قربان الوطن ...!!

السلام عليكم و رحمة الله تعالى و بركاته ....

عمركم شفتم الصورة ديه قبل كده ؟؟ ... لأ .. أه ... معرفش ... - الجواب مش مهم - لأن الشخص اللي في الصورة ده ما نعرفش أسمه .. ما نعرفش حتى إذا كان رجع سليم أو مات تحت دبابة أو مدرعة إسرائيلية ... ما نعرفش حاجة غير الضحكة الجميلة و البريئة المرسومة على خده الأسمر الجميل ..

يا ترى بيضحك ليه ؟؟؟

يا ترى هوه ساب أهله و أصدقائه و ضحى بمستقبله علشان مين ؟؟

أحياناً كثيرة اسرح في الصورة ديه و أبص للراجل البسيط ده و هوه بيضحك و مفيش حواليه غير علم مصر و سلاح بسيط يدافع بيه عن ترابها ... و أقول في نفسي الراجل ده بيضحك علشاني أكيد .. أكيد بيضحك علشان يقول للأجيال القادمة لازم نضحك جنب علم مصر .. و نضحي من أجل ابنائها...لأن اعظم حاجة في مصر. مش الهرم و لا معبد الكرنك و لا حتى قلعة محمد علي .. أعظم حاجة في مصر هوه الإنسان البسيط اللي بيعيش طول عمره يضحك و يعرق جنب علم مصر .. و لما تنادي الحرب يضع صدره أمام المدفع علشان يحمي الأطفال الصغار من صدى الرصاص .. بجد بجد .. الراجل ده بيضحك علشاني .. و لازم كلنا نضحك زييه علشان أبناء مصر ...

سلام

سيدنا محمد عليه الصلاة و السلام بيقول " إذا فتح الله عليكم مصر فاستوصوا بأهلها خيرا .. فإن فيهم خير أجناد الأرض " دى أكبر و أعظم شهادة من أعظم الخلق أجمعين إننا أفضل الشعوب .. و أطهرهم .. و أنقاهم .. و أنبلهم .. و حط زى ما انت عايز
مش غرور .. لكن هو فخر .. و فخر مستحق كمان .. لأن الى بيتكلم دا مش حد عادى .. دا سيدنا محمد عليه الصلاة و السلام .. و ما ينطق عن الهوى .
موضوعك رااااائع و بجد أثر فيا جداااا .. تحياتى

أشكرك يا أسطى ...وصدق رسول الله إحنا فعلاً أحسن أجناد الأرض

موضوعك رائع لانى بحس فيه ولاول مرة انك مبسوط انك مصرى
انا اسفة بس دى الحقيقة وبجد متزعلش من صراحتى
اما عن الراجل اللى فى صورة طبعا لازم يكون مبتسم علشانك وعلشانى وعلشانا كلنا
لانه جدى او جدك او عمى او عمك او خالى او خالك او مصرى بجد زيى وزيك
وزى اى حد بيحب مصر بجد
الراجل ده رغم بساطته الا انه بطل وبطل حقيقى مأمنش بأننا شعب الله المختار ولا قال انا حفيد الفراعنة الراجل البسيط ده يمكن ميعرفش مين اللى بنى حتى الهرم الاكبر يمكن حتى مش بيفك الخط بس جماله فى مصريته فى بطولته فى بسمته فى امله فى ايمانه بينا وببلده
اجمل حاجة قلتها فى الموضوع يا هيزن

اقتباس :: لأن اعظم حاجة في مصر. مش الهرم و لا معبد الكرنك و لا حتى قلعة محمد علي .. أعظم حاجة في مصر هوه الإنسان البسيط اللي بيعيش طول عمره يضحك و يعرق جنب علم مصر .. و لما تنادي الحرب يضع صدره أمام المدفع علشان يحمي الأطفال الصغار من صدى الرصاص .. بجد بجد .. الراجل ده بيضحك علشاني .. و لازم كلنا نضحك زييه علشان أبناء مصر ...

