مذكرات شباب عايز يتغير

[size=24]

مذكرات شبـــــــــــــــــــــــــــــــــــــاب عايز يتغير

في هذه المذكرات سنقلب معا صفحات كثيرة تملأ عقول الشباب سنناقش وبحرية ما تحويه مذكراتهم في حلقات متجددة بقلم :AL 2008

الحلقة الأولى( بحبه يا بابا)
ظاهرة أصبحت تتكرر وبكثرة هذه الأيام والتي تبدأ عندما يفتح كلا منا بريده الالكتروني ليجد طلب إضافة من شخص أخر وكلمة واحدة دائما ما يفتح عليها الستار ألا وهى (ممكن نتعرف ...؟؟؟) لتجد نفسك بعد فترة قصيرة جدا تقع فريسة لمشاعر وهمية تحتار في تفسيرها ولقلة خبرتك في الحياة تظن أن هذا هو الحب الذي كنت تبحث عنه وان تعلقك بشريكك الالكتروني أصبح بالنسبة إليك مسألة حياة أو موت لنفتح سويا صفحة الحب على الانترنت في مذكرات شباب عايز يتغير
كلاكيـــــــــــــــــــــــــــــــــــــــت أول مرة
al : مالك يا ابني قاعد ساكت وبوزك شبرين كده ليه .
هو: أنا خلاص كرهت حياتي كلها محدش فاهمنى ومحدش حاسس بيا أنا تعبت
al: يا ساتر يارب هو ايه اللي حصل لكل دا
هو: تخيلي أنا دلوقتى بقى عندي عشرين سنة وعمري ما عشت قصة حب ولا عمري جبت لحد وردة حمرا في عيد الحب ولا عمري قلت لحد (هابي فلانتين) حياتي كلها فاضية ومملة ولما ألاقى حد يفهمني ويحس بيا الدنيا كلها تقف قصادى ويحاربوا الحب ده هيستنوا لحد أمته لما اعجز ويبقى عندي 30 سنة أفضل عايش طول حياتي في فراخ عاطفي
al: فراخ اسمه فراخ برضه أنت جعان يا ابني ولا ايه
بس أنا مش فاهمة أنت مستعجل على ايه ما تصبر شوية لحد ما تقابل الحب الحقيقي
هو: هو أنا لسه هدور ما أنا لقيتها خلاص حبتها ايوه أنا حبتها مش قادر أنسى كتابتها حبيتها من أول وجه ضاحك بعتتهولى وقلبها دق من أول (BUZZ ) رنتهولها
al: اااااااااااه يعنى عرفتها من على الشات طيب وتعرفها بقالك قد ايه
هو: أنا صحيح معرفهاش بقالي كتير بس حاسس زى ما يكون حاجة كانت واقعة منى وبدور عليها
al: واقعة منك ..اكيييييد جيبك كان مخروم
al: طيب مش خايف لتكون بتضحك عليك وبتلعب بمشاعرك
هو: ننوسة قلبي مستحيل دا اكتر حاجة بحبها فيها صراحتها مخبتش عنى حاجة من يوم ما اتعرفنا على بعض حكت لي كل حاجة عن حياتها
أول سيجارة شربتها
..وأول بووووووووسة اتباستها ..
وأول صورة أتصورتها
al: وأول سلمة شقلطتها بس دي باين عليها ذاكرتها قوية جدااااا
al: يا ترى كان ليها علاقات قبلك
هو: ابدااااااا أنا أول بنى ادومة في حياتها دي خجولة وطيبة وهادية دي نسمة
al: لا دي نوووووووسة مش نسمة بس بلاش الثقة الزيادة دي طيب وايه المشكلة .
هو: انى لحد دلوقتى أنا مش فاهم ليه الناس واقفين في طريق سعادتي ومش عايزنى أعيش وارتبط مع الانسانة اللي قلبي اختارها

al: قصدك اللي ماوسك اختارها خليك دقيق
يعنى مفيش أمل انك تفكر تانى في ارتباطك بيها
هو: أفكر في ايه بس دا أنا لما صدقت لقيتها أنا هروح اخطبها على طوووووووووووول

