لا تقرا هذا الموضوع

السلام عليكم ورحمة الله وبركاته

بصراحة يا جماعة انا غبت فترة لاباس بها عن المنتدى

وبعدين رجعت

الاول انا كنت تقريبا قاعدة 48 سا عة فى ال 24 ساعة على المنتدى

ولما رجعت صدقونى لقيت حاجات كتيييييييييييييييييييييييييييييييييير ف المنتدى اتغيرت

ناس دخلت وناس خرجت

وما بين اللى دخل واللى خرج ناس كتيييييييييييييييييييييييييييييييييييييييييييييييييييييييييير كويسين


ودى حاجة بسطتنى جدا لان المنتدى ده هو والاسرة ولادى اللى يمكن ماحضرتش ولادة المنتدى لكن تقدروا تقولوا انه اكتر من ابنى حتى لو كان بالتبنى

وابنى بابقى دايما عايزة اكبره واقويه

ومش معنى انى اقوله كده غلط وازعق له او حتى اضربه واخاصمه

انى مش باحبه

بالعكس انا باعمل كده لانى باحبه

حبى اللى مخلينى اعمل كل ما يمكن عمله انه يبقى افضل مكان

مش عيب ان احنا نسعى للمثاليه

لكن العيب اننا نسمح بتجاوزات بحجة ان الكل بيعمل كده وان ده النظام اللى ماشى فى السوق

واعتقد ان خوخة اكتر حد عارف انا حلمى للمنتدى ده ايه

وانى عمرى ما حلمت انه يكون مجرد منتدى ناس تدخل وناس تعلق وناس تتعرف وكان الله بالسر عليم

بصراحة يا جماعة ده مش حلمى للمنتدى

خااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااالص

انا حلمى للمنتدى اكبر من كده بكتير

حلمى انه يبقى نبع الصحوة

وبدايه جيل جديد عارف كويس هو بيعمل ايه وليه

جيل عايز يبنى بجد عايز يعمل حاجة فعلا

جيل رجاله وبنات بصحيح ودى اقل الاحلام على فكرة لان اللى جوايا وجوا ناس منكم كتير وكبير

يمكن شويه منكم بيضحكوا دلوقت

وشويه بتقول عشم ابليس

وشويه بتقول ياريت بس اليد قصيرة والعين بصيرة

وحد بيقول ياريت بس ازاى

واسمحوا لى انا مش هارد على حد سلبى هياخد عزمى وقوتى معاه لسابع ارض

ولا هاسمح لحد انه يضحك على ويقول عايشة الدور لمجرد انه ضعيف وما عندوش ارادة

ولا هاسمع كلام واحد مفلس رصيدة من الاحلام صفر ورصيدة من الحياه بالسلب

انا مش هاسمع ولا هاسمح لحد يكسرنى

والمنتدى ده انا

وانا مش هاسمح لحد انه يستصغر المنتدى او يحبطه ويضعف فيه ولا هاسمح ان حد يصغر بابنى

