صرخة شاعر

مازلت أبحث فى سنين العمر عن بر السلامة ..

مدفونة أحلام عمرى فى الرمال كما النعامة ..

فدفاترى ..

أبيات شعرى ..

ذكرياتى كلها ..

شبح ابتسامة ..

و قصائدى ..

أحلام عمرى ..

أمنياتى فى الهوى ..

خال و شامة ..

مسجونة قصص الهوى بين الضلوع بلا كرامة ..

مأسورة نبضات قلبى فى السماء كما الغمامة ..

وأدور.. أبحث فى القلوب عن السلامة ..

أين السلامة ..

أين السلامة فى زمان صار فيه الحب إفلاس و فقر ..

و الكره توفيق و نصر ..

و الحلم وهم لا يفيد ولا يضر ..

و العمر - كل العمر - بيداء و قـفر ..

أمضى سنينا فى القلوب ..

أعوم فى بحر الهوى ..

من دون بر ..

..أمضى وحيدا .. شاردا..

من دون دار ... أو مقر ..

متسربلا بهموم عمر خاننى ..

و مضى .. وفــر

أين المفر ..

يا صاحبى لسنا عبيدا للحقب ..

قلبى ذهب ..

لكن سيفى من خشب ..

و مداد أشعارى تساقط و انسكب ..

لكننى لازلت قادر ..

أن أشترى حلمى من القمر المسافر ..

لا .. لن تخاصمنى الدفاتر

لن تنمحى الأشعار مهما حاولوا ..

أن يزهقوا الأصوات فى جوف الحناجر ..

أن يعدموا قصص الهوى فى قلب شاعر ..

تبقى القصيدة دائما صوت المشاعر ..

الله عليك يا اسطي

بجد كلها حلوة ومتميزة

تسلم ايدك

متاسفة الرد اللي قبل كدة انا مش وفاء للعلم يعني

اهلا بوفاء .. و اهلا بخوخة ..
تحياتى

السلام عليكم

جميله يااسطي

علي فكره انا بحب القصائد اللي موضوعها الشاعر نفسه بحس فيها كده بنوع من العبقريه الشعريه

بجد رائعه

سلاااااااااااااااااااااام

علي فكرة ما ينفعش كده

ياجماعة الناس اللي ذينا اللي بتفكر تحترف الكتابة تروح فين وسط الحاجات الحولة دي

ما شاء الله عليها القصيدة دي

صرخة شاعر
ومن حقه

رائعة كلكمات وكتعبيرات واحساس
سلمت اناملك

سلام

منة .. و ضياء ..
ردودكم أسعدتنى جدا جدا جداااااا ..
نورتوا الموضوع بجد ..
تحياتى ليكم ..
و للجميع بالطبع ..

بجد وحشنى جدااااااااا انى ارد على قصيدة من قصائدك
وكل مرة اسأل نفسى قبل ما ادخل ياترى هستمتع زى المرة اللى قبلها ولا هتطلع حاجة اى كلام ...
والمشكلة انى كل مرة الاقى القصيدة احلى من اللى قبلها
فلازم انا كمان يكون تعليقى احلى من اللى قبله بــــــــــــــــــــــــــــــس للاسف
انت لو فضلت على الجمال والروعة فى قصايدك كده انا مش هعرف بعد كده الاقى كلام اقوله .
بجد بجد رائعة وتسلم ايدك يا اسطى لانك اسطى فعلا .
اول مرة مبقاش متضايقة انى القصيدة بدأت بعدم تفاؤل فخلتنى اعيش احساس المعاناة ده فى كلامك وتعبيرك واحساسك وبعدين تاخدنا بالراحة وبشويش من غير ما ناخد بالنا على اقرب نقطة امل تسمح بيها الحزن اللى رسمته على وشوشنا
بجد تستاهل ابتسامة املك دى كل حاجة حلووووووووووووة فى الدنيا مش بس مجرد تعليق
بس انا عايزة اقولك انك ضحكت علينا بجد لان النقلة اللى حصلت لى وانا بستمتع بقراءة كلامك غير متوقعة فأتفاجات وبصراحة مفاجاة سارة جدااااااا وجميلة جدا جدا جدا
تسلم ايدك يا اسطى يا جامد وربنا يديم عليك الموهبة الخلابة دى
احلى سلالالالالالالالالالالالالالالالالام
فـــــــــــــــــــــــــــــــــــــــــــــــــــــــــــلورندا صرخة شاعر Give_rose

السلام عليكم ورحمة الله وبركاته

بصراحة انا مش هاكر كلام اتقال

لكن كل اللى هاقوله

هو ده الاسطى بجد

هو ده الاسطى اللى شفته فى الامعقول

والمقال بتاع المجله

واعذرنى لانى مش قريت الباقى

بس بجد هو ده اللى انا قصدى عليه

ان الاسطى لازم حاجاته

ومش هاقول اشعاره لانها مش اشعار وبس

لازم تبقى كامله

مفيش حد كويس وجامد يقدر يطلع فيها غلطة

مش حد هاوى زيى

ع العموم تسلم الايادى ومستنين الجديد

قبل مرورى واحترامى

سلام عليكم

فلورندا .. تتخيلى إنى قريت تعليقك أكتر من أربع أو خمس مرات ..؟ و فى كل مرة باقراه علشان أشوف هارد عليكى و اقول إيه فى الكلام المذهل اللى انتىة كاتباه دا ..
بجد كلامك خطييير اوى و انا - صدقينى - ماستحقش حتى نص اللى قلتيه دا لسبب بسيط اوى انا قلته قبل كده .. و هو إنى انا " هااااااااااوى " .. مش محترف .. و مش متمكن زى ماممكن تكونى متخيلة .. أبدا .. الموضوع لا يعدو إنه يكون شوية "شطحات " كده ربنا بيرزقنى بيها باكتبها فى لحظتها .. ممكن تكون جميلة .. و ممكن لأ ..
و أقولك بقى على حاجة مش هاتصدقيها ..؟ و الله العظيم من بعد ما كتبت القصيدة دى و قريتها قبل ما أنشرها .. ماكنتش راضى عنها أبدا و كنت هالغيها و احاول أكتبها من أول و جديد بشكل جديد .. أو حتى أنساها خالص و أدور على حاجة تانية ..
و ماكنتش متوقع كمان إنها ها تعجب حد هنا .. بس انا كنت بقالى فترة طويلة ما كتبتش حاجة جديدة و الشعر مش مطاوعنى خالص ..
على العموم .. و من غير تطويل .. نورتى الموضوع بجد و تعليقك - للمرة التانية - أسعدنى جدا جدا جدااااا .. تحياتى ليكى

الأخت الغالية - أوى - آيه ..
تعليقك المرة دى ليه طعم مختلف ..
انا عن نفسى سعيد بيه جدا جدا جدا ..
و ياريتنى أستاهل ربع اللى قلتيه عليا دا ..
و بعدين تعالى هنا
انتى مش قريتى غير التلات حاجات دول بس ..؟
أمال فين الباقى ..؟
القصص ..
و الأشعار العامية ..
الباقيين كمان لما تقريهم ها يعجبوكى ..
إن شاء الله طبعا
نورتى الموضوع و صاحب الموضوع ..
تحياتى

» :: صرخة حــب ::
» --لو انته شاعر/شاعره ادخل العب لعبه الشعراء