الى كل اعضاء المنتدى

السلام عليكم ورحمة الله وبركاته


ايه اللى انا باعمله ده


عماله امسح واكتب امسح واكتب

امسح واكتب


انا زهقت انا هاقول لكم عادى



ايه ياشباب انتم مش طالعين يوم اليتيم ولا ايه


وما حدش يقول حرا وبدعة والكلاام ده

لانك على الاقل هتفتكرهم يوم انما ف العادى انت مش بتفتكرهم اصلا


ولما تخفف عنهم يوم احسن ما تسيبهم طوووووووووووووووووووووووووووووووووول السنه


ع العموم احنا طالعين


احنا مين ؟


انتم اكيد بتهزروا


احنا اسرة اليوم


والناس الحلوة ع المنتدى


ولا انتم مش جايين ؟


لا انتم هتيجوا ان شاء الله

على الاقل عشان نحس اننا بنفيد المجتمع بجد ولينا دور ايجابى


يالا مستنياكوا







انتوا رايحيين فين ؟





مش لما تعرفوا التفاصيل ؟




بصوا هى حفله عاملاها جمعية مساعدة



واخدين فيها تلاتين طفل من كل دار ايتام



وعاملين ليهم حفله ف حديقة الحيوان بتاعة الزقازيق



التذاكر معايا



تعالوا يوم السبت من الساعة 11 لحد الساعة 1 ونص


وانا اديها ليكوا


ومعلش الوقت متحدد عشان المحاضرات



بتقولوا امتى ؟


يوم اليتيم اول جمعة ف ابريل


يعنى الجمعة اللى بعد الجايه


ع فكرة التذكرة بعشرة جنيه


تبرع للاطفال

عشان يغطى تمن الغدا والفطار غير الهدايا


ع فكرة صحيح اليوم بيبدا من 9 الصبح لحد الساعة 4


باقول ايه انا ايدى وجعتنى م الكتابه


اللى عايز يجى


انا مستنياه


اوعوا تلطعونى ومش تيجوا


انا مستنيه المنتدى كله


واللى عايز يستفسر عن اى حاجة

انا معاكم اهو


بس بجد ياريت تحاولوا تيجوا بجد هيبقى يوم حلو جدا


يالا سلاااااااااااااااااااااااااااااااااام لاحلى منتدى


سلام عليكم

الله عليك يا باشا

حلو الاسلوب والالقاء وطريقة المخاطبة دي يا اية

والاهم حلو الموضوع اللي انتي بتتكلمي عنه

وهو زيارة للايتام

وهو اصلا متحدد يعني يوم اليتيم

يعني نسعدهم ونفرحهم ونلعب معاهم ويمكن هما اللي يفرحونا ويسعدونا

يعني لو عندنا اي هموم هيشيلوا عننا الهموم دي بابتسامة منهم

وانا معاكي يا اية

ومنتظرررررررررررررين باقي الاعضاء

اية رايكم تيجوا معانا


سلام

انا معاكم بأمر الله ..
بس هاخد التذكرة إزاى..؟
و من مين ..؟
و منين...
دا كفاية إنا هاتكون يوم جمعة .. يعنى هابقى فاضىىىىى..
آيه لوسمحتى تردى عليا ... وتعرفينى ..
واوعى تقوليلىفى المكان بتاع أسرة اليوم.. علشانجيت ييجى تلاتين مرة وكل مرة مالاقيش حد
تحياتى

السلام عليكم ورحمة الله وبركاته


هتاخد التذكرة باليد ازاى ازاى يعنى؟

لا بجد


هتاخد التذكرة منى

ف الجامعة


وللاسف وللالم عند مقر الاسرة


لان مليش ملجا سواه


تلاقيك لاقيتنا

وما عرفتناش


لاننا على طوووووووووووووووووووول هناك


بنبقى فارشين ع الارض وقاعدين


هتلاقى لمة كبيرة


كلها ناس قصيرة


نبقى احنا على طول


وهو تقريبا مفيش حد بيرضى يقعد ع الارض غيرنا


ما اهو احنا منها خلقنا واليها نعود


وان اشاء الله المرة دى تلاقينا


اى معلومات اضافيه ؟


سلام عليكم

اها صحيح يا اية

مالناش غيرها وغيرها مالناش

وباذن الله هنشوف حضرتك هناك

ولو ممكن تقولنا حضرتك عايز تيجي الساعة كام ووفي الوقت دا هنستني حضرتك كووووووووووويس

وهنركززززززز


سلام

السلام عليكم ورحمه الله وبركاته
تسلم ايدك يا يويا

وزى ماخوخه قالت

اسلوبك فى عرض الموضوع راااااااااااااااااااااااااااااااااائع

وان شاء الله احنا اكيد معاكى باذن الله

كفايه قوى اننا هنخفف عن الاطفال فى اليوم ده ونعوضهم شويه من الحنان والحب الى مفتقدينه

ومنتظرين باقى الاعضاء ان شاااااااااااء الله

أحلى سلالالالالالالالالالالالالالالالالالالالالالالالالالالالالالالالالالالالالالالالالالام

