تأملات (العظماء مائة اعظمهم محمد صلى الله عليه واله وسلم

العظماء مائة اعظمهم محمد صلى الله عليه والة وسلم هو كتاب للكاتب الامريكى مايكل هارت

كتاب قيم جدا واكثر من رائع كما انه يحمل قدرا كبير من الموضوعية والتى تم على اساسها الحكم على الشخصيات التاريخية المختلفة حيث كان الفارق الاساسى والمعيار الاساسى بين الشخصيات هو مدى اثرهم فى من حولهم وما فعلوه من انجازات وطبعا لابد ان تكون شخصيات حقيقة ولذلك كان جزء كبير من عظماؤه من رجال الدين و الساسة والعلماء خاصة الفيزيائيين كما تضمن ايضا بعض الفنانين العباقرة ممن اثروا الفن الاقديم والحديث على حد سواء وتضمن الكتاب شخصيات مطمورة وشخصيات ذائعة الصيت على حد سواء فلم تكن الشهرة هى المعيار الاساسى للحكم

وتضمن الكتاب شخصيات عديدة مثل النبى محمد صلى الله عليه واله وسلم وهو اعظم العظماء ونيوتن وبوذا والنبى موسى عليه السلام والمسيح عليه السلام ونابليون وهتلر وستالين وعمر بن الخطاب والملكة اليزابيث ويوليوس قيصر واغسطس قيصر واينشتين وسيمون بوليفار وليفنهيك ومندل 00000 وغيرهم من العظاء وممن اثروا الحياه الانسانية والتاريخ البشرى


والكتاب لغته سهله غير معقدة كما انه تضمن معلومات بالقدر الكافى عن الشخصيات بالرغم من صعوبة >لك بالنسبة للبعض الا ان الكتاب ف النهاية حمل قدر كبير من تاريخ انسانى على مدى العصور الفائتة والقادمة


ولكن لدى بعض التعليقات او لنقل التأملات المتعلقة بالكتاب

فعلى الرغم من ان الكاتب اغفل قدرا كبير ا من شخصية النبى محمد صلى الله عليه واله وسلم وجنبات عظمته التى لا اقولها لاغراض شخصية ولكن لانها ام الحقيقة ذاتها الا انه ايضا وبالرغم من تطبيقه للمنهج العلمى ف الاختيار واقتصر فقط على جانب القائد الناجح فاستحق طبعا وباقتدار اعظم مكانه بين الخالدين

نفس الشىء حدث مع شخصية عمر بن الحخطاب والذى جاء ترتيبه الواحد والخمسون ركز فقط على دور عمر فى نشر الدعوه الاسلاميه ولم يذكر جوانب شخصية عمر الاخرى

اويمكن ان نعزى ذلك لتقصيرنا نحن ف التعبير عن انفسنا والتعريف بعظمة اجدادنا

والدليل ع ذلك ان قائمة الخالدين لم تتضمن شخصيات اثرت فى التاريخ بذات الشكل العلمى والمنطقى الذى تبعه الكاتب من اهمها الخليفة عمر بن عبد العزيز وهو الحاكم الوحيد ع مستوى الامم على مر العصور الذى استطاع ان يحقق ما اطلق عليه البعض المدينة المثالية او الفاضلة (يوتوبيا)

فقد روى ان مش شده الامان كانت الذئاب ترعى مع الغنم وهو تعبير ان دل ع شىء فانه يدل على بلوغ الدوله ف عصره قمم الامان والسكينة وفاضت بيوت مال المسلمين فلم يكن هناك مسكينا او فقيرا تزوج جميع الشباب حتى فاض هذا الخير على غير المسلمين وتبقى ف النهاية بعد كل ذلك بيت مال المسلمين عامرا حيث كان الجميع يؤدى زكاة ماله وكانت الدولة الاسلامية هى اغنى دوله مما ارسى نهضة حضارية عالية ف عصره وبالرغم من انه الحاكم الوحيد الذى استطاع فعل ذلك ع المستوى التاريخ الانسانى الا ان ذكره قد تم اغفاله

