لن اكتب

لن اكتب

حاولت حينما كتابه ذلك المقال لم اجد ما اكتب او لعلى لم اجد ما يستحق الكتابه ليس لعدم وجود ما يستدعى الكتابه ولكن لعلها كثرتها



نعم فلا اجد اكثر من المشكلات فى ايامنا تلك لا ادرى اين تكمن المشكله الرئيسية هل هى فينا حقا ام انها فى الظروف هل حقا نعيب زماننا والعيب فينا ام انها كانت مجرد ارهاصات شاعر0000لا ادرى



لا اجد ما اكتب فجميع الكلمات عندى سواء فما الاختلاف بين القهر والعدل الاعتداء والاحتماء

الضمير او الاشىء 00لا فرق جميعها كلمات هوجاء 00جوفاء لاتعنى اى احد سوى المقهورين 00سوى الضعفاء 00 سوى من يظنون انهم زمرة من المثقفين 00وهم فى الحقيقة مجرد شراذم مجتمعيه تعيث صياحا ولا تدرى من الامر شىء يوجهها العدو اينما رغب وهم يستجيبون فى لين كانهم مجرد عرائس ماريونيت لا تعى شىء او لعلهم اقل



لعلى لا اكتب لشعورى بتفاهة كلماتى عند الاخر

ولعلى لا ارغب حتى بالتفوه بالكلام فالكلام غالبا ما يزيد من رخص المعانى ويكفى المعانى ما بها من اضمحلال



اسمع ضحكاتك الهازئه والحق معك فمن انا لاصيح واقول لا اكتب فما الضرر من فقد كلماتى الغوغائيه بالعكس لعل استفادة الاخر تزداد بقتل تلك الكلمات



احيانا كثيرة اكره كلماتى000 اكره تلك الاحرف التى ظننتها قبلا احرفا نورانيه لاكتشف انها تشع ظلام وان بهاءها لا يجده سواى



يقولون عنى حر فاحلم بفضائى الواسع الرحب والذى ضاق وشاخت ملامحه وانحنى حتى كاد يخترق جبينه تلك الارض البللوريه التى ظننتها ذات يوم قويه وتناسيت انها مجرد بللور 00ما اسهل كسره



لا ادرى لم كتبت تلك الكلمات التى اتسمت بالغباء المدقع لاترك ماهو اهم منها وما يستحق ان يقال

لعل كلماتى لاتطاوعنى او لعلها لم تتواجد منذ البدايه

او لعلى ادركت اخيرا ان كلماتى تلك اصبحت لا تضيف جديد ولا تمحو عبرات ولا تمثل قيمة للمجتمع لان ذلك المجتمع لازال حتى الان فى طور الكلمات 00 الكلمات فقط 00يسير بشعار كلام دون فعل 00تكلم كما يحلوا لك ولكن الفعل 00الفعل لنا فنحن اعلم بحالك منك واعلم بمصالحك منك



على العموم دعك من تلك الكلمات التى ما عادت تنفع او تضر وحاول ان ترسم عالما حقيقيا بعيدا عن ارض البللور 000وحاول ان ترى وسط الظلام

وانحو الى بصيص النهار 000حاول ان تفعل وابتعد عن الكلام 00لان الكلام لا يؤدى الا الى كلام

السلام عليكم ورحمة الله وبركاته


فى البدايه احب اقولك انى بجد سعيدة جدا انك نورتنى وعلقت على موضوعى المتواضع

وعلى فكرة


دى اول مرة تعلق لى على حاجة كاتباها يا دك


وطبعا انا كمان مش هاعرف ابعبرلك ازاى انا مبسوطة انه عجبك


وبعدين ده يكفى ان الموضوع وصل للصور والاقتباسات كمان


وع العموم ردك طبعا اكيد وصل


معلش انا عارفة انى اتاخرت ف الرد لعل وعسى يطلع كويس بس مفيش فايدة
ياريت تعذرنى


وع العموم انا اتمنى انك تنورنى تانى ان شاء الله

وانا بصراحة وانا باكتب الموضوع ده كنت فعلا قاصدة كل كلمة فيه

وكنت اخدت قرار بعدم الكتابه فعلا

انا فاهمة انه اريح

بس مادام هتعلق عندى يبقى تمام

هاعدل عن القرار اللى انا اصلا ما كنتش هاعرف انفذه


واضطر اسفة انى ازعج البشر بكلامى المعتاد


لعل وعسى يحمل ف يوم من الايام جديد او اى استفاده حتى لو كانت بسيطة


باشكرك تانى يا دك على المرور الجميل ده وان شاء الله حاجة تعجبك تانى ويتكرر


تقبل مرورى وفائق احترامى


سلام عليكم

على العموم دعك من تلك الكلمات التى ما عادت تنفع او تضر وحاول ان ترسم عالما حقيقيا بعيدا عن ارض البللور 000وحاول ان ترى وسط الظلام

