تســـالى

أكتسى وجهه بملامح تنم عن كم الإرهاق الذى يشعر به
وأنهالت على وجهه أمطار العرق الساخن ..
شمس الصيف لاذعة .. لا يتحملها الشباب ممن هم فى سن أبنائه
يجر أمامه ذلك الحمل الثقيل ..
عربة الترمس التى هى مصدر رزقه الوحيد منذ عقود
عربة بدائية من الخشب الخشن .. تبدو عليها علامات الزمن واضحة ..من عتة .. و عنكبوت .. و آثار تصليح و ترميم فى كل جانب
يدفعها امامه فى الطرقات بحثا عمن يريدون " تسالى " من الأطفال و الكبار
هى حمولة يومية ثابتة يتوجب عليه بيعها كاملة كى يحظى ببعض الجنيهات
و لكن اليوم ليس كأى يوم
لقد إنتصف النهار .. و توسطت الشمس كبد السماء ...
و لم تنته الحمولة بعد .. و هو متخن بآلام المفاصل فى الظهر و الرقبة
و قد ألهبته شمس النهار الحارقة
أضف إلى هذا الصداع الرهيب الذى يكتنف رأسه .. و الذى لم يفلح معه كوب الشاى بالليمون الذى تناوله عند عزب القهوجى
لقد باع الجزء الأكبر من الحمولة ..و لكن هذه الكمية المتبقية لابد من بيعها .
أحصى أوراق النقود الكثيرة فى جيبه ..و المعدنية منها
تسعة جنيهات وخمسة و أربعون قرشا هم حصيلة اليوم الذى لم ينته بعد
منّى نفسه بالوصول إلى عشرة جنيهات ... هو ليس حلما بعيدا إذا إستطاع بيع باقى الحمولة .. بالطبع هو أولى بالقروش الباقيه
غالب آلامه و إرهاقه .. و أخد يجر العربة جرا أمامه عله يجد زبونا
سمع من بعيد صوت طفل صغير ... " ماما .. عايز ترمس " تقترب السيدة و معها طفلها .. تفتح كيس نقودها .. تخرج منه قطعتين معدنيتين من فئة خمسة قروش و عشرة قروش و تقول " مش معايا فكة ... هاتله ياعم بدول ترمس " يقلب القطعتين فى يديه باهتمام .. نظره ضعيف بعض الشىء .. يقول بحماس " رضا " ..يزيد من الترمس للطفل .. يريد أن يعود إلى بيته مبكرا كى يحظى بقسط من الراحة بعد هذا اليوم الطويل الشاق
أمسك بمقبضى العربة ..وواصل سيره من جديد .. كمية قليلة تلك التى تبقت ... أخذ يرش فوقها المياة بغزارة حتى تبدوا طازجة ..
طالت مدة سيره هذه المرة .. طالت و لا يوجد من يريد أن " يتسلّى " .. طالت و قد زاد ألمه و صداعه .. طالت و قد زادت حرارة الشمس حتى بلغت حدا لا يطاق
طالت و قد تسلل الملل إيه فقر العودة إلى بيته
إستدار بعربته فى صعوبة متخذا طريقه إلى البيت ..
يكفيه أن يعبر هذا الشارع الضيق .. ثم ينحرف يسارا ليسير فى طريق السيارات .. و بعدها سيكون قد وصل تقريبا إلى بيته
فى طريق السيارات صادفه شاب و فتاة يسيران بصورة يعرفها جيدا ..
غازلهما كما تعود ...
" تسالى يا بيه " ..؟
" ترمس يا أبلة ؟ "
هو ليس بيه .. و هى أيضا ليست" أبلة " و لكن لأكل العيش أحكامه
إقتربا .. تسلل الأمل إليه.. طلب الشاب منه " قرطاسين ترمس " فعبأهما
ثم أخرج الشاب من جيبه ورقتين من فئة الجنيه .. و نقده إياهما فى بساطة ..
أراد أن يقول أن هذا يفوق ثمن ما أخذاه من ترمس بمرتين على الأقل ..و لكن لم يلتفتا إليه .. سارا بعيدا فى هيام
دس الجنيهان فى جيبه فى سعادة ... و تحرك نحو المنزل ..
لم يعد يشعر بحرّ أو إرهاق أو صداع .. لقد وصل إلى العشرة كما أراد.. بل و تخطاها أيضا
و بالتأكيد ستفرح " أم العيال " جدا ..
سيعطى " حسن " ربع جنيه ..
و يمنح " كريمة " عشرة قروش
حفيداه
و بالتأكيد سيدخر جزءا من المال كى يستطيع عمل عجلتين جديدتين للعربة عند عبده الخراط
لابد من هذا
إنها هى مصدر رزقه الوحيد ..
تحرك مسرعا إلى بيته ..و هو يمنى نفسه بنومة مريحة ..
ويحلم بيوم جديد .. تقل فيه مشقة العمل

