لا استطيع ماذا اقول .........؟!!!!

هم كام سوال واقضيت تقدر تقولى ماذا استفدت فى حياتك ؟
وكم عدد مرات الشجار مع الاخرين وماذا استفدت منه ؟

السلام عليكم


اولا منور المنتدي يا سهر الليالي

ومن حيث السؤالين اللي سالتهم
مش عارفة هاعرف افيدك واقولك علي اللي استفدته كله ولا لاء
لان الذاكرة مش حاضرة دلوات
بس اقدر اعبر شوية
يعني استفدت اني ماندمتش علي اللي راح واني احاول اجتهد علشان احقق ولو جزء من احلامي وكمان اعيش في الواقع يعني ماحلمش كتير بحاجات مستحيل تحصل في زمن زي دا وانا مابعبش علي الزمن لكن اللي بيحصل فيه كتير من الاشخاص والمسؤلين نفسهم
اتعلمت كمان الصبر في كل حاجة يعني بافكر كتير وباقول اكيد ربنا هيعوضني
واتعلمت ما امنش لاي حد كدة وافتحله قلبي لان كتير اوي من الاشخاص بيكون همهم الاول والاخير المصلحة دلوات بس بصراحة مش عارفة اتغير لاني اما احب او اعز حد باخلص معاه جامد مش مهم هو بيعمل اية




اما من حيث سؤالك الثاني
مرات الشجار مع الاخرين فاكيد كتيررررررر يعني ماتعدش
واحيانا بتكون الاسباب ممكن تكونتافهة في نظر ناس كتير لكن في نظري انا اسباب جامدة جداااا ومابقدرش اعديها
واحيانا بيكون لاختلاف الراي واحيانا بيكون للعند اني عايزة اخالف راي اللي قدامي وخلاص بس هو اللي بيجبرني علي كدة لاني مابعملش كدة الا في الاشخاص اللي بيصمموا علي رايهم وبس وشايفين انه صح وخلاص ففي اللحظات دي احيانا عارفة اني غلط بس باصمم علي رايي وخلاص من اجل العند بسسسسسسسسس




وياتري باه تقدر تجاوب انت ع الاسئلة دي
اكيد ايون
اتفضل جااااااااااااااااااااااااااوب



سلام

موضوع جميل يا سهر الليالي
اولا منور المنتدي

ثانيا
بالنسبة للي اتعلمناه في حياتنا فكتير اكيد
مين منا مابيعديش يومه الا ويكون بيتعلم درس جديد
علي رأي اللي قال
اللي يعيش يامااااااااااااا يشوف

لكن عالماشي ممكن اقولك شوية من اللي فاكراه يعني
مثلا
حب لاخيك كما تحب لنفسك
سامح علي قد ما تقدر علشان تعيش دنيا الايام دي بسعاده
ماتبصش لوراك ابدا مهما كانت الظروف ( اوعي تستسلم لليأس ) حتي لو حصل يومين وماتطولش



اما بالنسبة للشجار
فطبيعي جدا لازم منه ( دا هو دا فاكهة الحياة )

بس انا غالبا ما باحبش الخناق
غير بس لما اشوف حد قريب مني بيغلط باتضايق اوي واتخانق معاه
غير كده مافيش خالص

منور يا سهر الليالي