يالا كلكم ادخلو وقولو رايكم

هاي ياجماعه طبعا انا جديده ف المنتدي واتمني اكون خفيفه عليكم
انا فكرت ف حاجه وعليكم انتو توافقو ونكمل او ترفضو وبلاش نكمل
ايه رايكم لو اي حد فينا فتح موضوع جديد ومجال للمناقشه ف اي شئ من حوالينا من ناحيه نستفيد باراءنا واختلافها ومن الناحيه التانيه نعرف اذا كان تفكيرنا ماشي صح ولا غلط
انتو قولو رايكم ايييه واللي عنده موضوع كان نفسه يتكلم فيه اوك ينزل الموضوع ف الرد وكالتالي الباقي يضيفو رايهم
ولو محدش عنده قولو ايه رايكم ف الحكايه اللي انا اقترحتها وانا هنزل موضوع من عندي اتمني اشوف الردود بسرعه

السلام عليكم

اقتراح وموضوع جميل فعلا يا اماني
ومنتظرة بجد التنفيذ
وانتي ابداي بموضوع
ومعلش شفت الموضوع متاخر
لكن انا معاااااااااكي
اقترحي الموضوع لانك صاحب الموضوع يا باشا
وبعدين انا بعدك باه هاقترح

يلا سلام

ميرسي حبيبتي علي تاييدك لوجود حوار ومناقشه
انا هطرح لكم عدة مواضيع ونتكلم ف الموضوع اللي انتو شايفينه اهم موضوع ممكن نتكلم فيه او محتاجين نتكلم عنه
يالا نبداء بسم الله الرحمن الرحيم
بالاول هقول المواضيع واترك الاختيار لكم اوك
الموضوع الاول هو حاجه تخص الحب اكتر حاجه لانه بصراحه موضوع كان شاغل تفكيري وكنت عايزه اعرف اذا كان رايكم زي رايي ولا انا ليا راي مختلف
انا بس كنت حابه اعرف ليه الحب الاول مهما حبينا عمرنا ما بننساه وهل دي حقيقه ولا ده مجرد حاجه ف خيالي انا وبس
الموضوع التاني
ايه اكبر مشكله بتواجه الشباب اليومين دول وبرايكم ايه الحلول اللي شايفينها تفيد ف حل المشكله دي
الموضوع التالت
ليه اي شاب بعد التخرج بيبحث عن العمل مره واتنين وف النهايه يقول مش لاقي شغل واوك خلاص يستسلم للامر الواقع وخلاص يبتدي حياة الفشل والضياع والادمان والكلام ده

لو المواضيع مش عجبتكو اوك اختلاف الراي لايفسد للود قضيه ياريت تنزلو انتو مواضيعكم ونتناقش فيها مع بعض
مستنيه الرد او المواضيع الجديده

السلام عليكم

مواضيع كلها مهمة وجميلة يا اماني
وعلشان اول موضوع شاغل تفكيرك وبالك
فانا من رايي اننا نناقشة الاول

وموضوعك هو

ليه الحب الاول مهما حبينا عمرنا ما بننساه وهل دي حقيقه ولا ؟

انا من رايي ان الحب الاول بيتنسي مع اول شخص يدخل حياتك ويخاف عليكي بجد

ويشغلك عن الحب الاول لكي

لان اكيد الشخص اللي بتحبيه الاول دا في نفس اللحظة اللي بتفكري فيه هو بيفكر في غيرك
فاكيد لازم تفكري بالمنطق والعقل

وتفكري في الشخص اللي فعلا يستحقك ويسعدك وينسيكي الحب الاول

ومع الوقت والمعاملة بيتنسي

وبعد كدة هتحسي انك ظلمتي الشخص اللي مرتبطة بيه دا حتي ولو كنتي بتفكري في الاول دا ولو للحظات

ودا من رايي
ياريت تقولي رايك
مع التحليل ماتنسيش

اولا اسفه جدا علي تاخير ردي بس انا فعلا كنت تعبانه
ثانيا ميرسي اوي علي ردك
انا عايزه اقوللك ان الحاله اللي بتتكلمي فيها دي اذا كان في خيانه من احد الطرفين او من الشخص اللي بحبه بالتحديد
لكن تخيلي اذا كانت الظروف هي اللي اجبرتكم انتم الطرفين علي انكم تسيبو بعض مع انكم بعيد عن بعض لكن لسه بتحبو بعض وعايشين علي امل الرجوع ف يوم من الايام
انا عايزه اقوللك ان انا فعلا اتخطبت بعده لكن مقدرتش اكمل كنت ف كل يوم بيفوت عليا بحس ان انا بموت لو فكرت ان انا لغيره
انا بجد تعبت اوي ومش عارفه اعمل ايه
والمشكله ان انا لو حاولت انسي بفتكر اكتر يعني زي ماتقوللي حياتي اتسستمت علي وجوده فيها
واللي مساعد علي كده انه لم سيئ ليا ف يوم من الايام
تفتكري انسي ازاي؟؟؟؟؟

» يالا نصلح غلطنا
» welcome وبجد هتوحشونى والله العظيم بحبكم كلكم .
» عيد ميلاد اسلام.كل سنه وهو طيب . يالا ادخلوا باركوله بسرعه .
» هاااااااااااااااام جدااااااااااااااااا...ادخلو بسررررررعه!!!
» هيصووووووا يا جماعه , وزغرطوا كمان .وادخلوا يالا شوفوا ليه