نفسى أشوفك

كل تفصيلة فى حياتى فيها ريحتك

فيها أيامنا القديمة ..

إوعى بس تكونى فاكرة إنى سامحتك

قلبى لسه فيه عزيمة

بس دايما يشتكيلى

من حنينى للى فات

من سنينى اللى اتملت شوق للحاجات

اللى فيها ريحة منك

عارفة إنك كل ما أمشى تظهريلى فى الزحام ..؟

و القى إسمك فى الشوارع ...

و القى صوتك فى الكلام ..

حتى صورتك بتقابلنى فى اللى رايح و اللى جاى ..

فين ما أروح تملى المكان ..

كل واحدة فيها منك ..

بسمتك ..

نظرة عنيكى ..

حتى زنك عالوادن ..

عارفة ناقص إيه كمان ..؟

رقتك ...

صوتك ..

طريقتك ..

عارفة مالأول أساسا ليه عشقتك ..

مش هاقوللك..

بس عايزك ترحمينى ..

من حنينى ..

انتى عارفة ؟

رغم كل اللى فى ضميرى منك انتى

نفسى أشوفك مرة صدفة

ياسلام ياسلام
عالكلام
والاحساس اللي مالوش مثيل دا

انا مش عارفة اقولك اية غير
لا تعليق

و فعلا المنتدي نور بكتابات حضرتك الرائعة
واتمني ان حضرتك ماتغبش عننا بامتاعنا بالكتابات دي

سلام[b]

جميل اوى يا اسطى

بس مش عارفه جالى احساس انك اللى بتتكلم عنها دى سرااااب مش واحده فى الحقيقه

بس عاجبنى الاحساس دا اوى

مستنين منك المزيد

تقبل مرورى

ازيك يا اسطى والله وحشتنى جدا قصايدك الجميلة واحساسك العالى
بالنسبة للقصيدة بتقولها نفسى اشوفك بس اوعى لما تشوفها تعمل اللى انت قلت عليه قبل كده

اقتباس :: نفسى أشوفك .. هاكلك علقة ..
هاديكى حتة بوكس فى وشك ..
أو يمكن أغزك بالمطواة ..
أصل أنا متغاظ منك غيظة ..
ليه سبتينى أحبك و أغلط أكبر غلطة .
ليه سبتينى أقع فى الورطة ..
ليه سبتينى لحد اليوم دا ..
آجى و أقوللك ... كله أونطة

ههههههههههههههههههه اوعى تكون نفسك تشوفها علشان ترتكب جناية

ساعات بتقعد مع نفسك وتسترجع كل الذكريات بتفكر لو هتشوفها هتعمل ايه ياترى هتاخدها فى حضنك وتقولها غلطتى فى حقى الغلطة الكبيرة دى ليه ولا زى ما قلت هتاكلها حتة علقة او يمكن تغزها بالمطوة
عارف انت لو شفتها راح تعمل ايه ؟؟؟؟
راح تبتسم ابتسامة خفيفة تقفل بيها كل دفاترك القديمة هتحس ساعتها بس انها مش فارقة
حتى لو كانت مع واحد تانى غيرك بتعمل كل اللى كانت بتعمله معاك .
يمكن فى احلامك بتعاتبها يمكن لسه بتضعف قدامها بس صدقنى فى الحقيقة مش هتقدر تنسى اللى عملته معاك انت بتحن لاحساس كان لذيذ ومؤلم بالنسبة لك احساس كله انفعال وحماس سواء كان الانفعال ده للحزن او للفرح احنا مبنشتقش للاحساس ده غير لما بتكون حياتنا فاضية مفهاش اى انفعالات ولا حماس ساعتها بس بنفتكر اننا ممكن نقدر نسامح ونغفر بس مش هنقدر لان الجرح اللى افتكرنا انه اتنسا بيكون لسه بينزف لحد ما يبقى الموضوع بالنسبة لنا مش فارق معانا
انا شفت فى قصيدتك نفسى اشوفها تكملة (انسى , كله اونطة , كانت نزوة , لسه فاكر)
وصدقنى اجمل حاجة فى الدنيا ان يكون ليك ذكريات حلوة وجميلة تفتكرها وقت ما تكون مخنوق من الدنيا واللى فيها , تقوم تبتسم وتنسى وتقاوم وتكمل .
بجد بجد بجد جميلة قووووووووووووووى تسلم ايدك يا اسطى وفعلا وحشتنى اشعارك بجد
احلى سلالالالالالالالالالالالالالالالام
فــــــــــــــــــــــــــــــــــلورندا.