كله أونطة ...

كله أونطة ..
كل كلامك ليا أونطة ..
حتى الذكرى الحلوة أونطة ..
حتى الحلم اللى اتمنيته فى يوم يتحقق..
بردو أونطة ..
زى امبارح من سنتين ..
كنت انا و انتى وواحدة زميلتك ..
طالعين من بعد محاضراتنا ..
كان يوم أربع ..
الساعة خمسة ..
شفتى ازاى انا فاكر لسه .. ؟؟
قلنا ها نخرج و ها نتفسح ..
قلتى موافقة .. قالت لأ ..
قالت لسه هاسافر ههيا ..
مشيت .. بعدت .. ميلت عليكى ..
قلت ها تيجى معايا لوحدك ..
ولا انتى كمان ناوية تسافرى ..؟؟
قمنا خرجنا ..
روحنا قعدنا فى وسط جنينه ..
جبنا جيلاتى حليب و فراولة ..
و اتكلمنا ..
اتكلمنا كلام متخلف ..
أمى بتعمل كيكة لذيذة ..
عمك كان عيان امبارح ..
خالى بيشرب شاى عالريق ..
أختك خايفة من الثانوية ..
كله كلام مالهوش ولا معنى ..
و انا مستنى ..
إنك حتى تقولى بحبك ..
و ما قلتيش ..
بس ماكانشى هاممنى تقولى ..
إتخيلتك لما خرجتى معايا لوحدك ..
و كأنك قلتيلى بحبك ..
إتخيلتك و انتى بتاكلى معايا جيلاتى ..
و كأنك قلتيلى بحبك ..
اتخيلتك و انتى بتحكى قصص حمضانة ..
و كأنك قلتيلى بحبك ..
يومها لأول مرة فى عمرى ..
حسيت إنى بحبك جدا ..
هاتقولى مغفل ..؟
مانا عارف ..
إمبارح بس إتأكدلى ..
إنى مغفل و كمان ساذج ..
لما عرفت إن انتى خرجتى كتير مع غيرى .
روحتى قعدتى فى وسط جنينة ..
مع كام غيرى ..؟
كلتى جيلاتى حليب و فراولة ..
مع كام غيرى ..؟
إتكلمتى كلام متخلف ..
مع كام غيرى ..؟
انا بس اللى طلعت حمار ..
و اتخيلتك بتحبينى ..
أو يمكن ماطلعشى لوحدى ..
الله أعلم ..
نفسى أشوفك .. هاكلك علقة ..
هاديكى حتة بوكس فى وشك ..
أو يمكن أغزك بالمطواة ..
أصل أنا متغاظ منك غيظة ..
ليه سبتينى أحبك و أغلط أكبر غلطة .
ليه سبتينى أقع فى الورطة ..
ليه سبتينى لحد اليوم دا ..
آجى و أقوللك ... كله أونطة

اية الجمال دا

شعر بالفصحي ماشي

بالعامية ماشي

بتاع كله يعني

بجد حلو اوووووووي

بس انا اعرف ان كل اللي بيحصل في الجامعة اونطة

وحلو الكلام دا

نفسى أشوفك .. هاكلك علقة ..
هاديكى حتة بوكس فى وشك ..
أو يمكن أغزك بالمطواة ..
أصل أنا متغاظ منك غيظة ..

انا معاااااااااااااك في الحتة دي
بس خد بالك ومحدش يشوفك علشان ماتورطش نفسك في ورطة كمان كفاية كدة عليك

واخيرا
بجد مبدع استاذ احمد
ربنا يوفقك يارب

سلام

ايه يا اسطي الحلاوة
والجمــــــــــــــال ده
شغل الله ينـــــــــــور

بس في استفسار رخم.....

