هل يزول الحق بقرار حكومي ؟؟؟

عندما اتابع نشرات الاخبار و اتصفح الجرائد و وسائل الإعلام لا أجد ذكر لقضيتنا الأم قضية فلسطين المحتلة ؟؟ ...

إن القضية العربية و الإسلامية الأم و التي تمثل صراع الوجود أو الإندثار و التي استشهد في سبيلها الألاف من أهلنا العرب و المسلمين على مدى التاريخ الممتد مئات السنين و التي من أجلها بذلت الشعوب العربية و في مقمتها مصر المال و الدم في خمس حروب متواصلة في القرن العشرين سقط فيها الشهداء و الجرحى تم إختزالها في صراع بين فتح و حماس ؟؟

التطبيع يسير على قدم و ساق .. و في كل يوم تعقد مؤتمرات حوار الأديان و مؤتمرات السلام و نطالب بالتأدب و الأستماع لحكم مجلس الأمن الذي يغض الطرف عن المجازر في فلسطين و العراق... هل يصبح كل ما درسته في المدرسة عن فلسطين و عن المسجد الأقصى تاريخ نكتب نحن أخر فصل في فصولة بتخاذلنا و ضعفنا .... هل الجهاد و الحق و القضايا المصيرية لأمتنا العربية و الإسلامية يحكم فيها فرد حاكم أو مجموعة من الحكام بينما نسير نحن كالقطيع مؤيدين هذا الحاكم .. إن قالوا لنا حاربوا بذلنا دمائنا و أموالنا و أنفسنا في سبيل القضية و إن قالوا لنا طبعوا و عيشوا في سلام مع إسرائيل فتحنا احضاننا لهم و صافحنا أيديهم الملطخة بدمائنا ...

يحكي الله تعالى عن قوم فرعون الذين كانوا يدينون بالطاعة المطلقة لحاكمهم فيقول (( فاستخف قومه فأطاعوه إنهم كانوا قوماً فاسقين )) ...لقد وصفهم الله بضعاف العقول و الفسق لأنهم قبلوا أن يساقوا كالقطيع إلى حيث يأمرهم فرعون الذي قال (( لا اريكم غلا ما ارى و ما أهديكم غير سبيل الرشاد )) اليس هاذا ما قاله و يقوله كل حاكم مستبد في كل حقبة من أحقاب التاريخ ... ماذا سنقول لأبنائنا و أحفادنا إن سالونا كيف قبلتم أن تطوى أخر صفحة في كتاب البطولات الذي بدأه النبي محمد منذ 1400 سنة و من قبله المسيح و موسى و نوح .... كيف نكون نحن أخر جيل يتكلم بالحق و يقر بعدم شرعية الاحتلال الاستيطاني القائم في إسرائيل و الإحتلال الأمريكي في العراق .. و يأتي أولادنا فيعلمونهم في المدارس أن إسرائيل دولة صديقة و اليهود شعب متحضر صاحب رسالة سماوية و صاحب حضارة عريقة يجب معاملته بحب و احترام ....

هل هكذا تسوى الأمور ... هكذا فقط نجلس نلهو و نضع الابتسامات في المنتدى و نحن نخفي في داخل انفسنا جرح عميق هو جرح الكرامة و الكبرياء ....

إن ارض فلسطين هي أرض مسلمة عربية اقرها الخليفة عمر بن الخطاب أرض وقف للمسلمين و اسرى إليها النبي محمد و قال لا تشد الرحال إلا لثلاث مساجد ذكر منهم الأقصى ...

لم أعد أريد أن أسمع المزيد في هذه القضية ,, و كل ما أعرفه هو شيء واحد .. إن كانت صفحة البطولات سوف تطوى فلتطويني معها و لاسجل أسمي كأخر من مات في سبيل الحق في التاريخ الإنساني .. فاللعنة على حياة نساق فيها كالأغنام لا ننطق بالحق فيها إلا و نحن منكسي الراس

