلنا على الارض
تفضل نطلع مع احساسك سما ورا سما وفى الاخر ترمينا على الارض وتقول لنا فوقوا متصدقوش دا انا كنت بحلم

بقى مش حرام عليك لما كنا فوق معاكم وحاسين قوى وانت بتقولها :
تعالى نداوى جراح الفراق ..

و ننفض عنا أسى الإشتياق ..

أعانق فيك هواى القديم ..

و بالرغم منى .. يطول العناق ..

مش حرام عليك بعد العناق الطوووووووووووويل دا تختمها كدا وتطلع لنا لسانك وتقولنا انا كنت بحلم

اقتباس :

أيا صورة من ضروب الخبال ..

تخاريف ظعن ... و محض لآل ..

إلى كم سأبقى بحلمى مريضا ..

و حتام يبقى الخيال خيال ..

مين قال ان الخيال لازم يبقى خيال اساس اى اختراع مستحيل اتوجد على ارض الواقع كان حلم او فكرة فمابالك بقى بالحب اللى هو اساسا صانع كل المستحيلات يبقى خيال ويستحيل تحقيقه معقولة دى .

لا يا اسطى انا مش معاك الخيال نقدر نخليه واقع وحقيقة لو آمنا احنا بوجوده صدقنى نقدر نحقق الخيال .
اشكرك مرة تانية على القصيدة الرائعة دى وياااااااارب يكون مرورى وكلامى خفيف عليك
احلى سلالالالالالالالالالالالالالالالالالالالالالالالام للاسطى
فـــــــــــــــــــــــــــــــــــــــــــــــــــــــــــــــــــــــــــــــــــــــــــــــلورندا

عدناااااااا .. قصيدة جديدة .. " ألا تعلمين ؟ " 804766

سلام عليكم
قصيدة رائعة كلما ومعني ومضمونا واحساسا ومتكاملة بجد من كتر اعجابي بيها عاوزة اقول كلام كتير بس بحاول الخصه في الكلام ده
فعلا موهبة كبيرة جدا وياريت تقدر تحافظ عليها وتظهرها للناس

حلوة كتيييييييييييييييييييييييييييييييييييييييييييييييييييييييير

السلام عليكم ورحمة الله وبركاته

للمرة المليون يا اسطى انت مبدع ف استخدام الالفاظ
بعيد عن الاسلوب لان ده مافيهوش فصال
بس حقيقى بتستخدم الالفاظ بطريقة سلسلة جدا
تعرف انا ما قرتش القصيدة
انا كنت سامعاها ازاى معرفش اكيد
ده غير وبالرغم من استخدامك لالفاظ مش دارجة
الا ان الكلام ينساب فى نعومة ورفق زى مابيقولوا ف الفليفزيون
حقيقى الواحد مايحسش انه مستغرب الكلام وطبعا كالعاده كلامك بيبقى صاروخ موجه الى القلب مباشرة
ودى حاجة متميزة جدا ف اسلوبك بجد ربنا يخليهالك وينمى هالك وتتحفنا دايما

ومعلش يا اسطى انا مش عارفة اعلق بصراحة
للاسف انت مش سايبلى فرصة ارغى فيها
وعامة شكل التعليق ع القصيدة دى هيبقى مفتوح لاجل ربنا يستر ومايبقاش غير مسمى

ربنا يديم عليك موهبتك

ومستنين جديدك

تقبل مرورى وفائق احترامى

سلام عليكم