نقـــــــاش حــــــاد بيـــن الشبـــــــاب و البنـــــــــات

%!% نقاشات حادة بين البنات والشباب..الرجاء الدخول %!%




بسم الله الرحمن الرحيــم

والصلاة والسلام على أشرف الانبياء والمرسلين



|--*¨®¨*--| :مرحـــــبا يا احلى شباب و بنات |--*¨®¨*--|

أحببت هذا الموضوع لشدة روعته

وروعـة الأسئله التي تدور عليه

والحوار الناجح الذي يقوم عليه ...

وهو عبارة عن حوار مثير بين فريقين ...




فريق
[ الشباب ]


فريق
[ البنات ]





وضعتها من باب المداعبة وتخفيف حدة التوتر بين الفريقين.


هناك أمور يكرهها الرجل في المرأه أو لا يستطيع فهمها

(( و ))


هناك أمور تكرهها المرأة في الرجل أو لا تستطيع فهمها


وسنقوم في هذا الحوار بتسليط الضوء على كل ما لا يعجبنا في الجنس الآخر بكل صراحة

و موضوعية وبعيداً عن التعصب حتى نستمتع و نخرج منه بنتائج إيجابية.



[ بداية الحوار ]




سيقوم فريق الشبـاااب بطرح تساؤل عن أمر معين لا يعجبه في البنــاات


وسيقوم فريق البنااات بالرد وتبرير الموقف


وبعد إعطاء الإجابات والمبررات الكافية يصبح فريق البنات في وضع الهجوم
ويطرح سؤال على فريق الشباب.....وهكذا يستمر الحوار




[ملاحظة]




يحق للجميع المشاركه وابداء الرأي ولكــن بعيدا عن التجريح


وبدووون استهزاء ربنا يخليكو


وأرجوا أن نكون مع الحق دائماً بعيداً عن الإنتماء و التحيز



(( صافرة البداية ))

انا مش عارفة ليه الموضوع ده كل ما يتعمل يهمل رغم انى شايفة انه ثمرة جميلة جدا للنقاش
مش شرط يكون على هيئة فريقين اسئلة من الولاد للبنات او العكس ممكن نطرح قضية كل اسبوع ونبدى آرائنا فيها بحرية
انا عجبنى الموضوع دا جدااااا علشان كده انا مش هسيبه يهمل زى المرة اللى فاتت
خيرية بعد اذنك انقلى الموضوع دا فى قسم الحوارات والمناقشات الحرة علشان اثبته لانه زى ما قلت ثمرة رائعة للتواصل والمناقشة وابداء الرأى وانا ههتم بيه وهتابعه لما يُنقل بأذن الله
افكارك هايلة ورائعة يا فانتوم ولحد ما الموضوع يجى عندى فى القسم فأنا حابة اسال نفس السؤال اللى سألته فى الموضوع السابق ومستنية عليه اجابة وهو

اقتباس :

ليييييييييييه الولد لما يكون بيحب واحدة قوووووووووى ممكن يخونها عادى والمبرر الوحيد ليه انه بيبحها وبيرجعلها فى الاخر ؟؟؟؟
مش عارفة اجاوب على السؤال ده .
واللى بيأكد كلامى فيلم عمر وسلمى هو صحيح فيلم تافه قووووووووووووى
بس خلانى اسأل السؤال ده وكمان فى فيلم سهر الليالى رغم ان فتحى عبد الوهاب فى الفليم كان بيحب مراته جدااااااا الا انه كان بيخونها
اوعى حد يدخل بقى يقولى عينه زيغه والكلام ده انا بتكلم عن الحب اللى بجد
هل لانه 1_كداب وضعيف وأنانى كما قال عمر
2_ ام لانه بطبعه خائن كما كان فتحى عبد الوهاب
3_ اما لسبب اخر مع ذكر الفليم الذى ينتمى اليه صاحب الشخصية
ههههههههههههههههههههههههه انا طبعا بهزر فى الاختيارات دى
بس بجد ليه الراجل ممكن يخون الست رغم انه بيحبها جداااااااااا وبيموت فيها وبيطلب منها انها تسامحه فى حين انها لو خانته ممكن يقتلها وعمره ما يغفر ولا يسامح ابدا ؟؟

بجد فكرة هايلة جداااااا ومش هتهمل تانى ان شاء الله تسلم افكارك يا فانتوم وبجد المنتدى منور بيك
احلى سلالالالالالالالالالالالالالالالالالام
فــــــــــــــــــــــــــــــــــــــــلورندا.