ايضا كان من بين الخالدين مكتشف الدورة الدموية وليم هارفى فى حين ان ابن النفيس سبقه فى اكتشافه بمئات السنين وبالطبع لم يذكر ابن النفيس ايضا كان من ضمن انجازات وليام هارفى معارضته للنظرية التى تقول ان الجنين لديه نفس مكونات الطفل العادى ولكن حجمها اقل وكان اول من اشار الى ان الجنين يتكون على مراحل مع ان القرآن كان قد حسم تلك المسألة من مئات السنين السابقة له

فضلا عن عدم ذكره للحسن ابن الهيثم كأحد العظماء وان بحثنا فى التاريخ العربى والاسلامى لوجدنا الكثير من عظماء الحضارة الاسلامية والعربية ممن استحق ان ينضم الى صفوف الخالدين ولكنها مشكلتنا نحن فى عدم معرفة انفسنا وتاريخنا جيدا وعدم تعريف العالم به مع اننا حملنا الكثير من الحضارة والعلم وفهمناها العالم جمعاء ليس هذادعوه خيالية للعيش ف الماضى ولكنها محاوله لاستفزاز الهمم من خلال معرفة القدر الحقيقى لتاريخنا لنحاول ان نصنح الحضارة من جديد ونكون من جديد اعظم حضارة عرفتها البشريه كما كنا لنكون كما امرنا الله مقيمين للحق والعدل وعمارة الارض

أستاذة أيه ....

عرض اكثر من رائع لكتاب العظماء مائة أعظمهم محمد ... و تأملاتك جعلتني اعزم على قرائته بتأني لعلي اخرج منه بفوائد مثل التي خرجتي بها منه ...

و معاك حق تماماً في إننا مقصرين في نشر سير عظماء تاريخنا العربي و الإسلامي ... و ربنا يسهل و يكون جيل احفادنا اكثر وعياً منا بهذه المسألة

أشكر حضرتك جداً و وحشتيني و وحشني كل أعضاء المنتدى الكرام

السلام عليكم ورحمة الله وبركاته

اهلا يادكتور وشكرا جدا انك علقت
وبجد ياريت لو تقرا الكتاب فعلا لانه كتاب ثرى جدا
اما موضوع الفوائد والتأملات فاعتقد انك هتطلع بفوائد وتأملات اكتر بكتير من مجرد الملحوظات اللى انا ذكرتها وع فكرة انت كده ورطت نفسك لانى واسمحلى هاستنى تعليقك ع الكتاب فياريت لما تقراه تنزل رايك فيه

والمشكله ف موضوع تاريخنا العربى والاسلامى مش ف اننا مش ببنشره قد ما المشكله اننا مش عارفينه اصلا
فاحنا لازم نعرفه الاول وبعدين ننشره وده مش هيكون تفضل منا وانما احقاقا للحق

وبصراحة موضوع احفادنا ده بعييييييييييييييييييد قوى يعنى حتى ولادنا بعيد بالعكس
احنا اللى لازم نعرف واحنا اللى لازم نكون اكثر وعيا لاننا لو ماعرفناش يبقى مش هنعرف ولادنا وبعدهم احفادنا
انا عارفة انك مش تقصد بس جو التسويف ده هيخلينا ننام ونبطل ندور ونبحث ونعرف تاريخنا الحقيقى ونشوف احنا كنا قد ايه متحضرين
وقد ايه بجد انا قد مافرحت قد مازعلت لما اوباما اعترف بيها ف خطابه وقال ان علماء الحضارة الاسلامية والعربية هما اللى حملوا الحضارة وعلموها للعالم كله
واحنا اصحاب الحضارة مش عارفين ده وفيه مننا كتير كان اول مرة يسمعها من اوباما
ده غير الناس اللى ماتصدقش اننا اصحاب حضارة غير لما الشهادة دى تيجى من غربيين
بجد حاجة تكسف وتزعل

