بعد الفاصل (نقاش جديد )

السلام عليكم ورحمة الله وبركاته


الحقيقة انا فيه حاجة منرفزانى نوعا


وحبيت اننا نتناقش فيها



يمكن نوصل لحل



الحقيقة انا النهارده اتبسطت جدا لانى لقيت جرنال الدستور وانا اصلى بقالى فترة كبيرة مش قريتوا


ولما لقيته ف شنطة بابا خطفته


وقعدت اقراه



والحقيقة يا جماعة انى اتفجعت



لان مش هو ده الدستور خااااااااااااااااالص



لقيتنى باقرا جرنال


اقل مايقال عنه


انه جرنال اصفر


ومن الحاجات اللى ضايقتنى فيه جدا


مقال كان الكاتب فيه


بينعت الحجاب انه تحجيب وتغييب للعقل


وكان بيهاجم الحجاب


طبعا دى مذاهب واراء وانا مش من حقى احجر على راى حق لمجرد انى مش متفقة معاه



لكن ده اثار جوايا حاجة مهمة جدا



ليه العرى بقى بيمثل الجمال بالنسبة لنا


والكل عمال يسعى له


واللى مش بيسعى له بيتفرج عليه من بعيد


وكله كوم والناس اللى بتتفرج ف نفس الوقت اللى بتكون شايلة السبحة فيه كوم تانى

ولا مدعى العلم والثقافة والمتلذذين بالوضع الشائن ده على اساس انه هو ده التنوير والتحرر من قيود الملبس اللى فرضتها السلفية على عقولنا المنغلقة


وللاسف دى بقت نماذج حية بينا


وانتشرت بشكل كبير


وبقى العرى فن وحريه شخصية

وتيجى لحد الحجاب وتبقى تخلف


ليه ما نعتبرش المحجبة برده حرية شخصية بعيدا عن اته فرض لانى مش مؤهلة انى اتكلم ف الدين


ليه يا جماعة بقينا مش مؤمنين غير باللى بنلمسه

وليه المادية سيطرت على حياتنا


ليه سمحنا للغرب انه ينهش فى قيمنا بدعوى التحضر والرقى

مع انه اول واحد ندم على النوع ده من التقدم وعمال يحارب عشان يرجع عنه ويصلح اللى افسده هذا النوع من الرقى المزعوم


ومع ان العرب والمسلمين الاوائل ايام الحضارة الاسلاميه كاوا اسياد العالم

بالقيم والمبادىء دى


اكيد فيه حاجات غلط وماعدتش تنفع مع التقدم دلوقت


بس حتى لو هتتغير تبقى تتغير على ايدينا احنا على حسب ما ينفعنا احنا


مش ناخد تجارب الغرب الفاشلة ونقلدها ويبقى الفشل هو حليفنا الوحيد


لاطلنا غرب ولا شرق



ياريت يا جماعة نبدا من جديد نفكر مع نفسنا ومع اللى حوالينا بصوت عالى

عشان نخلق كلنا ف الاخر



روح جديدة


روح تنويريه فعلا

ومتحررة على اساس فهم واقعى لمعنى الحرية ومبادىء التحرر

عشان نصلح اللى الغرب عمله

جوانا قبل اى حد تانى


يمكن ف يوم نقدر نرجع اللى كان


ونرجع من جديد مشعل النور

والفنارة اللى بيسير على هداها العالم كله






ياريت تشاركونى بارائكم

او اى مواضيع متعلقة بالفكرة لان طبعا
الفكرة اللى انا ناقشتها مجرد فكرة مبدئية

ياريت نطورها سوا

ونحاول من هنا ولو بمجرد النقاش مع بعض اننا نحط مبادىء جيدة نحاول نطبقها ونحاول ننشرها

اساسها حياه حقيقة

والحياه الحقيقية ناتنفعش من غير دين


دين سليم وفهم صحيح مش مجرد سلوكيات مظهريه

ولو لقينا نفسنا فى رحلتنا دى يبقى كده خلاص عرفنا بداية الطريق

ويبقى نص المشوار اتقضى


معلش طولت عليكم


تقبلوا مرورؤى وفائق احترامى




سلام عليكم

موضوع جميل اوى للنقاش


بس مع الاسف بالرغم انه موضوع مهم الا انه بيزيدنى احباط فى كل شىء


انا شايفه ان كل شىء دلولقتى فى حياتنا بقى متصنع وشىء لو دورنا فى اصله هنلاقيه مش نابع مننا وزى ما بتقولى من الغرب وعلى فكرة اول عامل من العوامل اللى ادت للتقليد القنوات الفضائيه الناس اغلبها فاهمين اننا لما نقلد شىء من الغرب بدون التمييز او التفكير انه شىء حلو او وحش دا جزء من العولمه وان العالم بقى قريه صغيره ومعرفش ايه وشعارات واحنا اللى ضايعين فى الاخر لغايه لما يجى اليوم اللى ننسى نفسنا احنا كنا ازاى