وانحو الى بصيص النهار 000حاول ان تفعل وابتعد عن الكلام 00لان الكلام لا يؤدى الا الى كلام
_________________



احلى كلام من احلى جورناليست


اد ايه تعبيراتك جميله
وبحس ان كلامك دا مش مجرد كلام لاء دا طالع من قلبك اوى
وهو دا احلى ما فيكى يا جورناليست

شكرا على الموضوع الرائع
تقبلى مرورى

بجد موضوع جميل على فكره انا معجب بتعليقاتك على كل موضوع وعايز الانسان اللى يرد كتير لازم تكون عنده شخصيه قويه علشان انت فعلا بتردى بطلاقه متناهيه وتقولى كل حاجه وانت بالفعل شخصيتك قويه وبتعلقى على مواضيعى بصراحه اتمنى اننتى تكملى وتستمرى وبصراحه بدون مجامله موضوعك حكايه وردودك حكايه هما دول ثالثه صحافه وانا منهم وفى النهايه عايزين نستمر ونكمل رسالتنا ياريت يكون التعليق خفيف ويكون لذيذ يا journalist استمرى وكملى احمد

السلام عليكم ورحمة الله وبركاته

ايه ده ليتل كات بذات نفسويتها ف موضوعى المتواضع

يا مرحبا يا مرحبا

وانا اقول ياربى كل ما اعدى المح نور كده دلوقت عرفت السبب


ع العموم مشكور جدا على المرور

وعلى التعليق الحلو ده

وعلى موضوع الكلام اللى طالع م الحته اللى ف الشمال


فده حقيقى لانى بصراحة شديدة كل كتباتى بتبقى فعلا حالات انا مريت بيها

وزى ما قلت فوق انا فعلا لما كتبت الموضوع ده كان فعلا ده قرارى وكنت ناويه انفذه

بس يظهر ان المثل بتاع الزمار ده صحيح

لان من الصعب جدا ان الجندى يتخلى عن سلاحه

اوقات بيكرهه ويرميه واوقات بيحس انه سبب تعبه

واوقات الواحد بيكره حتى موهبته الكتابيه دى طبعا لو كانت موجوده اصلا


بس ف النهايه مش بالقى حد يستحملنى غيرهم

الورقة والقلم وممكن الكتاب

هما دول اصدقاء الدرب الاوفياء اللى عمرهم ما خذلونى او زهقوا منى لحظة


شكرا تانى ع المرور والحمد لله ان الموضوع عجبك


تقبلوا مرورى وفائق احترامى


سلام عليكم

السلام عليكم ورحمة الله وبركاته


اهلا يا استاذ احمد منور موضوعى المتواضع جدا


وشكرا جدا للكلام الجامد اللى انت كاتبه ده

وانا بجد سعيدة جدا ان مواضيعى وتعليقاتى عاجباك


خاصة اننا زملاء قاعة واحدة ودكاترة حالتهم صعبه واحدة

يعنى عندنا الضغط والمرارة ذاتهم


ربنا يعدى السنه دى على خير للجميع


شكرا جدا لمرورك الجميل


وتعليقك اللى اكيد كان خفيف ولذيذ


تقبلوا مرورى وفائق احترامى


سلام عليكم

السلام عليكم


طبعا انا قرات الموضوع دا اما اتكتب

وقراءته تاني اما اضاف عالمنتدي

وقراته تالت دلواتي

وباقولك

اوعي تتخلي عنه

لان دا فعلا اللي بيحسسنا بالحياة

بيحسسنا اننا لسة عايشين

بيحسسنا ان فيه دور لازم ناديه

حتي لو كلام عالهوا

حتي لو محدش هيقراءه غيرك

وانا يا اية باحييكي علي الكلمات الرائعة

دايما بتعجبني كلماتك وتعبيراتك

علشان كدة

هاقولك

الي الامام دائما

سلام
ومتاسفة للرد المتاخر ودا علشان الامتحانات وادينا خلصنا منها

السلام عليكم ورحمة الله وبركاته


بتهيالى يا اخت خوخة مفيش رد متاخر اكتر من ده
انتى عارلافة انا مادتيش عطول يمكن لاننا اتناقشنا ف الموضوع ده
وحتى نشرناه ف مشروع التخرج بتاع تالتة
اللى اكيد اسما ماقريتهوش
بس ايا ماكان
منور ة الموضوع طبعا هنا او هناك او ف اى حتة

ومدام فيها لاماما دائما

يبقى لو سمحتى









ممكن زقه ؟


ان شاء الله خير وربنا يستر واخرتنا ترسى ع السجن بس ما تتطورش لاكتر

تقبلى مرورى وفائق احترامى

سلام عليكم