موضوع فعلا مميز يا فانتوم
واتعرض قبل كدة لكن الولاد ماقدروش يقاوموا قدام البنات
يعني ماعرفوش يردوا علي البنات بولا نص اجابة
مش كلامي صح يا فلورندا حتي اسالها وهي تقولها؟؟؟؟؟


وانا هانقله حاضر يا فلورندا علشان ياخد حقه وعلي فكرة انتي ليكي الخاصية دي
ممكن تنقليه انتي وتتصرفي براحتك ياباشا


المهم عايزين اجابة للسؤال دا
وبعدين نسال غيرررررررره
ليييييييييييه الولد لما يكون بيحب واحدة قوووووووووى ممكن يخونها عادى والمبرر الوحيد ليه انه بيبحها وبيرجعلها فى الاخر ؟؟؟؟
مش عارفة اجاوب على السؤال ده .
واللى بيأكد كلامى فيلم عمر وسلمى هو صحيح فيلم تافه قووووووووووووى
بس خلانى اسأل السؤال ده وكمان فى فيلم سهر الليالى رغم ان فتحى عبد الوهاب فى الفليم كان بيحب مراته جدااااااا الا انه كان بيخونها
اوعى حد يدخل بقى يقولى عينه زيغه والكلام ده انا بتكلم عن الحب اللى بجد
هل لانه 1_كداب وضعيف وأنانى كما قال عمر
2_ ام لانه بطبعه خائن كما كان فتحى عبد الوهاب
3_ اما لسبب اخر مع ذكر الفليم الذى ينتمى اليه صاحب الشخصية
ههههههههههههههههههههههههه انا طبعا بهزر فى الاختيارات دى
بس بجد ليه الراجل ممكن يخون الست رغم انه بيحبها جداااااااااا وبيموت فيها وبيطلب منها انها تسامحه فى حين انها لو خانته ممكن يقتلها وعمره ما يغفر ولا يسامح ابدا ؟؟

وطبعا دا نفس سؤال فلورندا
منتظرين اجابتك يا فانتوم
انت والشباب اللي موجودين وشافوا السؤال


سلام

السلام عليكم ورحمة الله وبركاته


الخيانه


صدقونى مش عارفة ليه كل ما اقرر انى اسمع اسامة منير تبقى الحلقة عن الخيانه

الخيانه لفظ صعب ومعنى اصعب واحساس من ابشع ما يكون

انا بس هاضيف حاجة صغيرة

ان الخيانه يا جماعة بالنظرة

بالفكرة

المفروض انى لما احب حد ما هاشوف غيره اصلا

واكيد مش هاتخيل حتى بسمتى

غير معاه

يبقى هاخونه ازاى ؟

وانا مش شايفه غيره اصلا


يمكن ده لان دى طبيعة فسيولوجيه

لان فيه دراسات بتقول ان اللانثى بشكل عام مش بتقدر تحب غير شخص واحد

لكن الذكر يقدر يحب اكتر من واحدة ف نفس التوقيت

قلبه كبييييييييييييييييييييييييييييير


مع انى احيانا باحس ان الرجل احيانا لما بيوفى وبيكون بيحب بجد بيبقى حبه اعظم من حب اى انثى

تعرفوا انا مرة كنت هاتفرس من واحد اتصل باسامة منير وقاله انا بحب مراتى وهى بتحبنى جدا وبتعمل العجايب عشان ترضينى

بس المشكله انى عايز اتجوز من واحدة تانيه عشان يعف نفسه من معصيه


بتهيالى ده لو كان بيحب مراته بجد ماكانش عمره يفكر يجرحها بالشكل ده خاصة انه لا يوجد عليها غبار باعترافه

وطبعا ده حلال انا ما قلتش حاجة

بس انا لو مكانها استحاله اقبل وضع زى ده

ده لو سامحته اصلا انه فكر ف كده حتى لو ماعملش

لان من حقى عليه انه مايهينش كرمتى وكبريائى بلشكل ده

اعتقد ان الكل بيقول الحب اهم من الكبرياء

بس ما اعتقدش انى هافضل احبه بعد ما اعرف انه فكر يخونى

ومعنى انه فكر وتخيل فده معناه انه سمحت له الظروف هيخون

وما اعتقدش ان اى انثى تقبل ده

زى بالظبط مفيش اى راجل يقبل بس ان مراته ولا خطيبته او حتى حبيبته تكلم زميل ليها

بس المشكله الحقيقة ان معظم الرجال وبخاصة رجال الشرق بيحللوا ويحرموا واهواءهم ودى مشكله خطيرة ولما الاسلام جه وحلها