عشان كده انا مش هارد ع اللى هيضحكوا واللى هيقولوا احلام وناس عايشة الوهم

بس هرد على ياريت ازاى

ولازم كلنا نبدا من دلوقت ونقول ازاى ؟


ازاى المنتدى ده يبقى احسن

ازاى المنتدى ده هو اللى يخرج الجيل اللى يبنى

ازاى احنا نطلع من المنتدى ده واحنا ناس بجد

مش مجرد ناس داخلة على مجرد منتدى وبس

واسمحوا لى

حد باحترمه جدا قالى

ما ينفعش اغير العفش فى شقتى

والبلاط مش نضيف

لازم امسح الارض الاول

وبعد كده اغير العفش

ومين عارف يمكن العفش محتاج مجرد تعديل والارض هى اللى مبوظه شكله

عشان كده يا جماعة احنا هنا

هنفتح حوار صريح حوالين كل حاجة ممكن تقلل من مستولى المنتدى

وكل واحد يناقش اللى هو مش حابه فيه بمنتهى الصراحه

وسيبكوا من المجاملات اللى ملت المنتدى بشكل ملحوظ جدا

يا شباب

باقولها لكل بنى ادم ع المنتدى او زائر ليه او بيحاول او عايز يدخل ع المنتدى ده

انت مش داخل على اى منتدى

ولا هتكلم فيه اى حد

انت هتكلم ف المنتدى ده ناس هى اللى هتعمل المستقبل

بايدها مش هتستنى حد يعملوا لها

ولوعايز تشارك

يبقى لازم تكون عضو فاعل ف المجتمع

واعلم جيدا ان قعدتك هنا مش مجرد تسليه

واحنا ناس مش بتاعة تضييع وقت

بالعكس

احنا ناس وقتها من اغلى ما يكون

واغلى واحلى وقت بنقضيه بيكون هنا

على هذا المنتدى

واسمحوا لى اكررها تانى

احنا عندنا رساله حتى لو كنا هواه

يبقى لازم نحافظ على الرساله دى

ولازم ناديها بعزم واخلاص

واللى مش مستعد لكده يقول

احنا هنساعده ونقويه نخليه افضل من افضل حد فينا

اما لو مش عايز ده وعايز وقته بفضل ضايع ورخيص

فياريت الادراة تسمحلى انى اقوله

لو سمحت وجودك هنا غير مرغوب فيه

لان ده مكان ناس شغالة

وبس

عايز تضيع وقت يبقى شوف مكان تانى

لاننا مش بنضيع وقت

احنا هنا بنصنع وقت

وبنستثمر حياه

ولو مش هتكون قد الحياه يبقى الحياه هتطردك

معلش انا عرفة انى طولت عليكم بس ده كلام كان لازم يتقال

سلام عليكم

موضوع حلو النقاش فيه يا اية

ومش هاقولك جميل وكدة علشان ماتقوليش نفاق ومجاملات

لكن هاقولك موضوع حلو اننا نناقشه لاننا كلنا نتمني اننا نوصل افكارنا وارانا كلنا لبعض

وانا زيك بالظبط نفسي المنتدي دا يبقي احسن منتدي ولكن احسن منتدي بيناقش موضوعات هدافه وكتابات جامدة كلنه جورنال بنشتغل فيه

وانا متاكدة ان اللي مابيعرفش يكتب هيكتب واللي مابيعرفش يقرا هيتعود عالقراة من هنا
لذلك انا اتمني اننا نمحو اي سلبيات وعيوب في المنتدي

وانتي بداتي يا اية بالعيوب
وقولتي ان المنتدي كله مجاملات
فانا مش عارفة اقول غير يمكن من وجه نظرك حاجة اتعجبكيش لكن عجبت ناس غيرك
وحاجة تانية انا معاكي ان فيه مجاملات احيانا



واخيرا عايزة اقولك
عارفة لو كنتي نفذتي اللي قولتهولي كنت ملت فيكي اييييييييييية
كنت...........
بلاش عالملأ كدة



عموما اتمني لكي التفوق
وانا بجد باقولك ان كلام الناس او اي حد لو اهتمينا بيه هانروح في داهية هيملانا الياس وطموحنا اللي جوانا هيضيع وانا عارفة ان قد اية انتي طموحة ومش اي حاجة تحبطك او تكسرك وانتي بجد اللي بتشجعيني ودا مش مجالملة والله العظيم دا بجد



واخيرا سلام
طولت عليكي معلش

السلام عليكم

جميل ياجورناليست والاحلام هي اساس الوصول للحقيقه وتصنع المعجزات كما يقال


ومعظم الانجازات العظمي والاعمال والروائع كانت عباره عن حلم

وكلنا بنحلم وبنتمني يمكن معظم حياتنا احلام سواء في النوم او اليقظه بس التنفيذ محتاج كتيييييييييييييييييير

واحنا معاكي طبعا وربنا يوفقنا بس لازم عشان تحققي النهايه المرجوه واللي هتختلف باختلاف البشر والمطالب

والامنيات هنلاقي مصاعب واخطار واهوال بس الاتحاد والتقارب اكيد هيخلينا نعمل حاجه

سلااااااااااااااااااام

السلام عليكم

اولا بحيكى على الموضوع الاكثر من رائع يا جورناليست

ثانيا احب اقولكوا
انى بجد كنت بدور على ناس زيكوا بجد
انا معظم اللى حواليا احلى حاجه فيهم الاحباط


ثانيا انا شايفه ان دا الحلم اللى المفروض يبقا موجود عند كل اللى يدخل
لان معظمنا قسم اعلام يعنى دى تعتبر دراسه عمليه لمنهج دراستنا
فيها اغلب المواهب اللى محتاجه حد يشوفها ويقول رأيه بجد ولو عنده بعض التعديل ياريت
هيبقا تنميه لمواهبه
واللى مش عارف يحدد هو عاوز ايه ممكن معانا يقدر يحدد اى حاجه فى حياته سواء طريقه تفكيره هتمشى ازاى او مجال شغله وهكذااااااا

