مبروك علينا كل مشاكل مصر قربت تتحل

من كام يوم كان الدكتور احمد فتحى سرور بيفتتح ملعب اسكواش فى السيدة زينب

اظن كده ملناش حجة الحكومة قربت تحل كل مشاكل العشوائيات والبطالة والتعليم والصحة ورغيف العيش اللى كل يوم له لون (سبحان الله(

وكده هانت مش فاضل للحكومة غيرتنظيم نهائيات دورى ابطال صفط اللبن

وكمان افتتاح صالة بولينج ورا سور مجرى العيون وملعب جولف 18 حفرة فى حكر ابو دومة

عمار يا مصر

أضيف للقصيدة بيت ....

القدس محتلة ... و العراق محتلة ... و الوطن العربي مهدد بحروب من الشرق و الغرب و مهدد بثورات جراء تفاقم الأوضاع المأساوية و الفروق الإجتماعية بين طبقات الأمة .. و الجيش بيرصف الطرق و بيبني الجسور و الكباري بدل من الاستعداد للمعركة ...

ممكن اي حد يضيف معانا لو يحب

هههههههههههههههههههههههههههههههههههههههههههه
دا ايه الحقد الطبقى دا ليييييييييييييييييييييييييييييييييييييه كدا يا جماعة صفوا قلوبكم مش كدا
وحدوا الله هو عشان يعنى الناس مبقتش لقية العيش الحاف نقوم نقل ادبنا على الحكومة
ولا عشان التعليم بقى بسم الله ماشاء الله بيخرج عباقرة من الجامعات مش فاكرين حتى جدول الضرب نقوم نطلع اشاعة بأن التعليم بتاعنا فاشل وان الحكومة لا يهمها مصلحة المواطن

لا .. لا ..لا انا مش معاكم خااااااااااااااااالص انتوا مش وطنيين على فكرة
المفروض تقولوا متقولش ايه ادتنا مصر وقول هندى ايه لمصر حتى لو مبقاش حليتنا حاجة ندهالها اساسا
بس لازم نطلع حاجة عيب علينا كدا

نسيت اقولك نورت المنتدى يا amgad ومعلش لو جت متأخرة عشان قسم الترحيب مش راضى يفتح معايا والله شكله كدا تبع الحكومة .
وبقولك لو عرفت التصفيات بتاعت صفت اللبن هتتذاع على اى قناة ابقى قول علشان ابقى اتفرج عليها واهو بالمرة نكمل حرقة الدم اللى احنا فيها هيبقى ولا كاس العالم ولا صفت اللبن

موضوعك لذيذ وعامة انا ناوية افتح قهوة للمنتدى بأذن الله لكل الشباب اللى الحكومة مريحاهم من الشغل عشان خايفة عليهم ومش حابة تتعبهم ولا تمرمطهم ولا تشغلهم وكلو عشان مصر وشباب مصر .
احلى سلالالالالالالالالالالالالالالالالالالالالالالالالالالالالام
فـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــلورندا

السلام عليكم ورحمة الله وبركاته

ايه ده يا جماعة انتو قاعدين بتقولوا كلام مش كويس ع الحكومة

انتو مش واخدين بالكم ان المنتدى متراقب ولا ايه

وبعدين انتو ليه كده

عملت ايه الحكومة عشان تقولوا عليها الكلام الفظيع ده

وتفتروا عليها الافتراءات دى

حد فيكم يقدر ينكر القرية الذكية وانجازاتها الفظيييعة

طب بلاش دى
عشان دى ف الارياف
وانتم عايشين ف المدن

حد يقدر ينكر

التاكسى الاصفر

تاكسى العاصفة

ولا هتنكروا بقى انهم خلوا التاكسى اليومين دول بدل مايبقى ابيض ف اسود ساده
عشان مايجيبوش للناس الهم
خلوا مكان الاسود مربعات كده زى بتاعة الشطرنج عشان يكسروا السواد

بتاع التاكسى طبعا

طب بلاش دى

طب تقدروا تنكرا انجازاتها ف مجال تخفيف الزيادة السكانية

طبعا

لان نص البلد هاجرت

وبتشجع ع الاستثمار

والدليل اهو البلد كلها اتباعت بابخس الاثمان
وكله يسلم كله يبيع كله يوافق ع التطبيع

طب لو نكرتوا كا اللى فات ده

تقدروا تنكروا انجازاتها الصحية

انتو اكيد ماحدش فيكم شاف ابو الريش
ولا بلاش عشان انفلونزا الطيور

ع العموم انتوا برده مش تقدروا تنكروا التطور الفظيع فى ف التليفزيون المصرى

شفتوا المذيعات ماشاء الله بقوا ولا بطلات الكليبات

عشان يروقوا الشعب

دى شوية بس من الانجازات التى لا تحصى

يا جماعة حرام عليكم

خلوا الناس بقى ف حالها

ودعونا نعمل فى صمت

تقبلوا مرورى وفائق احترامى

سلام عليكم