دنيا الغرباء

مقدمة :_
لقد اعجبتنى كثيرا مدونة دنيا الغرباء للاخ هيزنبرج وقد اثارت اشياء كثيرة بداخلى فكتبت فيها هذه الخاطرة
ورغم اختلافى ورفضى لبعض ما ورد بها الا اننى حزنت كثيرا لحذفها
وبحذف المدونة قررت عدم نشر خاطرتى هذه ولكن ما جعلنى اعدل عن فكرتى هو اننى اكتشفت اننا جميعا
نعيش فى دنيا الغرباء

في دنيا الغرباء ضاعت ملامحي واستسلمت للألم بكل ذراتى و جوارحي
عبثت هناك بالأشياء وقلبت الموازين والأسماء وأضعت عمري في لهو وغباء
رسمت خطوطا بالطول وبالعرض وقلوبا حمراء بلون الورد ودموع عاشق الحب والماء
في دنياى دنيا الغرباء .
زرعت أشجارا سوداء ودفنت أسفلها احلامى الجوفاء حتى لا يراني احد لا في الأرض ولا في السماء
وأعيش وحيدا في دنياى دنيا الغرباء
صورت شريط ذكرياتي وكل ما تمنيت في حياتي وبعثرت اشلائى في حقيبة سفر هوجاء
كتبت هناك عن نفسي وعن المى وعن حبي وعن سعادتي وعنكِ وعنه وعنهم وما انتظرت جزاء
في دنياى دنيا الغرباء
بكيت وغنيت ورقصت و تفاءلت وتشاءمت وفعلت كل الأشياء
رضيت عن نفسي مرة وكفرتها ألاف المرات وسخرت منها واستهزأت بها استهزاء
جرى الحب في عروقي فأحببت كل البشر بلا استثناء
ونسبت نفسي لجماعة من الغوغاء وارتديت مثلهم أحقر رداء
عشت لحظات جنون وأبدعت أعظم الفنون وسألت نفسي عن نفسي
فلم أجد جوابا لسؤالي ولا صدا لصوتي ولا نداء
وعندما وجدت نفسي غريبا وبحق عن تلك الدنيا
أطلقت على نفسي سفيرا في دنيا الفناء
كل هذا في دنياى دنيا الغرباء

فلورندا:2007

السلام عليكم

ازيك يا فلورندا 2007

هي دي فلورندا
وحشتينا
ووحشتنا كتاباتك

تسلم الايادي
وربنا يخليك يا عم دنيا حبيبتي لانك بتخرج حاجات جامده اهووووووو

سلام

ازيك يا ضياء واللهى انتى وحشتينى اكتر بكتير والمنتدى كمان وحشنى انا عارفة انى مقصرة فيه بجد بس واللهى ظروف النت ربنا اللى اعلم بيها عندى عاملة ازاى .
اما بالنسبة بقى للخاطرة دى ففى الحقيقة انا كتبتها من مدة طويلة قوووووووى لما دك هيزنبرج كتب موضوعات كتيرة قوووووووووى للاعتذار وقد ايه هو حاسس انه مضطهد وانه شخص غير مرغوب فيه فى اى مكان وقتها ملقتش كلام اعبر بيه قد ايه احنا زعلانين علشانه وبجد احنا بنحترمه جدااااااا واننا مهما اختلفنا مع اى حد فلا يمكن نكره حد فما بالك لو كان شخص طيب وكويس زى هيزنبرج وديما كنت بحس انه لما يتناقر معانا ونقوله شكرا قد ايه كان بيتضايق هو فاكر اننا كده يبقى بنهمله او بنتجنبه بس فى الحقيقة احنا كنا بنحاول نفهمه ان دا اسلوبنا واننا مش ممكن نرد اساءة حد باساءة ابدا ودى روح جميلة كلنا اتعلمناها من المنتدى .
يعنى بأختصار الخاطرة دى كانت محاولة للتعبير مننا كلنا ومنى انا شخصيا لهيزنبرج اننا عمرنا ما كرهناك ولا يمكن نكره اى حد فى الدنيا كلها واننا حاسين بيك وبمشاعر الغربة اللى انت عايشها وربنا معاك ويرجعك لبلدك بألف سلامة .

اما بقى عن دنيا حبيبتى اللى قولتى عليه بيخرج حاجات حلوة كده فأحب اقولك ان اخويا جمال ممكن يخرج منى حاجات احلى من كده بكتيرررررررر وقد ايه كان مناقرتى معاه من اول يوم دخلت فيه المنتدى كان ليها تأثير كبير عليا قوووووووووى وعلى شخصيتى هنا فى المنتدى بجد اتعلمت منه حاجات كتير ونرفزنى ايامها كتير وانا نرفزته برضه كتير بس عمرنا ما زعلنا ابدا من بعض وديما هيفضل اخويا جمال من الناس اللى ليهم فضل عليا فى حياتى وربنا معاه يارب فى كل اللى بيمر بيه وان شاء الله ربنا يفك كربه لانه بجد شخص غالى علينا قوووووووى
ان شاء الله يارب نفضل دائما اخوة فى الله ونقدر نوصل بالمنتدى ده لاحسن مكان ونعدى بيه من ازماته بتعاونا واخوتنا واحترمنا لبعض .
شكرا يا ضوضو على مرورك الجميل اللى خلانى اعبر عن بعض اللى جوايا لاتنين من اكتر الناس اللى بحترمهم بجد .
احلى سلالالالالالالالالالالام .