اما عن موضوع المجاملات
انا من وجهه نظرى انا موضوع مش عاجبنى او مش مستهوينى انى اقراه يبقا مفيش داعى ارد احسن
ولا مجامله ولا غيره مدام انا مش مضطره انى ارد

اما عن الرد اللى انتى بتحسيه انه مجامله يا جورناليست فده جايز يكون تعبير حقيقى للى جوا الشخص دا بخصوص الموضوع الفولانى
ولو فرض ان فى حد جامل حد لمجرد المجامله فجايز دا يكون احد الاسباب لتشجيع الشخص
يعنى مش شايفه فيها عيب

وبالنسبه لموضوع الحلم الكبير فى ان المنتدى يكبر
انا لما روحت التدريب الصحفى وانا قولت الكلام اللى هقوله دا لخوخه قبل ما اشوف موضوعك
انا كنت هستأذن رئيس التحرير استاذ حسن فى انه يقول رأيه فى المنتدى ويقولنا بعض التعديلات بس دا لو جتلى الجرئه انى اسأل
وان شاء الله هروح بكره وهشوف بس انا حبيت استأذن اصحاب الشأن ولما سألت خوخه لقيتها موافقه
بس يارب تجيلى الجراءه دى

واخيرا وليس اخرا
وانا مش محتاجه احلف
انا الموضوع بجد عجبنى جداااااا
وسورى على الاطاله

السلام عليبكم ورحمة الله وبركاته

شكرا لمرور احلى ادارة فى المنتدى

بجد خوخة وضياء وخوخة عارفة انتم شجعتونى ازاى بردكم

اما بقة منه وميرو فانا باشكركم جدا على مروركم ومشاركتكم

بس ياريت يا جماعة بجد اللى يدخل يقول كمان هو شايف ايه ف المنتدى المفوض اننا نحاول نحسنه


وفيه توضيح مهم جداااااااااااااااااااااااااااااااااااا


على فكرة جملة المجاملات كانت جملة عرضة ف وسط الكلام ده طبعا مش معناه ان مفيش مجاملات وان احنا مش هناقش ده

بس انا فعلا كنت لسة باعرض الفكرة عليكم مش اكتر

سلام للجميع

السلام عليكم ورحمة الله وبركاته

اسمحوا لى ادخل وابدا اقول على حاجة مش عاجبانى ع المنتدى


وياريت الجميع يفسح لى صدره ويتقبل كلامى


بصراحة يا شباب انا عايزة افتح معاكم موضوع الصور الشخصيه على المنتدى


وقبل ما حد يقول دى حريه شخصيه


ياريت نتكلم بهدوء ونقول يعنى ايه حريه شخصيه وحدودو الحريه الشخصيه تكون لحد فين


واعتقد ان الحريه الشخصيه هى افعل ما يحلو لك طالما لاتخالف الشرع ولا القانون ولا تتعدى على حريات الاخر او ئؤذيه


ومن هنا نقدر نقول ان حريه شخص ما تتوقف عند حدودو حريه اخر

وبصراحة انا الصور دى بتكسر جوايا شىء جميل جدا

هى القدرة على التخيل

بمعنى انها بتقتل عندى انى ابنى شكل معين للشخص اللى باكلمه

وصدقونى دى تعتبر افضل شىء ف النت انى انا اللى اكون صورة وارسمها للى باتكلم معاه زى متعه الراديو بالضبط اللى بتعتمد بشكل اساسى على خيال المشاهد الخصب

