أجمل علامة

افتح قوسين .. و اكتب ما بينهم كلمتين

" أجمل علامة "

و افتح عنيك علشان تشوف الإبتسامة ..

مين اللى قال إن الملايكة فى السما ..

و انتى اللى فوق الأرض أصلا منشئك ..

يا فرحتى المجنونة قلبى بيعشقك ..

يا كدبتى المعجونة وهم .. مصدقك ..

محتار فى وصفك ..

شىء جميل صعب المنال ..

و شعور حقيقى بالسعادة مالوش مثال ..

أنا نفسى تيجى و تسكنى مابين عيونى ...

و أنسى إنك عايشة فيهم ..

و إن يوم جروحى اتألمت .. قربك شافيهم ..

انا نفسى أكتبلك قصيدة ..

توصف الضحكة اللى بتنور بقوة ألف فولت ..

توصف النظرة الى مهتمة بكلامى مهما قلت ..

توصفك .. توصف جنانك

و انبهار الكل بيكى

توصف السحر اللى فيكى

توصف الطفلة الشقية ..

و الكلام السهل .. لو فيه سم ناقع ..

نفسى أكتبلك قصيدة توفى حقك ..

و اسمها يبقى ..الروائع " " ..

كل يوم الصبح بدرى باقرى إسمك مرة واحدة ..

و اقرى عشقك ألف مرة ..

و افتكر إن اللى بيننا فات و عدى ..

مش باقيلى إلا ذكرى ..

بس بافرح ..

أصلى عارف إنك انتى بردو فاكرة ..

و أمشى أغنى .. حرف إسمك فى الغنا أصحاب و سهرة ..

و اما باحلم ... بارسمك أحلام لبكرة ..

بس عارف .. بين شعور الاخوات و بين الحب شعرة ..

أيوة عارف .. بس باتمناكى دايما ..

فيها إيه لو يوم ألاقى واحدة زيك .. إيه اللى يجرى ..؟

يا نموذج أمنياتى .. يا حروف الشعر ..

يا فرحة حياتى ..

لما نتكلم بافكر لو يضيع الوقت منى ..

أصلى شايف فيكى ذاتى ..

فيكى شىء غامض آسرنى ..

يمكن البهجة اللى بتنورلى دايما كل سكة ..

يمكن الكلمة اللى بتخلينى أقتل دمعتى دايما بضحكة ..

و أنسى خوفى الوهمى من أصعب خطر ..

دى الشمس بتنور عشان تمحى الظلام ..

وعشان إرادة ربنا .

و عشان تبوس خد القمر ..

يانهاااااااااااااااااااري
بسم الله ما شاء الله
اية الرووعة دي يا اسطي
بجد بجد
3 قصائد ورا بعض كدا
كلهم تحفة
خاف علي نفسسسك
هتاخد عييييين جامدة بجد
بجد قصيدة جامدة مووووت

ربنا يوفقك يارب
ويوفقها
ويكرمكم يارب

صحيح نسيت اقولك
اوعي تخاف علي نفسك بجد
اصل تحرمنا من القصايد دي

سلام

ايه دا ايه دا

تسلم الايادي يااسطي

الله على الكلام الجميل دى مش اجمل علامة دى ملحمة عشق

اجمل ما فى كلامك زى ما قلت لك قبل كدا بساطته وبراءته

الله عليك لما يعجبك فى حبيبتك ضحكتها ونظرة عنيها وانبهار الكل بيها وطفولتها الشقية

فى حين ان نادرا دلوقتى حد بيحب الحاجات دى اصلا الكل دلوقتى بيدور على الشعر الحرير والعيون الدوبلى والقوام الملفوف ......والخ

يعنى من الاخر عشان شاب يحب او يتغزل فى حبيبته لازم تكون مزة جااااااااااااامدة نادرا لما تلاقى حد بيدور على البراءة .

وبجد عجبتنى قوى موسيقى المقطع دا رغم ان القصيدة على بعضها تحفة

" أجمل علامة "

و افتح عنيك علشان تشوف الإبتسامة ..

مين اللى قال إن الملايكة فى السما ..

و انتى اللى فوق الأرض أصلا منشئك ..

يا فرحتى المجنونة قلبى بيعشقك ..

يا كدبتى المعجونة وهم .. مصدقك ..

بجد رائع كما انت دوما
دمت بخير وردة

وارق تحيـــــــــــــــــــــــــــــــــــــــــــــــــــــــــــــــــــــــــــــــــــــــــــــــــاتى flower

فـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــلورندا geek