اليوم عدت

اليوم عدت

اخذت اطوى صفحات الماضى مهما كانت انجازات ام نكبات فما مضى قد مضى ولا امل فى رجوعه

اليوم عدت

دون ان احاول عبور جسر الزمن محاولة اختراقه ومعرفه خباياه لان ذلك المجهول مهما كان لن يضرنى الا بقدر ما كتب الله لى ولن ينفعنى سوى بمثقال ما قسمه المولى فى صفحتى

ولذلك

اليوم عدت

ابنى احلامى وطموحاتى وامالى اليوم

ازيح لبنه من عالمى الحزين واقابلها باخرى لبناء عالم سعيد

احيانا يكتنفنى الوجوم ويحوطنى البكاء وتتلقفنى صرخاتى المكتومة

فاواجهها ببهجة روحى وبرضا قلبى وقوة عزيمتى

اواجهها بلجوئى اليك

انت وحدك من يتحملنى

انت وحدك من يبرئنى

انت وحدك من يحيلنى من شقاء الى صفاء

انت وحدك من يؤنسنى فى وحشتى


وانت وحدك من يقبلنى على علتى


انت وحدك من يعيننى على الحياه


بغض النظر فرح ام حزن

حيرة او ثبوت

رغبة او فتور

فحياتى بك

ولك
فثبتنى ربى على مصاعب الدنيا

وقوينى على ضبابها

وانصرنى على من عاداك

واجعلنى سببا لنهضة امتك

عودا محمدا يا اية
طبعا خاطرة جميلة
وطبعا من ضمن كلام كتير عايزة اقولهولك

the journalist كتب:

اليوم عدت

ا

انت وحدك من يتحملنى

انت وحدك من يبرئنى

انت وحدك من يحيلنى من شقاء الى صفاء

انت وحدك من يؤنسنى فى وحشتى


وانت وحدك من يقبلنى على علتى


انت وحدك من يعيننى على الحياه


بغض النظر فرح ام حزن

حيرة او ثبوت

رغبة او فتور

فحياتى بك

ولك
فثبتنى ربى على مصاعب الدنيا

وقوينى على ضبابها

وانصرنى على من عاداك

واجعلنى سببا لنهضة امتك

الله عليكي يا اية
بجد بالرغم ان كل الخاطرة روعة وجميلة
بس المقطع دا بالذات مش عارفة فيه اية بالظبط
كل شوية اطلع تاني لفوق علشان اقرائه
بجد احنا محتاجين نتقرب من ربنا اووي وندعي ان يفك عننا ويبعد عننا الشيطان وندعي باخلاص ونبكي واحنا بندعي لاننا فعلا كل لحظة كل ثانية بتمر بينا بنحتاج لربنا اكتر من الاول


بجد موضوعك يا اية خلاني اخد بالي من حاجات كتير
وربنا يوفقك يارب
ودامت ابداعاتك

سلامو عليكو

خاطره بجد جميله ربنا يوفقك والاحساس الصادق بيوصل بسهوله وعشان كده خاطرتك مست قلبى وكمان خلتنى افكر فى حاجات كتييره فى حياتى ومادام الله باقى فاحزانى لابد ان تزول لان كل شى فى النهايه الى الله يؤل

انا ايضا عدت اليوم

ولكنى محمله بالهموم والاهوال لا اقدر على فعل شىء كأنى أعبر الادغال

تحوم من حولى الامال ولا اقدر على فعل شىء كأنى امشى بأثقل الاحمال

ولكنى عدت اليوم

اجد أنفس تحملنى بالحنان ومنهم جورناليست تعانق الامان

قد استندت الى من هو صاحب الجنان

وانغمرت بحبه وعطائه وحمده على كل حال

واراحت بالها وفكرها وعمرها مهما طال


لما الانتظـــــــار ونــــعم الاختيـــــــــــــــار

فانا ايضا عدت اليوم



اسمحيلى ارد عليكى بنفس اسلوب الخاطرة

شكرا عشان سمحتيلى يا جورناليست ههههههههههههههه

بس سدقينى اللى قولته دا هو شعورى فعلا وعشان كلامك أثر فيا بجد

وكان بيراودنى انى اكتب كلام زى دا وانتى ساعدتينى

خاطرة جميله يا جورناليستايا

تقبلى مرورى

السلام عليكم ورحمة الله وبركاته


ومن ضمن كلام كتير


ع فكرة الاقتباس فاضى لو اخدى بالك فانا مش عرفت ايه اللى عجبك


ع العموم يا خوخة مجرد ان الخاطرة عجبتك بغض النظر اى مقطع فيها عجبك اكتر فده اكيد ليه معانى كتييرررررر