اقتباس :: الساعة خمسة

ازار يعني في اداب
وبتطلعوا خمسه....؟؟!
بس يلا ولا يهمك
نعديهـــــــــــا

اقتباس :: إمبارح بس إتأكدلى ..
إنى مغفل و كمان ساذج

احلي حاجه بقي
انك فوقت من الغفلة دي
لان الاحساس بانك تكون
مفغل ومخدوع ده بيوجع اوي
واحمد ربنا علي العيشة

اقتباس :: نفسى أشوفك .. هاكلك علقة ..
هاديكى حتة بوكس فى وشك ..
أو يمكن أغزك بالمطواة ..
أصل أنا متغاظ منك غيظة ..
ليه سبتينى أحبك

لا لا لا
بجد ما لكش حل
جميــــــــــــــــــله
موووووووووووت
الجزئية دي
كلام فاق الوصف

احمد يا اسطي
ربنا يزيدك بسطه
وتبقي حياتك فل والسطه
وربنا ما يحوجج للوسطه
اصلها بقت عاده
عند الناس الغلابه
ما تتقضيش لهم حاجه

يا اسطي
لا تيخل علينا بمزيد
من تلك الكتابات الرائعه

سلام

الأخت khjournalist متشكر جداااا لمرور حضرتك و بجد تعليقك أسعدنى و يارب دايما شعرى يعجبك ..
أما الأخت حنان .. إحنا كنا يومها راجعبن من جمعية رسالة للأعمال الخيرية اللى فى القومية .. كنا مشتركين فيها أيامها ..
تحياتى ليكى .. و شكرااااا على التعليق

ههههههههههههههههههههههه

ايه الجمال ده

دمها خفيف مووووووووووووووووت

وفى نفس الوقت بتحكى قصه تحفه

سلاااااااااااااااااااااااااااااااااااام

نورتى الموضوع يانور و أهلا بيكى و بجد شكرا على التعليق و الإهتمام .. تحياتى

أيوة صحيح نسيت أشكرك يا حنان على الكلام المسجوع اللى فى نهاية تعليقك .. بجد جميل جدا ..
و بيدل على فكرة مبدعة ..
تحياتى ليكى

ههههههههههههههههه كله اونطة والله انا مبقتش عارفة مين بيضحك على مين
ومين بياكل ودن مين الواحد يمشى فى الجامعة يشوف مناظر صعبة
وكل اتنين قاعدين جمب بعض محدش فينا عارف يخمن مين بيضحك على التانى
بالظبط بس بصراحة ومن غير حضرتك ماتزعل من كلامى
حضرتك تستاهل كل اللى جرالك لان اى شاب فى العالم عارف ان البنت اللى
بتسمح لنفسها انها تمشى مع شاب بيخمن فورا انها عملت كده قبله واكيد هتعمل كده
بعده لحد ما ربنا يهديها او تتجوز .
قلة خبرة حضرتك كانت ممكن تضيعك واحمد ربنا انك ولد لانك لو كنت بنت
وبتتعامل بالطيبة اللى انت كاتبها دى كان اضحك عليك من زمان وساعتها بقى كنت هتعرف معنى الندم الحقيقى .
بيتهيألى حضرتك اللى اتسرعت كان نفسك تحب وبس ومشاعرك اختارت غلط
من كلامك عنها كان واضح انها طمعانة بس فى عصير الفرولة وهى مكنتش عارفة انك بتحبها .
حكاية حضرتك حلوة بجد ولذيذة جدااااا واكيد حضرتك استفدت منها حاجات كتير
والحمد لله على كل حال .
اعذرنى على رأيى وصراحتى وياريت متزعلش .
تقبل مرورى وتحياتى.

ردك أسعدنى جدااا يا فلورندا و كل كلمة فيه طالعة من جوايا انا و يارب تكون القصيدة كلها كعمل عجبتك مش مجرد موضوع نتناقش فيه ..
تحياتى ليكى و لمرورك المشجع ..
ألف شكر

اكيد القصيدة عجبتنى جدااااا بس انا عندى هدف القصيدة او موضوعها اهم من القصيدة كلها
خاصة ولو كانت حكاية كل شاب وفتاة نفسه لما يدخل الجامعة يحب ويتحب
صدقنى انا مش بلومك على مشاعرك ولا حاولت انقدك انت شخصيا ولكن حبيبت انى اتكلم عن وضع عام بيعانى منه الشباب بصراحة .
يارب مكنش تقيلة قووووووووووووووووى كده على قلب حد
وصدقنى قصيدتك حلوة ورايى ده مجرد راي
تقبل مرورى وبلاش زعل .

زعل من إيه يا بنتى هو انتى قلتى حاجة وحشة لا سمح الله دا انتى دايما آرائك بتسعدنى و انتى عارفة كده كويس و عموما انتى نورتى الموضوع و الفكرة اللىق لتيها هى فعلا الفكرة اللى انا كاتب علشانها القصيدة دى ..
و مافيش زعل يا ستى