يعنى نعمل زى الغراب اللى جه يقلد الطاووس معرفش يقلده ولا عرف بعد كده يمشى مشيته هو

بيتهيألى دا احسن تشبيه للوضع الحالى اللى احنا فيه

وبالنسبه لموضوع الحجاب يا جورناليست انا قريت فى مجله مش متذكره اسمها كانوا بيناقشوا موضوع الاسدال وان فى ناس بتلبسه عشان الموضه مش عشان انه زى اسلامى احنا لو دققنا فى كذا حاجه من دول هنتعب اوى
بس على الصعيد الاخر انا قريت خبر على النت بجد بجد فرحنى جدااااا ان واحده مسلمه فى دوله اجنبى برده مش متذكره اسمها بس هيا دوله بتمنع الحجاب نهائى واحتجاجا من المسلمه دى على الواضع الراهن عندها قصت شعرها خالص وبقت أرعه من الاخر بجد بجد جرائتها خلتنى خجلانه من نفسى شدة ايمانها خلتنى افكر ليه طيب اللى هما بايديهم يلبسوا الحجاب وومفيش حكومه تمنعهم مش بيلبسوه سبحان الله فى طبع البنى ادم

يارب ثبت قلوبنا على دينك

شكرا جورناليست على الحوار الجميل وسورى ان كنت خرجت عن نص الحوار اساسا

تقبلى مرورى

السلام عليكم ورحمة الله وبركاته

اقتباس :

بس مع الاسف بالرغم انه موضوع مهم الا انه بيزيدنى احباط فى كل شىء

وليه ما يكونش لانه موضوع مهم يزيدنا اصرار على اننا لازم نتغير ونغير نظرتنا لكل الاخطاء اللى حوالينا بدل مانبص ونقعد نبكى ونقول يا خسارة هنستفيد ايه ؟؟!!

لكن المفروض ان الحاجات دى تزيدنا اصرار اننا نصلح ونغير كل الاخطاء اللى احنا شايفينها لان التخطاء دى من صنعنا وحتى لو احنا ماعملنهاش فسكوتنا عليها زود قوتها

يعنى مفيش داعى للهرب وتعليق الغلطات على شماعات الغير واننا نحط راسنا ف الرمل طبعا يا كات انا مش قصدى عليكى

بس انا باتكلم ف وضع عام بقينا فيه

بقينا بنستسهل الاستسلام لان المقاومة صعبة وهتاخد وقت ومجهود واعصاب زى ماتكون حياتنا ماتستاهلش اننا نحارب عشانها

ده غير بقى الاخوة المحبطين بتوع هو انا هاغير الكون ياعم كبر انت عايش الدور كده ليه انت فاكر نفسك حاجة ولا ايه

اهو انا مايخنقنيش قد الشخصيات الضعيفة دى واللى مش بتكتفى بضعفها واستسلامها لا كمان بتضعف اللى حواليها


معاكى الطريق صعب وطويل ومش مأمون بس ايه اللى ف حياتنا مش صعب حتى الاستسلام والاحباط طريقهم صعب لانه بيبقى مليان بجلد الذات وترصد الاخطاء للخرين ورؤية سودة للعالم

مين فينا يقدر يعيش كده ؟

يبقى ليه الياس والاحباط يكونوا طريقنا

على فكرة احنا احسن من كده بكتير ونستاهل اننا نكون افضل احنا بس محتاجين نعرف ازاى نبدا وما ينفعش نستنى حد يورينا السكة احنا اللى لازم ندور ونبدا

انا رغيت ف النقطة دى كتير معلش بس اعتقد انها تستحق وبعدين انا الرغى وحشنى بقالى كطتير ما رغيتش


