اللامعقول

اللامعقول ..

أن أسهب دوما فى شعرى ..كى أرسم عمرا فارقنى ..

أو أنسج حلما ورديا .. لغد مجهول ..

الواقع حى يتنفس .. و الهوة خلفى و أمامى ..

و أنا كالأعمى .. أتحسس ..لا أبصر إلا أحلامى ..

يا دهر ..

يا دهر لم الحب تولى .. و تولت عنى عاشقتى ..

بارقة الأمل تنادينى .. ماعدت أصدق بارقتى ..

جربت الحب .. فأثكلنى ..و عشقت الحلم .. فأردانى ..

و عنيت بقلب أهملنى ... و استأصل زهرة بستانى ...

العمر يغادر و يغادر .. و أنا كالنائم لا أدرى ..

مشغول بحبيب غادر ..يجثم بالقهر على صدرى ..

سأبدد حلمى بالواقع ..و أجدد بالصبر شبابى ..

إن كان لزلزالى تابع ..لن يطرق أبدا أبوابى ..

فسأغلق أبوابى حتما ..و أغيب دوما إحساسى ..

صبرا ياقلبى لا تجزع ..لا ترأف بحبيب قاس ..

لا تنشد حبا فى زمن ..قد ذابت فيه حكاياتى ..

لا تسأل سببا ... صدقنى ..تعجز فى الرد إجاباتى ..

السلام عليكم

رااائعة استاذ احمد
بجد مش عارفة اقولك ولا اوصفلك جمالها وروعتها
وبجد كلها حكم

ورغم ان كلها كلها روووعة
بس يمكن دي عجبتني اكتر

جربت الحب .. فأثكلنى ..و عشقت الحلم .. فأردانى ..

و عنيت بقلب أهملنى ... و استأصل زهرة بستانى ...

العمر يغادر و يغادر .. و أنا كالنائم لا أدرى ..

الله عليك

ماشاء الله

وزي مافهمت انك بتكتب عالجهاز علي طول
بصراحة مش معقول

ربنا يوفقك يارب

سلام

رائعة يا أحمد تسلم إيدك ... بصؤاحة أنا غيران منك

خوخة ..أحمد .. ربنا يبارك فيكم يارب و يكرمكم على ردودكم المشجعة جداااااا دى ..
عايز أقولك يا خوخة إن مافيش ورق مكتوب عليه الأشعار أو القصص دى .. باكبتاه و انا على الكمبيوتر أونلاين ..
حتى أنا بافكر أدون الحاجات دى فى ورق مكتوب علشان فرضا يعنى لا قدر الله النت حصلله حاجة ممكن تضيع منى و رجع أدور عليها مالاقيهاش ... و تبقى هى المأساة الحقيقية ..
أما بالنسبالك يا عم أحمد .. أنا بقى مش عارف مين يغير من مين انت بسم الله ماشاء الله بتكتب أشعار فى منتهى الجمال و بتعجبنى جدا جدا جدا .. ممكن أكون مقصر شوية فى التعليقات علىى مواضيعك بس بجد أسلوبك فى الكتابة بيعجبنى اوى و دا بالتأكيد تواضع كبير منك إنك تقول إنك غيران منى .. إنت بتخزى العين عنك ولا إيه ..؟
تحياتى للجميع

خوخة ..أحمد .. ربنا يبارك فيكم يارب و يكرمكم على ردودكم المشجعة جداااااا دى ..
عايز أقولك يا خوخة إن مافيش ورق مكتوب عليه الأشعار أو القصص دى .. باكبتاه و انا على الكمبيوتر أونلاين ..
حتى أنا بافكر أدون الحاجات دى فى ورق مكتوب علشان فرضا يعنى لا قدر الله النت حصلله حاجة ممكن تضيع منى و رجع أدور عليها مالاقيهاش ... و تبقى هى المأساة الحقيقية ..
أما بالنسبالك يا عم أحمد .. أنا بقى مش عارف مين يغير من مين انت بسم الله ماشاء الله بتكتب أشعار فى منتهى الجمال و بتعجبنى جدا جدا جدا .. ممكن أكون مقصر شوية فى التعليقات علىى مواضيعك بس بجد أسلوبك فى الكتابة بيعجبنى اوى و دا بالتأكيد تواضع كبير منك إنك تقول إنك غيران منى .. إنت بتخزى العين عنك ولا إيه ..؟
تحياتى للجميع

[b]السلام عليكم

جميله جدا وأجمل جزء الاول فيها:
اللامعقول ..

