ما هي خطتك لقضاء رمضان هذا العام ؟؟؟

موضوع جميل يا هيزنبرج وانا ان شاء الله ناوية اختم القران مرة في رمضان يعني اقرا كل يوم جزء وكمان اقرا الرحيق المختوم عن سيرة الرسول صلي الله عليه وسلم واصلي التراويح في المسجد يارب واصوم بس باسمع مسلسلات وبرامج وكمان اواظب علي دروسي ومذاكرتي لاننا بدانا دروس

نسيت اقولك يا هيزنبرج لو عندك اي موقع عن كتاب الصيام قولي عليه وشكرا

السلام عليكم ورحمة الله وبركاته


انا هابعت احتجاج رسمى للقلل المتحدة


ايه يا دكتور انت بتقرى افكارى ولا ايه ؟


انا كنت ناوية اعمل الموضوع ده


وبجد سعيدة جدا انك عملته

لان انا نفسى جدا اننا ف المنتدى نشتغل ف رمضان مع بعض لان احساس الجماعة مختلف تماما وهيشجع كمان على التنفيذ

وبما انك سبقتنى وعملت الموضوع لو تسمح لى يعنى

احنا ممكن نخلى هنا اقتراحات لجدول طاعة

يكون ده اقل حاجة تتعمل وطبعا اللى يزود ربنا يكرمه

كل حد يدخل يقترح حاجة احنا ممكن نعملها ف رمضان وف الاخر نعمل جدول

وواجب نعمله كلنا

ومثلا نخليها من دلوقت لاول رمضان جدول الاستعداد
ولما يبدأ رمضان نبدا ف الجدول بتاع رمضان


وبجد ف موضوع الاستعداد حلو قوى قراءة السيرة وبتهيالى انى عندى كتاب الرحيق المختوم
بس مش متاكدة الحقيقة هادور عليه واحاول اقراه قبل رمضان وربنا يعينى لان عندى مذاكرة وامتحان ع اول رمضان ف الكورس بس ان شاء الله ربنا يسهل واقدر على الاقل اقطع فيه شوط معقول

بس بصراحة انت لو تقصد كتب الصيام اللى فيها فوايد الصيبام وكده فانا عدت عليا كتيبات كتير لكن الصيام كطاعة وركن بيتشرح وكده انا برده زى وفاء ما عنديش للاسف يعنى يا دكتور لو فيهاغلاسة منى يعنى
لو قدرت تعمله زى الكتب بتاعة كتاب قراته وتنزله
اكون شاكرة ليك جدا
ولك الاجر والثواب ان شاء الله

وخطة رمضان بالنسبة لى بصراحة انا سايباها كده وزباقول يارب قدرنى على انى اعمل اخرى بجد فيه
ومرعوبة لانى نوعا ما جدولى بتاع السنة نفسها اليومين دول فاقد توازنه تماما فربنا يستر واقدر بجد اعمل حاجة ف رمضان
وطبعا ان شاء الله هاحاول اختم القران عى قدر ما استطيع ونفسى بجد ارجع احفظ تانى يارب ربنا يقدرنا كلنا ونبدأ نحفظ ف رمضان
والتراويح انا مش باصليها ف جامع باصليها لوحدى يعنى انا ساعات باسرح مع نفسى ومش باحدد كم معين وبتبقى على حسب
مش عارف بصراحة السنة دى هاروح جامع ولا ايه لسة بصراحة
بس هاحاول اعمل جماعة ولو عندنا ف البيت وربنا يسهل



اقتراحات لخطة قبل رمضان

ذكر كتير واستغفار وتوبه حقيقة من القلب وصلاة على النبى يوميا على قدر الاستطاعة
كل واحد على حسب وقته يقعد فترة تأمل ولو خمس دقايق يتامل فيهم عظمة ربنا ف كونه وعطاء ربنا ليه
بقدر الامكان نحاول تكون الصلاة على اوقاتها

بجد يا جماعة انا نفسى نعمل عهد سوا
اننا ان شاء الله يوميا هنفتح المصحف
نقرا حتى ولو ايه واحدة بس
نقراها ونفهمها كويس
المهم اننا مايعديش علينا يوم من غير قران

نحاول زى ما دكتور احمد قال نقلل شوية من الغضب
ونحاول نبر اهلنا باقصى ما استطعنا

وطبعا نحاول نعيش الجوالدينى عشان نهيا روحنا لرمضان باننا نقرا شوية ف الدين

اه حاجة اخيرة الفجر نحاول نحافظ ع الفجر

وع قدر الامكان برده نحاول تكون الفجر والعشاء فى جماعة


حاجة اخيرة بقدر الامكان نحاول نسامح اى حد اساء لينا عشان ربنا وكمان نصالح اى حد احنا مزعلينه عشان ندخل رمضان كده صافيين ان شاء الله

