أشعار لم تكتمل

قصايد بدأت فيها و مش عارف أكملها بصراحة .. أو مكسل يعنى ... احسبوها زى ما تحسبوها .. المهم إنها بدل ما تضيع ... قلت تقروها أحسن

--------------------
,gh ;glmكان نفسى نتفارق على الذكرى الجميلة ..

مش على الود اللى تايه ..

أو على الفرحة القتيلة ..

كان نفسى ألقى خطوط سنينى اللى اتمحت عندك .. تقيلة ..

كان نفسى أفرشلك بساط من نبض قلبى

و اسحبك لطريقى سحب ..

و القى قلبك دقته جوايا عايشة ..

قلب عايش جوا قلب ..

يا صاحبة العصمة اسمعينى .. و افهمينى ..

حسى بالبعد اللى بالأحزان مالينى ..

حسى بالأشواك فى جنيى .. و انتى جنبى ..

بس بيننا ألف كيلو ..

نفسى ألقى خل بيحافظ عليا ..

يشتكيلى و اشتكيله ..

بس ليه الدنيا بتعاند معايا ..؟

كل ما المح فى الطريق فرحة بعيدة ..

لما باوصل ..

بالقى فيها لون شقايا ..

------------------

ألا تعلمين ؟

بأنى وحيد على كل درب ..

و أنى غريب على كل سرب ..

و أنى إذا ما تلاقت جفونى ..

فآلام عمر .. و أشلاء قلب ..

عشقتك عمرا ... و فجرا ... و حلم ..

سراجا ينور فى كل بهم ...

فإن أخلص الخائنون فى قنص شعرى ..

ففيك الحماية من كل سهم ..

رأيتك فى الأفق شمس تلوح ..

شعاعا يغازل كل السطوح ..

فينمو على إثره زهر عمرى ..

و يمتد بين الربا و السفوح ..

السلام عليكم ورحمة الله وبركاته

بصراحة يا اسطى انا ماحسيتش ف الاولى انها ناقصة

ف التانية اه حاسة ان ليها تكمله بس الاولى لا

يمكن عشان كده بصراحة الاولى عجبتنى قوى اكتر من التانية
يمكن عشن حسيت ان لسه ناقصها تكملة

ويمكن وانت طبعا بتكتب بالفصحى زى العامى حلو جدا يعنى

بس بصراحة انا باحب شعرك العامى اكتر
رغم انى اساسا مش بقرا شعر عامى وقبل ما اقرا شعرك اكنتش متخيلة ان ممكن الشعر العامى يعجبنى

بجد ياريت تكمل او تحاول تكمل التانية عشان الصورة توضح

لان كده انا مش عارف هو المفروض البطل وحيد طب ماهى لو فيها الحماية مش هيحس بالوحدة فانا كنت فاكراه ف الاول بيشتكيها وبعدين حسيت انه بيشتكليها وحاسة بجد ان تكملتها هتكون حلوة قوى ع الاقل هتوضح الصورة
واكيد لما تكمل هتبقى هايلة كفاية انك انت اللى كاتبها

بس بجد الاولى رووووووووووووعة وفيها شوية جمل كده جامدة جدا

كان نفسى ألقى خطوط سنينى اللى اتمحت عندك .. تقيلة

كان نفسى أفرشلك بساط من نبض قلبى

و اسحبك لطريقى سحب ..

و القى قلبك دقته جوايا عايشة ..

قلب عايش جوا قلب ..

حسى بالأشواك فى جنيى .. و انتى جنبى ..

بس بيننا ألف كيلو ..

بصراحة بتهيالى انت زهقت م كتر ما كررتها بس بجد عندك قدرات رهيبة ماشاء الله ف استخدام الالفاظ وخلق صور جديدة وف نفس الوقت اكثر من رائعة

ربنا بجد يديم عليك موهبتك اللى دايما ممتعانا

بس عندى سؤال معلش و يعنى ايه بهم ؟
ف القصيدة التانية
انا اعرف لفظ البهيم
اللى بتتقال على الليل عشان توصف ظلامه دى ليها علاقه بيها ولا انا فهمت غلط ؟

معلش يا اسطى رغيت كالعاده
تقبل مرورى وفائق احترامى

سلام عليكم

أهلا بيكى يا آية نورتينى
بهم يعنى ظلام يا آية ..
و بعدين انتى نفسك جيبتى مشتقة من مشتقاتها اللى هى بهيم ..
وعموما القصيدة التانية انا بحبها أكتر بصراحة ...
لكن الظاهر ان الشعر مخاصمنى اليومين دول
تحياتى

» أشعار سخنة طازة