اما بالنسبة للعولمة
فانا رايى ان العولمة دى وهم كبير ابتدعه الغرب وتمزق به الشرق

هى دى الحقيقة العولمة دى حجة للسيطرة علينا وهى دى الحرب الجديدة اللى لازن ننتصر فيها لان هزيمتنا مش معناها اننا خسرنا ارض او امن لان الحاجات دى بحرب تانية ممكن ترجع
لكن العين المرة دى ع حاجة لو اتاخدت مننا عمرها ماهترجع
الحاجة دى هى احنا هى عزيمتنا وقوتنا هما عايزينا كده بالظبط واحنا بننفذ لهم مخططهم بمنتهى السهوله هما عايزينا ضعاف محبطين مستسلمين معندناش احلام حاسين بالغربة
هما عايزينا كده بالضبط واحنا بنفذ لهم المخطط ببراعة نتحسد عليها


معاكى القنوات الفضائية عززت مفاهيم كتيرة للعولمة بس فيه قنوات كتير بدات تميز الناس نفسها بقى وعيها اكبر هما بس محتاجين يبقى ليهم هدف مشترك كلهم يلتفوا حواليه وساعتها هنكون حاجة تانية خالص


واعتقد ان المثل بتاع الغراب والطاووس ده صحيح جدا


اما بالنسبة للحجاب فمش ده كان قصدى من الكلام

بصى ياكات انا رايى واضح حتى وقت الازمة انا كنت متضايقة من تكبير الموضوع بالشكل ده لاسباب كتير اهمها ان احنا خلاص بقى عملنا كل حاجة ف الدين وماعدش فاضل غير الحجاب وخلصنا كل ديونا وةرجعنا القدس و العراق وماعدش قدامنا حاجة عشان نناقش راى حد قاله بصفة شخصية لصحفى والصحفى طبعا مايتبلش ف بقه فوله عملها ازمة والبلد ولعت بالعكس الازمة دى وضحت قد ايه فيه اضمحلال فكرى لان الاراء كلها والتصريحات اللى اتقالت كلها ملخبطة والناس اللى حاولت تصلح عكتها اكتر
وبينوا كان الاسلام هو الحجاب وان الغير محجبة مش مسلمة وده غير صحيح اطلاقا الحجاب فرض اه لكن مش ركن من اركان الاسلام ممكن دين حد يعوج من غيره زواحنا ظهرنا ان مرادف الحجاب هو الاسلام والهجوم على الحجاب هجوم على الاسلام
معاكى ممكن ده يفتح باب للهجوم على الاسلام لكن اللى احنا عملاناه كان اسوا من اننا خلاص نسينا العبارة والفساد عشان راى قاله واحد فى حوار خاص والصحفى قاله ف مكان عام واهو ايه اللى حصل بعد كل حاجة الراجل لسة وزير الثقافة واحنا زى ما احنا

وانا ماكانش قصدى انى اقول الكاتب ده عامل كده


لكن انا قصدى ليه معايير الجمال عندنا اختلفت وبقت بتتقاس بقلة الهدوم

وبقى سباق الكل بيتنافس مين هيقلل اكتر

كل ده والناس ساكته بدعوى التحرر والتقدم وان دى حرية شخصية

وتيجى لحد الحجاب ومابقاش حرية بقى تخلف ورجوع للماضى وسلفية غير متنورة


مع ان السلفية الغير متنورة دى هى اللى سادت الكون زمان


هى اللى علمت الغرب يعنى ايه تقدم ويعنى ايه حياه


الغرب اللى احنا بنقلده دلوقت ده يوم ما هديناهم ساعة تقريبا بصراحة مش فاكرة الهدية كانت ايه المهم انهم افتكروها عفريت


هو ده الغرب اللى احنا بنقتدى بيه



انا عارفة انى طولت ويمكن اكون خرجت عن موضوعى وموضوعك

بس انا مين هايتحملنى غيرك يعنى


الاقيى مين يسمع الرغى ده كله غيرك يعنى



تقبلوا مرورى


وفائق احترامى


سلام عليكم

ههههههههه يخربيت شكلك كل دا كلام

اتهدى يا بت شويه هرد على دا كله ازاى

بحمد ربنا على نعمه الاقتباس لان عندى الزهيمر اساسا


[السلام عليكم ورحمة الله وبركاته



وليه ما يكونش لانه موضوع مهم يزيدنا اصرار على اننا لازم نتغير ونغير نظرتنا لكل الاخطاء اللى حوالينا بدل مانبص ونقعد نبكى ونقول يا خسارة هنستفيد ايه ؟؟!!