لكن لما التليفزيون انتشر

الناس قدرتها على التخيل قلت
لانه بقى بيقوم بالمهمة دى عن المشاهد

وقتل جواه احلى حاجة اللى هى التخيل

فمش ينفع انك تحرمنى متعتى دى

انى ارسم ف خيالى الشخصيه

لكن لما الصورة تكون موجودة فانت حطمت التخيل من اساسه

نقطة تانيه مهمة

ان كل حد بيختار لوجو او صورة شبهه

فملامح شخصيته تبان اكتر بكتيييييييييييييييييييييييييييير

من صورته الشخصيه

وبعدين اسمحوا لى يا جماعه

ايه الاستفاده اللى يتعود على المنتدى من وجود الصور الشخصيه

اعتقد انها لا تضيف شىء للمنتدى

واعتقد انى مش هادخل اعلق على حد عشان شكله

وع العوم ده رايى وحاجة مش عاجبانى


ومستنيه تفاعلكم معايا

سلام عليكم

حــــــاضر مش هقـــرأ الموضــــوع
هههههههههههههههههههه

سلمتــــ يداكـــ

السلام عليكم ورحمه الله وبركاته

موضوعك جميل جدا بجد يا ايه

فعلا المنتدى ده بجد لو معزه فى قلوبنا كلنا كبيره قوى

وكمان بجد له دور فى حياتنا بشكل كبير

شافنا واحنا زعلانين

واحنا فرحانين

واحنا مهيسين

هههههههههههههههههههههه

احتفل معانا بمناسباتنا السعيده

ووقف جنبنا فى ازماتنا والمحن اللى قابلتنا

عرفنا على ناس جميله قوى

ناس بجد الواحد مبسوط انه عرفهم فى دنيته

يااااااااااااااااااااااااااااااااااااااه

المنتدى ده اكبر حلم حلمناه واتحقق

علشان كده فعلا لازم نحافظ عليه

ونحاول نرفعه ونرتفع معاه

لاعلى الدرجات ان شاء الله

اما بقى بالنسبه لموضوع الصور الشخصيه

انا فعلا معاكى جداااااااااااااااااااااا

وانا كنت هنزل موضوع علشان كده

بيس فى ناس نصحتنى ما نزلوش

لان مش هلاقى حد موافق معايا

بس بما انك انتى اقدمتى

فانا بايد صوتى لصوتك

وبجد مش فاهمه ايه فايده

ان كل واحد حط صورته الشخصيه

يمكن تكون وجهه نظره غير كده

ويمكن يكون مقتنع باللى هو بيعمله

هو حر مش هعترض عليه ولا على رايه

بس انا من حقى انى اقول رايى

وانا برفض الصور الشخصيه

تمااااااااااااااااااااااااااااااااااما

سلاااااااااااااااااااااااااااااااااااااااااااااام

سورى انى هعلق على كلام نور
انا من وجهه نظرى هيا اه حريه شخصية مقولناش حاجه

بس المنتدى لما بتكون الشخصيات فيه قايمه على الغموض بتخلى الواحد يتوسع بخياله فى شخصيه الناس اللى بيكلمهم
لكن كده بيفقد النقطه دى وباتالى ممكن المواضيع تصاب بالبرود
وبس

سلام

السلام عليكم ورحمه الله وبركاته

اكيد طبعا انا معاكى

تمااااااااااااااااما يا ليتل

انا كمان معترضه على الصور الشخصيه

اللى انتشرت فى المنتدى بشكل فظيع

بس هى فعلا حريه شخصيه يا ليتل

ولا انتى شايفه غير كده؟

سلاااااااااااااااااااااااااااام

السلام عليكم

اولا يا جماعة الاختلاف في الراي لا يفسد للود قضية

وانا من رايي ان الصور الشخصية دي برغم من انها حرية شخصية ولذلك سميت بالصور الشخصية

ولكن انا من رايي ان الصور الشخصية لو تبقي صور معبرة عن صاحبها دا يبقي افضل بكتير
حتي هيخلق عندنا طابع التخيل ان الشخصصية دي مين ووراها اية


فانا معاكي يا اية في الراي دا

وبجد يا جماعة دا موضوع للنقاش

وبجد انا منتظرة راي باقي الاعضاء


سلام

السلام عليكم ورحمة الله وبركاته

بما ان الموضوع لقى صدى واسع جدا

خاصة عند

الاعضاء اصحاب الصور الشخصيه

ولقينا استجابه فوريه منهم

ولقينا كل الصور اتشالت خلاص

فقلت بما ان الاستجابه فوريه والناس بتوع الصور احترموا حريه كل الناس اللى علقوا

فقلت اشوف موضوع تانى م الحاجلت اللى ع المنتدى بتضايقنى

يظهر مفيش غيرى شايف نقاط ممكن تكون نقط ضعف ف المنتدى غيرى

المهم لقيت

ان تقريبا كل المواضيييييييييييع اللى ع المنتدى ما اتقفلتش

ما وصلناش فيها لقرار

وبصراحة اللى فجر جوايا ده

موضوع عامله الدكتور احمد عن الانتماءات الحزبيه لاعضاء المنتدى

وبغض النظر عن انى عندى تحفظ شديد على الهجوم المرير اللى اتعرض ليه الدكتور احمد

وصده لهذا الهجوم كعادته بضراوة

الا انى فعلا قعدت اقلب ف باقى المواضيع عشان الاقى ان نقاشنا ف النهايه

بيصل للاشىء

واعتقد ان ده مش هدفنا

لان هدفنا من المواضيع والنقاش اننا نوصل لحاجة

لكن الحاصل مش كده خالاااااااااااااااااااااااااالص

احنا بنسيب الموضوع فى اوجه ومن غير ما يتقفل او نوصل فيه لحل وخلاص


يمكن اكون انا لو حدى اللى شايفه كده

بس فعلا احنا مش بنقفل مواضيع

عايزة رايكم ف الموضوع ده

وعايزة اعرف منكم اللى الحاجات اللى تعباكوا ف المنتدى عشان نصلحها

وياريت نشوف استجابه فعليه ولو مجرد رد من الساده الاعضاء اصحاب الصور الشخصيه وكفايه تجاهل لحد كده

