مشكلة الإنبعاج الذاتي و السير المستطيل داخل الجسد

بجد مشكلة نفسية و فلسفية و هي لماذا عندما يتعمق الإنسان في التفكير ينبعج على ذاته و يشعر أن عالمه الخارجي أخذ في الإنضياق و عالمه الداخلي يتسع حتى ينفصل و يصبح كأنه محبوس داخل جسده و ينظر من فتحتين عينيه و هذا ما أسميه السير المستطيل داخل الجسد و المستطيل من ( الإستطالة ) و ليس الشكل الهندسي ... و في مشكلة الإنبعاج الذاتي يشعر الإنسان بحالة من تكور الذهن التي تنعكس على أداءه فتفقد الحقيقة طابعها الثابت و تبدأ نسبية الفضائل و فيلولوجيا الأخلاق تتنامى كحاجة فعالة لتعويض تكور الفكر الناتج عن الإنبعاج الذاتي ...

أما المشكلة التي تفصل بين التكور الذهني و بين اللاكينونية الشعورية و التي يشعر بها الكائن بحالة من الإنقطاع عن ما هو موجود و ما هو غير موجود فيبدو في موقف الغامض الذي فقد الإتصال بجسده و هو من بدايات الإنفصام فيمكن إجمالها في أن التكور الذهني هي إيمان بوجود الكائن كمادة قائمة ذات تفاعل مع غيرها تبحث عن فهم ذاتها بشكل أفضل و أكثر عقلانية .. اما اللاكينونية الشعورية و هي فقد التصديق بكون الكائن موجود فتنتهي غالباً بإنقطاع التشعب الذهني ليصب في حلزون الفكر و قد يستقيم عند معالجتنا له من إحدى الزوايا كحالة إستثنائية قائمة على تبادل ميتافيزيقا الكون كنوع من الواقع المتجزأ من إنبعاثات النفس الإنسانية و التي تشعر بالتوق و الشعور الفردي لما هو أقوى و دائم على حسب تعبير ديكارت ...

أرجو أن نناقش مشكلة الإنبعاج الذاتي و السير المستطيل داخل الجسد بشكل مستفيض .. انا في الإنتظار .. cheers

التكور .. و اللاكينونية الشعورية .و لإنبعاج ...ايه؟؟؟

والله.. انت غريب قوي ..يا ايها الانسان.

يا سبحان الاله

فانا اعجب لك ولما تفعله

فكل شيء مباح ومتاح لك

علي الرغم من انك تتمناه ولكنك ترفض في سبيل..

السير علي مقوله.." خالف تعرف.."

فعجبا عظيما لهذا المرء

اتباع هذا الاسلوب لن ييجعلك تحقق ما تبغي ولكن..افعل ماشئت يا ابن ادم

انت بكلامك اللي فات ده بتفكرني بفيلم غبي ما لوش لزمه باسم الحاسه السابعه بتاع ممقل اسمه احمد الفيشاوي "" لو كان حد شافوه .. في مشهد استقباله في البرنامج ساعه ما كان بيقول انا لو قلت اكتر حاجه اعتمدت عليها الصدق هيفتكروني مثقف..."

اهوه انت بتعمل زيه بالظبط... هرجع واقولك....كن انت فلا تتصنع.

أنا عملت لحضرتك إيه بس .... إبعدي عن طريقي حرام عليكي عايزة تردي ردي مش عايزة إنتي حرة .. و بعدين الموضوع عادي و أنا كاتبه فعلاً للنقاش و عامل فيه شوية كلمات خنفوشورية للفرفشة .. إرحميني ارجوكي أنا مش ناقص .. و ( من كان يؤمن بالله و اليوم الأخر فليقل خيراً أو ليصمت ) ... و إنتي إيه رأيك في الإنبعاج الذاتي و التكور الفكري و السير المستطيل داخل الجسد

السلام عليكم

(أنا عملت لحضرتك إيه بس .... إبعدي عن طريقي حرام عليكي عايزة تردي ردي مش عايزة إنتي حرة .)

وحضرتك بردوا لو عندك رد كويس رد بيه لو مش عندك بلاش ترد المفروض بما انك هاتبقى دكتور والله اعلم انك تحترم الاخريين اكتر من كده

