أنشودة الندم

سقطت عن الوجه الدميم ستائر الغش الذميم

و هوت على قلبى الضعيف سيوف شيطان رجيم

فى درب عشاق المحال قطعت أميالا .. أهيم

و خدعت بالود الحميم ..

و رجعت بالعشق العقيم ..

فى مهجتى علل الزمان و فى دمى حزن مقيم ..

ياليتنى لم أسطر الأبيات عشقا للهوى ..

و ركنت قصرا للنوى ..

ياليتنى لم أعشق الإحساس فى عينيك أو حتى أره ..

ياليتنى لم أعرف الحرمان أو أتصوره ..

بينى و بينك حاجز ... ياليتنى لم أعبره ..

ياليتنى أبصرت عن بعد نهاية رحلتى فى ضيعتك ..

ياليتنى أبعدت عن عينيك عينى و اتقيت خديعتك ..

ياليته العشق المعتق فى الفؤاد سجنته ..

و لعنته ..

و طعنته ..

ياليتها أذنيك قد صمّت عن الحب الذى أعلنته ..

حسنا .. دعينى أرتجل ..

ذاك العذاب المستقر بداخلى لن يرتحل ..

و الجرح فى عمق الفؤاد مخلد .. لا يندمل ..

ذاك المتيم لن يظل بلا أمل ..

سقط القناع ..

و تقاسمت قلبى السباع ..

أما عن الحلم السخيف ..

فبغير أثمان يباع ..

قد كنت أرحل فى البلاد ..

أروى الغرام بكل واد ..

لا فرق عندى بين خز أو قتاد ..

شيدت من حبى قلاع .. و حملت أشواقى متاع ..

و نظمت أبيات الحنين على الصحائف و الرقاع ..

من أضلعى كان القلم .. من مهجتى كان اليراع ..

ثم انتهى حلم العلا .. آل الحنين إلى وداع ..

ياليتها الأيام حالت بيننا ..

و رحلتِ عن قلبى بأقرب منحنى ..

ماكنت أرحل فى البلاد .. أدور أسأل فى شرود ..

من أنا ..؟

خز : حرير
قتاد : شوك
اليراع : الحبر

السلام عليكم

طبعا رائعة من روائع الاسطي
كلماتها جميلة جدا يا اسطي واحساسك عالي جدا
اينعم كان فيه كلمتين كدة عايزين ترجمة بس الحمد لله حضرتك وضحتهم

وباقولك

لا تندم علي ما فات
واترك الحزن خلف ظهرك
وابدا حياة جديدة
واعلم ان الدنيا تجارب
وان ما يوجعك يجعلك اقوي واقوي
وادعي لربك
ان تجد من يغمرك بالحب والحنين

ربنا يوفقك يارب يا اسطي
سلام

السلام عليكم ورحمة الله وبركاته

تعرف يا اسطى

انا حسيت احساس غريب لما قريتها

لانى لسة قارية حالا اجمل علامة بجو تقريبا هو المضاد الحرفى للجو بتاع القصيدة دى

وللمرة المليون تثبت بجد قدراتك الشعرية اللى تقدر تكتب بالعامى والفصحى على حد سواء بالقوة دى

انا بس عايزة اسال سؤال

الكلمات الصعبة اللى وردت ف القصيدة مقصودة ولا عشان القافية والوزن وكده

لانى اعتقد وده راى شخصى ان المفروض بقدر الامكان الواحد مايستخدمش الفاظ مش متداولة

معاك لازم يكون فيه ثقافة والناس تتعلم كلام جديد

بس الفكرة ان الناس نفسها محتاجة تكون مختلفة شوية عشان تتقبل الكلام الجديد بالذات لو هو مش متداول

بس طبعا القصيدة رائعة كما عهدناك دوما

تقبل مرورى وفائق احترامى
سلام عليكم

أولا عايز أقول إن فى غلطة فى هجاء كلمة فى القصيدة دى .. و انا خجلان جدا بجد انى أغلط الغلطة دى
المفروض " و ركنت قصرا للنوى " ما تبقاش كده ...
المفروض " وركنت قسرا للنوى " .. معلش هى غلطة عن سهو يا جماعة ..
نورتينى بجد يا خيرية و تعليقك اسعدنى جدا و أضاف جمالا لموضوعى ..
ثانيا بقى يا ست آيه مفروض إنكم كنتوا بتقولوا قبل كده إن شعرى أجمل حاجة فيه انه بسيط و مفهوم .. خلينا نعقدها شوية بقى ... Smile

لا بجد .. الألفاظ دى ماهياش مغرقة فى الصعوبة للدرجة اللى انتى متخيلاها و أى حد بيقرى شعر كتير هايفهمها بسرعة داغير إنها شارحة نفسها من سياق القصيدة يعنى خيرية ماكانتشى عارفة يعنى إيه " اليراع " و لما قرت البيت كله فهمت المعنى من السياق ..
و صدقينى هى الكلمات الصعبة دى مش مقصودة و الله ولا حاجة .. بس هى القافية اللى استلزمت كده و أى كلمة تانية مكانهم ماكانتشى هاتحافظ على قوة القافية ...
و بعدين خلينا نجدد بقى شوية .. مش كله سهل سهل كده ..
تحياتى ليكى ... نورتينى

تعرف بجد انى ببقى فرحانة لما بتنزل قصيدة جديدة عشان ببقى عارفة انى هستمتع بيها بجد أنشودة الندم Bb8087d21f9

لانها تعبيراتها بتاخدنى وبتطير بيا أنشودة الندم Bb24930acf0

حتى ولو كانت الانشودة انشودة ندم

ولان موضوع البساطة بقى مستهلك وانا كمان عايز اجدد فى تعليقى زى ما تجديدك المرعب من روعته فى قصايدك احب اقولك انك مش بس بتعرف تكتب شعر كويس انت كمان رائع فى اختيار عناوينك لان اى حد بيكتب بيبقى العنوان بالنسبة لك مشكلة اساسية وبيتعب فيه اكتر من القصيدة نفسها انما انت ماشاء الله عليك امسك الخشب كل عناوينك بتعبر وبجدارة عن مواضيعك

وانا ليا فى الاخر ملحوظة صغننة خالص :_بجد يا اسطى انت شاعر هايل ولما قلنا لك لازم تبتدى تدور على حد ينشر لك كتاباتك مكناش بنهزر ولا بنجاملك بس ياريت تركز شوية فى مواضيع تبرز مواهبك اكتر لان موضوعات الحب والعشق والجرح والالم دى بقت مستهلكة قوى والجديد فيها مهما كان مش جديد
عشان كدا دور على موضوعات اكتر واكبر تبرز مواهبك اللى ماشاء الله عليها ربنا يحفظهالك يارب
قصيدة رائعة بكل ما فيها ودا مش جديد عليك انت فعلا بقيت خارج اى منافسة وشكلنا هنبطل نفكر نكتب شعر تانى Sad

ارق تحيـــــــــــــــــــــــــــــــــــــــــــــــــــــــــــــــــــــــــــــــــــاتى لشاعرنا العظيم أنشودة الندم B8e237f9936

فـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــلورندا geek

» أنشودة الصيرورة فدوى طوقان ...
» أنشودة الحزن والبكاء(( سفرى بعيد))