السلام عليكم ورحمة الله وبركاته



هو مش ينفع اقول موضوع مهم


لانه اهم واعمق من انى اقول عليه موضوع

بس قبل اى حاجة الاول بس الاية اللى ذكرتها يا دكتور

هى

او بمعنى ادق جزء من ايه

بسم الله الرحمن الرحيم

وقال فرعون وما اريكم الا ما ارى وما اهديكم الا سبيل الرشاد


صدق الله العظيم

_غافر _


عشان بس مش ينفع الاية تفضل مكتوبة مش مظبوط



فلسطين

واسمح لى فهى ليست بالقضية

فجميع القضايا تتضاءل مهما بلغت قيمتها

امام جرح عميق نزف حتى اوشك على الفناء


والحقيقة بموضوعك ده انت طرحت اكتر من قضية

اولها المعالجة الاعلامية لقضايانا العربية والاسلامية بشكل عام خاصة قضية فلسطين

احيانا باحس ان الاعلام مصمم انه يقلص القضية فيوهم الناس ان فلسطين هى غزة بس او المسجد الاقصى هو قبة الصغرة بس
او قضيتنا هى فلسطين وبس وده مش حقيقى
عارف يادكتور احنا قضيتنا مش فلسطين وبس ولا العراق ولا لبنان ولا سوريا
احنا قضيتنا الحقيقة
هى اقامة الحق فى اى مكان ده دورنا اللى احنا اتخلقنا عشانه وما ينفعش نكون مسلمين من غيره
بس عشان نقوم بدورنا ده لازم نكون من اللى ربنا قال عنهم الذين ان مكناهم ف الارض وللاسف احنا مش دول لاننا ماعملناش الاساس هنا على انفسنا جدا فشىء طبيعى اننا نهون ونرخص عند الجميع فالكل استباحنا ارض و دم وعرض وكرامة وكله
تعرف يا دكتور احنا اساسا محتلين شخصيا باسلوب حياتى معين وتفكير معين ومش عارفين نخلص من الاحتلال لينا احنا كافراد يبقى ازاى هنحرر بلد ومفيش حاجة هتتغير ولا حاجة هترجع غير لما نتغير ونرجع احنا الاول احنا بعدتا جدا عن طريقنا وجه الوقت اللى لازم نكمل فيه المشوار المشكله مش ف خمس حروب عدت ولادم روى الارض لانه ماراحش هدر والناس دى من المصطفين عند ربنا لكن المشكله دلوقت ف الحرب الحقيقة اللى احنا فيها وف الاحتلال الحقيقى اللى احنا فيه والغزو الثقافى اللى سببه وسائل الاعلام ف المقام الاول وبعدين اختيارتنا الغلط ظنا منا ان ده الافضل احنا محتاجين نفسنا جدا اكتر من اى وقت عدى ده لو ناوين نرجع حقنا القضية مش مرسوم ملكى طالع م الحكومة
بص يا دكتور ربنا قال
لو ارادوا الخروج لاعدوا له العدة
الناس بقى اللى عايزة تحارب وتعمل اعدت ايه للحرب دى ياترى ومعلش اسمحلى الولد اللى ايديه اخدت ع مسك ايدين البنات ع الكورنيش ده اللى هيمسك بندقية ويتحول ف ثانية لبطل قومى ولا الانسان الكويس اللى تدين ومقضيها بين الجامع والبيت ومش قادر يحط نفسه ف الحياه عشان مايفعش ومش عايز يشتغل لانه عايز يتفرغ للعباده ولا هيروح يحارب الولاد اللى ريقها نشف من المعاكسات ياترى اللسان اللى قعد يقول كلام يعاكس بيه البنات او يقول الفاظ مش كويسة او يتكلم ف كلام مالوش معنى ولالازمة هيقدر ينطق الله اكبر بجد
الله اكبر تهز القلوب وتردع العدو احنا مش عايزين نحارب يادكتور احنا عاطفيين زيادة عن اللزوم وساعة الجد لما حد من دول يتحط ف موقف حقيقى هيهرب وربنا قال يا ايها الذين ءامنوا اذا لقيتم الذين كفروا زحفا فلا تولوهم الادبار
يعنى نبقى عملنا زى بنوا اسرائيل اللى قالوا هنحارب طبعا ومالنا الا نقاتل فى سبيل الله وقد اخرجنا من ديارنا وابنائنا فلما كتب عليهم القتال تولوا الا قليلا منهم
ماهى ماتجيش اننا نخزى نفسنا ونشوه صورتنا بايدنا ونستسلم ونضعف ونطالب ربنا بانه يتصرنا لمجرد اننا مكتوب ف شهاد\ات ميلادنا اننا ندين دين الحق ربنا بينصر اللى بيعمل وبيكافىء اللى بيشتغل واحنا ماعملناش حاجة عشان نخلص م الاحتلال
ده انا بيتهيالى احنا بقينا بنحب الاحتلال ومش عارفين نعيش من غير ه حتى فرصة وجود حد ممكن يعمل حاجة زى اوباما مش عارفيين نستغلها فتح وحماس ماشاء الله شغالين يونيفرسال ما بيتعبوش من التقتيل ف بعض وكل واحد بيقول التانى خاين وبتخنقوا على سلطة اصلا مش موجودة لان الصهاينة لما خططوا ماخططوش لحرب م اللى نعرفها هما لعبوها صح عرفوا يفرقوا بينا ازاى وازى يخلقوا خلاف لاتفه الاسباب وازاى يخنقوا الناس ويحاصروهم وخصوصا مع وضعهم المزرى فبقى الشباب من كتر الكليبات مش فاضى يفتكر دم سال عشان يحمى كرامته يا اما مشغول بمشاكله الشخصية وعايز يسيب بلده ويطلع بره لانهم متحضرين وعندهم فلوس و تقدم ونسى انه وراه مسؤليات ناحية وطنه وبلده وقبلهم نفسه ليهم حق عله انه يعمرهم ويعليهم
وتقولى تطبيع ده فيه فنادق ف مصر لا تتحدث الا العبرية ابن خالتى كان شغال ف شرم ايام ضرب غزة ماعرفش غير بعدها باسبوعين لما نزل مصر بقى ع اساس ان شرم اعلنت استقلالها وانضمامها لقايمة المسروقات
مش عارفة هما حكامنا هما اللى مش كويسين صحيح ؟
بس ده مش صح لان الحاكم بيبقى زى شعبه او الشعب كويس اصلا مش هيتولاهم حد مش كويس لانهم وقتها هيبقى عندهم القدرة انهم يبشيلوه مشكلتنا اننا بننساق ورا اى كلام لقمة تودينا ولقمة تجيبنا وف الاخر مانلاقيش غير الفتات فنرضى ونقول الحمد لله وسينا ان ربنا ماقلش كده