السلام عليكم

والله برافو عليكم

نور هتفرح جداااااااااااااااااا لما تعرف الموضوع ده

لانها بجد كانت نفسها فى كده

وان شاء الله احنا معاكم

ويارب نقدر نفرحهم

وتسلم ايدك يا ايه

وما اشوفكم اخد تذكرتى

سلالالالالالالالالالالالالالالالالالالالالالالالالالالام

السلام عليكم ورحمة الله وبركاته


ايه يا ولاد السرعة ف الرد دى


لا ناس خيرة بصحيح


ع العموم يوم السبت


كل شىء هاينكشفن وهيبان


انا هاقعد جنب الحيطة بتاعة

عبد الهادى

ومستنيه


عارفين لو مفيش حد جه انا هاعمل ايه ؟












ولا حاجة




هاجى اقول هنال تانى يا جماعة دى حاجة كويسة جدا



وفرصة اجمل اننا نعمل غير


بس انا عارفة انكم مش هتقلبونى


يالا مستنياكم

سلام عليكم

انا هاكون موجود عندكم الساعة 11 بالضبط يا جماعة يوم السبت ..
فى المكان اللى بتقعدوا فيه دا .. هو غالبا على السلم يعنى
و إياك تسيبونى زى العبيط كده ..
أعمل إيه بس مضطر أعصر على نفسى ليمونة ..
كله فى سبيل يوم اليتيم
و أهو كله ثواب ..
أوكى ..؟
الساعة 11 ألاقى حد مستنينى ..
انا مواعيدى مظبوطة جدااااااااااااااا على فرة
سلام

باذن الله يا استاذ احمد هنستني حضرتك

وربنا يوفقنا جميعا يارب

سلام

السلام عليكم ورحمه الله وبركاته

الله الله الله الله عليييييييييييييكم

بجد انا مش عارفه اشكركم ازاااااااااااااااى

انا كنت هموت واعمل الموضوع ده جدااااااااااااا

وبجد بجد مش عارفه اشكركم ازاى

انكم فكرتم ازاى نسعد الاطفال دول

ربنا يقدرنا على اسعادهم

ويقدرهم على اسعادنا

لانهم فعلا هم اللى ممكن

يقدروا يخرجونا من اللى احنا فيه

وننسى معاهم مشاكلنا

ونرجع عهد الطفوله مره تانيه

وان شاء الله ربنا يكتب هولنا فى ميزان حسناتنا

او يكتبه لهم هما انهم هيفرحونا

فى ميزان حسناتهم

هههههههههههههههههههههههههه

احلى سلام لاحلى اعضاء ولاحلى اسره

سلااااااااااااااااااااااااااااااااااااااااااام

كلام جميل واحساس حلو

وموضوع فوق الفظيع وتحت المريب وبين المش معقول

بس احب اعلق على كلام جورناليست هيا بتقول هتلاقى شويه قصيرين كده
ميـــــــــــــــــــــــــــــن القصيرين يا جورناليست

انا بحذرك لقد ازعر من انذر






ان شاء الله انا معاكوا فى يوم اليتيم

السلام عليكم


يا جماعة اللي راح يكون موجود بكرة
يجي ويحكي جري ايه
بالصوت والصووووووووووووووووووووووووووورة



انا كان نفسي ابقي معاكم بس حصل ظروف طارقة جدا جدا
وصاحبة الموضوع عارفاها



فارجوووووووووووكم
ماتحرموش الناس اللي ماراحتش من انها تشارك
دعواتكم لينا


وتنقلولنا الحدث بالتمام
يبقي عيب في حقكم يا صحافة لو الموضوع ماكانش كامل ومتغطي فل


سلام
وفي انتظار شغلكم

السلام عليكم ورحمة الله وبركاته


احنا اكييييييييييييييييييييييد هنيجى نحكى بالصوت والصورة وكل حاجة


لنه بجد هيكون يوم يستاهل وبجد يا ضياء كان نفسى تكونى معانا

بس معلش كله ف سبيل الظروف الطارئه بالهمزة ع نبرة


بس عامة دى مش حصة املا المهم دلوقت


اننا هنحاول نعمل احلى بث مباشر لاحلى ادارة


يمكن ترقينى وتخلينى مديرة قناه

ولاحاجة


ومعلش ياضوضو


بس المرة الجايه لااااااااااااااااااااااااااااااااااااااااااااااازم تيجى


عارفة لو مش جيتى هاعمل ايه ؟








































هاقعد اعيييييييييييييييييييييييييييييييييييييييييييييييييييييييييييييييييييييط





يرضيكى كده




المرة الجايه ضوضو هتيجى قدام المنتدى كله


وعلى راى ليتل



لقد ازعر من انذر


احلى سلاااااااااااااااااااااااااااام



سلام عليكم

انا لسه متفقة معاكي



احتمال اتجنن الصبح وتلاقيني وسطكم


بس حسب الظروف الطارقة



انتي علي فكرة قديمة اوي
لسه بتكتبي طارئة بالهمزة علي نبره
غيروها ياحضرة الاعالمية الكبيرة
قال اعلامية قال