ماشاء الله الحقيقة على الرجاله بمنتهى البساطة بداو ا يغلوا ف تعتهم اكتر باسم الدين والدين من كلامهم براء

طبعا انا مش باقول الجميع لكن اعتقد ان نسبه كبيرة قوى كده


ياجماعة مهم قوى الرجل والمراة اللى بيربطهم رباط مقدس يكونوا بيحترموا بعض

اهم حتى من انهم يكونوا بيحبوا بعض لان الحب بلا احترام فهو اكيد هيموت والاحترام با حب حتى لو ما ولدش حب فهو هيحفظ على الاقل لكلا الطرفين مساحة واسعة من التقدير والتعامل الجيد بينهم

واعتقد ان الخيانه بتدمر اى احترام سواء كانت الخيانه من الرجل او او المراة



تقبلوا مرورى وفائق احترامى

على فكرة يا هيزن انا مقصدش انى اضايقك بكلامى نهائى كل ما فى الموضوع انى تخيلت نفسى ولو للحظة انى راجل وحصل واكتشفت خيانة مراتى ممكن اعمل ايه ؟؟؟
اقسم لك انى هطلع من جيبى اوسخ منديل وأمسكها بيه وارميها بره حياتى نهائى
كلامك المرة التانية وضح مبدأ التسامح ودا مكنش واضح بالنسبة لى فى الاول صدقنى فعلا مبدأ رائع وفى منتهى الجمال بس ياترى فعلا احنا كبشر لينا قدرة على تنفيذه
ربنا بيسامح وبيغفر يا هيزن علشان هوه ربنا الغفور الرحيم انما احنا بشر ومعتقدتش اننا هنقدر نسامح بالشكل ده .
طبعا صعب جداااااااااا ان بنت هى اللى تقول الكلام ده وتكون قاسية جداااااا فى حكمها على بنات جنسها بس خلى بالك زى ما انا مش قادرة ادى عذر للست انها تخون وياعالم هتلاقى اللى يسامحها ولا لا فأنا مكرهش فى حياتى قد الراجل الخاين
وفى نقطة هنا كمان عاوزة اوضحها رغم انى عارفة انها هتعمل انقلاب عسكرى فى الموضوع
انا قصدت بالخيانة الخيانة الجنسية مقصدتش خيانة المشاعر لان مش بأيد البنى ادم انه يتحكم فى مشاعره (فالقلوب بين يدى الرحمن يقلبها كيف يشاء) ومحدش يقدر يحكم على قلبه انما فى اعتقادى ان كل واحد فينا يقدر يتحكم فى جسده .
ودا طبعا هيقلب الموضوع تماما وهوضح كلامى بأمثلة
يعنى لو راجل متزوج اكتشف ان زوجته فقدت حبها ليه وانها بتحب واحد تانى المفروض موقفه كراجل ياما يطلقها ياما يحاول يصلح من نفسه وينقذ ما يمكن انقاذه انما ميعتبرهاش خيانة طالما هى لسه محافظة على اسمه وشرفه وربما يكون هو سبب اساسى فى بعدها عنه وميلها لغيره .
وكذلك الست اللى تتكتشف ان جوزها بيحب واحدة تانية ياما تحاول تكون له الست التانية دى وتقدر بعقلها وحكمتها تخرج الست التانية من حياتها خالص ولو مش هتقدر تسيبه يتجوزها وساعتها هى حرة فى قرارها ياما تفضل على ذمته ياما تاخد حريتها وتتطلق منه فامفيش فى الامثلة السابقة داعى او مبرر للخيانة
انما تعالى بقى على الخيانة اللى انا بتكلم عنها وهى ان واحد دخل على مراته لاقها فى حضن واحد تانى يجيب منين كرامه تانية علشان يسامحها او ان ست تدخل على جوزها تلاقيه فى اوضة النوم مع واحدة تانية يجليها قلب تعاشره ازاى بعد كده
طبعا انا بعتذر على كافة التشبيهات اللى انا بقولها بس حبيت اوضح الموضوع مش اكتر
هى دى الخيانة يا هيزن اللى انا بقولك صعب حد من الطرفين يسامح فيها ارجو ان يكون قصدى وصل
وياسيدى لو مش عاجباك المطوة اغير هالك
احلى سلالالالالالالالالالالالالالالالالالالالالالالالام لعم الهيزنبرجيين
فـــــــــــــــــــــــــــــــــــــــــــــــــــــــــــلورندا.