احنا نسينا ربنا
فانسانا انفسنا

فبقينا كده
زى ما انت قلت بالظبط
مجرد
قطيع
شوية فراخ مظاهرة تلمهم وقنبلة مسيلة للدموع تفركشهم

بس قبل ما ولادنا ما يسالونا بقى عن اللى عملناه
ياريت نفتكر كويس ونحضر من دلوقت
عذرنا ده لو كنا اساسا من المستعتبين
ونشوف هنقول له ايه ؟
الظروف ولا الضغوط ولا الحكومة
ولا اصل العرب هما كده وحشين يستاهلوا كل الى يجرى لهم

انا طولت وتعبت من الكلام لان اساسا مفيش كلام
نفسى نبطل كلام ونبتدى نشتغل بقى
كفاية لحد كده
تعرف يا دكتور انا عندى امل كبير قوى اننا نكون م اللى ربنا اذن لهم انهم يعملوا حاجة ويستحقوا انهم يكونوا زى ماهو امر
خلافاء
او لو نقدر يعنى ايه خليفة الله فى ارضه
كنا زمنا حاجة تانية دلوقت


انا باحب اسرائيل على فكرة


بجد



وشايفة ان الاسم ده خسارة فيهم

انا باحب سيدنا يعقوب جدا وشايفة ان تمسح الصهيانه فيه كره الناس حتى ف الاسم

واحنا اهو ما شاء الله عملنا نفس السيناريو

احنا كمان لو مافقناش يبقى خسارة فينا انه يتقال عننا اننا مسلمين واننا حظه صلى الله عليه وسلم من الامم
يبقى مانستاهلش دمعة واحدة نزلت عشانا



انا بجد مش قادرة اكمل كمان انا طولت
وحاسة انى خرجت عن الموضوع جامد
وكلامى كله جه عاطفى
يمكن لو قدرت
ادخل تانى واقول كلام موزون لان كلامى كله جه انفعالى جدا










شكرا جدا يا دكتور انك فكرتنا


لان شكلنا كده كنا تايهين ف مشاكلنا وناسين


وعامة اى كلام ف الموضوع ده مش هيعبر عن اللى جوا اى حد فينا من سخط

وانا باضم صوتى لصوتك

وباقول انا كمان



إن كانت صفحة البطولات سوف تطوى فلتطويني معها و لاسجل أسمي كأخر من مات في سبيل الحق في التاريخ الإنساني .. فاللعنة على حياة نساق فيها كالأغنام لا ننطق بالحق فيها إلا و نحن منكسي الراس






تقبل مرورى وفائق احترامى

سلام عليكم