فزى ما انتى عارفة من ضمن كلام كتير برده ان رأيك يهمنى جدا

ده راى الادارة مفيهوش كلام

يعنى السلطة بفتح اللام معانا وتؤيدنا وتؤازرنا


وياستى تطلعى لفوق تنزلى لتحت براحتك مدام دافعة اشتراك الاسانسير

بس ما تخديش ع كده عشان ده شغل اطفال


وطبعا كلنا محتاجين نقرب لربنا ف كل وقت وف كل الاحوال خلينا مانبقاش موسمين بنروح واحنا مضايقين بس او لما تضيق علينا الدنيا خلينا دايما معاه نفرح فيه ونحزن فيه نحب فيه ونبغض فيه محاطين دائما برحابه ورحمته التى وسعت كل شىء


بس عايزة اقول حاجة صغننه مش مهم نبكى واحنا بندعى قد مامهم نحس الكلام وبكينا اولا لان فيه ناس موضوع الدموع عندهم صعب الناس دى قلوبها بتبكى دماء مش مجرد دموع العين فبجد المهم اننا نكون حاسين بقرب ربنا لينا وبمعيته ف كل الاحوال


شكرا ليكى يا احلى خوخة ع سطح الكوووووووووووووووورة كلها


تقبلوا مرورى وفائق احترامى

سلام عليكم

السلام عليكم ورحمة الله وبركاته


اهلا بك المستر ف موضوعى التواضع وسعيدة جدا انه عجب حضرتك

والحمد لله ان الموضوع وصل واثر كمان دى هبة عظيمة من عند الله تعالى ذكره وتقدست اسماؤه


وطبعا لا احزان طالما نحن فى معية الله

كما جاء على لسان اصحاب الجنة (الحمد لله الذى اذهب عنا الحزن )


وطبعا اولياء الله لا خوف عليهم ولا هم يحزنزن فمن اتخذ الله وليا ونصيرا فكل السعادة آلت الى راحتيه

وكما قال احد العلماء يشعر بالامن من كان له اب فكيف بمن له رب

نسأل اله تعالى ان يتولنا جميعا ويدخلنا رحمته التى وسعت كل شىء


تقبلوا مرورى وفائق احترامى

سلام عليكم

السلام عليكم ورحمة الله وبركاته


ع فكرة صدقينى بالصاد


انا هاشتغلك مدرسة املاء كده لحد امتى ؟

انا باحتج ع فكرة

بس طبعا بمجرد انى قريت الرد من تانى زال مفعول الخطا الاملائى تماما وانا ياستى هاشتغلك مدرسة حساب مش املا بس ع الرغم من انى افشل واحدة ف موضوع الحساب ده بس ده اوكازيون عشان خاطرك بس



بجد انتى اللى خاطرة اكثر من رائعة بصراحة مش عارفة مين يعلق ع مين بس لو انا هتشكر فهتشكر انى طلعت منك الخاطرة الروعة دى وبجد يا ليتل اطلب منك طلب ياريت لو تعمليها لوحدها ف موضوع بجد لانها كده حقها هيروح ع اساس انها تعليق ولو ان المفروض اى حد يدخل يعلق يسيب النكش اللى انا كاتباه ويعلق ع روعة ليتل

وياستى لو احتجتى اى حبه حنان فاحنا موجودين

خدمة متميزة على مدار الساعة

وبنحط ف اكياس عليها اهلا وسهلا كمان


اى خدعه


تقبلوا مرورى وفائق احترامى

سلام عليكم

السلام عليكم ورحمة الله وبركاته


آمين


آمين

آمين


ولكن هذه المرة على دعائك الرائع

وصدقت كلماتك التى تصادفت مع بيت لاحد الصالحين

_ انا عبد صار فخرى ضمن فقرى واضطرارى _


وبالطبع صدقت كلماتك مرة اخرى والتى انبثقت من قول العلى الحكيم عن المؤمنين افمن كان ميتا فاحييناه وجعلنا له نورا يمشى به ف الناس كمن فى الظلمات ليس بخارج منها ويقصد هنا الحكيم بالطبع من لم يدق الايمان قلبه بعد واعذرنى لانى لم اكتب الاية لانى لا اتذكرها بشكل كامل الان

فبالله نحيا ولله نحيا ونحتسب عليه زفراتنا التى تخرج فى تسبيحات نورانيه لتقر بعظمته وتدخل لتعطينا حياه جديدة واملا متجدد كلما خرجت او دخلت


اشكرك لتعليقك على كلماتى المتواضعة

تقبلوا مرورى وفائق احترامى

سلام عليكم