كن طفلا

كن طفلا

ما اعمق ان تحمل قلبا ينبض بالطفولة وماتحمله من براءة مع عقلا واعيا ناضجا يضج بالمعرفة

مااجمل ان تتنشق الهواء المحمل برائحة المطر..... رائحة الحياة

وما اروع ان تقف تحت المطر
تنظر للسماء فتشعر بغيث الله يهطل كالمطر
وتنظر للارض فتجدها تحتضن قطرات الندى بشوق قد ضاق ذرعا بالسفر

ان المطر هو الحياة .. اعشق حبات المياه عند ملامستها جبين الارض وعند احتضانها ذرات التراب حتى وان كان الضرر

ما اروع ان تستلقى على ظهرك فى مساحة شاسعة من الاخضرار .. تشعر بقطرات الندى على النبات الاخضر وعيناك لا ترى الا السماء وروعتها وبهجتها واشراقتها فى موكب كوكبي مهيب مفتخر

وترى السحاب

وعشقى للسحاب كعشقى للمطر ..

نقى كقلب طفل برىء ..
وضاء كبدر فى ليل التمام ..
لطالما حلمت بمنزل فى السحاب اصدقائى من الطير واقربائى هم النجوم ومرحى ومتعتى حتى عثرتى وسط الدرر

اعشق الطيران واحساسى بالفضاء وبالهواء يتخلل جنباتى وانا اتلقاه بشوق لاهث افتح ذراعى للهواء يحملنى حتى وان كان الخطر

ياله من منظر يخلب الالباب وانا ارى قطرات المطر ممتزجة مع خيوط الشمس الذهبية فى مشهد من اروع صنائع العظيم المقتدر
قوس قزح
يزدان بالوان الحياة ليثبت ان اعظم ما خطته ريشة فنان لا قيمة له بجوار ذلك المشهد المهيب واتمنى لو اغوص فيه وان كانت اضلعى تنكسر

كن كما انت طفلا رائع الوجدان يحمل بين طياته امل يرسيه على شاطىء الامان يعبث بورقة وريشة والوان ويزهو كما الطير المفتخر

مع طفلى اعبث بالالوان ...
اتلقى الهواء باذرع فتحت للحياة ..
انظر للسماء فى ظل قطرات من مطر تجتذب خلجاتى
ومشاهد من سحاب يستدعى سكناتى
واستنشاق رائحة التراب يعبق بغيث الحياه
وطوق النجاه يحبس انفاسى حتى لا تخرج منه الحياه
ونبقى طفلى وانا فى رحب احضان حبات المطر
فى رحب احضان الحياة

ايه الجمال دا يا آية

تسلم الايادي

نفسي اناقش جدااااا
لكن بصراحة كل الكلمات تايهة مني

وانتي عارفة الظرووووووف
دعواتك

وبجد موضوع رائع
فـ ما انقي!! براءة الاظفال

موضوع هايل جدااا اختى
ربنا يعينك وتمتعين ديما بمواضيعك
ياليتنى طفلة كل همى لعبتى

ايه الجميلة خاطرك حلوة بجد واحساسها عالى قوووووووى بس فيها شوية تركات صغيرة قوى كنت حابة اقولهالك عشان تخلى بالك منهم المرة اللى جاية دا مش نقد دا بس عشان يكتمل الجمال فى خاطرتك

1_فكرة القافية اللى انتى حاولتى تحافظى عليها فى الخاطرة دى ضايقتنى كتير فى القرايه وساعات كنت بحس انها عالة على المعنى وعلى فكرة انتى مش ملزمة خاااااااااالص بالقافية فى الخواطر حتى فى الشعر فى شعر حر بيبقى من غير قافية حررى احساسك من القافية بلاش تقيديه عشان يوصل صح بجد محبتش فكرة القافية فى الخاطرة واكتر قافية ضايقتنى (يزدان بالوان الحياة ليثبت ان اعظم ما خطته ريشة فنان لا قيمة له بجوار ذلك المشهد المهيب واتمنى لو اغوص فيه وان كانت اضلعى تنكسر)
2_حسيت ان المعنى خانك فى الجزء دا
(وما اروع ان تقف تحت المطر
تنظر للسماء فتشعر بغيث الله يهطل كالمطر)
تشعر بغيث الله يهطل كالمطر انتى قلتى ان غيث الله اللى انتى قصدتيه هو الخير يعنى هتعبرها تورية على ما اذكر يعنى من العربى بتاع ثانوية عامة وهى الكلمة التى تفهم بمعنين معنى قريب ولكن يراد بها معنى اخر بعيد يعنى غيث الله معناها القريب هو المطر والمعنى البعيد هيكون الخيرات اللى يبعثها الله لنا والتى تتجسد فى اشكال كتير فكرة انك تشبيها تانى بالمطر دا ادى الى ركاكة فى التشبيه وفقد التورية اللى انتى قصدتيها جمالها
بصى انا مش متخصصة نهااااااااائى فى العربى يمكن انا اكون من افشل الناس فيه بس كل اللى انا بحاول اوصلهولك احساس الجمال الذى لم يكتمل بداخلى من الخاطرة واللى كان نفسى اوصله بجد

3_حاولى بقدر الامكان تشكلى الكلام اللى ممكن يختلط على القارىء لان فى حاجات كتير قريتها بكذا طريقة وفى كل مرة كنت بحصل على معنى مختلف ودا بيؤدى عادة اللى تشتيت الذهن وعدم التركيز
4_ (ونبقى طفلى وانا فى رحب احضان حبات المطر)
الجزء دا فى حاجة غلط كنتى المفروض تقولى ونبقى بس لانك بداتى الجزء دا بالحديث عن طفلك الساكن بداخلك فأظن انه كان من السهل نعرف ونبقى عائدة على مين
واذا كنتى حابة تكتبى طفلى كنتى تقولى ونبقى انا وطفلى انما ونبقى طفلى وانا دى حاسة انها مش مظبوطة
صدقينى والله انا بحكم من منطلق احساسى يعنى ممكن كل الكلام اللى قولته دا يطلع غلط وملوش اى لزمة عامة هو مجرد رأى وعشان خاطرى لما تتكلمى بمشاعرك مرة تانية اطلقى لها العنان ولا تقيدها بأوزان او قوافى ومتدوريش على التشبيهات الجمالية لانها هتطلع لك من نفسها

دمتى بكل الحب والخير
ارق تحياتى