ورقة واحدة

الله ينور يا أسطى ...

كالعادة رائع من روائعك ....

مش ناقص غير تفشي السر ده و تقول لينا مين فارسة احلامك اللي بتلهمك بكل الابداع ده ...

بجد بجد يا بختها بيك و ربنا يتمم ليكوا بخير

على فكرة والله وبدون اى مجاملات انت افضل حد شفته بيكتب شعر عامى من الشباب افضل من ناس كتيررررررر مشهورين وليهم صيت
كلماتك بتحتوى على بساطة وبراءة بحيث انها تخترق جدار القلب مباشرة
بس مش عارفة انت ساكت على نفسك ليه لحد دلوقتى يا اسطى الناس كلها من حقها تشوف ابداعك وبسطتك وتلقائيتك دى
ياترى دا كسل منك ولا انت فعلا سعيت فى الموضوع ولقيته صعب حاول بجد تسعى وهيكون ليك شأن ان شاء الله

اما بقى عن ورقة واحدة فأسمحلى ارتجل احساسى بأبياتك
انت كاتب ورقة واحدة بس جامدة ومش بهزر
كل كلمة ليها معنى ع السطر ماشية بتتمخطر
جاية رايحة ع الموسيقى وعقلى جاى رايح معاها
سمفونية جميلة حلوة هيأت لى الزرع الأخضر
ذكرى محفورة فى خيالك بالورود والشمع الأحمر
لما قريت كلمة فراق قلبى انفطر م الحزن فرفر
قلت فى سرى كل تأخيرة وفيها خيرة
وصدق اللى قال ع الاصل دور

تسلم الايادى يا اسطى واعذرنى على ارتجالى اللى شوه جمال قصيدتك بس بجد دا احساسى فيما قل ويارب يكون دل على التأثير الرائع لكلماتك علينا
ارق تحياتى
فـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــلورندا .

هايزنبرج ... نورتنى .. و محال تعرف أسمها ...
دا انا نفسى ماعرفشى اسمها ..

فلورندا ..
صدقينى فكرتك عنى مش صحيحة ..
انا مش محترف .. و ما ينفعشى اكون محترف ..
لأنى مش مستديم فى الكتابة ... و كمان مش مطلع بدرجة كافية علشان احترف ..
صدقينى هى عبارة عن خطرات من وقت للتانى .. إحساس باترجمه لكلام ..
و لو مافيش احساس .. مافيش كلام
كلامك عنى بجد أحرجنى جدا و ياريتنى فعلا أكون زى ما انتى بتقولى كده
ياريتنى فعلا استاهل حتى واحد على عشرة من الكلام الكبير اوى دا
نورتينى
نورتينى بجد

السلام عليكم ورحمة الله وبركاته

بصراحة انا كنت داخلة ابص بصه واخرج
بس ماعرفتش اخرج من غير ما اعلق

حتى لو هاعلق باى كلام
بس بصراحة ومن غير اخجلتونى والكلام ده

بجد القصيدة دى من اللى يتقال عليها لا تعقيب ولا تعليق ولا اى حاجة

وموضوع الاحتراف ده انت لازم تفكر فيه لو كنت فعلا مافكرتش
ولا انت مبسوط بالاشعار اللى موجودة ع الساحة
بص انا مش عارفة بس انت لازم تكون واثق ف كلامك اكتر من كده
ولو انى عمرى ماحسيت انك مش واثق ف ان كلامك يستاهل انه يظهر للناس
انت بس محتاج تسعى شوية
وياسيدى لو ع انك مش مطلع خلاص اطلع
وموضوع الكتابة لموسمية اكتر الكتاب شهرة كانوا بيكتبوا لما بيكون فيه احساس معين
ونجيب محفوظ ماكانش بيتشغل غير ف وقت معين من السنة كلها
يعنى موضوع الاستدامة ده مش ضرورى
لكن لو انت مخطط لحياتك بشكل تانى
دى حاجة تانية
ولو ان برده خسارة
فكر كويس يا اسطى
وبجد حاول تسعى ف الموضوع ده
وماحدش عارف
بس انت لازم تحاول

معلش طولت عليك

انا هامشى خلاص بجد كفاية رغى لحد كده
بس هو يعنى ايه قلوعه

تقبل مرورى وفائق احترامى
سلام عليكم

آيه
كلام كبيييييير كبييييييييير كبير يعنى
طب أرد أقولك ايه ؟
صدقينى كل الناس مصممة على كده و انا مش شايف دا خالص ..
على العموم ... قولى ياباسط
نورتينى
نورتينى ألف مرة
و اكتر