بنت في تالتة طب (حاليا من عمووور في محلات الاثاث والمابوليا)

صحيت الصبح محتارة
وعاملة زي الحمارة
مش عارفة ....
اذاكر فارما
ولا أبدأ بالبارا
تعبت ياناس ومش قادرة
هاتوللي بتوع السفارة
انا راسي فيها مظاهرات
من طب إلحد تجارة
انا نفسي يوم أعيش
ناولوني كاكولا وسجارة
انا بنت لكن في تالتة
والبنت في تالتة مش بنت
يومها كله بتتفحص
في شريحة ....باين م الهند
ولو جبت علبة خصوصي
علشان اذاكر دروسي
دكتورة أمال هتآخدها
وتروح عليا فلوسي
وأقعد أعيط عالسلم
والدفعة تشوفني بتألم
وبابا يقول لماما
عمرها ف يوم ما هتتعلم
عمرها ف يوم ما هتتجوز
ولا حتي هتقدر تتجهز
ولا واحد هيبصلها
وهتقعد لينا وتبوز
لو كانت بنتك دبلوم
او حتي آداب
أو علوم
مش كانت عندها دلوقتي
صبيان وبنات بالكوم
وعاشت يا اختي حياتها
وسعدت جوزها وحماتها
بدل ما تقعد تقرفنا
بكتبها ومزكراتها
يا نفيسة
دي بنتك شكلها
زي العفريتة في عزها
لمّا بشوفها بدّمع
في واد في الدنيا يحبها
ياعيني عليكي يا بنتي
شكلك بأة كونتا كنتي
وكفاية عليكي النضارة
بتبقي انتي مش انتي
والفارما ياعيني يا أمورة
غيرت فيكي الصورة
وبعد ما كنتي جذابة
بقيتي صلعة ومعوورة
والبارا يا حلوة يا بسبوسة
جعلتك حزينة ومتعوسة
تزعلي......تقعدي تاكلي
لمّا بقيتي جاموسة
الميكرو قلب كيانك
حرّك يا بنتي أحزانك
خلاكي تركبي طقم
بعد اما وقعت سنانك
الله ينتقم من تالتة
ويرحم الناس اللي ف تالتة
ويعدوا منها علي خير
ويروحوا لخامسة وساتة