ازاى تبقى رخم لغايه لما تضرب

قول نكته طويلة أوى وتعالى عند أخرها وأعمل نفسك نسيتها

• هات بخاخة مطهر و أمشى ورا واحد و كل مايلمس حاجة تروح راششها بالمطهر على طول

• لما حد يشكى لك من حاجه قوله أنا عندى مشاكل أكتر منك

•فى مطعم بص للناس اللى على التربيزة اللى جنبك وهى بتاكل ودقق أوى

• كل ما حد يقولك حاجه عيدها بس على هيئة سؤال مثلا هايقولك "مش أنا اتجوزت" قوله "أتجوزت؟!" هايقولك "اه

الشهر اللى فات" قوله " الشهر اللى فات؟!" ..... و هكذا

• و انت بتتكلم مع واحد متبصش فى وشه خالص

• واحد تانى بقى دقق فى ملامحه بص لودانه وشعره وكده

• و أنت فى المول ماتمشيش عادى لأ أفضل نط لحد ماتوصل للمكان اللى رايحه

• مش كده وبس أى حاجة تقابلك فى سكتك طبل عليها

• فى المترو امضغ أمضع لبانة بصوت عالى و أنت واقف جنب حد بيقرا مجلة او جرنان و أنت بتقرا معاه طبعا

• أعزم ناس تعرفها ملهاش علاقة بمناسبة عيد ميلاد حد تعرفه وياسلام لو معزوم على الفطار لازم تاخدلك مش أقل من
أتنين فى إيدك

• لو قاعد بتتفرج أنت وصحابك على فيلم وفاضل 5 دقايق قوم غير القناة شد الفيشة أعمل أى حاجة لحد الفيلم مايخلص وميعرفوش النهاية

• سيب إاشارة العربية الشمال شغاله لمده 5 كيلو متر من غير ماتلف و بعدين اطفيها و كمل طوالى

•ألبس جراب زى الجراب اللى بيتحط فيه المسدس بس حط فيه الريموت كنترول وكل ماتقابل حد طلعه فى وشه قالى يعنى هتضربه بالنار

• أول ماتشوف كيس كاتشب على الأرض دوس عليه برجلك طرطشه على بنطلون اللى جنبك وقوله كنت بشوفه فاضى و لا مليان

• لو فى مناسبة فيها دى جى أستلم بتاع الدى جى بأغنية يشغلهالك ولوشغلهالك أستلمه يكررهالك علطول عشان بتحبها

• لو واقف جنب حد بيعد فلوس و فى وسط ما هو بيعد قول اى رقم عشوائى زى 423

ملحوظة صغيرة : لو اتضربت أنا مليش دعوة

ههههههههههههههههههههههه

حلوة الملحوظة دي يا بوسي

تحسي كدة انك بتنصحينا بحاجات حلوة زي الفل

بس والله احيانا انا شخصيا باعمل حاجات من دي

بس مش علشان انا رخمة يعني

لكن علشان ارخم ع اللي قدامي لو كنت مضايقة منه مثلا

وعموما شكرا لك يا بوسي عالنصايح اللي تؤدي للضرب دي

سلام

ملحوظة يا بوسي

اللي معلق فوق دا انا

بس اعمل اية لاختي

يلا كلنا لها

السلام عليكم ورحمة الله وبركاته

هى دى الغلاسة والا فلا

بس بلاش بتاع الكاتشب ده عشان مرة حد عملها فيا وكانت بتاعة كشرى يعنى حارة نار

ودخلت كلها عينى واتاخرت ع اسما يومها ووقفتنى شر وقفة

سلام عليكم

اية دا

كان يوم اسما

والله برافو عليها اللي عملت فيكي كدة يا اية

ناس بتفهم

عقبال الغرباوي الترم دا

وتبقي كاتشب

بس حار

ازاي ماتعرفيش اهو حار وخلاص

يلا سلاموز

هو الموضوع كويس جدا بس لو كان هزار مش لمجرد الرخامة على حد لان اكيد لما اى حاجة بيبقى مبالغ فيها اوى بتتقلب على اللى بيعملها وعلى العموم نستنى منك موضوع اجمل المرة اللى جاية وشكرا مرة تانية

احنا ناقصين رخامه ... دا الرخمين ملوا البلد ... بس على فكره فى جانب ايجابى فى الموضوع بحيث ان الواحد لو شاف حاجه هو بيعملها مكتوبة فى الموضوع يحس انه رخم فيحاول يغيرها

» تعلم ازاى تنادى على أمك ؟
» ازاى تدخل بيضه من زجاجة بيبسى .