وبجد انا باشكرك جدا انك اتحت لى فرصة الرغى دى
لانى بجد نفسى اروح لكل حد واقعد اهز فيه وافوقه واقوله اننا نستحق اننا نكون افضل من كده
مش عيش ف ماضى ولكن ان الواحد يعرف انه يقدر يعمل ويغير وانه مش ضعيف زى ماهو فاكر

وف سبيل ده كان فيه خطوة انا كنت هاعملها وبعدين الامتحانات دخلت وكده
انا عندى كتاب لسة فاضل لى فيه جزء مش قريته بيتكلم عن علماء وعباقرة الحضارة الاسلامية والعربية
ان شاء الله لما اخلصه هانزل منه اجزاء على قد ما هاقدر
بس ياريت بس حد يقراه لانه فعلا مهم وفيه حاجات انا استغربت لما عرفتها اننا كنا فاكرينها غربيه صرف عشان اكتشف ف الاخر ان احنا اللى عملناها وحاجات احنا محرمينها دلوقت برده احنا اللى كنا عاملينها زمان
وان شاء الله اللى فيه الخير يقدمه ربنا
ومن تانى انا اللى باشكرك جدا يا دك انك اتحت لى فرصة مناقشة الموضوع ده
وانت اللى وحشت كل المنتدى
والمنتدى كله كان مفتقدك جدا فياريت ماتطولش غيابك كده تانى

ومستنية الموضوع الجديد بتاعك انا بقالى زمن ماقرتيش ليك حاجة جديدة
وماتنساش لما تقرا الكتاب عايزين نعرف رايك وتعقيبك عليه

معلش من تانى رغييييييييييييييييييييييييييت موت بس بجد ده موضوع مهم وانا ماصدقت بصراحة

تقبلوا مررى وفائق احترامى
سلام عليكم

تسلمى يا ايه طريقة عرضك اكثر من رائعة
وانا عايزة اشكرك مرتين
المرة الاولى :_عشان حققتى لى استفادة حقيقية من الكتاب .
والمرة التانية :_عشان طبقتى الاستفادة من الكتاب على الواقع وطلعتى بجوهر مشكلة حقيقة بنعانى منها .

اقتباس :

ولكنها مشكلتنا نحن فى عدم معرفة انفسنا وتاريخنا جيدا وعدم تعريف العالم به مع اننا حملنا الكثير من الحضارة والعلم وفهمناها العالم جمعاء ليس هذادعوه خيالية للعيش ف الماضى ولكنها محاوله لاستفزاز الهمم من خلال معرفة القدر الحقيقى لتاريخنا لنحاول ان نصنح الحضارة من جديد ونكون من جديد اعظم حضارة عرفتها البشريه كما كنا لنكون كما امرنا الله مقيمين للحق والعدل وعمارة الارض

تستاهلى حاجة حلوة بجد على السطور دول .
وانا كان من الحاجات اللى شدت انتباهى فى كلامك عن الكتاب دا (تأملات العظماء مائة اعظمهم محمد صلى الله عليه واله وسلم )
هو اسم المؤلف كتاب للكاتب الامريكى مايكل هارت .
يعنى انتى جبتى مثال على خطاب اوباما اللى قال فيه اننا احنا سر الحضارة اللى فيها اوربا دلوقتى وان الاسلام هو اللى بنى واسس هذه الحضارات فى حين ان الكثير منا لا يعلم عنها شيئا .
تعجبت حقا ان يتحدث عن عظماء الاسلام كاتب امريكى واسمه مايكل .
فى حين اننا كمسلمين لا نفقه الكثير عن هؤلاء العظماء ونقرأ سيرهم من الكتاب الغربيين
بجد موضوع رااااااااااااااااااااااااائع احيكى عليه بشدة .
وقبل ما اقولك تحياتى كنتى بتقولى

اقتباس :

وف سبيل ده كان فيه خطوة انا كنت هاعملها وبعدين الامتحانات دخلت وكده

الفضول الاعلامى عايز يعرف ماهى هذه الخطوة سين سؤال
ارق تحياتى
فـــــــــــــــــــــــــــــــــــــــــــــــــــــــــــــــــــــــــــــــــــلورندا