لكن المفروض ان الحاجات دى تزيدنا اصرار اننا نصلح ونغير كل الاخطاء اللى احنا شايفينها لان التخطاء دى من صنعنا وحتى لو احنا ماعملنهاش فسكوتنا عليها زود قوتها
يعنى مفيش داعى للهرب وتعليق الغلطات على شماعات الغير واننا نحط راسنا ف الرمل طبعا يا كات انا مش قصدى عليكى
بس انا باتكلم ف وضع عام بقينا فيه


[b]وعليكم السلام ورحمة الله وبركاته
انا لما قولت جملتى دى يا جورناليست مكنتش اقصد بيها الاحباط بمعنى الكلمه هو يمكن من شدة اهميه الموضوع وصعوبته بالغت فى رد فعلى
لكن انا معاكى فى كل كلامك كلمة كلمة واد ايه والله بيعجبنى حماسك دا لاى موضوع سواء دا او غيره[/b]





بقينا بنستسهل الاستسلام لان المقاومة صعبة وهتاخد وقت ومجهود واعصاب زى ماتكون حياتنا ماتستاهلش اننا نحارب عشانها
ده غير بقى الاخوة المحبطين بتوع هو انا هاغير الكون ياعم كبر انت عايش الدور كده ليه انت فاكر نفسك حاجة ولا ايه
اهو انا مايخنقنيش قد الشخصيات الضعيفة دى واللى مش بتكتفى بضعفها واستسلامها لا كمان بتضعف اللى حواليها
معاكى الطريق صعب وطويل ومش مأمون بس ايه اللى ف حياتنا مش صعب حتى الاستسلام والاحباط طريقهم صعب لانه بيبقى مليان بجلد الذات وترصد الاخطاء للخرين ورؤية سودة للعالم
مين فينا يقدر يعيش كده ؟
يبقى ليه الياس والاحباط يكونوا طريقنا
على فكرة احنا احسن من كده بكتير ونستاهل اننا نكون افضل احنا بس محتاجين نعرف ازاى نبدا وما ينفعش نستنى حد يورينا السكة احنا اللى لازم ندور ونبدا
انا رغيت ف النقطة دى كتير معلش بس اعتقد انها تستحق وبعدين انا الرغى وحشنى بقالى كطتير ما رغيتش



لاء من ناحيه الرغى خلاص اتصدمت فى اول الموضوع لكن بعد كده عادى خد راحتك يا قمر
لكن بالنسبه لكلامك معاكى فيه لكن برده الواقع اصعب بكتير من الكلام سدقينى مش بحبطك وانا قولتلك بيعجبنى حماسك جدااااا واحيانا كتير بشوف ان الحماس فى اى هدف بسعى ليه حتى لو مش وصلته بحس انى نجحت عشان كسبت طاقه كبيرة اوى اعمل بيها هدف غير اللى متحققش يارب تكونى فهمتى قصدى

وانا احيانا كتير بيبقى نفسى اعمل حاجه بجد بس زى ما قولتى مش عارفه ابدأ ازاى او منين




اما بالنسبة للعولمة
فانا رايى ان العولمة دى وهم كبير ابتدعه الغرب وتمزق به الشرق
هى دى الحقيقة العولمة دى حجة للسيطرة علينا وهى دى الحرب الجديدة اللى لازن ننتصر فيها لان هزيمتنا مش معناها اننا خسرنا ارض او امن لان الحاجات دى بحرب تانية ممكن ترجع
لكن العين المرة دى ع حاجة لو اتاخدت مننا عمرها ماهترجع
الحاجة دى هى احنا هى عزيمتنا وقوتنا هما عايزينا كده بالظبط واحنا بننفذ لهم مخططهم بمنتهى السهوله هما عايزينا ضعاف محبطين مستسلمين معندناش احلام حاسين بالغربة
هما عايزينا كده بالضبط واحنا بنفذ لهم المخطط ببراعة نتحسد عليها
معاكى القنوات الفضائية عززت مفاهيم كتيرة للعولمة بس فيه قنوات كتير بدات تميز الناس نفسها بقى وعيها اكبر هما بس محتاجين يبقى ليهم هدف مشترك كلهم يلتفوا حواليه وساعتها هنكون حاجة تانية خالص
واعتقد ان المثل بتاع الغراب والطاووس ده صحيح جدا
اما بالنسبة للحجاب فمش ده كان قصدى من الكلام

انتى مخدتيش بالك انى قولت سورى لو كنت خرجت عن نص الموضوع بس هو حاجه جت فى دماغى ومكنتش اقصد بيها الحجاب نفسه انا كنت اقصد بيها ايمان الانسان بالحاجه بتخليه يعمل حاجات متتخيلهاش من شدة ايمانه بيها