مابتسمعيش افلام ولا ايه

اقصد مابتقريش جريدة زوقيني يا ماما
ههههههههههههه



سلام
ومنتظرين التغطية الكاملة

ان بجد والله كان نفسى اكون معاكوا بس غصب عنى والله

وانا فعلا كنت هاجى والله وربنا عالم


مستنيه بقا تحكولى عملتوا ايه كان نفسى اقولكوا صورولى الاطفال هناك عشان بحب اشوفهم بيضحكوا اوى

منتظراكوا

السلام عليكم ةورحمة الله وبركاته


بصراحة انا مش عارفة اقول ايه


يمكن اكون حد مش كويس ولا لميت حواليا اطفال كتير


بس فعلا دى احلى حاجة حصلت لى فى حياتى


انى اقابل ندى او ناديه


هى اسمها ناديه بس احنا سمعناها منها ندى وهو فعلا ندى


بس الاسم مش مهم

انا لحد دلوقت مش مصدقة انى سبتها تمشى كده

لسه حاسه بلمسه ايديها اللى زى ماتكون نفسها ف ايد تضمها او يمكن تكون ايدى انا اللى كانت محتاجة ايديها الصغيرة عشان تاخدها وتودينى لبر امان


اسمه البراءة


لسه حاسه بنبض قلبها وهو عالى لدرجة ان ايدى حسته وهى على كتفها


وانا كنت بحاول انى اديها ربع الاحساس اللى ادهولى بالامان



مش عارفة


يمكن اكون فشلت ويمكن لا


اول ماشفتها حسيت انها غير الكل


شدتنى عنيها اللى كانت مليانه بدموع مش قادرة تنزل


ونظارتها اللى بتقول كلام كتيييييييييييييييييييييييييييييييييييير


برده مش عارفة اذا كنت فهمته ولا لا



يارتها تفتكرنى



حتى لو نسيتنى



انا عمرى ما هانسى ندى



عمرى ما هانسى اول حد احس ناحيته بالذنب مع انى عمرى ما شفته



ضحكها القليل حسسنى قد ايه انا لاشىء


حسسنى قد ايه انا ف غيبوبه


عارفين انا كانت ايه اقصى امنباتى النهارده


انى اشوف بسمتها


ماحدش يقدر يتخيل انا حسيت بايه اول مرة شفتها بتبتسم


مش عارفة امال لوكانت ضحكت انا كان نفسى تضحك

مش عارفة يمكن ابتسامتها ما اتسعتش غير ف اللعبه بتاعه السوسته لما قعدت تتنطط

وساعة العربيات لما قعدنا نخبط ف اللى حوالينا


غير كده كانت ابتسامتها بتترسم ثوانى وبعدين




ترجع من جديد



لحزنها


وعنيها اللى هم الدنيا ماليهم مع ان عمرها كله لايتعدى الاربع سنين

مع ان شخصيتها قويه جدا جدا جدا

وكلمتها مالهاش تانى


مزيج بشرى من اعذب ما يكون



عارفين انا نفسى ف ايه دلوقت



نفسى اشوف ندى لانها وحشتنى جدا


وحشتنى اول ما بعدت عن عينى


بجد


يارب اقابلك تانى ياندى


مش عارفة ازاى هاحط عينى على مخدتى وانام


وانا مش عارفة ندى عاملة ايه ازاى؟


انتوا فاكرنى بابالغ


والله العظيم ابدا


انا بس حاولت انقل حاجة بسيطة من البركان اللى جوايا


انا كنت ناويه اجى واتكلم عن اليوم بشكل عام


بس غصب عنى


لانى مخى مافيهوش اى حاجة غير ندى






على فكرة ندى عندها اخت زى القمر اسمها دولت

عنده عشر سنين
لما قعدت معاها وكلمتها


حسيت انى قاعدة


مع صديقة عمر لى


او قاعدة مع اختى اللى ما بافارقهاش لحظة


ربنا يخليهم لبعض



انا طولت عليكم جداااااااااااااااااااااااااااااااااااااااااااااااااااااااااااااااااااااااااااااااااا



بس اليوم ده بجد فاتكم


ياريت ياجماعة


اى حد فى اى مكان


يروح يشوف الايتام



مش شرط ف يوم معين


بالعكس


يمكن يكون اليوم ده بيجرحهم زيفكرهم



روحولهم يا جماعة


لانكم محتاجينهم اكتر ما هما محتاجينكم



صدقونى انتوا اللى هترجعوا ناس تانين



انا نفسى اتكلم كتييييييييييييييييييييييييييييييييييييييييييييييييييييييييييير



بس انا خايفة اكون صدعتكم


هابقى اكمل لكم تانى




سلام يا منتدايا


يا احلى منتدى



سلام عليكم

السلام عليكم


فعلا يا اية انا معاكي في كل كلمة قولتيها

وانا مش عارفة اقول اية ولا اية

غير ان دا فعلا اللي حسيته في ندي

وباذن الله هانزورهم تاااااااااني

ربنا يسهل ياررررب ونزورهم ويفتكرونا

وفعلا كان يوم رائع من احلي الايام اللي مرت عليا

..................................................