اساتذة فى هز الوسط

طبعا بما ان محدش هيسأل فأسال انا بقى ؟؟؟؟؟؟؟؟؟؟
بقت ظاهرة غريبة قوووووووى موضوع هز وسط الشباب ده انا مش ضد الرقص بالعكس انا حد من الناس اللى بيحب الرقص جدا سواء كان عربى او اجنبى او ايا كان الرقص لغة جسدية رائعة كتير بيساعد الانسان انه يتخلص من انفعالات كتيرة قوووووووووى جواه
كنا زمان لما بنروح افراح كنا نلاقى بسم الله ما شاء الله البنات تقعد ترقص طوووووووووول الفرح دلوقتى بقى الايه اتقلبت قليل لما تروح فرح ومتلقيش ولد بيرقص انا برضه مش ضد رقص الولاد بس كل رقص وله حدود كنا زمان برضه (مش عارفة ايه حكاية زمان معايا النهاردة) كنت بلاقى الشباب بترقص بطريقة شيك بيرقص وهو راجل وبعد الرقص برضه بيفضل راجل انما دلوقتى قليل قوووووووى لما شاب يرقص وهو راجل ويفضل بعد الرقصة راجل لانه عليه هزة وسط تقولش الست نانسى
فى ايه انا مش فاهمة ليه الشباب دلوقتى بيتفننوا فى اهدار رجولتهم عايز ترقص ارقص عايز تفرح افرح عاوز تجامل واحد صحبك مقلناش حاجة انما بلاش تتفنن فى تقليد حركات الست فيفى عبده والست دينا بصراحة وضع مقزز جدااااااااااا
وبسأل ليه الشباب بتعمل كده وياترى هما حاسين بمدى اشمئززنا كلنا من طريقة رقصهم الخليعة التى لا تليق بشخص ينسب خطأ الى معشر الرجال ؟؟؟؟؟؟؟؟؟؟؟؟؟

احلى سلالالالالالالالالالالالالالالالالالالالالالالالالام
فـــــــــــــــــــــــــــــــــــــــــــــــــــــــــــــــــــــــــــــــــــلورندا

السلام عليكم ورحمة الله وبركاته


اساتذة ف هز الوسط ؟

على فكرة هما مش اساتذة ف هز الوسط هما استاذة فى تقليد الحركات الخليعة اللى مرفوضة حتى من بتوع العرى كليب

وكل واحد فيهم بيتفنن ويضيف من ابداعه الحقيقة ومش عارفة بصراحة اذا كان يجوز اطلاق اسم ذكر على دول ولا لا

بصراحة انا مش هاكدب انا بحب الرقص جداااااااااااااااا بكل انواعة غربى او شرقى معاصر او كلاسيكى شعبى او راقى او اى نوع من انواعة
وباستمتع جدا بمشاهدته ومعرفة الجديد فيه

بس انا باتكلم عن الرقص مش عن الحركات الخليعة اللى بتنسب خطأ للرقص وفعلا الرقص لغة جسديه مهمة جدا ومن خلالها ممكن الواحد يعرف حاجات كتير عن المجتمع من خلاله وبالتالى يمكن كون اللى بيحصل ده بيعكس حاجة مش حقيقة بس بتحاول تكون حقيقية وهى الانحالل داخل النفوس اولا واخلاقيا ودى بقت ظاهرة


وع فكرة فى الافراح انا مش مع الرقص بنات او ولاد بطريقة مش كويسة لكن اوقات كتير بتعبر بالحركة برده عن الفرحة من غير اى نوع من الخلاعة اللى ممكن تحصل من خلال الرقص سواء من بنات او من ولاد

وفعلا الولد ممكن يرقص بس يرقص بس فيه رقصات كتير زى الرقص الصعيدى مثلا لا يقرب من رجوله اى شاب بالعكس ده احيانا بيبقى نوع من اثباتها وليس العكس انما اللى بيحصل دلوقت ف الافراح بجد شىء مش كويس على الاطلاق ده غير الاغانى اللى انا ما اعرفش ازاى مسموح بتداولها اصلا واللى بتبقى الافراح احسن ملجأليها


وع فكرة يا دكتور موضوع المسؤليه ده بقى عند شباب كتير والمسؤليه ع فكرة مش بس فى اللى انت قلته

المسسؤليه بتبدا بانه يكون قادر يحدد هو مهمته ايه بالضبط فى الارض ويسعى انه يحققها المسؤليه بتبدا من مجرد ان البنى ادم يكون قد كلمته قدام نفسه وقدام الجميع المسؤليه انه ما يكذبش المسؤليه حاجات كتير قوى لما بتبقى مش موجودة تطورتها بتبقى خطيرة
والمسؤليه طبعا لا فرق لديها بين ولد وبنت فزى ما الولد لازم يكون مسؤل لازم طبعا البنت تكون مسؤلة