بصى ياكات انا رايى واضح حتى وقت الازمة انا كنت متضايقة من تكبير الموضوع بالشكل ده لاسباب كتير اهمها ان احنا خلاص بقى عملنا كل حاجة ف الدين وماعدش فاضل غير الحجاب وخلصنا كل ديونا وةرجعنا القدس و العراق وماعدش قدامنا حاجة عشان نناقش راى حد قاله بصفة شخصية لصحفى والصحفى طبعا مايتبلش ف بقه فوله عملها ازمة والبلد ولعت بالعكس الازمة دى وضحت قد ايه فيه اضمحلال فكرى لان الاراء كلها والتصريحات اللى اتقالت كلها ملخبطة والناس اللى حاولت تصلح عكتها اكتر
وبينوا كان الاسلام هو الحجاب وان الغير محجبة مش مسلمة وده غير صحيح اطلاقا الحجاب فرض اه لكن مش ركن من اركان الاسلام ممكن دين حد يعوج من غيره زواحنا ظهرنا ان مرادف الحجاب هو الاسلام والهجوم على الحجاب هجوم على الاسلام
معاكى ممكن ده يفتح باب للهجوم على الاسلام لكن اللى احنا عملاناه كان اسوا من اننا خلاص نسينا العبارة والفساد عشان راى قاله واحد فى حوار خاص والصحفى قاله ف مكان عام واهو ايه اللى حصل بعد كل حاجة الراجل لسة وزير الثقافة واحنا زى ما احنا

وانا ماكانش قصدى انى اقول الكاتب ده عامل كده
لكن انا قصدى ليه معايير الجمال عندنا اختلفت وبقت بتتقاس بقلة الهدوم
وبقى سباق الكل بيتنافس مين هيقلل اكتر
كل ده والناس ساكته بدعوى التحرر والتقدم وان دى حرية شخصية
وتيجى لحد الحجاب ومابقاش حرية بقى تخلف ورجوع للماضى وسلفية غير متنورة
مع ان السلفية الغير متنورة دى هى اللى سادت الكون زمان
هى اللى علمت الغرب يعنى ايه تقدم ويعنى ايه حياه
الغرب اللى احنا بنقلده دلوقت ده يوم ما هديناهم ساعة تقريبا بصراحة مش فاكرة الهدية كانت ايه المهم انهم افتكروها عفريت
هو ده الغرب اللى احنا بنقتدى بيه


اهااااا فهمت قصدك بس انا من رأيى ان معايير الجمال اختلفت ومعنى التحرر برده اختلف وحاجات كتير اوى اختلفت حوالينا واختلطت علينا الامور قلة ايمان بالمثل والاخلاقيات اللى احنا ورثناها زمان من السلفيه العرب يمكن لو كان فى ايمان من البدايه بكيانا احنا وكل جيل يورثه للبعده مكانتش الافكار تهتز وتنتزع بسهوله


انا عارفة انى طولت ويمكن اكون خرجت عن موضوعى وموضوعك
بس انا مين هايتحملنى غيرك يعنى
الاقيى مين يسمع الرغى ده كله غيرك يعنى
تقبلوا مرورى
وفائق احترامى
سلام عليكم[/

مستحملينك من غير ما تقولى يا قمر وانتى ترغى على مزاجك اكيد يعنى ولو محدش عاجبه باب المنتدى كبير
انا بحب كلامك جداااا على فكرة
وبجد والله من غير مبالغه بحب اتناقش معاكى ديما


انتى بقى اللى تتقبلى مرورى وتستحملى وجودى فى الموضوع مرتين

سلاااااااام يا جورنالستايا

يانهاااااااارى
انا كل ردى عليكى جوا الاقتباس والاقتباس مش ظاهر
لاء بجد حرااااااااام انا كتبت كتييييييييير ورديت على كل جمله

هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه
السلام عليكم ورحمة الله وبركاته

لا تعليق

معلش ملاقيتش رد تانى
ع العموم انا هاعتبره وصل وهاخده منك ف الجامعة على الارض فاكرة ؟
هههههههههههههههه

سلام عليكم

الحمد لله ومن غير تريقه يا ست جورناليست خليت الكلام يظهر ابقى اطلعى بالموس وشوفيه تانى

ومفيش داعى نسيح لبعض على موضوع الارض

ومعلش بقى تعبتك عقبال ما توصلى لردى فى الموضوع