أن أسهب دوما فى شعرى ..كى أرسم عمرا فارقنى ..

أو أنسج حلما ورديا .. لغد مجهول ..

الواقع حى يتنفس .. و الهوة خلفى و أمامى ..

و أنا كالأعمى .. أتحسس ..لا أبصر إلا أحلامى ..

يا دهر ..

فعلا فيه عبره وعظه را~عه[/b]
سلااااااااااااااااااااام

اولا :_تحياتى العميقة واعجابى الخاص بهذه القصيدة الرائعة
معدش ينفع الاسطى يكتب حاجة ومدخلش اقراها حتى ولو تاخر تعليقى او حتى لو لم اعلق
فتاكد فى جميع الحالات اننى استمتع بقراءة كتاباتك المميزة و اعذرنى على تاخرى .
تانيا:_ القصيدة رائعة وجميلة جدااااااااا جدااااااااااا جدااااااااا
كلها اعجبتنى وبشدة ولكـــــــــــــــــــــــــــــــــــــــــــــــــــن

اقتباس :

انت فعلا هتقدر تغيب احساسك او تقسى على حبيبك الذى قسى عليك من قبل
من مميزات المحب انه ميقدرش يقسى ولا يقدر يجرح ولا يقدر ينتقم لانه محب
انسان رقيق عاشق حالم رومانسى .
انا مرة كنت قريت اوف لاين من الرسايل اللى بتتبعت على الايميلات مش فاكراه بالظبط بس مضمونه كان بيقول
ان واحد يبقول لحبيبته انتى حتى لو عايزة تجيبى سكينة علشان تدبحينى انا مش خايف على رقبتى لتتقطع
بس خايف على ايدك لتنجرح من السكينة لانها لو اتجرحت انا هندبح علشانك بس ساعتها الالم هيكون مضاعف لانى لو مت بالسكينة من ايدك مش هشعر بالمها زى ما هتالم لو انجرحتى انتى طبعا كلام شاعرى جداااااا وخيالى دى مفهاش نقاش
بس طالما احنا بنتكلم عن المشاعر وقدرتها على قولبتنا فاى كلام عنها مباح لاننى لن ابالغ اذا قلت ان هذه النماذج موجودة بالفعل ان لم اكن انا واحدة منها .

اقتباس :

البيتين دول حكاية لوحدهم خرافة بجد رائعين احساس تانى وشكل تانى وقمة تانية
والله تسلم ايدك وربنا يقدرك على امتاعنا كمان وكمان
على فكرة انا كمان معظم كتاباتى على الجهاز وبقول يارب تضيع منى واخلص
والله هرتاح من كل حاجة كتبتها .
وقبل ما امشى بقى بالنسبة لقصيدة فى الالبوم بتاعت مى عبد الرحمن
انا مش لاقية كلام اقوله ليها فلو لقيت كلام يعبر عن جزء من اللى جوايا هدخل واقوله لانها رائعة بجد وكلامى مش هيعبر عن جمالها مهما قلت او عبرت
تحياتى يا اسطى ومتعدش سطورى تانى وعلى فكرة مكنوش (24) سطر انت زودت من عندك Suspect

اقرا وانت بتسمى وبتقول ربنا يزيد ويبارك cheers

هههههههههههههههههههههههه Very Happy

احلى سلالالالالالالالالالالالالالام للاسطى الرائع .
فلـــــــــــــــــــــــــــــــــــورنديتا geek

منة ..
متشكر جداااااااااا على اهتمامك و تعليقك على موضوعى و يارب مايكونشى آخر تعليق ليكى على مواضيعى و بجد نورتى الموضوع

