دكتور ..... الحقنى !!!

السلام عليكم ورحمة الله وبركاته



بما ان الدكاترة ماحددوش مواعيد للزيارة

فانا قررت انى اجى ف كشف مستعجل

وهو مش قرار قد ماهو وضع اضطرارى

دى عيادة مش فسحة

المهم عشان الرغى مضر جدا بالصحة بالذات لو منى


حد يشوفلى حل

زورى بيوجعنى جدااااااااااااااااااااااااااااا

وتقريبا تركيزى اللى مش موجود هاجر اكتر

ومصدعة شوية


وطبعا مناديل بيتنا خلصتها واضطرينا نجيب مدد عسكرى


كل ده من ساعة ما عملت البصل

انا كان مالى ومال التتبيلة بس

امبارح ف الكورس التكييف قعد يشتغل عالى وبعدين يطلع او انا اطلع بره ف الاستراحة يبقى التكييف بره عطلان والجو حر بعدين ادخل الكورس تانى يبقى التكييف ع العالى
طبعا قضيت الاستراحة كلها عطس

والناس طبعا كلها طفشت من حواليا

بعد بصات ترقب مريبة

وهيموتوا ويبلغوا عنى


وعادى بطلت عطس

خاصة انى بقالى سنة تقريبا ماعرفش موضوع العطس ده معايا لو شميت اى ريحة حتى لو كانت بسيطة جدا

فقلت اكيد ده مش برد مش معقول بردت عشر دقايق وخفيت بعدهم

بس المشكلة مش ف العطس لان تقريبا انا قريب هامثل فيلم الرجل الذى عطس

انا خدت عليه خلاص

مشكلتى كلها ف زورى

اللى مانعنى من الكلام زى ما انتو شايفين

من ساعة ما عملت البصل وانفجرت طبعا دموعى زى ما يكون انضرب عليا ترسانة قنابل مسيلة للدموع

وانا زورى واجعنى
ايه بقى علاقة زورى بالبصل
انا ماعرفش

وبعدين انا طول مازورى واجعنى حاسة انى فاصلة لانى مش عارفة اركز كمان

وطبعا ما سكتش واخدت برادورال

بس يظهر انه زود الوجع














ها يا اهل الطب


ياترى ياهل ترى


اعمل ايه ؟











تقبلوا مرورى وفائق احترامى

سلام عليكم

السلام عليكم ورحمة الله وبركاته







ايه ده ياخيرية ؟

انتى شكلك فرحان فيا على فكرة

ده بدل ما تدخلى عليا
بورد

ولا حتى باتنين كيلو قشر موز

دى اخرتها ؟

صحاب اخر زمن

وهانتظر حاضر دكتور من دكاترة المنتدى

ده بدل ما تجيبى لى دكتور وتيجى لى البيت وكده وتعملى اى منظر

يالا مش مشكله
والله يسلمك ياستى
ومش هتنازل عن الورد عشان تكونى عارفة



تقبلوا مرورى وفائق احترامى

سلام عليكم

السلام عليكم ورحمة الله وبركاته

الله يسلمك يافلورندا
وياستى مصاصة واحدة مش مشكلة

وبعدين كفاية دخلتك عليا
هتبقى دخلتك والمصاصة يبقى كتير

ومش عارف شكل العيادة زحمة ومش هاخلص كشف

والف سلامة عليكى
وياستى نتعالج ع حساب المنتدى ولا على حساب خيرية مش هتفرق
انتى عارفة الجيب واحد
وانتى مش محتاجة عزومة



تقبلوا مرورى وفائق احترامى

سلام عليكم

السلام عليكم ورحمة الله وبركاته




الله يسلمك يا دكتور

هو واضح ان ادكتورة ضياء هى كمان خايفة تيجى

لتطلع انفلونزا من الانفلونزات الكتيرة اللى مغرقة البلد

وطبعا رايك يحترم جدا

بس كده يادكتور انت لازم تحدد لينا التخصص

والحمد لله انا دلوقت احسن وزورى نوعا ما خف
هو صحيح كل حاجة تانية ماعداه عطلت بس مش مشكله
الحمد لله على كل حال


شكرا على سؤالك يا دكتور

تقبلوا مرورى وفائق احترامى
سلام عليكم