تسمحولى استغلكم ؟

السلام عليكم ورحمة الله وبركاته


بصراحة يا جماعة
ومن غير كلام مزوق

ولغة عربيه وكده


انتوا صحابى طبعا كلكوا واكتر كمان من مجرد اصحاب


عشان كده لازم استغلكم طبعا


يعنى لو مش اسغلتكم

هستغل مين بس ؟


بصوا بقى يا شباب

الراجل ريس التحرير بتاعنا

طالب منى تحقيق عن

المشاركة السياسية بين الشباب


وانا فعلا عملت جزء ف الجامعة

بس المنتدى عليه نسبه ناس كتير

وطبعا رايهم هيفرق جدا

عايزة اعرف يعنى ايه مشاركة سياسية بالنسبة لكل حد فيكم وايه هى حدودها

وعايزة اعرف هل من حق الطالب الجامعى انه يكون ليه مشاركة سياسية ولالا

وهل انت بتمارس دورك فى المشاركة السياسية فى الجامعة والمجتمع ولالا وليييييييييييييييييييييييييييه؟


طبعا يا جماعة فيه اسئله كتيييييييييييييييييييييييييييييييييييييير ومعظمها بيجى بين الكلام عشان كده لو حد حب يزود اى حاجة ياريت فليتفضل


عايزة اعرف ردودكم بسررررررررررررررررررررررعة

عشان الحق اوديه للراجل الغلبان اللى قاوحت معاه لما طلب منى حاجات وحطيته قدام الامر الواقع وعملت فركوكة

وقلت له انا خلاص بدات ف تحقيق عن المشاركة السياسية

يعنى لو مش جاوبتونى هايبقى منظرى جنان

يالا بقى معلش طولت عليكم


معلش استحملونى اشمعنى مستحملين الحكومة يعنى


بقول ايه انا ماشيه كفايه تخبيط لحد كده

لتكون خوخة متراقبه ولا عملية مع امن الدوله نروح وراء الشمس

على راى خوخة

منتظراااااااااااااااااااااااااااااااااااااااااكم

وهاستنى ردودكم


تقبلوا مرورى وفائق احترامى


سلام عليكم

لاء يا اية ماتخفش يا باشا

وبعدين منانتي عارفة

وبعدين انا مووووووووووافقة نروح للشمس سوا

المهم

طبعا انتي عارفة رايي في موضوع المشاركة السياسية
اللي هي مش موجودة جوه الجامعة خاااالص
وكل واحد تكلمه عنها يقول امشي جمب الحيط يابني لياخدوك تحري
انا عن نفسي قبل كدة من سنة تقريبا حكاية المشاركة دي ماكنتش تهمني قد ماكان يهمني اخد محاضرتي وامشي
لكن دلوات
لازم كلنا نطالب بيها
لازم يكون لينا كلنا راي
بس اززااااااي ؟؟؟؟
كتير مننا بيقول كدة
كتير مننا نفسه يشارك في الجامعة
نفسه يشارك في الانتخابات اللي بيقولوا عليها انتخابات نزيهه
وانا نفسي اعرف فين النزاهه اللي فيها
ازاي بيعملوا انتخابات علشان ياخدوا راي الطلاب في مرشحينهم وممثلينهم وهما كدة كدة معلمين علي ناس من قبل الانتخابات ماتبتدي

واخيرا من رايي ان لازم يكون للطلاب في الجامعة مشاركة سياسية
ولازم نطالب بيها كلنا
ولازم نطالب بيها في كل مكان في الشارع في البيت في الجامعة في المواصلات لازم يكون عندنا حرية في الراي


واخيرا شكرا لكي اية عالموضوع
اكيد رائع
وباذن الله يبقي تحقيق رائع
سلام