اقتباس :: عبثت هناك بالأشياء وقلبت الموازين والأسماء وأضعت عمري في لهو وغباء

الله عليكي يا فلورندا
لما كتبتي في الاجندا
عبارت اقشعرت لها الابدان
واحس بها الانسان
وياااااه
لما لحظة بتكتب
بتقول كلام مترتب
تقولش بيرم التونسي
وهفكرك واوعي تنسي
بدنيانــــــــــــــــا
دنياالغربــــاء
ودنيا الفنــــــاء

بجد مش قدرة اقولك اد ايه يا لحظة
عجبتني...!!
كلمات روعة وتعبيراتها معبرة خالص
والايقاع الموسيقي بتاعها هايل ..""ولا نص كلمة "
وبصراحة ..مش قدرة اوصف اد ايه هي جميلة..

اتمني نشوف مزيد من ابداعاتك
ســــــــــــــــــــلام
لكل اعضاء المنتدي

السلام عليكم ورحمه الله وبركاته

الله عليكى يا وردتى

انا طبعا مش اول مره اشوف القصيده دى

لا ده انا بقى سمعتها منك كمان

وبجد يا بختى انى سمعتها منك

تسلم الايادى

سلااااااااااااااااااااااااااااام

طيب أأقول ايه أنا
بجد احساسك عااااااااااااااااااااااالي جداااااااااااااااا
وبجد منتظرين جديدك

اقتباس :: الله عليكي يا فلورندا
لما كتبتي في الاجندا
عبارت اقشعرت لها الابدان
واحس بها الانسان
وياااااه
لما لحظة بتكتب
بتقول كلام مترتب
تقولش بيرم التونسي
وهفكرك واوعي تنسي
بدنيانــــــــــــــــا
دنياالغربــــاء
ودنيا الفنــــــاء

بجد مش قدرة اقولك اد ايه يا لحظة
عجبتني...!!
كلمات روعة وتعبيراتها معبرة خالص
والايقاع الموسيقي بتاعها هايل ..""ولا نص كلمة "
وبصراحة ..مش قدرة اوصف اد ايه هي جميلة..

اتمني نشوف مزيد من ابداعاتك

حرااااااااااااام عليكى يا حنان بيرم التونسى بس ينفع كده .......

مشيها مرسى جميل عزيز ولا محمد حمزة هههههههههههههههههههههههه Smile

يا بت بطلى لماضة وبكش احنا ايش اوصلنا لربع العمالقة دول بس بصراحة
وبأمانة تعليقك رفع كتيررررر من معنوياتى الهابطة هههههههههههههه تعليقك جميل جداااااا تسلم ايدك عليه
ويارب اقدر اكتب حاجة حلوة كده زى دنيا الغرباء بس ناس تشد حيلها معانا كده
وترجعها او تعمل احسن منها علشان مصدر الهامنا مينقطعش وناكل عيش احنا كمان Wink

ربنا ما يجعلنا من قطاعين الارزاق ههههههههههههههه Suspect

اشكرك مرة تانية على التعليق ولحظة معجبة بيه جدااااااااا وبتشكرك عليه I love you

احلى سلالالالالالالالالالالالالالالام للميضة المنتدى lol!

فــــــــــــــــــــــــــــــــــــــــــــلورندا. geek

Nour كتب:: السلام عليكم ورحمه الله وبركاته

الله عليكى يا وردتى

انا طبعا مش اول مره اشوف القصيده دى

لا ده انا بقى سمعتها منك كمان

وبجد يا بختى انى سمعتها منك

تسلم الايادى

سلااااااااااااااااااااااااااااام

هههههههههههههههههههههههه انتى مبسوطة انك سمعتيها دا انتى طيبة قووووووى يا نور
ربنا يخليكى لمصر يااااااااااااااااارب واعيش واسمعك كده يانور يارب
تسلم ايدك انتى على تعليقك الجميل ده ويارب ديما اكون عند حسن الظن
احلى سلالالالالالالالالالالالالالام لنور الدنيا
فـــــــــــــــــــــــــــــــــــــــلورندا

just die كتب:: طيب أأقول ايه أنا
بجد احساسك عااااااااااااااااااااااالي جداااااااااااااااا
وبجد منتظرين جديدك

طيب اقول انا Question

عايزة اقولك انك كنتى طيف جميل مر بسرعة حتى ملحقتش استمتع بجماله لانه اختفى قبل ظهورى
خسارة كبيرة ليا انا شخصيا انى ملحقتوش خاصة بعد ما قريت له واحساسه وصلنى جداااااااا
just die بجد كان نفسى استمتع اكتر بكتاباتك الحزينة قوووووووووووى عن نفسك وعن احلامك
بس زى ما قلت لك قبل كده انتى كنتى طيف جميل ملحقتوش
واتمنى انى اشوفك فى المنتدى مرة تانية
تحيـــــــــــــــــــــــــــــــــــــــــاتى الجميلة للطيف الجميل
فـــــــــــــــــــــــــــــــــــــلورندا