حقك تحلم ..

السلام عليكم ورحمة الله وبركاته



انا طبعا منشكحة جدا لانى اول حد يعلق على وثيقة التفاؤل دى


بجد قصيدة روعة يا اسطى كالعادة

ولا يجوز كلام عليها


وياسيدى هارحمك من ردى بمواضيع على القصايد عشان ما اصدعكش































































ايه ده ؟















انت رايح فين ؟






















انت صدقت ولا ايه انا هاعلق طبعا بس هاحاول محاولة يائسة اتى ما ارغيش





تقدر تخرج من أحزانك ..؟

تقدر ترجع تانى سعيد ..؟


بداية موفقة جداااااااااااااااااااااااااااا تعرف لما درست مهارات التقديم قالك ان من افضل وسايل جذب النتباه هو البداية التساؤلية لانها بتدخل المتلقى جوه الموضوع بتاعك وتخليه يعيشه واكيد ده بياثر اكتر وتخليه يعيش الحالة اكتر





دور على إحساس مغزول بخيوط حنيه



ايه اللى انت بتعمله ده

انا باحتج

بجد وكالعادة وهاقولهالك للمرة المليون انت احسن حد يعيد استخدام الالفاظ ويعملها احياء ويرسم صورة جميلة من كلام عادى احنا بنقوله ويستخدم الالفاظ استخدامات جديدة



حقك تحلم ..

بكرة تطول حلمك بإيديك ..

مهما يكون الحلم بعيد ..

مهما يكون الصبر طويل ..

مهما يكون البخت قليل ..

مهما يكون الحمل تقيل ..

إسمع حكمة ..

إبرة و خيط .. و قميص مقطوع ..

ممكن يرجع زى ماكان لساه مصنوع ..؟؟

أيوة هايرجع ..

مش محتاج غير بس يادوب لمسة فنان ..

يرجع تانى زى ماكان ..

و انت أكيد أعظم فنان .. لون فى الدنيا بألوانك ..




هو المفروض انى اعلق بس هو كفاية المقطع بجد مقطع اكثر من رائع عارف لو كل الناس فكرت كده شكل الدنيا اتغير من زمان

وبرده

لا تعليق









مهما يعلى صوت أحزانك ..

سد ودانك ..

و اوعى تعيش ثابت فى مكانك ..

كل الدنيا طريق مفروش أحلام علشانك ..



مهما يعلى صوت احزانك سد ودانك من جديد اسلوبك العالى جدا فى استخدام الالفاظ ومقطع رائع بياكد المقطع اللى قبله




يونس عاشها سنين ما يأسشى فى بطن الحوت ..


نهاية موفقة جداااااااااااااااااا زى البداية لانها خبرة حياتية الناس لمستها بجد فتأثرها هيكون اعلى







بجد يا اسطى جرعة مكثفة من التفاؤل خاصة ان كلامك من النوع اللى بينفذ الى القلب مباشرة

دام ابداعك اللى دايما يروى حاجتنا من الابداع


ومعلش ع الرغى صحيح القصيدة ماينفعش يتعلق عليها

بس كان لازم ابدى الاعجاب بقلمك المميز







تقبلوا مرورى وفائق احترامى

سلام عليكم

يا تلتميت اهلا و سهلا بيكى يا آيه و تعليقك على قلبى زى السكر و الله ..
و متشكرين ألف مرة يا ستى على الإطراء الجاد دا و ياريتنا بجد نستاهل نصه
عايز أقولك إنى بجد اليومين دول عندى حالة إسهال شعرى غير طبيعى ... عامى على فصحى ..
و بعدين فى حاجة رغم إنها كويسة بس مضايقانى اوى
انا أول ما أبتدى فى قصيدة ... سبحان الله .. تلاقينى أكتب فيها مقطع ولا اتنين حلوين اوى .. و شوية و ادخل فى قصيدة تانية جديدة تشغلنى عن الأولانية خالص ..
ولا دى بتخلص .. ولا دى بتخلص ..
و علشان ما ارهقشى نفسى بقى بكتر التفكير .. بافكر أعمل موضوع صغنطط كده أحط فيه فتافيت القصايد دى لأنى حاسس إنى مش هاعرف أكملها رغم انها حلوة اوى و خسارة تضيع ..
فكرة مش كده ..؟
المهم انك نورتينى و الله يا ايه للمرة التانية و تعليقك بجد اسعدنى جدااا
تحياتى