أنا أسف يا جماعة ... و بأعتذر

الأخوة والأخوات في منتدانا الجميل .. أنا أسف و بعتذر عن كلامي اللي كان مسيء للإسلام و سامحوني لأني بجد كنت في حالة نفسية سيئة و مفيش حد واقف جنبي .. و خذت كام ضربة على دماغي كده من القدر و نوائبه و شعرت بالإكتئاب ...

عارف حتقولولي ( إستعينوا بالصبر و الصلاة .. ) و فعلاً هوه ده الصح .. بس معلش الواحد أحياناً بيغلبه الشيطان .. فلا تكونوا أعوان للشيطان عليا و بدل ما تضعوني في صف المعادي للإسلام كنتوا وضعتوني في صفكم و ناقشتوني في هدوء .. و انتوا اصلاً عارفين إني مش يهودي و لا من الناس اللي بتشتم في الإسلام عمال على بطال ... هيه كام شبهة و راحوا لحالهم و الحمد لله ...

خلاص بقا أتمنى إننا نصفى و نرجع حبايب زي زمان لان المنتدى فقد كثير من متعته في فترات الخلافات ديه .. و كل سنة و انتم طيبين .....

عندي سؤال بجد تجاوبوني ( يا ترى إنتوا فعلاً بتشتاقوا للناس اللي مغتربين عن مصر و تقولوا دول وحشونا ,, و لا بتفتكروهم خونة و طفشانين من الوطن ؟؟ ) أرجوكم جاوبوني ؟؟

السلام عليكم
عزيزى نحن المسلمين نسامح الذين ليسوا من ملتنا فما بالك باخواننا فى الاسلام
اما عن المصرى فهو بحب اخوانه العرب مهما فعلوا به فما بالك بالمصرى سواء فى الداخل او الخارج اننا نحن العرب كلنا امة واحدة ولا نتفرق ابدا
عزيزى اشكرك على اعتذارك لاننا اكتسبنا اخ جديد يريد ان يدافع عن اسلامه ويستخدمه بطريقة صحيحة وايضا عن وطنه بكل اخلاص ومحبة
عزيزى اننا نشتاق الى كل المصريين فى كل مكان ولا يخلو بيت من بيوتنا الا وهناك مسافر فى مكان ما بسبب لقمة العيش التى نعرف كم هى مرة
وفى النهاية اريد منك قراءة ما يفيدنا ويدفعنا للامام نحن الشباب حتى لانتشتد بين هذا وذاك
ملحوظة صغيرة اريد منك قراءة :_ تاريخ عمر بن الخطاب جيدا وماذا فعل لللاسلام وكيف قوى به وبامثاله
احلى سلام فروته

دكتور احمد
اعتذارك اكيد مقبول
وربنا يوفق حضرتك يارب ويوفقنا جميعا

وبالنسبة لسؤال حضرتك
اكييييييييد بنشتاق لكل المصريين اللي متغربين
لانهم متغربين لاسباب خارجة عن رادتهم
وهي بحثا عن لقمة العيش
وزي مافروتة قالت لا يخلو بيت من بيوتنا من المصريين لمتغربين
فتاكد حضرتك اننا مشتاقين لكم ولكل المصريين اللي في الخارج
وربنا يرجعكم بالسلامة ياااااااارب لمصر

وشكرا لحضرتك دكتور
سلام

السلام عليكم ورحمة الله وبركاته
تعرف انت لو متهمناش مكنش حد رد عليك وصدقنى حتى اللى قسى عليك ف كلامه كان خايف عليك
اما موضوع الاعتذار فاعتذارك مش لينا اعتذارك لازم يكون للى غلطت فيه وانت ما غلطش ف حد فينا
حاول تعرف اكتر عن دينك من مصادر عربية موثوق فيها
صدقنى انت دينك مفخرة لاى حد وربك يستاهل الحمد طول حياتك لمجرد ان هو ربك وانك مش من اللى بيعبدوا مالايعقل او اللى هما بيعملوه بايدهم
وحاول تعرف اكتر عن عمر بن الخطاب وبجد ده مش تحيز لانى باعشق الشخصية والبنى ادم ده
بس بجد لانه يستاهل انك تعرف عنه عشان فكرتك عنه تتغير
واذا كنت بعيد عن مصر فصدقنى احلى حاجة ف المنتدى ده انه مصر فعلا بغضبها وثورتها
وبنحاول نوعا نكون زى المفكرين اللى قاعدين ع القهوة بس بطريقتنا
واذا كنت بعيد عن اهلك وحسيت انك غريب وسطهم اعتبرنا يا سيدى زيهم وما اعتقدش ان فيه حد ممكن يحس وسطينا بالغربه
احنا اسرة ف بعضينا ياريت انت اللى تحس انك منتمى لينا بجد
ومعلش لانى طولت عليك
سلام عليكم

السلام عليكم

كل واحد يا أحمد بيبقى في فترة من فترات حياته معجب بطريقة تفكير معينة و بيخليها مسيطرة عليه بشكل يخليه يستغنى عن المبادئ اللي تعلمها في صغره و يمكن حتى عن بعض الامور الخاصة بدينو لكن الحمد لله مادام الكام شبهة دول راحو لحالهم يبقى الله لا يعيدهم

وأنا سعيدة بيك جدااااااااااا يا أحمد وربنا يرجعك لبلدك وأهلك وحبايبك وأنا والله كنت بأسأل عنك أستاذ جمال في الفترة اللي انت كنت غايب فيها عن المنتدى لأنك كنت سايب فراغ كبير في المنتدى اللي زي العسل اللي مخلينا نتعرف على ناس زيكو كده

يلااا سلااااااام عشان شكلي كده طولت عليك

رسالتك يا هيزنبرج

حلوة قوي

واكيد المسامح كريم

لان الاسلام دين تسامح

بس مش معني كده بقي كل ما تتخنق تقول كلمتين

الاولي ليك والتانيه عليك

ماشي يا باشا

وبعدين ربنا يفك عنك دايما بالصلاة و..

ويصبرك علي غربتك

اما بالنسبة لسؤالك..

مش كل اللي بيسافروا بعتبرهم اتخلوا عن الوطن

يعني مثلا

لو في واحد راح ياخد شهادة من كليه برة ومش رجع يقولك لا هنا احلي كتير

طيب مش يرجع ليه ويحاول يخلي بلدة زي دي اينعم مش زيها بس يحاول يطورها وكده يعني ده بالنسبه لوجهه نظري وفي كمان برده

لما حد يقول لا يا عم دا معامله الاجانب احلي

دي حته بتضايقني قوي من اللي بيسافروا بره

بحس انه مش يستاهلوا يكونوا مصريين

بس بعد كده يا مستر هيزنبرج

لما تكون مضايق ومخنوق تبقي تيجي تحكي لاخواتك هنا

وتفضفض معاهم وهما ينسوك اي هم وخنقه وحزن

ماشي ؟؟؟

واحلي ما عجبني في رسالتك

مش اسفك لان كون انك فكرت تتاسف وتعتذر

معني كده انك حسيت انك غلطان وحاولت تصحح ده دي حاجه كويسه قوي

" الشعور بالندم "

ربنا يرجعك بالسلامه

» ربنا يقومك بالسلامةيا حنان...ادعولها يا جماعة