فصل الخطاب ..

السلام عليكم ورحمة الله وبركاته


الاسطى طبعا المقال رائع ف عرضه سواء كتبته بالعامية او الفصحى لان الموضوع متصل اكثر بتوصيل الفكرة

بس اذا سمحت لى اختلف معاك فى بعض النقط

اقتباس :

قضية وطن ساد الفساد فيه و عم .. و مامن وسيلة للشفاء مهما حاولنا و عالجنا ... و استوردنا أفكارا أو ابتكرنا ..

طبعا كلنا متفقين ف الفساد اللى الم بالوطن وبقى ظاهر ف كل حاجة فيها

بس مش معك ابدا فى النظرة التشاؤمية اللى انت ممكن تقول عليه واقعية ان مفيش سبييل للشفاء
انت عملت كده زى اللى شاف حادثة وواحد غرقان ف دمه وبدل ما يروح يساعده ويشوف يمكن الموضوع يبقى بسيط ويتعالج قال هو كده كده ميت فسابه ينزف لحد ما قرب يموت

مين بس قال مفيش امل طبعا فيه امل طول ما ربنا موجود والشمس بتطلع كل يوم واحنا لسة عايشين يبقى فيه امل

بس المشكله ان احنا بنقول مفيش امل مهما حاولنا فمش بنحاول اصلا وبالتالى المشكلة ما بتتحلش
لاننا مستنين معجزة تغيرها وده مش هيحصل
لان ربنا لما بينزل كرب بالناس بيبقى عشان يرجعوا ويحاووا ويفكروا
حتى لو فشلوا مت مرة بردوا يحاولوا لحد ما يقدروا
اديسون قعد 9999 مرة يجرب اللمبة وما اتعملتش الا ف المرة 10000 ولما سالوه ما يئستش قال لا يكفينى انى ابتكرت 9999 طريقة خاطئة لعمل مصباح

وف الحقيقة بقى يكفيه شرف المحاولة بس احنا نحاول ونعالج لان هو ده اللى ناقصنا وربنا هيساعدنا وقتها لاننا هنكون نستحق المساعدة دى



دى النقطة الاولى

النقطة التانية بقى هو ان التقسيم بتاع الطبقتين ده هو السبب ف اللى احنا فيه
الحقيقة ان التقسيم ده مجرد عرض... ظاهرة مش اكتر
والسبب ف الفساد استحالة يكون سبب وحيد ف رايى هو خليط من مجموعة اسباب كتيرة

اهمها سكوت صاحب الحق عنه واستباحة الناس لحقوق بعضها
خلى فيه فساد بشكل عام ف المنظومة نفسها كل حاجة تمشى بالرشوة والواسطة
لان وبمنتهى البساطة المرتشى مالاقاش اللى يقول له لا
واللى بيرشى بيقنع نفسه انه مغلوب ع امره
فالموازين اختلت
ومع ارتفاع الاسعار والمستوى المعيشى والاقتصادى والسياسى
والبعد عن الدين والهروب من الواقع
ومشاكل غيرها كتير

انقسمنا طبقتين طبقة عايشة الحياه بطولها وعرضها ومش حاسين باللى تحت الارض ومش شايفتيهم اساسا ودول اللى بيسموهم النخبة واللى لما بيختاروا وزرا بيختاروا منهم فيبقى الوزرا زى ما انت شرحت تمام مجرد ناس قاعده ع كرسى ولا تعرف اى حاجة عن الناس

والطبقة التاية اللى تحت الارض يا اما خايفين ومرعوبين وبيمشوا حالهم زى ما الكل بيمشى حاله يا اما حاقدين وعايزين يوصلوا وبس ومش مهم اى حاجة تانية
ولما النوعين يلاقوا بعض
الحاقدين يلاقوا حد يستغلوه والخايفين يلاقوا شماعة يعلقوا عليها فشلهم ورعبهم
بحجة ان مفيش حاجة بايديهم
وهكذا تستمر الساقية شغاله
ويفضل وضع الفساد اللى يا اما مريح ناس وشايل عنهم هم فشلهم اما باسط ناس ومغرقهم ف فلوس حرام
فيبقى المجتمع كله فاسد
وده طبعا ليه علاج
وعلاجه اننا نبطل خوف
ونبطل نعلق فشلنا ع الظروف لان الانسان هو اللى بيخلق الظروف
فمينفعش يسيبها تتحكم فيه
نرجع اخيرا للدين الحقيقى بمفهومه الشامل والواسع عشان نقدر نعمر الارض بجد فميبقاش فيه فساد عشان حد هيموت م الجوع لو ماسرقش او ما ارتشاش
عشان يرجع الحق حق والباطل باطل وتخلص حرب اختلاط المفاهيم دى



وطبعا انا معاك جدا فى شعار حكوتنا
اشجب كما تريد واخبط راسك ف اتخن حيط
واحنا برده سنفعل ما نريد
معلش هى عامى على فصحى عشان القافية










معلش طولت عليك
بس انت طرحت موضوع مهم جدا
وطبعا مهما اختلفنا فالاختلاف ف الراى لا يفسد للود قضية
والاختلاف سعة والمام اكتر بجوانب الموضوع


تقبل مررى وفائق احترامى

سلام عليكم