ولو على الاقل تدافعوا عن وضعكوا للصور

مش لانكم ف وضع اتهام ولاحاجة

ولكن على الاقل عشان ما نحسش ان راى البشر اللى اتكلمت ف الموضوع ده ولا حاجة

وشكرا ف النهايه على حسن استماعكم لى

تفبلوا مرورى وفائق احترامى

سلام عليكم

السلام عليكم


والله انا ماعرفش فيه اية كل ماعلق النت بيفصل
بس المهم



انا بجد يا اية زعلت جداااااااااا من التجاهل دا
وماكنتش متخيلة كدة خالص
بس انا باقول يمكن ماشفوش الموضوع دا
ولكن ماعتقدش في نفس الوقت



ومن حيث موضوع ان الموضوعات مابتتقفلش
فدا فعلا حاجة مضايقاني انا كمان واكيد مضايقة كل الاعضاء
وخصوصا دكتور احمد
يدخل يسخن الموضوع ونكون في عز النقاش وبعدين يسبنا ويخرج
وهكذا واذا كنت شاركت في كذا موضوع معاه
بس دا فعلا باشوفه في موضوعات كتيرة جدااااااااا لدكتور احمد
ومش بالنسبة لي لاني مادخلتش معاه في نقاش كتير لكن دا اللي باشوفه في النقاش بينه وبين زمائل لي عالمنتدي

فبجد انا نفسي اعرف لية
ياريت يا دكتور بجد تدخل وتقولنا سبب واحد مابتقفلش بيه الموضوع وتقنعنا او نقنعك
وحتي لو اقتنعت بكلامنا برضة مابتدخلش وتقول اقتنعت ولا لاء



ياريت يا دكتور ماتزعلش مني



وياريت ياجماعة تدخلوا
بلاش التجاهل دا


سلام

سلام عليكم

انا ما كنتش ناويه ادخل تانى

بس كان لازم

بصراحة يا خوخة وبغض النظر على اللى قلتيه لدكتور احمد

فانا ما كانش قصدى كده خالص

بالعكس خاصة الموضوع بتاع الانتماءات الجزبيه

لانه ناقش جدا رغم ان فكرة الانتماءات دى اتهاجمت من البعض الا انه ناقش وكانت مناقشة كويسة لحد كبير

انا كنت باتكلم عن المنتدى كوضع عام

ف كل المواضيع يعنى موضوع زى الانتماءات الحزبيه اعتقد انه كان لازم اعضاء المنتدى ككل يوصلوا فيه لقرار

ونطبق على كل الامواضيع ف المنتدى خاصة مواضيع المناقشات الحرة

ان المنتدى كله ف النهايه يتفق على خطوات محددة

ونعمل زى اطار للموضوعات المختلفة


ده اللى انا قصدته


انما الدكتر احمد بيرد ولا لا او بيسخن ويخرج ولا لا

اعتقد انى اتكلمت معاه ف الموضوع ده قبل كده على المنتدى

وبجد خلاص انا مش هاكرر كلام قلته

اخد بيه اولا

فدى حريته الشخصيه اللى ما ينفعش انى اتتدخل فيها باى حال من الاحوال

مع ان عندى فضول زى خوخة بس بجد مش خاص بهيزنبرج لوحده خالص


ده بالنسبه لجميع الاعضاء على منتداى الموقر

تقبلوا مررى وفائق احترامى

سلام عليكم

ايوة يا اية

كلامك صححح

بس انا فعلا ماشوفتش الموضوع دا بصراحة

وانا اللي شايفاه اكتر واحد هو دكتور احمد

وذلك بغض النظر عن الموضوع اللي بتتكلمي عنه يا اية

وانا نفسي بجد اننا كلنا ندخل في موضوع ونكمله للنهاية


بس دا فعلا مابشفهووووش خاااالص



المهم

منتظرة رد دكتور احمد وباقي الاعضاء
اووووعي تكسفني يا دكتور وماتدخلش


سلام