[السلام عليكم ورحمة الله وبركاته
بعيدا عن انى انا كمان عايزة اعلق بسرعة بسرعة بسرعة
عشان ما حدش يعلق قبلى
احب اقولك ان كلامك ده
فعلا كلام مخابيل
بس احلى من اى كلام تانى ممكن اى حد يقوله
ده احلى كلام مخابيل موجود جوة اجمد حواديت ممكن تتحكى او تتعاش
واحلى ورق ممكن يتوجد ف الكشاكيل هو اللى انت قلت فيه اروع تخاريف
تخاريف بتتكلم عن كل انسان مهما كان
وحواديت الكل يتمنى يعيشها ولو للحظة واحدة
وبعد ده كله جاى تقول
- اقتباس :
- ربنا يوعدنى و ييجى اليوم ..
و الاقيلى مكان .. جوا الحواديت
كل ده ومش ليك مكان ؟
وبجد فيه اجزاء عجبتنى جدا زى مثلا [
- اقتباس :
- علشان بيدور عالإحساس بين التماثيل
بس هل تعتقد فعلا اننا بندر على الاحساس بين التماثيل معاك
اوقات لما تدور مع التماثيل ممكن تلاقى فعلا احساس ماتلاقيهوش ف الدنيا
وان عدد البشر اللى بيحس بالاخر فى تناقص مستمر
- اقتباس :
- أحلامى كريمة .. و عمرى بخيل
مرة تانيه هاقولها لك
افضل حاجة انت بتعملها
استخدامك الغير مالوف للالفاظ
بجد الجملة دى اكثر من رائعة وانا مش هاقدر اوصف جمالها واعتقد ان انت معايا ف ده
- اقتباس :
- مايهمش مين عاشقانى و مين رافضانى و مين فى حياد ..
اعتقد ان ده المفروض يكون مذهب الجميع ف الحيا ه
كن انت
كما انت
من غير عمليات تجميل
وانا هنا باتكلم عن العلاقات الانسانيه بوجه عام
لان ماينفعش تاسر نفسك جوة ياترى مين شايفنى كويس ومين لا
معاك فيه ناس بنبقى محتاجين نعرف موقفهم تجاهنا بالضبط
بس حتى ده مش مهم لان مهما كان الناس دول ومهما كانوا مهمين فيه شىء اهم
اسمه ان الانسان يكون راضى عن نفسه لان الانسان لو حس لثانيه انه مش راضى عن نفسه او بمعنى ادق بيحقر من نفسه بزياده
مش هيكون حاجة عند اى حد ولا حتى عند نفسه
- اقتباس :
- أنا بينى و بين الفرحة معاد ..
ها يجيلى أكيد .. و انا مستنيه
عارف انا ايه اكتر حاجة عجبتنى ف الجزء ده
انه على الرغم من انك عمال تقول قلبى حزين وبالرغم من انك مش لاقى اللى بتدور عليه
الا ان الامل جواك ما متش وده مش ناس كتير حاساه او شايفاه والدليل انك مقتنع وواثق فيه انك فعلا مستنى وده شىء احيك عليه [
- اقتباس :
- ربنا يوعدنى و ييجى اليوم ..
و الاقيلى مكان .. جوا الحواديت
اعتقد ان حد مليان امل وخيال زى اللى فاتوا صعب قوى
يعدى عمره عليه
وهو مش لاقى لسه مكان جوا الحواديت
بس انا عايزة اقول حاجة
المكان ده مش لازم تقعد تستناه انت لازم تبنيه وتحفره لو لزم الارض
يمكن كل واحد فينا عايز حدوته معينه
لكن دايما فيه حدودتة لازم كلنا نبقى مكتوبين ف السيناريو بتاعها
حدوته اسمها
الوطن
الشغل
الاجتهاد
حدودة جيل لازم يبنى نفسه بنفسه وما يسمحش ان احلامه تكون مجرد تخاريف
لان احلامه ارقى بكتير من انها تكون مجرد افكار مش شويه تخاريف
وبجد انت ف الكلام اللى انت قلته واللى انا ما اقدرش اصنفه لانى مش هاعرف
واصلا مش باحب التصنيفات الا ان كلماتك مست حياتنا وارواحنا بشكل كبير
ضغطت على جروح كنا بنحاول نداويها لحد ما نزفت
وبعثت فينا قلب كان مات من كتر الاحباط
اشكرك على كلماتك الرائعة المنتقاه بعنايه فائقة
واحييك جدا على انك لسه صابر وقريت كل اللى انا كاتباه والرغى اللى عاملاه
لدرجة انى نفسى صدعت فما بالك باللى بيقرا
بجد معلش طولت عليك وصدعتك جداااااااااااااااااااااااااا
تقبل مرورى وفائق احترامى
سلام عليكم
موضوع: حواديت 
السبت 5 أبريل 2008 - 18:39