وبعـــــــــــــد مرور أسبوع والتاني والتالت أتقابلنا
al: أخبارك ايه ؟؟؟!وأخبار نوووووووووسة ايه ؟؟!
هو: زفت ..
al: يا ساتر يارب لــــــــيه هي نوسة ماتت
هو: ياريت كان أهون
al: امال ايه اللي حصل اكتشفت إنها كانت بتحب واحد تانى وخبت عليك
هو: ياريت ..الخاينة طلعت متجوزة عرفي قبلي 3 مرات وحامل وقال ايه إذا كنت بحبها يبقى لازم اغفر لها غلطتها واكتب الواد بأسمى علشان أبوه طلع ندل وجبان الواحد يسامح في غلطة في أتنين إنما دول 3
al: ننوسة مش ممكن وعملت ايه
هو: طبعا رفضت واد ايه دا اللي اكتبه بأسمى
al: اكييييييييد خفت للواد ميطلعش شبهك تبقى مصيبة
هو: على العموم أنا فقت خلاص واتعلمت حاجات كتير من الغلطة اللي فاتت دي
al: عرفت دلوقتى أنها غلطة ومش خايف من الفرااااااخ العاتشيفي
هو: صدقيني أنا لو استثمرت وقتي صح عمر ما هيكون عندي فراغ اشتكى منه في حاجات كتيرة في حياتي محتاجة اهتمام منى ليه ماطلعش السنة دي من الأوائل وأتخرج واشتغل
al: يعنى مش هترجع تقول أنا عندي 20 سنة ولسه معشتش قصة حب ولا جبت لحد وردة في الفلانتين
هو: خلاص أنا أتعلمت حاجات كتير بجد من تجربتي دي أهمها إن الحب مش هو كل حاجة في الدنيا هو يمكن صحيح من أهم الحاجات اللي فيها بس هو مش كل حاجة وبدل ما أرهق نفسي في البحث عنه لازم أؤمن انه قدر وان هو اللي هيجيلى لحد عندي فيه ناس كتير في الحياة لسه مش عاشوا قصة حب ومع ذلك سعداء في حياتهم مش مهم البني ادم يعيش قصة حب وخلاص المهم لما يحب يحب الحب الصالح الحلال اللي ميغضبش ربنا بدل ما نرهق نفسنا في تجارب ملهاش اى لازمة غير إنها تكون نقط سودة ومؤلمة في حياتنا
يارب ارزقني الحب الصالح مع زوجة صالحة ينتج عنه ثمرة حلال تكبر وتكون ذرية صالحة .
al: ياااااااااااه أخيرا أتعلمت بس صحيح الواحد مش بيتعلم ببلاش أنا دلوقتى فخورة بيك بجد وأجمل حاجة هقفل بيها صفحة المذكرات النهاردة وأنا بأمن على دعاءك يارب ارزق شباب المسلمين الزوجة الصالحة والذرية الصالحة واهديهم واحفظهم من الفتن .
آميــــــــــــــــــــــــــــــــــــــــــــن
إلى اللقاء في الحلقة القادمة إن شاء الله
مع تحياتي :_فلورنداAL 2008 ) .[/size)]

السلام عليكم


طبعا انا قرات الموضوع دا قبل كدة
وفعلا موضوع مهم جداااا ولازم اننا نلقي الضوء عليه
وبرافو عليكي فلورندا طريقتك في العرض حلوة جدا ومميزة
وفعلا ظهر في الفترة الاخيرة واللي احنا فيها دي علاقات كتيرة علي النت وبتصل لمراحل غير مستحبة
يعني ممكن تكون هناك صداقة علي النت لكن هناك كثير من لا يعترف بانها تعتبر صداقة ولكن علاقة حب وممكن ان تصل للجواز
فانا من رايي ان في الوقت دا العلاقة بتكون غلط ويكون استخدام الشات او الانترنت غلط لان كلا الطرفين بيظهروا المحاسن والجمال اللي فيهم
وما خفي كان اعظم
يعني كلا الطرفين بيصوروا للتاني انهم ملايكة ولو لفيتي الدنيا مش هتلاقي غيره والكلام الفاضي دا
فانا شايفة ان الشباب اللي زي كدة
لازم يتغير
والا هتحلي الدنيا في عنيه شوية وهتتقلب ضدده فجاة ودا بالنسبة للبنت اصعب من الولد
لان انا شايفة رغم ان الاتنين بيضحكوا علي بعض الا ان البنت تعتبر احيانا ضحية



صحيح ان الموضوع دا بجد صعب جدااا
والكلام عنه هيطول
لذلك باقولك كملي يا فلورندا
منتظرين الجزء اللي بعد كدة

سلام

الجميلة فلوريندا
موضوع هام جدا للشباب .. وموضوع (الفرااااااخ العاتشيفي ) أقصد الفراغ العاطفي موضوع هام جدا .. فإذا نظرنا إلي الحب بنظرة شموليه فسوف نقضي علي الفراغ العاطفي نهائيا.. فالكثير منا يجهل معنى الحب الشمولي .. الحب لكل من حولي ، ومحاولة مساعدة الجميع بقدر الامكان وتحقيق السعادة من خلال إسعاد الاخرين .. فما أجمل ان نفتح قلوبنا لكل البشر ولكن بعيدا عن الفكرة السيئة للحب والتى يتصورها البعض بمجرد سماع كلمة (حب) ..
حتى الحب الخاص جدا بين شاب وفتاه فله وقته .. وله شرعيته ..

موضوع جميل يا قمري


والأجمل من الموضوع طريقة الصياغه الساخرة التى تخفي خلفها شخصية لذيذة .. تفتح القلوب بمتفاح البسمة الساحرة

لك كل الحب