ومضات (يوم من عمرى )

للسفر سبع فوائد .. مقولة خاطئة طالما اعتقدت فيها ولكن الحقيقة فعلا ان للسفر فوائد لا تعد ولا تحصى ولا يمكن ان تقتصر على سبعة فقط من الفوائد خاصة عندما تكون على طريق تسير فيه لاول مرة مع حب استكشاف ومغامرة من جانبك ...

غريب هو ذلك اليوم والذى قضينا اغلبه سائحين فى بلاد الله نسأل عن الطريق الصحيح المؤدى لجمهورية منيا القمح العظمى وكل من يصادفنا فى الطريق نسأله عما اذا كان اتجاه سيرنا صحيح ..

تناقض غريب ما بين مشاهد الصباح ومشاهد الليل فمشاهد الصباح كانت فى اكثر احياء القاهرة رقيا واغلب الليل فى طريق اقل ما يمكن او يوصف به انه مخيف قررنا استكشاف غياباته ظنا منا انه الاسرع او الاسهل ولكن هيهات

ففى الصباح كنا نتجول بين القصور والمبانى التى ان راها احد من خارج مصر لظن ان ديون مصر مجرد شائعة مغرضة هدفها تشويه سمعة مصر دوليا واقليميا وتأكده من استحالة كون شخص ضمن صفوف هذا الشعب من الممكن ان يموت بفعل الجوع وما رايته فى الليل اوحى لى بانى فى اكثر احياء الصومال فقرا

لعل ما ابرز تلك الفكرة داخل عقلى هى رؤيتى للنقيضين فى وقت واحد خاصة واننا اعتدنا العودة الى ديارنا سالمين من خلال الطريق الرئيسى المعتاد ولكننا قررنا ان نسلك مسالك الشجعان وسرنا فى بلاد كانت بالنسبة لى مجرد اسماء اسمع عنها من اصحابها بالرغم من كونها قرى قريبة جدا من مدينتنا العظيمة ان لم تكن جزء تابع منها

رائع ذلك الاحساس بان تنعم بحب البعض لك وحفاوتهم بك وفخرهم بك امام الجميع وكانك فاتح عكا على الرغم من تقصيرك فضلا عن ان فاتح عكا شخص سواك

غريب هو ذلك الشعور .. عندما رأيت محمد .... وعندما حملته خفت على جسده الرقيق من لمسة اناملى ان تصيبه بسوء فهو لازال فى المهد والجميع يحتفل بمولده وتخيلت انى ذلك الطفل ولم اصدق عيناى انى كنت يوما بذاك الحجم والكل يحتفى بى نفس الحفاوة على الرغم من عدم معرفتهم باذا ماكنت صالحة ام طالحة

وقلت سبحن ربى مبدع الاكوان لقد كنت مثل هذا الصغير ذات يوم وها انا ذا ........

رائع السفر اثناء الصيام بعكس ماقد يعتقد البعض خاصة ان كان فى صلة للرحم لاناس يظنون فيك الخير الكثير لتشعر اخيرا بانك امتلكت يوما من عمرك

اعتقد انى اخيرا سانام بعمق .... لقد افتقدت كثيرا ذلك الشعور خاصة فى الايام القليلة الفائتة ليس المهم عدد الساعات لانى ادون ذلك فى وقت متاخر من الليل وكاد الصبح ان يولد وانا لم ازل مستيقظة وانما انا اتحدث عن الغرق فى النوم حتى السبات ولو لتصف دقيقة واعتقد انى اخيرا سانعم به ان لم يكن بسبب تغيير الجو اخيرا واحساسى باعاده بعث نشاطى سيكون بفعل مغامرة احببتها كثيرا وعلى الرغم من مشاقها الا انى اتمنى ان اكررها ..................

