حكاية عصفور

عصفور و قابل عصفورة ..

و اتمنى يظهر فى الصورة ..

جواه مشاعر مكبوتة ..

هايم فى عشق السنيورة ..

***

عصفور فقير .. غلبان .. محتاج ..

راكب سفينة فوق الأمواج ..

كان نفسه يوصف إحساسه ..

و يلاقى للكتمان دا علاج ..

***

كان من زمان محتاج يفرح ..

و يلاقى فى الأيام مطرح ..

يعشق و يحلم زى الناس ..

و يقوم بدور فوق المسرح ..

***

صارح حبيبته بشعوره ..

مسكين مايعرفشى مصيره ..

مغشوش ياعينى بعشق محال ..

فاكر مافيش عصفور غيره..

***

بينه و بينها قفص ضيق ..

و بيبان قديمة بتزيق ..

و طريق طويل مالهوش آخر ..

عقبات كتير صعبة .. تزهق..

***

ماتفوق بقى يا طويل الريش ..

سيبك من الاحساس دا و عيش ..

الحلم صعب عليك .. و بعيد ..

تحلم كتير .. و تلاقى مافيش ..

***

رائعة من روائع الاسطي انا من هواه قراءة اشعارك من يوم مادخلت المنتدي دا وانا بالف علي اشعارك كلها وباقرائها كتير ربنا يوفقك وتمتعنا دايما

وحكاية عصفور جميلة

ماتفوق بقى يا طويل الريش ..

سيبك من الاحساس دا و عيش ..

الحلم صعب عليك .. و بعيد ..

تحلم كتير .. و تلاقى مافيش ..

اسطي
ابدعت بصراحة
وزي ماقالت لمياء
حكاية عصفور رائعة من روائع الاسطي
وبجد كل كتاباتك بتمس مشارعنا
وكمان الصورة بجد رووووعة
اختيارك وزوقك
فعلا احساس شاعر
ربنا يوفقك يارب

وحكاية عصفورة رائعة
واسلوبك بسيط وسهل
ماشاء الله
وفقك الله
سلام

» عصفور الشرق ...
» حكاية الحب