[][السلام عليكم ورحمة الله وبركاته
مش عارفة انا قريت القصيدة اكتر من مرة
وسبتها
ورجعت لها تانى
وقلريتها تانى اكتر من مرة
مش عارفة حاسه ان فيها حاجة غريبه او فيها جزء مفقود
حاسه ان بطلها ازدواجى او مذبذب
لانه عمال يتكلم ع اساس انها تجربه وعدت رغم ان المرارة اللى بيتكلم بيها
مرمرة جرح لسه ما اتقفلش
صدقنى مش كرامه
احساسى بكلام بطل القصيدة مش الم كرامة
مش عايزة اقولك انا جت على لحظة وانا باقرا القصيدة حسيت انها لو شاورت هاريجع لها
خاصة ان مفيش حاجة معينه وحشه هى عملتها فيه
يعنى حاسه ان كل ذنبها انها يمكن تكون ماحستش بيه
يعنى انت ما اشرتش لذنب واحد هى عملته
بالعكس الواضح
ان البطل هو اللى كان بيخدع نفسه
يعنى لو هيلوم يبقى لايلومن الا نفسه
- اقتباس :
- فتشت فى داخلى لم ألق أشواقى ..
القلب عندى أبى أن يلفظ الذكرى ..
لكن دمعى غفا قسرا بأحداقى
يعنى بص هنا مثلا بيقول لم الق اشواقى يعنى من المفترض ان الحدوته خلصت والا كان لقى ولو مجرد حنين جواه خاصة انه منسيش الذكرى دى واعتقد انه طبيعى لان كل تجربه بيبقى فيها جانب ايجابى ولو بنسبة 1 % وبالتالى بيبقى ليها ذكرى حتى لو كانت ذكرى اليمة لانها كده بتعلق اكتر
لكن انه يرجع تانى عشان يقول دمعى غفا قسرا لا هنا نقف لانه لو كان قال دمعى غفا كان تمام وطبيعى لكن ده قال قسرا يعنى اعتداده بنفسه هو اللى منع دموعه تنزل
طب ازاى وهو المفترض انه مالقاش شوق ؟ ولا حتى لقى مجرد حنين
وع فكرة انا لاحظت النقطة دى ف كل ابطالك فيهم صفة الاعتداد بالنفس جدا
يعنى معنى كده كلامه كان حفظ لماء الوجه لا اكثر يبقى نسف عدم وجود اشواق او حنين من الاساس والدليل على اعتداد ده تلاقيه رجع قال
- اقتباس :
- و زهور أحلامى شابت و لم تفنى ..
إن غاب عنها الشذى فرحيقها باق
مع ان اسمح لى انا ليه اع8تراض ع حاجة مش معنى ان تجربه فشلت ان الحياه انتهت بالعكس فشل التجربه الاولى بيبقى بدء لتجربه جديدة وبالتالى استخدامه للفظ شاب مبالغ
لانها كانت مجرد تجربه خاصة ان زى ما قلت قبل كده ان البطله ما عملتش فيه حاجة وحشة ممكن توصله لده والدليل انه لسه احلامه موجودة
اما ف الجزء التانى فالشذ هو الرحيق يعنى الاتنين مترادفين وبالتلى اسمح لى يكون استخدام احدهما خاطىء ودى نقطة احتاج منك توضحها
- اقتباس :
- كان الهوى علتى و البعد ترياقى
اسمح لى يكون لى وقفة هنا معاك بيقولو ف المثل البعيد عن القلب بعيد عن العين
بس اسمح لى المحب الحقيقى كل مايبعد كل ما تعلقه بيزيد وبالتالى
فهو كده ما كانش بيحبها والا كان البعد ما اثرش فيه
لكن اللى حصل العكس بمجرد البعد هو ارتد عن حبها
- اقتباس :
- حكمت فيها الحجا " العقل " و علمت عاقبتى
اعتقد ان هى دى نقطة التحول ف حياته وهو دلوقت المفترض انه بدا يكتشف
ان اللى هو فيه ده غلط وانه بيخدع نفسه وزى ما بعد كده انت قلت كسر قيوده
بس هو كان بيكسر قيود نفسه اللى اسرته جوة حلم من طرف واحد من طرفه هو بس
- اقتباس :
- أم أنه طيف عشق جاب أزمانى
هى دى الحقيقة مجرد طيف هو اقنع بيه نفسه وما كانش ينفع انه يخدع نفسه اكتر من كدة
بس رجوعة تانى عشان يتكلم عنها على اساس ان هى اللى ذلته وانها اغتالت احلامه
- اقتباس :
- الذكريات التى كانت تؤرقنى ..
و رحيق حزنى بها يغتال ألحانى ..
قد ضقت ذرعا بها و سئمت علتها
- اقتباس :
- رأيت فى أرضها ذلى و حرمانى
بس اسمح لى هو شاف الذل ف ارضه مش بسببها والمفترض انه نسى يبقى ليه رجع يلوم عليها تانى المفروض ما كانش رجع تانى ونبرة الحزن تختفى وتطلع بدالها نبرة عزيمة واعتراف بالخطا لان الاعتراف بالخطا هو بدايه الطريق الصحيح فهو كان خلاص بدا يفوق
لكن ف الكام بيت دول حسيت انه بيلف ف دائرة مفرغة عمال يقول خلاص ويرجع تانى
المفروض انه يقول خلاص وتبقى خلاص بلا رجعه
- اقتباس :
- ماعدت أبغى كنوزا عند سجانى
اعتقد ان دى من افضل الجمل اللى وردت ف القصيدة وطبعا افضل خاتمة برده ليها
وف النهايه انا شايفة ان فكرة القصيدة العامة حلوة بس محتاجة شويه تظبيطات بسيطة
عشان تنسب للاسطى بجد
وارجو ان كلامى ما يكونش فيه اى حاجة ضايقتك
وانا حاولت بفهمى وحسى المتواضعين انى اقول رايى ف القصيدة
ومش عارفة اذا كان كلامى يحمل قدر من الصحة ولا لا
فياريت لو كان كلامى غير صحيح توضح
ومعلش انا رغيت المرة دى اكتر
بس انت اللى جبته لنفسك واديتنى كارت اخضر وقلت ان التعليقات الطويله لا تمثل ليك مشكله
عل العموم شكرا ع القصيدة اللى هى فعلا حلوة ما اقدرش انكر
بس انت برده تعمل احلى وكنت تقدر تطلعها احلى من كدة بمراحل
تقبل مرورى وفائق احترامى
سلام عليكم
موضوع: القصيدة اللى تعبتنى جدااااا 
السبت 5 أبريل 2008 - 11:26