العزيزة - أوى - فلورندا .. ما تصوريش تعليقك أسعدنى ازاى و عجبنى اوى اوى اوى اطرائك و كلامك الجميل دا
و بعدين انتى لسه عايزاه الحاجات اللى انتى كاتباها تضيع يا بنتى دى جزء منك .. منش خصيتك عصارة قلبك و عقلك مش بالسهولة كده تضيع انا لو لا قدر الله حاجة ضاعت منى سواء قصة أو شعر أو حتى كلام كده من غير معنى هازعل أوى لأن دا تفكير طلع منى و اتحفظ ما ينفعشى يضيع ..
و مستنيين أكيد تعليقك على مى عبد الرحمن و شعرها الخطيير لأنه القصيدة دى بالذات - فى الألبوم - و الله بجد هى بالفعل اللى حببتنى فى التدوين و كتابة الشعر و كل اللى بتقروه دا عمره ماكان ها ينكتب منه حرف واحد لولا إنى قريت أشعار مى عبد الرحمن دى فى البلوج بتاعها و اتحمست لفكرة إنى يكون ليا بلوج فعلا اكتب فيه و الناس تقرا كتاباتى ..
و معلش يا ستى مش هاعد السطور بتاعة تعليقك تانى .. المرة الجاية هاعد الكلمات أوكى ..؟
نورتينى بجد و شرفتينى بردك الجمييييل دا و ياريتنى يارب أكون فعلا أستحق جزء من وصفك دا ..
تحياتى ليكى .. و لكل الأعضاء

اشكرك يا اخي على هذه القصيده التي تعبر عن احساسك و مشاعرك
اتمنى لك كل التوفيق و الإستمراريه في كتاباتك و الله ولي التوفيق

اهلا محى الدين ..
شكرا على التعليق ..

ايه الجمال دا

بجد بجد برافو عليك
ما شاء الله واللهم لا حسد
لأني انا كمان واضح اني هأقب ورا هيزينبرج ونحسد سوا
فبأقولها اهوووووووو وانا ماسكة الخشب ( الكيبورد ) كمان ( أصلها من العصر الخشبي )

وكمان قال ايييييييييييييه
إن مافيش ورق مكتوب عليه الأشعار أو القصص دى .. باكبتاه و انا على الكمبيوتر أونلاين ..

ياراجل
داري علي شمعتك تلعلع

بجد القصيدة دي احساسها
وتعبيراتها
الحانها
كل حاجه فيها بتفكرني بالقصايد اللي فعلا نادر جدا اننا نقراها
نادري انا نقرا حاجات بسيطة كده
بتعتمد علي المشاعر اكثر من الالفاظ الصعبة والتعبيرات المتحجرة

سلمت يداك يا أسطي
وانا ما اخدتش جزأ عجبني
لسبب

ان القصيدة كلها لا معقوووووووووووووووووووووول
عجبتني جدا

سلام

أهلا بيكى يا ضياء و تعليقك فرحنى جدا جدا .... تحياتى ليكى ..
و لكيبوردك الخشبية

الله عليك يا اسطى , أنا شكلي كده هـ اسهر على أشعارك الليلة دي ..
واضح إنك متمكن جدا, ما شاء الله عليك ..
الموسيقى وقوة اللفظ وكل كلمة في مكانها , شاعر شديد التمرس فعلا .
ياريت تحتفظ بـ أشعارك لأنك أكيد إنشاء الله ليك مستقبل جامد جدا , وإبدأ دورلك على دار نشر من هنا ورايح .
ربنا يوفقك .

يالهوىىىىىىىىىى .. إنت بنفسك بتعلق عليا يا أستاذ محمد ..؟" لو فى غلط فى الإسم سامحنى .. " .. أنا مش مصدق و الله إن أشعارى بالفعل عجبتك و صدقنى ياريتنى فعلا أكون أستحق ربع اللى بتقوله دا ..
نورت موضوعى بجد و الله ةو تعليقك شرفنى جدا جدا جداااااا ..
تحياتى ليك