مفاجأة غير متوقعة

مش عارف و الله يا جماعة اكتب الموضوع دا فى أى قسم من أقسام المنتدى .. بس أنا اتفاجئت بالموضوع دا اوى و حبيت أحكيه لحد فعلا ... خلونا ندخل فى المفيد ..
حد فيكم سمع فى الفترة اللى فاتت دى عن " أول مأذونة فى مصر و العالم العربى " و الضجة اللى حصلت بعد الموضوع دا و الجدال و المعارضة و الموافقة من جهات كتيرة ..
و البرامج اللى اتعملت على الموضوع دا و الأخبار اللى اتنشرت فى الجرايد عن " أمل سليمان عفيفى " أول مأذونة فى مصر .. و الحوارات و الحاجات دى كلها ..
انا كنت باسمع الكلام دا كله و باطنشه زى ماباطنش حاجات كتيرة باسمعها و بتعدى عليا يوميا ..
لكن النهاردة الصبح .. و انا شغال فى الورشة لقيت راجل إسمه عم سليمان - دا يبقى إبن عم أبويا .. يعنى عمى أنا .. بس إحنا علاقتنا بيه مش قوية أوى يعنى لكن انا أعرفه و أعرف ولاده و بنتقابل و بنتكلم عادى .. المهم لقيته نازل من عربيته و بيسلم على بابا و بعدين فى وسط الكلام سمعته بيقوللـه .. أمل بنتى رايحة لبنان بكرة هاتعمل حوار .. انا مارضيتشى أتدخل فى الموضوع و قلت إيه الراجل أبو دم تقيل دا هو احنا مال أهلنا ماتروح لبنان و لا تروح جوانتانامو حتى ... المهم لما هو مشى سألت بابا هى بنته رايحة لبنان تعمل حوار ازاى يعنى هى صحفية ..؟ قاللى لأ يا ابنى انت ما سمعتش عن " أمل سليمان عفيفى " أول مأذونة فى مصر .. دى مشهورة أوى انت ازاى مش عارفها ..؟ انا بلمت .. قلتله أيوة أنا أسمع الإسم دا و اعرف ان دى أول مأذونة فى مصر بس ماعرفشى إنها تبقى بنت عمى .. قاللى أديك عرفت يا سيدى ..
جيت هنا على النت دلوقتى و عملت بحث على جوجل عن أول مأذونة فى مصر و طلعتلى الصور اللى فوق دى ..
و لقيتها هى فعلا امل بنت عمى .. يخرب بيت عقلك
من ساعتها و انا مستغرب إزاى انا ماعرفشى يعنى .. هو الموضوع ممكن يكون مش مهم أوى لكن أنا حبيت احكيه لانى بجد متفاجىء شوية ..
بس .. طولت عليكم ..؟
سلام

السلام عليكم ورحمة الله وبركاته....

موضوع مثير فعلا على الرغم اني ماأعرفشي اسمها فعلا بس أنا سمعت عن خبر أول مأذونة في مصر...وبادام الحاج والدك أكدلك كده خلاص يبقى هي فعلا بنت عمك....بس ازاي الموضوع يبقى شاغل بال الاعلام زي سيادتك ما ذكرت وما تعرفهاش....؟؟؟؟
على العموم ربنا يوفقها ويوفقنا احنا كمان

سلااااااااااااااااااااااااااامي للجميع

لا دا موضوع مهم جداااااااااااا

ازاي تبقي بنت عمك وماتقلماش

ولا انت بتلمح انك خلاص عايز تمشي وكده

ايوه مابقاش المنتدي ينفع دلوقت

دا بنت العم علي طوووووووووول بيتعمل معاها حوارات في لبنان

يابختك ياعم
ببنت عمك

شكرا للمعلومة الجميلة دي
لاني برده اول مرة اعرف اسمها

سلام

انا مش عارفة ايـــــــــــــه الموضوع ده بتاع ولاد عم الاب مبيبقاش لينا صلة بيهم قووووووووووووووووووى دى ظاهرة دى ولا ايه انا وكل الناس اللى اعرفهم تقريبا نفس النظام .
المهم الـــــــــــــــــــف الـــــــــــــــــــــف مبروووووووك عليها يا اسطى
انا لما سمعت عن الموضوع دا اول مانزل مش عارفة انا مكنش فارق الموضوع معايا كتير بس بصراحة فرق لما عرفت ان ناس من البلاد اللى جمبنا بدأوا يهاجموا الموضوع ويرفضوه وقالوا ازاى ست تقعد فى مجلس رجالة وحاجات كده وصلت للضرب والخناق
بس انا فعلا مش عارفة ليه الموضوع مش فارق معايا كتير
زى ما يقولوا ست بقت بتسوق طيارة دلوقتى مش فاهمة ايه الفرق برضه
يعنى لما تسوقها ست مش هتتقلب او تتخطف برضه نفس النظام لو ست هى اللى بقت مأذون تفرق فى ايه الناس هتبطل جواز يعنى
عموما مبرووووووووووك يا اسطى ودلوقتى انت بتفتخر بيها بعد ماكانت تروح لبنان ولا حتى جوانتانامو ههههههههههههههههههه
احلى سلالالالالالالالالالالالالالالالالالالام
فـــــــــــــــــــــــــــــــــــــــــــــــــــــــــــــــلورندا.

هو بجد موضوع مثير للغايه وانا كنت متابعاه من اوله

هو انا معنديش اعتراض ان الست تبقا مأذونة

بس هو اعتراضى فى حاجه واحده كفايه بقا يعنى انا مش حابه ان الست تدخل فى كل حاجه وانا بعترف ان الراجل فى حاجات يعرف يعملها هيا متعملهاش والعكس الست فى حاجات تعرف تعملها والراجل لاء

يعنى مثلا لما ست تلعب كمال اجسام دا كلام بالزمه ولا دا منظر ولا تلعب كرة قدم ويبقا ليها عضلات زى الراجل
بجد المنظر دا بيبقا مشمأذنى جدا

اما عن موضوع المأذونة اللى عاجبنى فيها انها مش داخله المجال وخلاص لاء دى دارسة فقه وعارفه هيا بتعمل ايه دا غير انها ليسانس حقوق
بجد ربنا يوفقها ويوفقنا جميعا
شكرا ليك الاسطى ابقى سلملنا عليها بقا وقولها انى من ضمن اللى كانوا موافقين انها تدخل المجال
تقبل مرورى