ربنا يهديك ياااااا اقول ايه يهودى ولا لسه مسلم

سلام

السلام عليكم ورحمة الله وبركاته
يا جماعة براحة شويه هو قصده يناقش
بس بصراحة انا مش بحب الفلسفة فلو سمحت ياريت تتكلم بلا مصطلحات خنفوشوريه لو فيه حاجة اسمها خنفوشوريه اصلا انت بتجيب اللغة دى منين؟
ولو عايز مناقشة بس يبقى من الذكاء انك تتكلم لغة الكل يفهمها من غير ما حد يقعد يضحك طول مدة القراءة زى ما انا عملت
المهم اسمح لى اقول اللى فهته بالفاظى المتواضعة يمكن يكون عقلى المتواضع فهم كلامك الخنفوشورى
اعتقد انك تتكلم عن مشكلة التقوقع على الذات واعتقد انها حاله من حالات الانطواء اللى غالبا بيكون نفسى او فكرى وده غالبا بيكون عند الانسان المفكر والباحث عن اشياء يمكن يكون عقله لا يقوى على استيعابها او محاوله يائسة منه لفهم نفسه
وغالبا الانسان لما بيتوسع بفكره بيتخطى حدود مادية كتيرة
وبيحس فعلا بان روحه حبيسة جسده الفانى ويمكن يحس ان روحه اهل للخلود بما وصل
له من دماغ ويمكن عشان كده فيه مفكرين كتير مصيرهم بيبقى الالحاد لكن ده مش موضوعنا
وبيحس ان الكون اضيق من انه يستوعب عقله وفكره
ده غير انه فكره بيديه نوع من السمو عن التعامل البشرى العادى وعشان كده بيحس ان الناس مش فهماه فبيزود احساسه بالتقوقع على نفسه ويمكن يوصل بيه احساسه بان الناس بتكرهه لانه فاهم اكتر منهم رغم ان الناس دى بالرغم من بساطتها ممكن تكون فاهمة اكتر منه ويمكن يكونوا مش حاسين بده
النفس البشريه اقوى من ان اى انسان يفهمها او يحلل تركيباتها
بس انت ما قلتليش يا دك انت عايزنا نناقش ايه بالظبط؟؟؟؟

سلام عليكم

الله عليكي يا أيه .. دايماً كده بتغلبيني بالعقل و الحكمة بتاعتك .. كلامك هوه فعلاً الترجمة العربية للمصطلحات الخنفوشورية اللي بتضحكك ...

شكراً ليكي .. و تقبلي إحترامي و تقديري .. و على فكرة أنا مش دكتور و لا حاجة أنا طالب لسه يعني المشوار طويل و مش بحب أتمنظر بكلمة دكتور علشان بس الناس اللي بتقول عليا متكبر و معرفش إيه .. قوليلي يا هيزنبرغ .. شكراً

السلام عليكم ورحمة الله وبركاته
ماشى يا هيزنبرج بس اصلها بتاخد وقت دك بتتكتب بسرعة
المهم ما قلتش صحيح انت عايز نتناقش ف ايه ولا انت كنت بتدور على مترجم وخلاص
ده لو كنت فعلا ترجمت الى انت عايزه زى ما قلت
وما تخافش لو المشوار طويل خد تك تك ولا انت ما تعرفوش؟
سلام عليكم

the journalist كتب:: وما تخافش لو المشوار طويل خد تك تك ولا انت ما تعرفوش؟

فيه حد ما يعرفش التكتك .. ده عملة مسجلة و أنا بشوفه كثير في طريق الشرقية - إسماعيلية الزراعي بيكون تقريباً عند أبو حماد صح ...!!

جميل قوي التكتك ده بس مش عملي علشان يوصل الواحد في الطرقات الطويلة لأنه مكشوف كده منه للفضاء و كمان بحس إنه موتوسكل و بيضحكوا عليا بيه ..

شكراً

السلام عليكم ورحمة الله وبركاته
لا التكتك انتشر جدا على فكرة وعملى بيعدى من اى خرم مرورى ف الزحمة اللى احنا فيها

بس دى مش قضيتنا انت قلت ان احنا هنتناقش وانت اللى جيبته لنفسك اعتقد من ردودى على المنتدى كونت فكرة انى فظيعة ف موضوع المناقشات وفية تباته الدنيا ف الموضوع ده

بما انك ما حددتش ايه رايك نتكلم ف حل للشخص الصاب بحاله انبعاج ذاتى ونحاول نساعد الناس يمكن نفتح عياده نفغسى قريب واقطع على الدكتور النفسى اللى قصادنا

وطبعا نحاول نساعد نفسنا لان كلنا مرينا بالحالة دى

انا قاعدة هنا مستنيه ردك على بال ما يجى تك تك يا خدنى يودينى الجامعة

سلام عليكم

والله العظيم انتو عمالين تتضيعوا وقتكم فى كلام تافه جدا انتم اتنقلتم من مواضيع الفلسفة البحتة والمشاكل االثقافية الفلسفية الجميلة والشيقة والتى هىى احق انت تدرس وتكون محور للنقاش وتبادل الاراء الى الكلام االسفوسطائى الفارغ نفسى تبقى المواضيع المطروحة للنقاش تكون على المستوى الثقافى والحديث المثمر