ياترى انتى فين ؟

كده يبقى فات أربع سنين ..

و انا لسه باتنفس حنين ..

لحاجات لا يمكن تتنسى ..

أيام ماكنا قريبين ..

أهمس بحب .. و تهمسى ..

كان الكلام اول ما يظهر فوق لسانى ..

بكل ذوق تتحمسى ..

وأفرح بإنك مؤمنة ..

إن اللى غير نظرتك للكون .. أنا

إن اللى دلك عالأمان ..

قاللك هنا ..

أربع سنين فاتت أوام ..

مالحقتش أتكلم و أقول كل الكلام ...

مالحقتش أغزل من خيوطك فرحتى ..

مالحقتش أرسم فوق شفايفك بسمتى ..

آه يا زمان ساخر .. سخيف

آه يا زمان جبار .. مخيف

آه لو تعود أيام زمان ..

أيام ماكان النوم خفيف ..

أيام ماكنا بنفترق تخاطيف ..

أيام ماكنا لقمتين فى رغيف ..

أيام ماكنا صفحتين فى كتاب ..

أيام ماكنا كلمتين فى جواب ..

انا كنت خيط من نور عيونك فى القلوب تاه و اترمى ..

انا كنت فيض من عطر روحك فى الفضا الواسع هما ..

انا كل حاجة فيا كانت مغرمة ..

انا قلبى كان عطشان هوى ..

لكن بسرعة الذكريات فاتت هوا ..

و لقيتنى عايش عاللى فات و سنيننا طارت فى الهوا ..

انا قلبى كان عصفور و عيونك انتى العش ..

العش كان من سعادة و فرح .. مش من قش

سكن هواكى فى روحى .. قش حزنى قش ..

و اما انتهت كل حاجة ... ضاع أمانى وكش ..

و بقيت وحيد ..

انده على الحلم البعيد .. مالاقى رد ...

وتفوت على القلب الحزين أصعب سنين ...

وانا لسة فاكر كل شىء

وانا لسه تايه فى الطريق ...

و بنادى بردو ياللى كنتى قريبة ..

ياترى انتى فين ؟

جميلة يااسطي

كده يبقى فات أربع سنين ..

و انا لسه باتنفس حنين ..

لحاجات لا يمكن تتنسى ..

أيام ماكنا قريبين ..

أهمس بحب .. و تهمسى ..

الفقرة دي عجبتني قوي

منتظرين اشعارك الجميلة دي دايما

ياسلام علي قصايدك يا اسطي
بجد بجد
استاذ

جميلة جدا
واحساسك العالي دا احلي مافيك

والله كل شوية اطلع وانزل اقرا فيها
بجد تحفة

بس فيه حاجة

أربع سنين فاتت أوام ..

مالحقتش أتكلم و أقول كل الكلام ...

مالحقتش أغزل من خيوطك فرحتى ..

مالحقتش أرسم فوق شفايفك بسمتى ..

طبيعي ماتلحقش ياعيني
هي ايام الجامعة كدة
بتعدي هووووا

Very Happy

ولا عشرين سنة ولا كل العمر يكفى علشان تقول كل الكلام
اربع سنين لو كانوا مية برضوا هيفوتوا هوا
هى اللحظات الحلوة كدا ديما تعدى قوام
ام لو كانت حزينة فالثوانى فيها بسنين
بجد عشان خاطر الحب تستاهل انك تدور عليها فى كل يوم الف مرة
وفى قصايدك كل مرة وفى منامك كل ليلة وكل حلم
واوعى تبطل تسال عنها هى فين ؟؟؟!
واوعى تستسلم لحزن يائس يطحنك او للسنين
واوعى تحرمنا من ابداعك ومن روائعك
بجد ابدعت لك منى الف تحية
واحلى سلالالالالالالالالالالالالالالالالالالالالالالالالام وردة

فـــــــــــــــــــــــــــــــــــــــــــــــــــــــــــــــــــــــــــــــــــــــــــــــلورندا geek

السلام عليكم

أحساسك جميل فيها قوى يا أسطى سلمت يداك

وصدقتى القول والله يافلور اللحظات السعيده بتسابقنا اما الحزينه فياويلنا منها

وصراحه انا مش اعرف اذا كان ده يعجبك ولا لا بس من اكتر الاشياء الى بتعجبنى فى اسلوبك انه سهل ولكن مع سهولته معناه جميل يعنى مش محتاجه قاموس جمبى وانا بقراها

منتظرين المزيد من الروائع

سلام