السلام عليكم

بجد يا اسطى انت تستاهل انك تكون اسطى

كلمات روعه

تعبر وتدل على انسان حساس

وكلماتك بجد رووووووووووووووووووووعه

الأسطـــى كتب:: " تسالى يا بيه " ..؟
" ترمس يا أبلة ؟ "
هو ليس بيه .. و هى أيضا ليست" أبلة " و لكن لأكل العيش أحكام

و بالتأكيد ستفرح " أم العيال " جدا ..
سيعطى " حسن " ربع جنيه ..
و يمنح " كريمة " عشرة قروش
حفيداه
و بالتأكيد سيدخر جزءا من المال كى يستطيع عمل عجلتين جديدتين للعربة عند عبده الخراط
لابد من هذا
إنها هى مصدر رزقه الوحيد ..
تحرك مسرعا إلى بيته ..و هو يمنى نفسه بنومة مريحة ..
ويحلم بيوم جديد .. تقل فيه مشقة العمل

والجزء ده

بامانه حسسنى انك مصرى اوووووووووووووووى

تعبيرك ومشاعرك عاليه فوق الوصف

وبجد انا مش هقدر اعبرلك عن مدى اعجابى بيها

وربنا يوفقك

واحلى سلام للاسطى اللى نورنا

سلالالالالالالالالالالالالالالالالالالالالالالالالالالالام

تحياتى ليكى يا إنجى و انا سعيد جدا بتعليقك العميق دا و عايزة صراحتى أول مرة أحس غنك بالفعل قريتى موضوعى بتمعن .. لكن عموما إهتمام تستحقى عليه جايزة فى وسط زحمة المواضيع و التعليقات دى كلها ..
منتداكم جميل .. أتمنى نكون دايما أخوات ..
تحياتى

منتدنا احلى منتدى

وصدقنى هتلاقينا هنا اخوات

وبنحب بعض

وهتلاقى ترحيب جاااااااااااااااااااااامد

والموضوع ده اكتر موضوع عجبنى فعلا

وده طبعا مش يقلل من قيمة المواضيع التانيه

بس بجد والله تسلم ايدك وافكرك وكلامك

وورينى الهمه بقى

وبجد انا حبيت اوووووووووووووووووووووووى

كانت نزوه

تسلم ايدك

مع انك منزلتهاش المنتدى

بس عجبتنى موووووووووووووووت

هطول عليك كده مش عاوزه ازهقك

يلا سلالالالالالالالالالالالالالالالالالالالالالالالالالالالالالالالالالالالالام

بأمر الله قريب هانزلها إن شاء الله ... طالما عاجباكى ..
و عموما تعليقاتك دايما بتسعدنى يا إنجى ..
تحياتى

السلام عليكم

بجد رائع يا استاذ احمد

كل ما اقراء سطر عايزه اعرف السطر التالى فيه ايه

اسلوبك فى الكتابه اكثر من رائع

وبيشد جدا يخليك عايز تقرا غصب عنك Very Happy

انا عارفه ان كلامى عادى .بس اتمنى يوصلك ان اد ايه كلامك بسيط جدا واحساسه عالى قوى