وصدقنى الشباب المناضل اللى انت بتتكلم عنه هو كمان كان عنده اغلاط كتير زى بالظبط ما الشباب دلوقت محتاج يؤمن بقدراته وهو هيقدر يعمل حاجات كتير المشكله مش ف الوضاع المشكله جوانا احنا احنا اللى لازم نتغير من جوه ونؤمن بقدرتنا عشان اللى حوالينا يؤمنوا بيها وصدقنى اسوا حجة ممكن تسمعها هى حجة الظروف بقت عامله زى الاسطوانه المشروخة مع ان مفيش حد بيبقى عمل اللى عليه واخد بالاسباب واكتفى بانه يبقى بغبغان يردد كلام ناس سلبية ومعدومة الاراده من غير حتى ما يحاول ويجرب
وبعدين ايه يعنى لما يتشد ودنه مرة مدام مؤمن باللى بيعمله يبقى لازم يحارب لحد النهايه وعلى فكرة مفيش حاجة اسمها وقت حرب ووقت سلام لاننا دايما فى حاله حرب بس الاول كانت بشكل صريح ودلوقت بقت اشبه بحرب بارده تعتمد اساسا على تدمي البنية التحتية للشباب ولاسف نجحوا مع كتير ف ده مش بالرقص يا دكتور لكن بتدمير العزيمة واقتلاع الاحلام من جذورها من جواهم وترسيخ الاتكاليه والسلبية بدالهم

بس على فكرة بمناسبة كرهك للبشر من جميع الالوان والاديان زمن الفرسان كانوا بشر ما كانوش حاجة تانيه
اسمحلى اقولك حاجة اخى العزيز على فكرة كلنا نفسنا نعيش ف زمن الفرسان بس حتى زمن الفرسان كان فيه سلبيات
ده غير ان الزمن ما بيرجعش

يبقى بدل ما نعيش ف الامانى حاول تخلق من حواليك عالم من الفرسان واوعى تقول انا مش هاغير الكون
لا هاتغيره انوى انت بس وحاول انت تكون فارس من جواك وحاول تغير اللى حواليك صدقنى هتقدر لو انت مؤمن بجد هتقدر
ولو كل واحد فينا قال انا مش هاغير الكون وحط ايده على خده يبقى عمرنا ما هتقوم لنا قومة
وياريت ساعتها ما حدش يلوم على الظروف وكل واحد وقتها لا يلومن الا نفسه

وعل فكرة التجمعات شىء جميل جدا على فكرة انا باستمتع جدا وانا قاعدة لوحدى وعمرى ما امل ابدا وانا وحيدة بس بجد متعة التجمع ده ما يحسش بيها الا اللى جربها وخاصة ان انا شلتنا كبيرة ف الجامعة ولما بنتجمع سوا بيبقى يوم جااااااااااااااااااااااااااااااااامد جدااااااااااااااااااا صدقنى التجمع شىء جميل بس لما يكون مع ناس انت عايز وحابب انك تكون ف وسطهم وبعدين 3 افراد انا لو فكرت زيك كده يبقى مش هاقعد ف بيتنا بتهيالى حتى عندك ف اليبت التجمع اكتر من كده

وعلى فكرة موضوع الافغراح وان الواحد يروحها شىء ممتع مش عشان الرقص ولا الموسيقى تعرف انا احيانا لما باتخنق جدا باروح فرح وبابقى مش عارفة فيه اى حد خالص لا عروسة ولا عريس ولا معازيم باروح واقعد اتفرج ع الناس وهى سعيدة والفرحة ملياهم فاحس ان لسة فيه امل ولسة فيه ناس بتفرح انا عارفة انها حاجة غريبة نوعا بس فعلا اكتر متعة ف العالم ان تتفرج على ناس مبسوطة


معلش انا عارفة انى طولت عليكم جدا

بس بجد الموضوع كبير ومتشعب وما قلتش فيه كل اللى عايزاه

بس كفايه عليكم كده ده انا تعبت ربنا يكون ف عون اللى هيقرا


تقبلوا مرورى وفائق احترامى


سلام عليكم

وانا معاك يا شوتر في الترشيح دا


من حيث سؤالك باه
انا من رايي ان حياء البنت بيخليها ماتنطقش الكلمة دي حتي لو كانت بتحبه

هل ممكن حد من الشباب او البنات يجوزوا عن طريق النت ؟