موضوع جميل بجد بجد بجد
عجبتنى جدااااا مغامرتك يا ايه ووصفك فيها رائع
بجد اتمنى انا كمان لو انى اقوم بمغامرة ربعها بس لان الواحد من ساعة لما خد الاجازة مشفش الشارع غير من البلكونة وتقريبا شفته مرة او مرتين بس .
تعرفى ان السفر بيجدد الايمان بالله سبحانه وتعالى زى ما بيجدد النشاط عشان كدا اغلب الدعاة بينصحونا اننا نقضى يوم خارج البيت كل اسبوعين على الاقل عشان ندى لنفسنا فرصة نتأمل حكمة الله سبحانه وتعالى فى كونه وفى خلقه
بجد انا هموت واخرج موضوعك دا هيشغل الحقد جوايا ويااما اخرج يااما .....افضل قاعدة فى البيت Crying or Very sad

بس الحمد لله فى خروجة على قريب هكمل عليها بقية الاجازة Laughing

ارق تحيـــــــــــــــــــــــــــــــــــــــــــــــــــــــــــــــــــــــــــــــــــــــاتى وردة

فــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــلورندا geek

السلام عليكم ورحمة الله وبركاته

اهلا يا فلورندا

منورة الحتة كلها

وياستى ع الفسحة تعالى وانا افسحك

انا اليومين دول تقريبا طول النهار ف الشارع

وبمناسبة الخروج عشان الحقد الطبقى وكده

بصى انتى زى صاحبتى برده
وانا طالعة الملاهى بكرة

صحيح انا تعبانة
وان شاء الله يارب قدرنى هكون صايمة

بس دى الملاهى

يعنى هاطلعها ان شاء الله اكيد

يعنى لو تحبى تيجى معانا

تعالى

عشان تعرفى بس انى صديقة صدوقه على راى تيمون وبومبة

اوعى تفتكرى انى باغيظك ولا حاجة

لا فلورندا

اوعى تفهمينى صح ؟

انا عملت اللى عليا خلاص

يظهر انه مافيش فايدة

وبالنسبة لموضوع ال الخروج وتجديد النشاط الدينى ده

فبجد اول مرة اسمعه
بس طبعا اكيد التدبر ف ايات الله ف الهواء الطلق مختلف تماما من البلكونة
لان الواحد بيكون جوه الموضوع مش شايفه

نورتى يا فلورندا

وابقى تعالى معايا لو حبيتى

تقبلوا مرورى وفائق احترامى

سلام عليكم

مقالة طبعاً ما تتخيرش من مقالاتك الرائعة و كلماتك المتدفقة في حبكة و إتقان
و حلو إن الواحد يسافر و يشوف بلاد جديدة و أماكن جديدة ... و مش مهمة الغنى و الفقر لأن ده كله متاع الحياة الدنيا ( بمنظور ديني ) و مظهر للظلم الاجتماعي ( بمنظور سياسي ) المهم الواحد يغير و يكسر روتين حياته و يقوم بعمل صالح زي اللي عملتيه و ربنا يتقبل منك و يرزقنا الطاعات

السلام عليكم ورحمة الله وبركاته

ربنا يخليك يادكتور واتمنى انى ف يوم يبقى من نصيبى مثقال ذرة من الكلام اللى قلته

وهو يمكن يكون الواحد سافر كتير بس لما تبقى طول اليوم تقريبا ف الشارع بتلف دى حاجة جديدة نوعا بالنسبة لى ده غير انى كنت محتاجاها جدا ويمكن عشان كده احساسى بيها زاد
اما بقى موضوع الفقر والغنى ده فانا ماكانش قصدى غير انى فعلا استغربت ازاى فيه ناس عايشة ببذخ زياده وناس تانية مش لاقية تاكل بزياده برده
وفعلا الاحساس اللى جالى وقتها استحالة بلد فيها مستوى معيشى بالمنظر ده ويكون عليها ديون
طبعا ربنا يزيد الكل بس ف الحلال وبالحلال احنا مش بنكره حاجة لحد
بس ياترى الناس دى لو كانت فعلا بتدفع ضرايب وتطلع زكاه
كان حال البلد اتغير
وهو زى ماقلت متاع حياه ويمكن دى اكتر حاجة تعبانى انى حاسة ان كل ده ولاحاجة مجرد قشور بس لاسف ناس كتير قوى بتفرق معاهم وتصرفاتهم تجاه البلد كلها بتتوقف عند الحتة دى

وحسن الختام زى ماقلت اهم حاجة فعلا الواحد يكسر ملل روتين حياته عشان يقدر يكون انسان منتج

تقبلوا مرورى وفائق احترامى

سلام عليكم