ربنا يوفقك ونشوف ليك المزيد والمزيد

احلى سلام

لف شكر ليكى يا أخت مى على التعليق الجميل .. المشجع ..
نورتى موضوعى بجد ..
تحياتى ليكى

هو ده النفاق بعينو

بقى ده موضوع يستاهل الردود دي

تفاهة تفاهة

نصيحة مني المنتدى ده خلوه للفرفشة و اللعب و الهزار

لأنو بصراحة المواضيع الجد ما تستاهلش انها تتهزأ هنا

تعبت من المنتدى ده كل يوم بأقول بكرة يهتمو بمواضيع و نقاشات جادة و هادفة بس مفيش فايدة

لا تكونو بخير

ِشكرا لتعلقيك يا اخ جمال و أسلوبك المهذب المحترم ..
و تعليقى على تعلقيك ما يكفيهوش كلام من هنا لبكرة الصبح علشان أرد عليك
لكن كفاية إنك بينت اللى جواك
و دا الأهم ..
و انا كتاباتى بتعجب ناس كتييييرة أوى كمان غير اللى هنا فى المنتدى
و كانت عاجباك انت نفسك فى البداية ..
لكن تقول إيه ..؟
حسبى الله و نعم الوكيل

بص لنفسك و شوف أسلوبك شكله إيه و الناس بتفهمه ولا لأ ..؟
راجع مواضيعك ..و اعرف إنك بتكتب للناس .. مش لنفسك ..
تحياتى [/b]

ممممممممم
الظاهر انو الواد الاسطي هيتعقد من غير ما اتعقد انا
اصلي انا لا اتعقد بسرعة يا صاحبة المقلب
متعود عليهم يا بيه
خخخخخخخخ
أخي أسطي أحترمك بشدة
وأحترم تعقيبك علي العالي في الاحترام
ولكن رغم ذلك رأيت تألما بين سطورك فحاول ان تتقبل النقد كيفما كان
أصلك ما شفتش الواد هزنبرغ وهو بيرد على بعض كتاباتي
خخخخخخخ
المهم قصتك لم أقرأها بعد..بمعنى ان تعلقي الاولين كان فقط للهزار بس ولا علاقة لهما بما كتبت
وانا اسجل اعجابي بك يا أخي
واستمر اني بالقراءة لك مستمر
بس استنى اقرأ قصتك هذه في وقت يتسع لي ثم أعلق لك عليها
كن بخير عزيزي

رائعة وبحق قصتك وربما لم تسنح لى الفرصة ان اقراها مسبقا ولكنى الان قرأتها
رائــــــــــــــــــــــــعة لانها عبرت عنى وعنك وعنه وعنا جميعا

اقتباس :: " تسالى يا بيه " ..؟
" ترمس يا أبلة ؟ "
هو ليس بيه .. و هى أيضا ليست" أبلة " و لكن لأكل العيش أحكامه

اوقاتا كثيرة نحتاج الى ان نفعل مثلما فعل هذا الشخص نحتاج الى ان ننافق وان كان لكل منا اسبابه فهو نافق من اجل اكل العيش
وغيره ينافق من اجل ان يظل على كرسيه الذى يصنع له احتراما وهيبة ويحفظ له منافقوه
ولكنها جميعا كما قلت تــــــــســـــــــالى لكل من يرغب فى التسالى
فهناك من تكن لديه الرغبة لان يكون متسليا بالناس وهناك فئات من الناس تسعد بكونها تسلية لغيرها .
موضوعك تحفة ورائع ويمكن البساطة اللى انت كتبت بيها الموضوع حوت مضامين واشياء كثيرة جداااااااااااا تندرج تحت نفس الموضوع بنفس المسمى
اشكرك جداااااااااا وتقبل مرورى وتحيــــــــــــاتى لك ولقلمك المبدع

تحليل عميق .. مركز .. و متمكن جدا جداااااا
تعليقاتك بتسعدنى جدا جدااااااا يافلورندا ..
تعليقات فى منتهى الوعى و الفهم ..
تحياتى ليكى