فاتنة

جميلة جدا استاذ احمد

وكلماتها رائعة

بجد انا كل ماختار حتة تطلعلي الحتة اللي بعدها احلي واحلي

ربنا يوفقك يارب

سلام

أهلا خوخه نورتى الموضوع .. و شكرا على المرور و التعليق ..
تحياتى

اهلا ضياء ... نورتينى ..
و بعدين ادوشينى زى ما انتى عايزة .. إيه المشكلة يعنى ..؟ دى حاجة تسعدنى ..
ألف شكر على التعليق الجميييل دا ..
تحياتى ليكى

اقتباس :

شعرت .. و ما الشعر إلا كلام .. فهل تقبلينى بتلك السطور .؟

يا سيدى على الكلام الجميل بقى بعد ما تطلع بينا السما ونلمس معاك الثريا ونسابق معاك النسور ونجوب السماء ذهابا إيابا .. نخوض البحار .. نذيب الجليد ..
و نرسو ببر الأمانى طويلا .. و نزرع بالحب حقل الورود
فأهديك وردة .. عليها فؤادى .. و فى عطرها حلم عمر بعيد ..
وتتخضب وجنتيك حياءا .. فيولد فى القلب عشق جديد ..

بقى بعد دا كله تقولها هل تقبلينى بتلك السطور ايـــــــــــــــــــــــــــــــه التواضع ده يا اسطى
بجد بجد حلوووووووووووة جداااااااا وجامدة جداااااااا
وحالمة جدا ورومانسية جدا وشاعرية جدااااااااا ولا تمت للواقع بصلة جدااااااا جدااااااا جدااااااااا .
بس جميل ان الواحد يحلم انه بيجيب حتة من السما علشان الانسان اللى بيحبه ويلمس علشانه النجوم ويجوب السبع بحور ويهدى قلبه له على وردة جميلة
وفى الاخر يقوله هل تقبل بى وبأحلامى المتواضعة لاجلك ..
والله رائع جدااااااا وبعدين بقى سيبك من موضوع هاوى ده اللى انت شغال فيه انت خايف لنحسدك ولا ايه .
وخلى بالك يا اسطى اللى يكون عنده احلام رائعة فى اشعاره كده يبقى خياله واسع يبقى بيشوف نفسه فى الحلم كبير قوووووووى يبقى ان شاء الله يتمنى ويشتغل ويحقق حلمه
ثم تعالى هنا ما كل الشعراء الكبار بدأوا هواه وصغيرين ومحدش كان يعرف عنهم حاجة
بس ثقتهم بنفسهم واعجاب الناس بيهم هو اللى خلاهم كبار ومعتقدش انك ناقصك حاجة من دول علشان تكبر .
ربنا يوفقك يااااااااااااارب وانا سعيدة انى استمتعت بحاجة من اشعارك قبل ما امشى .
واجمل حاجة انى رغيت
هههههههههههههههههههههههههههههههههه علشان مش يوحشك رغيى .
بجد تسلم ايدك يا اسطى ويارب ديما على نفس المستوى
احلى سلالالالالالالالالالالالالالام
فـــــــــــــــــــــــــــــــــــــــــــــــــــــلورندا.

مش عارف ليه ابتديت فى الفترة الأخير لما أكتب شعر هنا فى المنتدى أقول أما أشوف فلورندا هاترد تقول إيه .. لأنى بجد باحس إنك بالفعل بتحسى بالكلام المكتوب و تعلقى عليه التعليق اللى يوفيه حقه سواء بالنقد أو بالمدح .. عايز أقول إن غيبتك اكتر واحد ها يتأثر بيها هنا هو انا .. ممكن ما اكونشى عرفت شخصيا و لا قابلتك قبل كده لكن كفاية التفاعل الجميل اللى باشوفه منك دا .. صدقينى التفاعل دا ليه تأثير كبير مخلينى دايما عايز أكتب و دايما عايز أقول حاجات كويسة .. صدقينى غيابك ها يصعب أوى عليا .. و بالتأكيد على جميع الأعضاء .. و رغيك دا ياست فلورندا بجد ها يوحشنى جدا جدا جدااااا .. و طالما الموضوع محسوم بالنسبة ليكى عايز أقولك بقى بلاش تغيبى فترة طويلة و حاولى ترجعيلنا تانى على طول .. على اد ما تقدرى ما تغيبيش .. لأنك بجد ها تسيبر هنا فراغ كبيييييييييير صعب أى حد تانى يعوضه ..
تحياتى ليكى .. و لتعليقك المشجع جدا جدا جداااااااا ..

السلام عليكم ورحمة الله وبركاته


بصراحة انا قريت االقصيدة دى اول مانزلت وقبل ما اى حد حتى يعلق عليها


بس بصراحة برده حالتى النفسيه وقتها كانت لا تسمح بالتعليق


وبصراحة ابياتك دى عايزة حد حالته النفسيه حلوة عشان يرد عليها كما تستحق

وعشان كمان يقدر يحسها بكل تفصيلاتها بالشكل الصحيح

مع انها وللحقيقة يمكن ااحساس بيها فى الحالتين لكن عشان تاخد حقها ف التعليق

مع انى برده دلوقت او بعدين مش هاقدر اوفيها حقها ف التعليق


لانها فعلا رائعه جداااااااااااااااااااااااااااااااااااااااااا واكيد انت شايف ده


وبجد معلش انا هاكرر الكلمتين بتوع فلورندا لانى اول ما قريتا اول مرة برده فكرت كده

ايه هل تقبلينى بتلك السطور ؟ ايه التواضع ده صحيح ولا عشان الحسد ولا ايه ؟

وبجد اجمل حاجة فيها الخيال وصورها معبرة جدا ده غير الالفاظ المنتقاه بعنايه جدا جدا

يعنى مثلا دعينى اراك بغير انتهاء عجبتنى جدا خاصة انها كلمة جديد غير انتهاء
ده طبعا غير باقى القصيدة


بس فيه حاجة حستها نوعا غريبة على حد جرىء وشجاع بالشكل ده اللى هى

واقضى سنينى غريبا ببابك هل حد جرىء كده هيقبل انه يفضل غريب خاصة انه معتد بنفسه جدا

بس اعتقد ان الجزء ده كان تمهيدى لانك رجعت قلت
فلا تتركينى وحيدا غريبا يعنى بطل القصيدة كان بيمهد عشان يقولها ما يصحش تسيبه كده


وبصراحة هى لو سابته كده بعد الكلمتين دول يبقى فيه مشكله

وبجد انا فعلا حاسة انى مهنجة وتعليقى وحش جداااااااااااااااااااااااا


بس بجد كان لازم اعلق لانها فعلا حلوة وتستاهل


سلمت كلماتك


معلش طولت عليك


تقبل مرورى وفائق احترامى


سلام عليكم

دا إيه الكلام الخطير دا يا آيه .. إيه الحاجات الحلوة دى ... صدقينى أحلى تعليق جالى لحد دلوقتى بجد .. كلامك فرحنى أوى أوى .. و يظهر كده و الله أعلم إنك هاتحلى محل فلورندا لما تمشى ..
ربنا يبارك فيكى يارب و يخليكى ليا و تعلقى دايما كده على مواضيعى .. تحياتى