فعلا احنا اجمل حاجة فى مصر ومصر اجمل حاجة فينا
وبمناسبة بقى انى سعيدة جداااااااااااا بالموضوع فبقترح اقتراح يارب يعجبك
ايه رايك لو نعمل موضوع نجيب فيه احنا صور ونسيب للباقى حرية التعليق
يعنى عليا الصور والباقى عليهم التعليق (صور زعماء نقول راينا فيهم بصراحة _صور متاحف_صور شخصيات .....الخ )
تسلم ايد الراجل اللى رافع العلم وحاسة انه اجمل بنى ادم فى العالم وهو مبتسم كده
وتسلم ايد المصرى اللى جاب صورة الراجل وهو رافع العلم ومبتسم scratch

ههههههههههههههههههههههههه بجد تسلم ايدك lol!

احلى سلالالالالالالالالالالالالام
فـــــــــــــــــــــــــــــــــــــــــــــلورندا.

إيه يا فلورندا التعليق الجامد ده ...

اقتباس :: موضوعك رائع لانى بحس فيه ولاول مرة انك مبسوط انك مصرى

يا سلام بقا إنتي ما تعرفيش إني مبسوط لأني مصري ؟؟ .. إزاي بس .. ده مفيش حد إتعذب في حياته علشان مصري قدي .. مصر عندي ليست وطن أو أهل أو شعب فقط .. مصر أم .. و الإنسان عمره ما ينكر فضل أمه .. حتى لو تربى في أحضان أم تانيه حتفضل أمه اللي حملت فيه و اللي حمل تركيبها الجيني في خلاياه أعز إنسان عنده في الدنيا ... farao

اقتباس :: ايه رايك لو نعمل موضوع نجيب فيه احنا صور ونسيب للباقى حرية التعليق
يعنى عليا الصور والباقى عليهم التعليق (صور زعماء نقول راينا فيهم بصراحة _صور متاحف_صور شخصيات .....الخ )

طبعاً موافق فكره هايلة يا فلور .. إبدأي إنتي بس و سيبي التعليق علينا afro

اقتباس :: يا سلام بقا إنتي ما تعرفيش إني مبسوط لأني مصري ؟؟ .. إزاي بس .. ده مفيش حد إتعذب في حياته علشان مصري قدي .. مصر عندي ليست وطن أو أهل أو شعب فقط .. مصر أم .. و الإنسان عمره ما ينكر فضل أمه .. حتى لو تربى في أحضان أم تانيه حتفضل أمه اللي حملت فيه و اللي حمل تركيبها الجيني في خلاياه أعز إنسان عنده في الدنيا ...

يا سيدى على الكلالالالالالالام الحلووووووووووووو على اساس انى انا اللى كتبت السطرين دول يعنى ................................. Wink

اقتباس :: الأسم : أحمد عسل !!

العمر : ماشي في ال 19 سنة ..

المهنة : طالب في كلية الطب سنة ثانية ( جامعة الخليج العربي ) - البحرين

الجنسية : بوهيمي لا أعترف بالجنسيات

عموما يا سيدى حصلللللللللللللللللللللللللل خير والحمد لله ان مصر طلعت امك لانها امى انا كمااااااااااااااااااااااااااان يعنى احنا اخووووووووووووووووووات من امنا مصر rendeer

اقتباس :: طبعاً موافق فكره هايلة يا فلور .. إبدأي إنتي بس و سيبي التعليق علينا

ماشى يا عم التدبيس بقى انا بقول علشان انت تعمل الموضوع لانى مش فاضية ههههههههههههههه
عموما ان شاء الله اعمله بس افضى شوية من الشيتات اللى عنده ونبدأ الجولة
احلى سلالالالالالالالالالام لعم الهزنبرجين كلهم lol!

فــــــــــــــــــــــــــــــــــــــــلورندا

على فكرة يا فلور الجنسيات ما ليهاش دعوة بالوطن... أصلاً شيء عبيط قوي إن انتي تمسكي جواز في إيدك و تعتبري هوه ده دليل إنتمائك للوطن ... الإنتماء الحقيقي هوه إن الإنسان يحس فعلاً إن الوطن ده جزء منه و إنه جزء من الوطن ..

و بعدين إنتي ما سمعتيش شعر صلاح جاهين إلي قال فيه إن الفلاسفة اللي بيقولوه يرجعوا ينقضوه .. أي حاجة أنا بكتبها بنقضها في ما بعد .. إنتي بس تابعي مواضيعي و حتشوفي العجايب ...

تقبلي تحياتي

» بعدما يهرب الوطن
» حب الوطن........للشاعر احمد مطر
» مقال قديم ترددت كثيرا فى نشره (كرامة الوطن من كرامة المواطن)