ممكن الحاجات دى تزيد ف رمضان
ولسة الاقتراحات سارية ان شاء الله




تقبلوا مرورى فائق احترامى
سلام عليكم

السلام عليكم ورحمة الله وبركاته



بصراحة مش عارفة لو اقتراح الجدول ده لقى قبول ولالا

بس ع العموم انا هاقول اقتراحات للجدول وياريت يا دكتور لو مافيهاش غلاسة منى تعملنا الجدول لو الاقتراح لقى قبول يعنى

المهم

جدول الاستعداد اللى هيكون قبل رمضان :_



ثابت :-

صلاة الفجر ان شاء الله
ونذكر ربنا يعدها شوية كل تبعا لاستطاعته
نحافظ على الصلاة على اوقاتها قدر المستطاع
نحاول نركز ف الصلاة قدر المستطاع

قراءة او سماع ما تيسر من القران

نصلى ركعتين خفاف ونوتر قبل ما ننام للى يقدر




ده نعمله ان شاء الله يوميا من هنا لرمضان

دى بقى حاجات ممكن نعمل كل حاجة فيها ف يوم ودى برده حاجات خفيفة عشان تناسب الكل واللى يقدر يزود طبعا يزود دى اقل حاجة ان شاء الله نحافظ عليها وخير العمل ادومه وان قل


نبدا من النهاردة

الاحد : سبحن الله والحمد لله ولا اله الا الله والله اكبر كل واحدة 100 مرة واللى يزود طبعا له الثواب

الاثنين : بما ان ده النص الثانى من شعبان مفيش صيام يعنى الا للى كان اساسا بيصوم اتنين وخميس فان شاء الله تصلى على النبى 100 مرة وبرده اللى يزود يتفضل

الثلاثاء : لا تغضب ان شاء الله اليوم يعدى من غير غضب ولو حصل غصب عنا نستغفر بعدها
نقول استغفر الله 100 مرة وياريت لو نحافظ عليها طول اليوم


الاربعاء : نحاول نقول اذكار الصباح والمساء خلى اليوم ده يوم بر
ماحدش يزعل اهله اليوم ده بقدر الامكان ويجرب كده الحياه هتبقى جميلة ازاى وهما اهله مبسوطين منه
ويساعد اهله لو احتاجوا ممنه حاجة ولو حصلت مشكله يستغفر ويصالح اهله
احنا اتفقنا بقى ده بداية ان شاء الله عشان بر دايم احنا بس بنعود نفسنا




الخميس : بما ان برده مافيش صيام فهنصلى على نبينا صلى الله عليه واله وسلم 100 مرة

ان شاء الله يا جماعة خلى اليوم ده ننذره لله

وان شاء الله
نحاول نلتزم اليوم ده بقدر الامكان ومش نعمل حاجة غلط خالص

يعنى نحاول مانزعلش حد ولا نغلط ف حد ولانتكلم على حد والتليفزيون اللى بيعرض حاجات مش مظبوطه ياخد اجازة لو تليفزيون خليها على حاجة مفيدة او حاج دينية

الاغانى بلاش النهارده خليها انشاد احسن نسمع اغانى دينية زى ما احنا عايزين

ان شاء الله نحاول بقدر المسنطاع اليوم ده يطلع صافى



ونقرا سورة الدخان قبل ما ننام





الجمعة : بصوا بقى احنا نحاول نجمع كل الجدول النهاردة

يعنى الصلاة على النبى صلى الله عليه واله وسلم 100 مرة
سبحن الله والحمد لله والله اكبر
ولا اله الا الله كل واحدة 100 مرة
استغفر الله 100 مرة


ان شاء الله وصية لا تغضب معانا ولو حصل استغفر بعدها بسرعة

الاذكار الصباح والمساء


البر


يوم صافى بقدر الااستطاعة


هنزود بس على الجدول


قراءة سورة الكهف

نبتسم ف وش كل اللى يقابلنا ونقوله كل سنة وهو طيب عشان رمضان

ونصل رحم ونقولهم كل سنة وهما طيبين


والتراويح لان ليلية رمضانية ان شاء الله هتكون بدات









ان شاء الله الجدول المقترح يكون خفيف ونقدر كلنا نعمله ان شاء الله واللى عايز يزود طبعا يتفضل بس نحاول نحافظ على الجدول ده ان شاء الله











تقبلوا مرورى وفائق احترامى

سلام عليكم